RĀAPA 1 o HERETURIKŌKĀ 2018 WĀHANGA 3, WIKI 2 Maramataka ā-Kura Hakinakina 2 Whakatō Pīngao 3 - 4 Whare Kawana 5 Ara whai oranga 6 Rarangi whawhati tata 7 He Puna Kōrero Te Kura Kaupapa Māori o Ngā Mokopuna Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Kei roto i Pānui ā-Kura 2018 Hui ā–Kura Wāhanga Tuatoru: Hui Ohu: Whenua: Pōtu 7.8.18, 5.30- 7.00pm Te Aho Matua: Pōhina 3.9.18, 6.00 - 8.00pm Pūtea: Pōtū 7.8.18, 6.00- 8.00pm Kaimahi: Pōapa 1.8.18, 5.30- 7.30pm Hui Kaihautū: Pōapa 15.8.18, 6.00pm- 8.00pm Hui ā-Whānau Pōpare 23.8.18, 6.00-8.00pm (Wiki Tuarima) Ka pū te ruha, ka hao te rangatahi” Kai ngā māhuri tōtara, ngā maunga whakahī, ngā wai tapu e rere ana ki ngā au moana, nau mai kake mai ki te wāhanga tuatoru o te tau. Ka rere, ka tiu ka topa ngā whakamiha a te akomanga Kōpuapua Teina ki ngā tōpito o ngā hau e whā. Ka mihi atu ki ngā kaupapa ako matua a ngā ākonga o te akomanga. Te tūhonotanga o ngā pouhere o te tangata ki ngā Ira Atua, ki te taiao hoki. Ko te Kaitiakitanga tēnā. Ko Te Whare Tapere tēnā. Ko Mokopunatanga tēnā. Hai taunaki i ēnei kai te aro mātau ki ngā hītori, ki ngā pūrākau, ki ngā hītori, ki ngā tohu whenua, ki ngā īngoa tūturu o Te Whanganui ā Tara, o Pōneke, o Te Ūpoko o te Ika. Waihoki ka hono atu ki ngā tuakana o Kōpuapua ki te mahi tahi, ki te ako tahi i ngā kaupapa huhua kai mua i te aroaro. I tua atu i ēnei kua tīmata hoki te hākinakina kauhoe i waenga o te Kura katoa. E kore e mutu ngā mihi maioha ki a kōtou ngā mātua, ngā whānau e akiaki, e tautoko ana i ngā kaupapa katoa o to tātau Kura. “Kia tupu nga tamariki hei kaitiaki i nga painga huhua o te whenua, o te moana, o nga ngahere. Kia mau hoki ki nga ture tuku iho a nga matua tupuna, e pa ana ki te moana, ki te whenua, ki nga ngahere.” Akomanga o te wiki Kōpuapua Teina Kaiako : Whaea Gina Timoti He Puna Kōrero Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Ngā rangi whakahirahira tata mai nei mō te Kura Honongaitua ki te Maramataka Matua o te Kura ki te Maramataka Ku kara http://www.tkkmmo kopuna.school.nz/kokonga-whanau/maramataka/ Ngā Rā Kaupapa He Whakamarama Ia Rāpare Ia Rāpare ka timata 8.2.18 3.30-5.00pm, ki wiki 3. Ka timata anō hei te wiki 7 Papa Wira me Kutarere Rongomamau Kai te papatakaro me te whira hoki, mauria mai ngā pōtae māro!!! Kai te Horo Ia Rāapa o te Wāhanga 3 25.07.18 -26.09.18 9.00am –10.00am Te Puna kaukau Te Awa-a-Taia Me tae ngā tauira katoa ki te Puna kaukau i mua te 8:40am Rāmere 10.08.18 HE RĀ OKIOKI Rā Kaiako - Kua kati te Kura Rātū 14.08.18 te rā katoa Whakataetae poitarawhiti Piki Ake Taiohi Teina-Tuakana Kōtiro noiho Rāhina ki Rāpare 27- 30.8.18 Te Tari Arotake Mātau- ranga Pōhiri me Hui ā- whānau i tono atu he kaupapa i mua i tenei wā. Rātapu 9.09.18 10am- 3pm Taumahi ā-Whānau Ohu Whakahaere Rāhina -Rāmere 10.09 - 14.09 Te wiki o Te Reo Māori He whakanui me te Kapa Haka kei Poneke Rāapa 12.09.18 1.30- 245pm Taki Rua Kaihaka Rātapu 23.09.18 Rā hokohoko Kaupapa Wharekura He Puna Kōrero Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Whārangi 3 Whakatō pīngao Kātahi ngā kitenga miharo, a-whakaahua, a-whakaatu mai, a-whakatinanatanga, a tō tātau Ao Māori Taiao, Pūtaiao, e te hunga Kōpuapua, Wharekura Teina. Pārekareka ana te kite a-kanohi, te wānangahia a-hinengaro, te whakawhitiwhiti whakaaro, kōrero, te rongo a-taringa, a-ihu, te whakaparuparu o te ringa, te