Revere McGregor / He Anga Ako mā te Pouako / Kura / Kāinga - TMOA Te Kete Ipurangi Navigation: Te Kete Ipurangi Communities Schools Search TKI Search all of TKI Te Kete Ipurangi user options: Navigate in: te reo Māori Close Search community Searching ...... Tāhia Kāinga Kura He Anga Ako mā te Pouako Revere McGregor Revere McGregor Hai āwhina Duration: 04:09 Kaipatuoro Kei ngā manu taupua o te wao o ako, areare taringa mai ki te manu pīkari nei, ki a Revere McGregor. Whakarongo mai ki ngā whakamahukitanga mō te mahi e kōingo nei tōna ngākau. Ko tāna he whakatangi i ngā oro waitī, kaua mā te waha, engari kē mā te pēhi, mā te patu i ngā pātene o te pūrere oro nei. Koia ko te mahi a te kaipatuoro, te mahi e kōingo nei tō Revere ngākau. Kaiwhakataki: Te Huarahi Rask Reo whakamahuki: Te Huarahi Rask Kaiataata: Wiremu Grace, Imagin8tive Productions Ltd Ngā waiata: He mea koha mai e Damian McGregor Anahera McGregor - te māmā o Revere Ngā tuhituhinga [Te Huarahi] Kei ngā manu taupua o te wao o ako, areare taringa mai mō te manu pīkari nei, mō Revere McGregor. Ko tāna he pēhi, he patu i ngā pātene o te pūrere oro nei. Koia te mahi ko te patuoro, te mahi e pārekareka nei, e kōingo nei ki tōna ngākau. [Revere] Ko Taranaki te iwi Ko Ngā Mahanga a Tairi te hapū Ko Puniho te marae Ko Revere McGregor ahau [Te Huarahi] He pūnaha kawe kaupapa patu oro ka whāia e Revere. Māku tērā pūnaha me ōna wāhanga matua e whakaatu, e whakamahuki hoki. Te urupare, te whakatau tono Te mahi whakatairanga Te kohikohi waiata Te whakawai Te whakarite rawa Te hua [Anahera] E whā pea ngā wā kua tū a Revere hei kaipatuoro i ngā tau kua hori nei, tīmata mai i te kura o Kairanga, te kura anō hoki o Awatapu, ā, ngā mākete o te pō ki te taone. Ka haere tahi rāua ko tana pāpā. [Anahera] Te nuinga o te wā ka tae mai ngā tono i tana pāpā. Ka ringi atu tētahi me te kī, ‘Kei te rapu mātou i tētahi kaipatuoro’. Ka whakaaro ake, ‘tērā pea ka taea e Revere tēnei āhuatanga te kawe’. [Te Huarahi] Te mahi whakatairanga - Ka noho tahi a Revere rāua ko tana pāpā ki te hanga pānui whakatairanga i te ngahau kei te haere. [Anahera] Ka noho atu mō te āhua whā haora ki te whakaraupapa i ngā waiata. Me mātua mōhio a Revere he aha ngā momo waiata e tika ai mō ia pō kanikani i te mea, ētahi o ngā waiata kāore pea i te pai mō ngā nohinohi, mō ngā tamariki. Tērā pea he kangakanga, he aha atu rānei, me muku i ērā kupu. [Te Huarahi] Te whakawai - Mutu ana te kohikohi waiata ka noho a Revere ki te whakawai i te rere, te hono me te hāngai o te kohinga waiata kua whakaritea. [Te Huarahi] Te whakarite rawa - I a Revere ka whakarite ki te haere atu ki te mahi patuoro me āta whakarite, me āta uta hoki ia i ngā rawa puoro e tika ana. [Te Huarahi] Te hua - He ngahau te hua o tā Revere whakamahiti korou!   [Te Huarahi] E mihi ana ki a koe e tama mōu i whakatauira i tū a te rangatira. Kia ū i roto i āu mahi e koro e. Pakiwaitara Rokiroki Erena Arapere Damian McGregor Karangawai Marsh Ka Hikitia Te Marautanga o Aotearoa New Zealand Curriculum Ngā Whanaketanga Rumaki Māori Mātaiako Te Mātānuku Taumata Mātauranga ā-Motu ka Taea Mātauranga Māori Rauemi PĀNUI : Tuhia mai to īmēra kia whiwhi pānui koe. | Kāinga | Te Marautanga o Aotearoa | Whānau | Ākonga / Kura | He Reo Mōteatea – Tirohanga whānui | He Reo Mōteatea – Overview | Te Reo ā-Waha / He Anga Ako mā te Pouako | Tāhuhu | Puna Mahara | Mātaiako | Taumata Mātauranga ā-Motu Ka Taea | Ngā Whanaketanga Rumaki Māori | Te Mātānuku | Rauemi Whānui | Karere Hou | Pakiwaitara Marau | Rangahau Whakapā mai ki: Sitemap RSS feeds Footer: TKI - Te Kete Ipurangi About this site | Contact TKI | Help | Feedback Accessibility | Copyright and privacy | Copyright in Schools | Search New Zealand Government © Crown copyright.