Te rātaka a te Taua Māori - Mei 1942 | 28th Maori Battalion Skip to main content English Māori Mō tēnei pae Whakapā mai Kaiwhakamahi rēhita Rauemi kura Kimihia Kāinga Te Kōrero mō te 28 Mapi Rēhita o te 28 Whakaahua Ataata Oro Rauemi Contribute Tāpirihia ōu kōrero, whakaahua, oro, me ētahi atu Timata te tuku ināianei He kaituku kē koe? Takiuru i konei Ngā takupu hou M. Gilsenan i kōrero mō Moffat family at war TANYA Tarapata (not verified) i kōrero mō Waka Rotana Mary Baker (not verified) i kōrero mō John Sonny Baker Mary Baker (not verified) i kōrero mō John Sonny Baker Kusabs i kōrero mō John Richard Ormsby See all comments Kāinga > Te rātaka a te Taua Māori - Mei 1942 Te rātaka a te Taua Māori - Mei 1942 Ōrite Stories Battalion Diary Ōrite Hoia John Richard Ormsby James Tuhiwai Frederick Baker James Clendon Tau Henare Watene Katea Haig Humphrey Goring Dyer Edward Vere Hayward James Matehaere Waipaina Matehe Awarau Hupa Hamiora Arapeta Marukitepua Pitapitanuiarangi Awatere Sydney Freyberg Jackson Rangi France Logan William Poata Christopher Sorenson Matia Parkes Swainson Henry Colton Arundel Lambert Eruera Te Whiti o Rongomai Love Allan Campbell Wood John College Reedy Andrew Gordon Ormond Kaiwhakamaori: Taina McGregor (Ngāti Porou) Tirohanga whanui Puta noa i te marama o Mei, i Arsal – kei nga puke take o Syria, te papa noho o te Hokowhitu a Tu. Ahakoa te ahua he o te pa Djedeide he wa i timatahia nga nekeneke me nga whakawai riri a te Brigade.  I te mutunga e whitu ra e parakatihi ana ki te mahi tahi me nga tanks kia tere ai te whakatakoto me te hiki maina, a, me te awhina mai hoki a nga rererangi. I konei ka whakaaetia he wa watea mo te haere ki Baalbek kei reira hoki te papa noho o te ope matua. Na, no te mutunga o te tiro haere ki nga pakarukarutanga o te temepara tino tahito o Rome kaare he mahi ke atu engari ki te whakamatau i nga waipiro o konei. Ko wetahi wahanga o te ope i watea ki te haere ki Beirut mo te ra katoa. Na te ropu konoheti a nga Kiwi me te YMCA nga mahi whakangahau o te po i whakahaere.  No te whakaako ki te whakamahi i nga raiwhara anti-tank ka mohiotia he whare mata hou ta te ope. [1] Ohorere ana te tangata i te mutunga o Lieutenant Colonel Dyer i tona turanga Commander o te Hokowhitu a Tu. Ko te whakamarama i ohotata ai tana mutunga, na te mea i whakina kei te pupuri tonu te ope Maori i wetahi pu a te hoa riri.  I te wa i Kabrit te Hokowhitu ko te tikanga i whakahokia te katoa ki te tari matua o te Brigade. Na Dyer tonu i whakaae kia mauria e ratau te nuinga o nga mea i a ratau no waenga i Sollum me Gazala. No te mohiotanga a te wahanga matua o te ope mo nga putunga pu, ka whakahautia a Dyer kia tere tana whakahioto. Ka whakahe ia, na tana whakapono ka kore te ope Maori e whakawhirinaki atu ki a ia, me tana kii ka makere mai ia i tana turanga i mua o te whakahau kia kawea taua tono. Ka riro i a Major Tiwi Love tana turanga, a ka noho ko a ia te Commander Maori tuatahi o te Hokowhitu a Tu. I te timatanga o Mei, e toru tekau ma ono nga apiha o te Hokowhitu a Tu (tokotoru e noho tarewa ana), he takuta, he minita, tokotoru nga Tenete Maori – Subalterns. Ko nga tokorima i tapiritia mai ki te ope. Ko Lieutenant - Colonel Humphrey Dyer – tana taitara mo tetahi wa poto, Ko nga major: Tiwi Love (te kaiarahi tuarua o te Hokowhitu a Tu) me Fred Baker. Ko nga captain ko Chris Sorrenson, Charles Bennet, Terry Gilroy , Gordon Ormond, Reta Keiha me Ben Porter. Nga