Erena Arapere / He Anga Ako mā te Pouako / Kura / Kāinga - TMOA Te Kete Ipurangi Navigation: Te Kete Ipurangi Communities Schools Search TKI Search all of TKI Te Kete Ipurangi user options: Navigate in: te reo Māori Close Search community Searching ...... Tāhia Kāinga Kura He Anga Ako mā te Pouako Erena Arapere Erena Arapere Hai āwhina Duration: 03:31 Kaihopu whakaahua Kei ngā kaiwhāngai i te mātauranga Māori, tautī mai rā ki tēnei ataata e whakaatu ana i ngā mahi hopu whakaahua a te ringa auaha nei, a Erena Arapere, kaihopu whakaahua. Kaiwhakataki: Wawaro Te Whaiti Reo whakamahuki: Wawaro Te Whaiti Kaiataata: Wiremu Grace, Imagin8tive Productions Ltd Ngā waiata: He mea tiki te pae tukutuku Free Music Archive .  Ngā tuhituhinga [Wawaro] Nō te puku o te rau tau tēkau mā iwa, ka tīmata ngā mahi hopu whakaahua i Aotearoa. Nō taua wā, tae noa mai ki ēnei rangi nei kua nui te whai wāhi o te iwi Māori i roto i ēnei mahi. Kei ngā kaiwhāngai i te mātauranga Māori, tautī mai rā ki tēnei ataata e whakaatu ana i ngā mahi hopu whakaahua a te ringa auaha nei, a te kaihopu whakaahua nei, a Erena Arapere. Ko Kāpiti te moutere Ko Tararua ngā pae maunga Ko Whakarongotai te marae Ko Waikanae te awa Ko Te Atiawa ki Whakarongotai, ko Ngāti Toa Rangatira, ko Ngāti Raukawa ngā iwi. E whitu ngā wāhanga matua o te pūnaha hanga auahatanga ka whāia e Erena i a ia e whakaaro ana ki te hopu whakaahua hei whakakitenga ki te marea. Te whakawhanake ariā. Te rangahau. Te whakamātau. Te whakamahere. Te hopu whakaahua. Te tirotiro, te whakatika, te whakarākei. Te tā, te whakatapa, kia whakakitea. Te whakawhanake ariā - Koinei te tūāpapa o ngā mahi whakaahua a Erena. I ētahi wā he take wā tonu, i ētahi wā he whakataukī, he pūrākau rānei e whakamārama ana i tētahi āhuatanga ahurea. Te rangahau - Ka tirohia e Erena ngā mahi a ētahi atu kaiwhakaahua ki te kohikohi whakaaro, ki te rangahau pūnaha hoki kia pai ai tana whakarite i a ia anō ki te mahi. Te whakamātau - Mā te hopu whakaahua manomano i ētahi wā me te raweke i ngā āhuatanga o aua whakaahua me ngā pūmanawa rorohiko, ka tino mārama a Erena ki tāna e whakaahua ana, ki ngā rautaki hoki e tika ana mōna. Te whakamahere - Ka whakatika a Erena ki te āta kohikohi i ngā rawa e hāngai ana, ki te āta whakamahere hoki i tētahi rārangi whakaahua kia mārama pai ki a ia, te hanga o te whakaahua kei te hiahiatia. Te hopu whakaahua - Mutu ana ngā mahi whakamātau me ngā mahi whakarite, ka huri a Erena ki te whakaahua hanga. Te tirotiro, te whakatika, te whakarākei - Whakamahia ai e Erena te pūmanawa rorohiko Photoshop ki te whakatika me te whakarākei i te whakaahua ka whakakitea. Te tā, te whakatapa kia whakakitea - Me he pūngawerewere! Ka āta mahi a Erena ki te tā me te whakatapa i tana whakaahua kia rite pai mō te whakakitenga. Hei kai mā te karu! Pakiwaitara Rokiroki Revere McGregor Damian McGregor Karangawai Marsh Ka Hikitia Te Marautanga o Aotearoa New Zealand Curriculum Ngā Whanaketanga Rumaki Māori Mātaiako Te Mātānuku Taumata Mātauranga ā-Motu ka Taea Mātauranga Māori Rauemi PĀNUI : Tuhia mai to īmēra kia whiwhi pānui koe. | Kāinga | Te Marautanga o Aotearoa | Whānau | Ākonga / Kura | He Reo Mōteatea – Tirohanga whānui | He Reo Mōteatea – Overview | Te Reo ā-Waha / He Anga Ako mā te Pouako | Tāhuhu | Puna Mahara | Mātaiako | Taumata Mātauranga ā-Motu Ka Taea | Ngā Whanaketanga Rumaki Māori | Te Mātānuku | Rauemi Whānui | Karere Hou | Pakiwaitara Marau | Rangahau Whakapā mai ki: Sitemap RSS feeds Footer: TKI - Te Kete Ipurangi About this site | Contact TKI | Help | Feedback Accessibility | Copyright and privacy | Copyright in Schools | Search New Zealand Government © Crown copyright.