TMWO: The online Maori translation of Mary Ellen Copeland's WRAP                                   Kia tutuki tēnei hōtaka me wātea rawa koe ki te whakapau i te 15 ki te 20 meneti ia rā e arotake ana i ngā whārangi, me wātea hoki ki te mahi mēnā e tohua ana. Ki te nuinga o ngā tāngata ko te ata, i mua i muri rānei i te parakuihi, te wā pai hei arotake i te pukapuka. Ka waia haere nei koe ki ngā tohumate me ngā mahere, ka kite koe ka poto kē atu te wā o te arotake ka mātau kau koe me aha mō te puta mai o ētahi tohumate hei aha noa te tiro pukapuka. Me tīmata mai ki te whārangi tuatahi o te Wāhanga 1, te Mahere Tiaki o Ia Rā. Hokia te rārangi mō tō āhua i a koe e ora ana. Mēnā kei te ora koe, mahia ngā mahi kei tō rārangi o ia rā kia ora ai koe. Waihoki rā titiro ki te whārangi o ngā mea hei mahi pea inā rā kei te tohu "pere" mai ki a koe. Mēnā kei te pērā mauria, tuhia he pānui ki a koe ake koia hoki hei mahi māu i tō rā. Menā kāore koe i te āhua pai, arotakea ērā atu wāhanga kia kite ai koe nō hea ngā tohu mate e rongo nā. Kātahi ka whai i tō mahere mahi i hangaia rā e koe. Hei tauira, mēnā kei te tino āwangawanga koe nā te mea he tino pire-utu i puta i tō mēra i whawhai rānei kōrua ko tō hoa rangatira, me whai te mahere kei te wāhanga keu. Mēnā i kite koe i ētahi tohu whakatūpato tuatahi (ētahi tohu mata hunahuna kei te mate haere koe) pērā i te wareware, te huna rānei i te whakautu i tō waea, me whai te mahere i hangaia rā e koe mō te wāhanga tohu whakatūpato tuatahi. Mēnā ka kite koe i ētahi tohu kei te hinga haere te āhuatanga, pērā kei te whakapau pōrangi i ō moni, kei te kai paipa nui, kei te kaha ake te mamae, me whai koe i tō mahere i mahia rā e koe "mō ngā wā raruraru". Mēnā kei te mōrearea koe mā te pukapuka koe e āwhina ki te tūhura taua mea rā kia mōhio ai ō kaitautoko kia riro āu mahi i a rātou. Otirā i ētahi tino mōreareatanga kore koe mō te whāki mai i tō tino āhua mōrearea. Koia nei te take me kaha tohu te rōpū kaitautoko i a koe. Ka tirohia e rātou ngā tohumate kua ripoatatia e koe kia riro ai i a rātou ō kawenga me te tiaki i a koe, ahakoa rānei tō kore hiahia whakaatu mai kei te mōrearea koe. Ko te tohatoha whānui i tō mahere mōrearea ki ō kaitautoko me te kōrerorero ki a rātou he tino mea hei haumaru hei mahi oranga mōu. Mēnā kātahi anō koe ka puta i te mōrearea, me huri ki tō mahere whaimuri i te mōrearea hei arataki i a koe ki te whakaora mai i taua wā uaua nei. Te wā e ora ai koe ka taea e koe te huri ki ērā wāhanga o tō Mahere Whakatika Oranga pērā i tāu i mahi ai i mua i te mōreareatanga.     Return to top of page