captain mo tetahi wa poto ko Rangi Logan, Jim Tuhiwai me Ruhi Pene. Nga lieutenant : Ko Peta Awatere, H.T. Maloney, Jack Ormsby, Henry Toka. Nga second lieutenant: Ko Wai Awarau, Jim Henare, Jim Matehaere, Tony Tikao-Barrett, Syd Jackson, Reg Mariu, Matt Swainson, George Marsden, Peter Ornberg, Roy Te Punga, Ted Hayward, Kuru Waaka, Ace Wood (adjutant), Meta Francis, Walton Haig, Duncan McRae, Eddie Morgan, Ben Ropata, William Vercoe me Harry Lambert. Nga Piringa: Ko Capt. R. McDonald (te takuta mo te ope), Capt. Chaplain Kahi Harawira (te minita mo te ope), nga second lieutenant: Rangi Tutaki, Jim Aperahama me Hupa Hamiora. Rataka 1 Mei, Paraire .  Haurua mai i te ono karaka - whakaarahanga. Kei te haere tonu nga mahi hanga he pa. No te rua karaka ka haere nga Company Commanders me Capt. Chris Sorensen ki te torotoro haere ara whakamua o te takiwa. Na, no te ono karaka ka haere a 2/Lt Matt Swainson me wha tekau o te ope ki Baalbek mo te konohete a te Ropu UDF. I tae mai a 2/Lt Harry Lambert me tetahi atu o turanga ke.   2 Mei, Hatarei. Haurua mai i te ono karaka whakaarahanga me te mahi i nga mahi o te ata. I te rua karaka ki te mataki i nga putunga o nga tueke me te hopuni. I whakaritea i muri iho o te torotoro haere he wahi ke atu, ka hoki a kamupene A ki to ratau ake takiwa.  No te wha karaka ka haere ano he ope ki te konohete i Baalbek. I hoki mai a 2/Lt Syd Jackson mai i te tetahi wananga GR a ko Lt Peta Awatere i hoki mai i wetahi mahi motuhake a 10 Corps. E whitu rau, e wha tekau ma whitu o era atu turanga me nga piringa tokowha te pakari o te ope Maori mo te wiki. Haunga nga apiha; E rua tekau ma ono o era atu turanga i hiahiatia kia eke ai te ope Maori ki tona taumata. E wha tekau ma tahi nga Apiha o te Hokowhitu me te tokorima hoki i whakaurua mai. 3 Mei, Ratapu. Whitu karaka, whakaarahanga. Haurua mai i te iwa karaka i whakahaeretia te karakia i te takiwa o te ope matua. He hakari whakahirahira i whakahaeretia hai maharatanga ki te wehenga mai o te ope taua Maori i Aotearoa a ki te whakanui hoki i te mutunga o te tau tuarua e kokiri ana.  He miti poaka, he hua whenua me era atu nga kai o te hangi, a he pounamu waipiro me he pakete hikareti – e rua tekau ma rima Syrian te utu. Kaore te katoa o te ope Maori i haere ki te hakari na te mea i hiahiatia wetahi hai kaitiaki  a ki te arai hoki i te rohe o nga kamupene.  No te toru karaka ka timata te whakatangitangi mai a te pene a 4 Brigade patata atu ki te takiwa o te YMCA, harikoa ana te ope Maori.  No te iwa karaka ka tae mai nga kaiarahi matua mai i a ratau mahi torotoro haere. 4 Mei, Mane. Haurua mai i te ono karaka whakaarahanga.  I waenga o te ra ka haere ano te ope Maori ki Laboue mo te horoi me te whakatutu. Ki te kore, ka anga ki nga tikanga mahi. I te whitu karaka tokowha o era atu turanga o te kamupene matua i whakawateatia ki te haere ki Beirut.  No te tekau ma rua karaka ka hoki mai te ropu kaitiaki i Baalbek ki te ope Maori. No te rua karaka ka wehe atu a 2/Lt Hupa Hamiora o D kamupene me tana ope iti, raua ko 2/Lt Walton Haig o C kamupene me tana ope iti ki te whakangungu i nga kaupapa mo te kokiri i waenga maunga.  Ngatahi me he ropu hoia motuhake o te Cypriot 6 Pack Transport kamupene hai kawe i nga putunga. Ko wetahi atu o nga turanga i rangatu ki te hopuni o te ope Maori ki te hapai. 