E noho ana : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai E Noho Ana - Tā Tīmoti Kāretu Kaitito Tīmoti Kāretu 1937 - I whānau mai ai a Tīmoti Karetu i te tau 1937, he uri ia nō Ngāi Tūhoe rāua ko Ngāti Kahungunu. He mātanga ia o te reo Māori, he tohunga tito waiata, he tohunga hoki ia ki ngā waiata me ngā haka a tāua, a te Māori. Ka mutu, e mōhiotia whānuitia ana ia ki ngā tōpito o te ao mō tāna whakapeto ngoi ki te whakarauora i te reo Māori. Pānui tonu Ngā waiata a te kaitito Whakaipuipu        Whakaipuipu mai rā te moana kei waho e        E āki kau ana ki Te Toka-namu-a-Mihi-marino        Ki uta rā, ki Pākirikiri e        Ko te rite o te wai kei aku... haere tonu E nanawe ake ana i ahau          E nanawe ake ana i ahau          Te aroha, te mamae, te pōuri          Ki te ngako, ki te matū          O te ao Māori 5        E ngaro nei, e ngaro nei          Ki... haere tonu E noho ana          E noho ana i te ranga māheuheu          Ka titiro whakarunga ki ngā whetū o te rangi          Āritarita noa , āritarita noa          Engari tē riro mai ki te kapu... haere tonu Te Ipukarea E noho ana Kaitito: Tīmoti Kāretu, Tau: 1981 Momo: Haka - Ngeri Namatoro: KAR003 Ngā Kupu          E noho ana i te ranga māheuheu          Ka titiro whakarunga ki ngā whetū o te rangi          Āritarita noa , āritarita noa          Engari tē riro mai ki te kapu o taku ringa e 5        Ko te rite ki ngā taonga a ōku tīpuna          E kōrerotia nei i te ao, i te pō, i te ao, i te pō          Āe rānei te mau i ahau           Āe rānei te ngaro          ki te pō, oti atu 10     Whakapakari nei au, te rangatahi, ki te pupuri          Me te maumahara anō hoki ki tā Apirana i kī ai          'Me mātua whare whakairo ka kīia te marae he marae,          Me mātua kōrero Māori te tangata e kīia ai he Māori'          Anei taku whakahoki ki a koe, e koro e, 15     Ahakoa ko te ātārangi noa iho o te whenua kei ahau          Ahakoa te reo kāore i ahau          Kei te oho taku mauri, kei te oho taku wairua          Kei te rongo tonu au i te wehi, kei te mau tonu taku mana,          Me pēhea kē atu hoki? 20      Ko au nei rā te whakatinanatanga o aku           tīpuna e moe mai rā i Paerau.          Anei rā taku Māoritanga e mau nei i aku kanohi          E mau nei i taku tinana, arā, ko taku kiri parauri          Kia whakataukī ake ahau 25      'E kore e hekeheke, he kākano rangatira'          Tihē mauri ora! Ngā whakamārama He ngeri tēnei i titoa i runga i te whakahau a ngā akonga kia āta titoa he ngeri mā rātou ake.  I waiho e rātou hei ngeri ki ngā whakataetae nui o te motu i tū nei ki Ākarana i te tau 1981. © 2019 Tāmata Toiere - waiata and haka lyrics VO2 web design