He aha rā kei te tau o taku ate? : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai He aha rā kei te tau o taku ate - Tā Tīmoti Kāretu Kaitito Tīmoti Kāretu 1937 - I whānau mai ai a Tīmoti Karetu i te tau 1937, he uri ia nō Ngāi Tūhoe rāua ko Ngāti Kahungunu. He mātanga ia o te reo Māori, he tohunga tito waiata, he tohunga hoki ia ki ngā waiata me ngā haka a tāua, a te Māori. Ka mutu, e mōhiotia whānuitia ana ia ki ngā tōpito o te ao mō tāna whakapeto ngoi ki te whakarauora i te reo Māori. Pānui tonu Ngā waiata a te kaitito Whakaipuipu        Whakaipuipu mai rā te moana kei waho e        E āki kau ana ki Te Toka-namu-a-Mihi-marino        Ki uta rā, ki Pākirikiri e        Ko te rite o te wai kei aku... haere tonu E nanawe ake ana i ahau          E nanawe ake ana i ahau          Te aroha, te mamae, te pōuri          Ki te ngako, ki te matū          O te ao Māori 5        E ngaro nei, e ngaro nei          Ki... haere tonu E noho ana          E noho ana i te ranga māheuheu          Ka titiro whakarunga ki ngā whetū o te rangi          Āritarita noa , āritarita noa          Engari tē riro mai ki te kapu... haere tonu Te Ipukarea He aha rā kei te tau o taku ate? Kaitito: Tīmoti Kāretu, Tau: 1988 Momo: Haka - Ngeri Namatoro: KAR006 Ngā Kupu        Kaitātaki: He aha rā kei te tau o taku ate e haehae ake nei?        Katoa: Ko te mamae ki te ngaro o taku reo!        Warea kē ana ngā whakahaere Māori o te motu        Me te iwi whānui hoki 5     Ki te reo o tauiwi!        Me pēhea kē hoki e ora ai ki te whērā?        E kore e ora i ngā kōhanga reo,        Te Ātārangi, ngā kura reo rua, ngā whare wānanga        Eaoia mā te kōrero tonu!  Mā te kōrero tonu! 10   E tātou, e te ao Māori, e tau nei        Kāti rā te toupiore, te māikoiko        Kei riro kē mā te Pākehā tō tātou reo e pupuri.        Takatū ake!  Takatū ake!        Takatū ake kia whai kiko ai te kōrero, 15   'Tōku reo, tōku ohooho,        Tōku reo, tōku māpihi maurea,        Tōku reo, tōku whakakai marihi'        Aue!  Aue!  Aue!  Te mamae ki taku taonga e!        Hei! Ngā whakamārama Ko te urupounamu o te ngākau me pēhea kē rā te reo Māori e ora tonu ai?  Ko te urupare mā te kōrerotia tonutia e te tangata - kāore he oranga i tua atu!  Koinei te whakawātea i ngā whakataetae nui o te motu i tū ki Whangārei i te marama o Whiringa-ā-nuku i te tau 1988. © 2019 Tāmata Toiere - waiata and haka lyrics VO2 web design