titi ki te whatumanawa, te ū hoki ki te ngākau, o ngā mahi Whakatō/Rumaki Pīngao, a Tukemata a Tane, i te Hue-te-Para. Te miharo hoki ki ngā ākonga, ngā tamariki a-Tāne. Ko te mokomoko tēnā, ko te noke, ko te ngata, me te huhua o āna tamariki i aruarutia i te one taha moana. Ki a koutou, e aku hoa mahi, tēnei ka paripari te ihu, i te ataahua o ngā whakaritenga mō tēnei haerenga. Te Rangikawhētui, Leilani, Rakairoa, Hamuera, tērā pea ko koutou a tātau mātanga Pūtaiao a tōnā wā!! Hai whakakapi i ēnei maramara kōrero “Kua whakangungua te tira haere ki te Kahikatoa, ki te Tumatakuru, ki te Taraongaona” Ko Wayne rāua ko Hawea e titiro ana ki te hanga me te oraora o te noke. Ko Te Aorangi, e tatari ana kia whakanuia te tika o tana mahi. Ae! Tai-Te-Wa, kua rite te hohonu o te kōhao. Ka pai hoki te pūāwai mai o te mahi tahi Te Wairakau me tō kaiako a Whaea Manarangi He tama ngakāunui koe Sonny, ki to Ao Taiao. Ko koe tērā i tōku taha mai te tīmata ki te mutunga. Me te aha pau ana te hau o Whaea Karina. He Puna Kōrero Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Whārangi 4 Whakatō pīngao Te Rā Whakatō Pīngao I te Rāpare te tuarua o Te Toru Here o Pipiri, i haere te nuinga o te kura ki Hue- te-Para ki te whakatō pīngao me ngā tukemata a Tāne. I reira hoki ētahi whānau me ngā tāngata nō te kamupene o Te Papa Taiao me te Kaunihera. Heoi, ehara tēnei momo mahi he mea hou ki te nuinga o mātou, nā te mea kua whai wāhi mātou ia te tau mō ngā tau e 7, neke atu.! He tino pai ngā akoranga me te mahitahi, te whakawhanaunga tuakana, teina me ngā rōpū rerekē hei tiaki i te taiao. He āhua uaua ki te whakamārama me pēhea te mahi ki ngā teina, engari mā te mahitahi i tere mau ngā tohutohu. He maha ngā momo ngāngara i reira pērā i ngā ngata, ngā noke iroiro, ngā pūngawerewere me tētahi momo mokomoko. I whakaaro mātou ka roa te mahi engari nā tō mātou rika, i tere oti, ā, i whai wā ki te kai me te whakataa. Ko te manako ia, ka pakeke ana ngā teina ka riro mā rātou te haepapa ki te whakaako, ki o rātou teina me te kite atu i te pīngao e tipu matomato ana hei ngā tau e heke mai ana. Ngā tohutohu 1. Me kēri tētahi kōhao hohonu ki te papa 2. Ka rau atu he pire haumako 3. Ka purupeehi i te Pīngao ki waenga pū o te kōhao 4. Ka whakahoki i te oneone ki te kōhao Te hononga o te rā whakatō Pīngao ki te kaupapa o te tau, ‘Te Kura Moana Ko te Pīngao tērā e noho ana ki tātahi i waenga i te tāhuahua/onepū, kia ārai atu i te onepū kia rere haere i runga i te whenua, i te huarahi me ngā whare i te taha takutai. Kaitiakitanga Ko tātou katoa ngā kaitiaki o te Pīngao kia ora ai te tipu ki roto i tēnei ao hurihuri. Mā te whakatō i tēnei momo tipu ki ngā tahataha o te moana ka whakamahia ngā rau maroke o te Pīngao hai raranga i ngā kete, i ngā tukutuku, i ngā pōtae, i ngā whāriki me ētahi tānikoniko i roto i ngā wharenui. Te ahunga mai o te Pīngao I te wehenga o Ranginui rāua ko Papatūānuku, i pukuriri a Tangaroa ki a Tāne Mahuta nā tana whakawehe i ōna mātua. I ngana a Tāne Mahuta ki te whakakore i te pakanga i waenga i a rāua mā te tuku i āna tukemata ki a Tangaroa. Nā te kaha riri a Tangaroa, i whiua e ia i ngā tukemata ki takutai. I ēnei rā, ka tipu ērā tukemata hei Pīngao kia noho hei taiapa i waenga i te moana me te ngāhere. He āhua ōrite te kupu ‘Pīngao’ ki te ‘Ahupūngao’. Ahakoa he whakamārama rerekē tā ēnei kupu pūtaiao e