Ngā Tikanga hei Whai mā ngā Poari / Te Anga / Te Marautanga o Aotearoa / Kāinga - TMOA Te Kete Ipurangi Navigation: Te Kete Ipurangi Communities Schools Search TKI Search all of TKI Te Kete Ipurangi user options: Navigate in: te reo Māori Close Search community Searching ...... Tāhia Kāinga Te Marautanga o Aotearoa Te Anga Ngā Tikanga hei Whai mā ngā Poari Ngā Tikanga hei Whai mā ngā Poari   Me whai te poari o te kura (me te āwhina mai anō a te tumuaki me ngā kaiako) kia whakawhanakehia, kia whakatinanatia hoki tētahi marautanga mā ngā ākonga i roto i ngā tau 1–13, ā: me hāngai anō ki ngā kōrero a te hapori, a te whānau, a te hapū, a te iwi mō ngā āhuatanga o te ākonga ina puta ia i te kura me ū ki ngā mātāpono kua whakaatuhia ki te whārangi 10 me āwhina ngā ākonga ki te tautoko, ki te whakatauira, ki te torotoro i ngā uara me ngā waiaro kua tautuhia e te hapori, e te whānau, e te hapū, e te iwi hoki me tautoko ngā ākonga kia eke ai rātou ki ngā taumata o te reoruatanga. Me whai te poari o te kura (me te āwhina mai anō a te tumuaki me ngā kaiako) kia whakaratongia ngā hōtaka ako whai hua tonu ki ngā ākonga katoa i ngā tau 1–10: i Te Reo Māori, kua tohua i te whārangi 24 haere ake i te Pāngarau, kua tohua i te whārangi 40 haere ake i te Hauora, kua tohua i te whārangi 60 haere ake i te Tikanga ā-Iwi, kua tohua i te whārangi 74 haere ake i Ngā Toi, kua tohua i te whārangi 86 haere ake i te Pūtaiao, kua tohua i te whārangi 96 haere ake i te Hangarau, kua tohua i te whārangi 110 haere ake. Hei whai i te kōrero kua tuhia ki te whārangi 120, me kōrero tahi te kura ki te whānau me te hapori, mō ngā āhuatanga o te hōtaka ako e whai wāhi ai ngā ākonga ki te ako i te reo Pākehā. Hei tautoko i ngā kura i roto i tēnei kaupapa, ka haere tonu ngā mahi mō tēnei wāhanga ako i te tau 2009. Ko tā te wāhanga ako o Ngā Reo he whakatakoto anga mō te ako me te whakaako i ngā reo, atu i te reo Māori me te reo Pākehā. Ko ngā kura ka whakaakona ngā reo atu i te reo Māori me te reo Pākehā, ka aro atu ki ngā tohutohu marautanga kei tēnei wāhanga ako. Ina hanga, ina arotake te kura i te marautanga, me tīpako ngā whāinga paetae mai i tēnā, i tēnā o ngā wāhanga ako hei tautoko i ngā hiahia ako o ā rātou ākonga. Me whai te poari o te kura (me te āwhina mai anō a te tumuaki me ngā kaiako): ki te kohi pārongo e tika ai, e pai ai, e whai hua ai te arotake i te ako a te ākonga ki te tohu i ngā ākonga me ngā kāhui ākonga kāore e eke ana ki ngā taumata e tika ana, ka kore pea rānei e puta ki ngā taumata, ngā ākonga hoki he taumaha ki a rātou ngā mahi ako, ā, ki te tautuhi i ngā āhuatanga o te marau hei āta titiro mā te kura ki te mahi tahi me te hapori ā-kura, te whānau, te hapū, te iwi ki te whakaatu i te mahere me ngā whāinga o te kura hei hiki i te ako a ngā ākonga. Me whai te poari o te kura (me te āwhina mai anō a te tumuaki me ngā kaiako) ki te āta whakatinana i te marautanga kia hāngai ai ki ngā take nui kua whakaatuhia i roto i ngā Whāinga Mātauranga o te Motu (NEGs) me ngā Aratohu Whakahaere Mahi mā te Motu (NAGs). Ka Hikitia Te Marautanga o Aotearoa New Zealand Curriculum Ngā Whanaketanga Rumaki Māori Mātaiako Te Mātānuku Taumata Mātauranga ā-Motu ka Taea Mātauranga Māori Rauemi PĀNUI : Tuhia mai to īmēra kia whiwhi pānui koe. | Kāinga / Te Marautanga o Aotearoa / Te Anga | He Kupu Takamua | He Kupu Whakataki | Te Pūtake o Te Marautanga o Aotearoa | Ngā Wāhanga o Te Marautanga o Aotearoa | Te Āhua o ā Tātou Ākonga | Ka Pū te Ruha. Ka Hao te Rangatahi | Ngā Mātāpono Whānui | Ngā Uara, Ngā Waiaro | Te Reo Māori | He Toi Mātauranga, He Mana Tangata | Ngā Āhuatanga Ako | Te Hurihanga Whakaako Pakirehua me te Waihanga Mātauranga | Te Hoahoa Marautanga ā-Kura | Te Ture Mātauranga me Te Marautanga | Ngā Wāhanga Ako / Ngā Tikanga hei Whai mā ngā Poari | Ngā Tau Ako me ngā Taumata o Te Marautanga o Aotearoa | Ngā Wāhanga Ako | He Kupu Taka | Whānau | Ākonga | Kura | Tāhuhu | Puna Mahara | Mātaiako | Taumata Mātauranga ā-Motu Ka Taea | Ngā Whanaketanga Rumaki Māori | Te Mātānuku | Rauemi Whānui | Karere Hou | Pakiwaitara Marau | Rangahau Whakapā mai ki: Sitemap RSS feeds Footer: TKI - Te Kete Ipurangi About this site | Contact TKI | Help | Feedback Accessibility | Copyright and privacy | Copyright in Schools | Search New Zealand Government © Crown copyright.