Te Wiki o te Reo Maori - Ngā Tikanga Ture   Kāinga Māwhai Tuhituhi Ngā Tikanga Ture Māori English Me taketake rawa ngā tuhinga katoa nā te kaituhi tonu. Hei te wā e uru ai te akonga ki te whakataetae me tauira kura tuarua, ki tētahi kura akoako rānei. Mēnā kei te ako kē mai te akonga i te kāinga, me mema rawa nō Te Matapihi ki te Ao Nui. Ko ngā kaiwhakataetae ā-kura nei me whākī rawa tāna nama akomanga, tōna tau kura, me te ingoa kura tonu ki te wharangi rehita. Ko ngā kaiwhakataetae e akona kēhia ana ki te kāinga me tuhi rawa ki te pepa rēhita tāna nama kāri mō Te Matapihi ki te Ao Nui me tōna taumata ā-tau hoki. Ka mau tonu i Te Matapihi ki te Ao Nui te mana whakakore i ngā tono e meahia nei he: ngutu momoho, mōtekoteko, whakakakā, whakapainga kanohi, harehare rānei. Ko ngā tono e pēnei kē ake ana te reo te kaupapa rānei, e hē kē atu ana rānei ka whakakore noa ihohia pea. Kia kaua e rahi ake te tuhituhinga o te rā kotahi i te 200 kupu. Kei Te Matapihi ki te Ao Nui anō te mana hei whakarāpopoto hei whakakore atu rānei i ngā tono rahi ake. Mā te rēhita rawa e whakaae ana hoki koe mā Te Mataphi ki te Ao Nui ngā tono katoa tae atu ki ngā ingoa kaitono e whakatairanga ki te ipurangi ki hea noa iho rānei tāngia ai. Ko ngā tono katoa e whakaaetia ana ka pānuitia ki ngā whārangi tuhinga rātaka kei tāhaki mai o ngā kōrero matua. Mā te rēhita rawa e whakaae ana hoki koe kei a koe te manatā i ō tuhituhi, he mahi hou tonu hoki nāu ake anō, ka mutu e whakaae ana hoki koe kia tāngia ki te ipukapuka rānei ki hea rānei tohatohaina ai me te kore utu ki a koe. Kei ngā tiati te whakatau whakamutunga, ā, kāore hoki he kōrero i tua atu. Ka tīmata mai te whakataetae hei te Mane te 27 o Hūrae hei te 9 karaka o te ata (ki Aotearoa) ka mutu rā hoki hei te 5.30 karaka o te ahiahi o te Paraire te 31 o Hūrae i tēnei tau 2015. Ko ngā whakataetae o ia rā ka mutu hei te 5.30 karaka o te ahiahi (ki Aotearoa) o taua rangi tonu. Ko ngā tuhinga toa o ia rā ka tāpirihia ki ngā korero matua hei mua i te 9 karaka aoake i te ata. Ko ngā tino toa o te whakataetae katoa ka pānuihia ki tā mātou ipurangi hei te Wenerei te 5 o Ākuhata 2015 hei mua mai rānei.