TMWO: The online Maori translation of Mary Ellen Copeland's WRAP                                 Mō tE Kaupapa I runga anō i te ao Koha Mahi, he mea hua mai tēnei kaupapa nā te takitini. I te tau 2004 nō Balance NZ te hōnore ki te mau mai a Mary Ellen Copeland ki Aotearoa ki te whakahaere akomanga huri noa i te motu hei whakataki i te kaupapa WRAP me te whakangungu i te hunga whakahaere rōpū WRAP mō ō rātou hoa. Nō tērā wā kua pakari haere te hono ki a Mary Ellen ka huri ai ki te kimi huarahi anō hei hora i te kupu nui mō WRAP. Nō te piringa ki a Mary Ellen ka whakaaro mātou he pai tonu te WRAP ahakoa ko wai te iwi, inā hoki rā ngā whakamāoringa o te WRAP ki ngā reo rerekē e maha. Nō konei te kākano o te whakaaro kia whakamāorihia te WRAP nei mō Aotearoa. Inā hoki ko te whakaaro ārahi i te Poari o Balance NZ i ngā rautakitanga o te tau 2005 ko te riro mā ngā mahi a Balance NZ tērā e whakamana ngā tikanga o Te Tiriti O Waitangi. Oti ana te tātari a te Poari o Balance ka kitea te whai hua o te whakamāori i te WRAP ki roto i te reo Māori. Nā ngā mahi whakamana i te iwi Māori me te Tangata Whaiora hoki, kua tupu te hononga i waenga i te rōpū Balance NZ me te iwi Māori, inā hoki te rōpū tangata whenua nei "Nga Tangata O Te Ao Marama Roopu Ki Whanganui", me te koha nei ki te reo Māori ngā take nui o te whakaaro kia whakamāoritia he rauemi whakatika oranga hinengaro. Inā te tautoko mai o te Poari Hauora o Whanganui ka tuku pūtea tautoko mai hoki hei tīmata ake i te kaupapa. Ā, nō te tau 2006 ka whai pūtea tautoko te rōpū Balance NZ hei whakatū rōpū ipurangi nā te kaupapa NZ Digital Strategy, ā, ka pērā mā te āpitihanga atu ki ngā ipurangi a Balance NZ me te whakarahi ake i ngā kōrero ipurangi mō Aotearoa. Nā tēnei kaupapa anō ka whai wāhi ki te pānui i te whakamāoringa o te WRAP ki te ao, mā te hanga ipurangi reo Māori motuhake.     Return to top of page