TMWO: The online Maori translation of Mary Ellen Copeland's WRAP                                 Mō te Kaituhi Nō Vermont i Merika te kaituhi, kaiako, kaitautoko hauora hinengaro nei a Mary Ellen Copeland. Nō te tau 1988 ka tīmata ia ki te rapu huarahi whakatika i ōna ake pōraru hinengaro, nā te kī atu a tana tākuta hinengaro kua pau kē ngā ara katoa, hāunga te haere tika ki te hohipera, me te kai pire rongoā. Nā te huri ki ngā mātauranga o ētahi atu tāngata pōraru hinengaro, ka whai mātauranga anō ia tērā ka whakatika ake i te oranga tangata. Nā te tautoko mai o ētahi atu pēnei i a Allan McNab nāna nei te ingoa WRAP, ka huri ai ana rangahau ki te kaupapa e mōhiotia ana ināinei ko te Wellness Recovery Action Planning arā te WRAP. E mahi tonu ana a Mary Ellen ki te whakaako i ētahi atu me te hora i te kupu nui mō te whakatika oranga hinengaro. Kua tāngia hoki e ia ētahi pukapuka me ētahi rīpene whakaata katoa mō tēnei kaupapa te WRAP. Inā hoki ngā kōrero mōna mō te WRAP hoki kei www.mentalhealthrecovery.com me www.copelandcenter.com .     Return to top of page