5 Mei, Turei. Haurua mai i te ono karaka whakaarahanga me te mahi i nga kaupapa o te marautanga. I te iwa karaka ka wehe a Lt-Col Humphrey Dyer raua ko 2/Lt Ted Hayward mo te hopuni hoia i Maadi. No te tekau ma rua karaka ka tae ake wetahi o te wahanga Kapuni o te Ope Tuaiwa o Tumatauenga ki te whakamatautau i nga mihini Nga ateope . I whakawhitia a Lt Awatere ki D kamupene hai apiha rangatira – Officer in Command mo kamupene D. E toru nga ra i whakawateatia mo wetahi o te Ope Maori ki te haere ki Beirut. Na, ko Sgt S. Pilkington – te kaitaki o te whare mata a Tumatauenga, i rangatu ki tetahi wananga whakangungu i Tel El Kebir;  Ko 2/Lt Wai Awarau i hoki mai i muri iho o te haerenga ki tetahi Field General Court Martial.  6 Mei, Wenerei. Haurua mai i te ono karaka whakaarahanga. Kei te haere tonu nga mahi arai a te ope. Haurua mai i te waru karaka kei te whakamatau tonu te ropu kapuni i nga mihini kahi . 7 Mei, Taite. Haurua mai i te 2/Lt Hamiora ki tetahi messing course ma nga apiha. 8 Mei, Paraire. Haurua mai i te ono karakara whakaarahanga. Nga mahi o te marautanga. He wahanga iti o te ope i whakawateatia kia haere ki Beirut mo te toru ra. I hoki mai te ope tuatahi i te waru karaka. No te haurua mai i te iwa karaka te hokinga tuarua mai o te ropu konohete o Aotearoa – e mohio whanuitiana ko te Ropu Konohete a nga Kiwi, ki te whakaatu i a ratau mahi whakataetae, whakangahau hoki. I rangatu mai a Lt Jim Matehaere me Lt Jim Henare mai i a raua mahi whakangungu. I whakawhitia mai a Capt. Ormond ki te Ropu Whakangungu Maori i te hopuni i Maadi. 9 Mei, Hatarei. Haurua mai i te ono karaka whakaarahanga me te kawe i nga mahi o te marautanga.  I whakaritea e nga apiha o nga ope o Kamupene D kia whakahaeretia e  nga apiha o te kamupene he kahau motuhake hai hapai i nga hoia – ratau nga MMG. I te ahiahi, he  moata  te taenga mai o te apiha o te kamupene mai i te takiwa o Cairo. No te iwa karaka ka wehe atu a Maj. Fred Baker raua ko Jim Tuhiwai me te IO ma runga i tetahi taraka (8 cwt) ki te torotoro haere he ara hai hikoi whakamuatanga.  I te tekau ma tahi karaka ka matakihia he aha nga putunga o nga tueke me te hopuni.  E whitu rau, wha tekau ma whitu o era atu turanga te pakari o te ope Maori, tokowha i whakaurua mai. E rua tekau ma ono o era atu turanga i hiahiatia kia rewa ai te kaute o te Hokowhitu a Tu ki tona taumata. E toru tekau ma iwa te nama o nga apiha o te ope Maori, tokorima i tapiritia mai. 10 Mei, Ratapu. Whitu karaka whakaarahanga. Haurua mai i te iwa karaka; Mai i te whakatutanga i tenei ope koianei te wa tuatahi i pureihia e te pene hoia o te Hokowhitu a Tu a ratau taonga whakatangitangi mo nga waiata himene – e ono nga taonga whakatangtangi. I rangatu mai a Lt Jack Reedy hai apiha rangatira tuarua mo te Hokowhitu a Tu. 11 Mei, Mane. Iwa karaka, whakaarahanga. Nga mahi o ia ra o te marautanga me te timatatanga mo nga whakangungu o te Raumati. E rangatu ana ano nga kamupene ki Laboue ki te horoi me te whakatutu mo te wiki; ko Kamupene D kei mua, ko Kamupene B, Kamupene C  me Kamupene A, a ko te Ope Matua me te Ropu Matua o te Hokowhitu a Tu i muri atu. Kua timata a Capt. Ace Wood mo he wa poto, kia whakangungua ia ki nga tikanga mo te whakahaere RT i Baalbek. 12 Mei, Turei. Rima karaka te whakaarahanga. Nga mahi o ia ra o te marautanga. No te ahiahi i hoki mai ai a Maj. Baker me te ope torotoro. I haere a 2/Lt Swainson ki tetahi mahi motuhake. Rua karaka, na te ropu whitiahua o te YMCA i whakaatu i wetahi pikitia i te takiwa o te Ropu Maori. 13 Mei, Wenerei. Rima karaka whakaarahanga. Nga mahi o te marautanga.  