Kia kaha ngā iwi : - waiata and haka lyrics Tāmata Toiere English Māori Menu Ako Kāinga He kōrero mō te paetuku Ngā Rauemi Tirotiro NGĀ MEA HOU MOMO KAITITO KAPA HAKA TAU Rapua Rapua Ētahi atu kōwhiringa Hononga Koha mai Whakapā mai Kia kaha ngā iwi 00:00 04:27 repeat repeat off play pause stop mute unmute max volume Kaitito Pēwhairangi, Te Kumeroa Ngoingoi (Ngoi) 1921 – 1985 I whānau ai a Te Kumeroa Ngoingoi Ngawai ki roto o Tokomaru i te 29 o Hakihea, i te tau 1921. E mōhiotia ana ia e ōna hoa, ko Ngoi. Ko Hori Ngawai rāua ko Wikitoria Te Karu ōna mātua, nō Tokomaru tōna matua, nō Ngāti Koi, nō Hauraki tōna whāea, ā, tokorima ngā tamariki, ko Ngoi te mātāmua. I tupu ai a Ngoi i roto i ngā tikanga o te hāhi Ringatū, ka mutu, nā ōna whanaunga, nā Huka Pohaera rāua ko Raiha Kamau ia i whāngaihia ki roto o Waiparapara. Ko tōna matua, he tangata kaha ki te mahi, ka mutu, he minita hoki ia o te hāhi Ringatū, ā, i tino tautokona e ia te Kotahitanga - tētahi kaupapa i tautokona hoki e Ngoi. Pānui tonu Ngā waiata a te kaitito Aku Raukura          Hurihuri noa          Ka wawata noa          Hurihuri noa          Ka wawata noa 5        Kei te wawata ahau e          Mō aku ōhākī kia hoki mai          Te puna... haere tonu Ka noho au i konei          Auē! Ngā iwi e          Ka noho au i konei ka whakaaro noa          Me pēhea rā te huri a te ao katoa?          Ngā rongo kino e tukituki nei i te takiwā 5      ... haere tonu Ka Piki Au          Ka piki au piki ake          Piki ake au ki te taumata rā o Marotiri          Ka titiro iho au ki ngā huarahi          I haere ai aku mātua tīpuna 5       Ki te... haere tonu Te Ipukarea Kia kaha ngā iwi Kaitito: Ngoi Pēwhairangi, Tau: 1967 Momo: Waiata-ā-ringa Namatoro: PEW005 Ngā Kupu          Kia kaha ngā iwi pupuritia          Ngā purapura i mahue mai rā          Kua ngaro rātou mā ngā rangatira          Hei mātorotoro mai i a tātou 5       Kāore he tirohanga kē e te iwi          Ko ngā marae hei awhi mai          Taku Māoritanga mana motuhake          Hei pou tokomanawa          He rau aroha nō tua whakarere 10     Nō aku tīpuna e          Nō aku tīpuna e          Tuakina mai rā ngā akoranga          Hei mātauranga mō te rangatahi          Oranga tinana i tēnei wā e 15     Ko ngā marae hei awhi mai          I te mahanatanga o ngā whakaaro          O aku mātua e          Taku Māoritanga mana motuhake          Nō aku tīpuna e 20     Nō aku tīpuna e Ngā whakamārama He Waiata-ā-ringa tēnei. I titoa e Ngoi te waiata nei i te tau 1967 mō te kapa haka, Te Hokowhitu-ā-Tū. Nā rātou tēnei i waiata i ngā whakataetae kapa haka a Tamararo i tū ki Kirikiriroa. I eke te rōpū nei ki te turanga tuatahi mō te whiringa waiata-ā-ringa. © 2019 Tāmata Toiere - waiata and haka lyrics VO2 web design