rua, mā te hua o te ‘ngao’ e tipu ai, e huri ai, te rauropi, te pūrere rānei. Nō te whanau kōtahi te pīngao me te harakeke. Nā mātou ngā teina o te Wharekura Kuputaka ahupūngao – physics Hue-te-Para – Lyall Bay Pire haumako – fertiliser Ahakoa te tino kaupapa, ko ētehi i tino warea ki te aruaru. Ā, he mokomoko te hua. Miharo rawa ki te kite i te ū o ngā ākonga kōpuapua ki te kaupapa. Amokura, arā atu koutou. He Puna Kōrero Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Whārangi 5 Whare Kawana Kai aku nui kai aku rahi,nei rā ngā whakamānawa o te wā ki a koutou katoa, nau mai piki mai ki runga i te waka kawe reo, kia titia ki te ngākau, mo te āke, āke, haere ake nei. I te Rāmere te 27 o Hōngongoi, i tonoa mātau, Te Kapa Haka o Te Wharekura o Ngā Mokopuna, me ngā kōhine o Te Rawhiti me Hato Kataraina, e te Whare Kawana kia tū, kia ngahau atu ki te Kura Tuarua o Majory Stoneman Douglas. He kura tēnei nō te whenua ō Amerika. I waimarie ngā mātātahi ki te tūtaki atu ki te Kawana Tianara ō Aotearoa, te rangatira a Dame Patsy Reedy. Ko te aronga o te hui ko tū hai rangatira mō tō iwi. I waimaria hoki ngā taiohi o Ngā Mokopuna, ki te haere atu ki te kura nei ki Amerika hai te tau e tū mai nei. Aiii kia timata rā ngā mahi penapena pūtea, kia haere atu ki Amerika. He Puna Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Whārangi 6 Te Wharekura Ara whai oranga Whakaniko Hangarua Āwhina mai! Tēnā rā tātau e te whānau. Kei te hōhā koe ki āu rawa tawhito? Kei te wha- kakīkī wāhi rānei i tō whare, kāore hoki koe i te hiahia? Tēnā haria mai ki te Wharekura hei whakanikoniko mā mātau. Ko tā mātau mahi i te wharekura ko te whakaniko i ngā momo hangarau hei whakamahinga mā te marea. I te mutunga iho ka hokona atu ki te hapori mā roto mai i tētahi mākete hangarua ki te ku- ra nei. Ko tā mātau kaupapa ko te pou Kaitiakitanga o te Manawa Mouriora Mēnā rā nei he taputapu āu, he rawa pēnei i ngā whakaahua, tēnā koa kawea mai ki a mātau. Mēnā rā he uaua tēnā, īmera mai ki a hukarere@tkkmmokopuna.school.nz ka whakarite mātau kia haere atu ki a koe ki te kohi. Āwhina mai e te whānau! Nā mātau me ngā mihi nui He Puna Kōrero Ngā Wāhanga Kura 2018 Wāhanga 1: 30/1/18-12/4/18 Wāhanga 2: 30/4/18-6/7/18 Wāhanga 3: 23/7/18-27/9/18 Wāhanga 4: 15/10/18-12/12/18 Whārangi 7 Whawhati tata - Rarangi Kai !! In the case of a major emergency where we have to stay at Kura due to road closures and flooding, for more than a day or two. We need to have enough food and water available. Kua tono atu ki a tātou katoa mo ēnei kai koha: He kēne 430g e rua (x2) mo ia tamaiti (He kēne 140g e toru (x3) rānei) Kōhungahunga Teina/ Tuākana - Kēne miti me te Ika hoki Kōpuapua Teina/Tuākana - Kēne Huawhenua Taiohi Teina/Tuākana Kēne Pākēti me Pēkepīni Wharekura - Kēne Kirimi Raihi / Hua rākau MAURIA MAI ōu kai haumaru ki tōu akomanga Sample choice: 3x canned Creamed Rice, Barley sugars, Noodles in a Pot, Torch with batteries, Fruit & jelly, Biscuits & a treat, plastic spoon, 2ltr Water bottle (WEMO suggest 20ltr water per person/day). These items will all be either put into a Christmas hamper or grocery parcels every end of year for whānau or food banks. Then we will replenish at the start of the year. Pouaka Kai Each tamaiti needs to bring their Kai kit to help with their initial kai to have their Lunch box left at Kura with these essentials: