Tiaho Mai : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Tiaho mai 00:00 04:27 repeat repeat off play pause stop mute unmute max volume Kaitito Pēwhairangi, Te Kumeroa Ngoingoi (Ngoi) 1921 – 1985 I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi. Pānui tonu Ngā waiata a te kaitito Aku Raukura          Hurihuri noa          Ka wawata noa          Hurihuri noa          Ka wawata noa 5        Kei te wawata ahau e          Mō aku ōhākī kia hoki mai          Te puna... haere tonu Ka noho au i konei          Auē! Ngā iwi e          Ka noho au i konei ka whakaaro noa          Me pēhea rā te huri a te ao katoa?          Ngā rongo kino e tukituki nei i te takiwā 5      ... haere tonu Ka Piki Au          Ka piki au piki ake          Piki ake au ki te taumata rā o Marotiri          Ka titiro iho au ki ngā huarahi          I haere ai aku mātua tīpuna 5       Ki te... haere tonu Te Ipukarea Tiaho Mai Kaitito: Ngoi Pēwhairangi, Tau: 1950 - Momo: Waiata-ā-ringa Namatoro: PEW013 Ngā Kupu          Tiaho mai te marama          Hei māramatanga rā e          Mō ngā tamariki Māori e tau nei          Hāpainga the whakapono rā e 5        Taupokitia te kino          Kia tau ai te rangimārie          Nō reira e Te Matua Rawa          Toro iho mai ō ringa          Kauparetia atu te kino 10       Ahakoa ngā taupatu          O ngā tini takawaenga          Kaua rawa tātou katoa e tautoko          Kōkiritia ngā tūmanako          Kia kore e tutuki 15      Ngā mahi hē mō te iwi Māori e          Nō reira e Te Matua Rawa          Toro iho mai ō ringa          Kauparetia atu te kino          Kauparetia atu te kino Ngā whakamārama I titoa e Ngoi tēnei waiata, Tiaho Mai, i ngā tau 1950. Kei tōna pūtaketanga ko te maunga-a-rongo, te waikanaetanga me te mana o te Atua, ā, me whakamānawa ki a ia mō ngā tāonga huhua kua tākoha mai ki te ira tangata. Ka mutu, mā te whakapono e manawa tītī ai te tangata ki ngā tōpāparutanga kei runga, kei mua hoki i a ia. © 2019 Tāmata Toiere - waiata and haka lyrics VO2 web design