TMWO: The online Maori translation of Mary Ellen Copeland's WRAP                                   Kua kitea pea e koe arā ētahi tino mea kia mahi e koe i ia rā e ora ai koe. Mā te tuhituhi me te maumahara i ia rā kia mahia aua mea nei e ora pai ai koe. Mā te mahere whakatika i ia rā koe e kite ai i aua mea kia ora ai tō hauora ā ka whakarite pērā ngā mahi o te rā. Anō rā mēnā kei te pai ngā whakahaere mō tētahi wā roa ka tūpono kua hē tō āhua me whai wāhi maumahara i aha ai koe i mua i piki ai tō ora. Mēnā kei te "hē tō ngākau", kāore e kore ka kitea e koe te mea "kāore i mahia" ki tō Rārangi Tiaki o ia Rā. Kei pōhēhē koe he moumou he ngāwari rawa rānei te whakamahi i te Rārangi Tiaki o ia Rā ka whakarērea e koe. I whakakorea tēnei wāhanga rerenga whiti. I runga i te kono tuatahi tuhia tō Rārangi Tiaki o ia Rā. Whakaurua atu ki tō kōpaki me ētahi atu pepa tapae atu. Ki te whārangi tuatahi, whakaahuatia mai tō ake āhuatanga e ora nā koe. Tākina rārangitia. Ko ētahi kupu whakaahua e whakamahia ana ko ēnei:   mātau ngākau hari nui te kōrero māhorahora tarakaka ngangahau kori hihiri ngākau manawa reka tangata tinihanga ngākau nui atawhai tāngata nanawe hahana tinana hauora ngākau rorotu ngākau whakaaro ngākau takohanga māia taea   pākīkī tautoko ngākau hūmarie ngākau tohetohe ngākau uaua ngākau hīkaka ngākau hīhiko ngākau ako tere āta whakaaro ngākau tau ngākau marie āio mārie whakamā whakamomori nguengue hānguengue ngohengohe hā ngāwari pukumahi Mēnā kei te hē kē tō āhua he pai tonu te mahara ki te āhua "o te ora". Whakamahia te whārangi whaimuri mai hei whakarārangi i ngā mea hei mahi māu ia rā e pai ai tō ngākau. He rerekē mō tēnā mō tēnā ō tātou. E whai ake nei ko ētahi whakaaro (whakarerekētia te rahi me te wā kia tika ai mōu): kia toru kai hauora kia toru kai paramanawa hauora inuhia kia ono ngā karahe wai e 8 aunihi kaua e kai kawhe, kai huka, kai otaota, inu waipiro me mahi korikori ā-tinana mo te haurua haora me puta ki waho pāinaina ai mō te haurua haora kainga ō rongoa kainga ō huaora kia rua tekau meneti e whakangā ana, e tau mārire ana kia tahi tekau mā rima meneti e tuhituhi ana i taku pukapuka kia haurua haora e mahi ngahau ana, e mahi whakatau ana, e mahi waihanga ana rānei kimihia he hoa pono hei manaaki i a koe kōrero tahi me tō hoa rangatira mō tētahi tekau meneti pātai i a koe anō: kei te aha taku tinana, taku ngākau, me taku wairua haere ki te mahi mēnā he rā mahi (e tuhi ana ētahi tāngata i ā rātou rārangi tiaki mō ia rā rā kāore rātou i te mahi) I te whārangi whai ake ( i ō kōrerotanga tuatahi) takina he rārangi whakamōhio atu mō ngā mea hei mahi pea māu. Mā te pānui i taua rārangi nei i ia rā e whakahāngai i āu mahi. Tēnā pea hei mahi māku (he pai rānei hei whai atu): he romiromi he wā ki taku kaitohutohu, ki taku kaiwhakahaere kaupapa, aha atu whakaritea he wā hui ki taku kaimanaaki hauora he wā ki te taha o tētahi hoa pai " he wā roa ake ki te taha o taku hoa rangatira toro atu ki taku whānau he wā ki te tamariki, ki te mōkai rānei tohutohu tahi me aku hoa kia roa ake te wā moe mahi tahitahi kāinga hokohoko kai horoi kākahu he wā ki a koe ake whakaritea he mahi pai mō ngā rā whakamutunga o te wiki whakaritea he mahi pai mō te ahiahi pō tuhia ētahi reta whakamaharatia te rā whānau, te huritau rānei o tētahi kaupapa kaukauhia he wai wera koropupū haere ki tētahi hīkoi roa, tētahi atu mahi rānei ki waho (te houhake māra, te hī ika, aha atu.) whakaritea he kaupapa hararei waea atu ki taku kaitautoko haere ki tētahi hui tekau mā rua ngā mahinga koia rānei ki te rōpū tautoko Ko tēnei te wāhanga tuatahi o te pukapuka. Ka pau nei te kiko i a koe whakarērea ngā whārangi ka tuhi anō i tētahi rārangi hou. Ka tino miharo koe i tō ngākau ora nā te whaiwhai haere noa i ēnei mea ngaki oranga mōu ake.     Return to top of page