Haurua mai i te toru karaka ka haere a Maj. – Temp. Lt-Col Dyer ki te tirotiro haere ki nga takiwa o Cairo. Kotahi te ra whakanga i whakawageatia mo wetahi o te ope ki te haere ki Baalbek. 14 Mei, Taite. Rima karaka whakaarahanga. Nga mahi o te marautanga. Kua tohua a Maj. Tiwi Love hai kaiarahi – mo tetahi wa, mo te Hokowhitu a Tu. 15 Mei, Paraire. Rima karaka whakaarahanga. Nga mahi o te marautanga. Whitu karaka e whakahaere a-ropu ana i nga nekeneke a te ope, me te rangatu mo te tetahi wa i te ata.  He wa watea ana ano mo te haere ki Baalbek. I te mutunga o te whakatutu a te Hokwhitu a Tu ka kauhau te Kaiarahi ki te ope. 16 Mei, Hatarei.   Rima karaka whakaarahanga.  Nga mahi o te marautanga. Tekau mai i te tekau karaka ki te mataki he aha nga putunga o nga tueke. Haurua mai i te wha karaka – ki te mataki he aha nga putunga o te hopuni. He ra watea ano mo te haere ki Baalbek mo te paiheneti orite ki wera atu. E whitu rau, wha tekau ma waru te pakari o te ope mo te wiki, haunga nga apiha. Tokowaru i whakaurua mai – e rua nga kaimahi o te whare mata tokotoru nga kaimahi whakatika mihini kotahi te kaiwhakapai hu, e rua nga Signallers, a, e rua tekau ma iwa o wera atu turanga i hiahitia kia eke ai te Hokowhitu ki tona taumata pakaritanga. E toru tekau ma iwa nga apiha, toko ono i tapiritia mai, a ko Lt Jack Reedy tetahi.  17 Mei, Ratapu.   Haurua mai i te ono karaka whakaarahanga. Iwa karaka ka   whakahaeretia te karakia ki te rohe o te Ope Matua. Haurua mai i te wha karaka ka araake te ropu ki o ratau turanga i whakaritea ki te pa Djedeide, kia mohiotia mehemea ka taea e te ope te noho me a ratau putunga riri i roto i nga rua i  te wa e kokiri ana.  I parakuihi me te kai i ta ratau hapa o te po i o ratau turanga, a me noho tonu mo te po. I waenga o te po ka tukuna e nga kamupene he tira torotoro te takiwa orite tonu mehemea e kokiri ana. 18 Mei, Mane. Haurua mai i te wha karaka, e tatari ana kia marama ake te ata. No te waru karaka, ka hoki nga kamupene ki o ratau hopuni. No te nohonga i nga turanga o te pa ka kitea kare noa iho i pera rawa nga mahi hai whakatikatika kia rite ki tera e hiahiatiana. I waenga o te ra ka rangatu nga kamupene ki Laboue mo te horoi i ro wai wera. 19 Mei, Turei. Rima karaka, whakaarahanga. Whitu karaka, ka parakatihi i nga whakawai whakatutu mo te haerenga mai o HRH te Duke o Gloucester.   Tekau ma tahi karaka, Ko Capt. Tuhiwai te Kaiarahi o te ope iti - tekau nga Waka Kawe Pu Tame i wehe atu mo te wahi whakahaere i nga nekeneke whakawai riri a te Brigade. Ko 2/Lt Lambert me nga tokotoru o wera atu turanga i haere kia whakangungua ratau ki nga tikanga whakahaere o nga 2 pounder anti-tank i te takiwa o 7 NZ Anti-Tank Regiment. I hoki mai a Lt Hamiora mai i tetahi wananga whakangungu.  20 Mei, Wenerei. Rima karaka, he whakatutu motuhake i whakahaeretia i te ata mo ratau o te ope i whiriwhiria hai whakarite tikanga whakatutu kawa. Ko wera atu o te ope ki nga mahi o te marautanga. Kotahi karaka, ka haere nga kamupene ki te wahi whakatutu mo te whakatutu kawa mo HRH te Duke o Gloucester. I mau tonu te mana o te Hokowhitu a Tu mo te papai o ta ratau whakawai riri whakatutu. Rima Karaka, i puta mai nga waka RMT ki te awhina i nga mahi whakawai riri a te Brigade. 21 Mei, Taite. Hautahi ki te wha karaka, whakaarahanga. Hautahi mai i te waru karaka kua timata te nuku a te ope Maori ki Forgloss mai i te whakahau kia neke. I te rua karaka ka tae atu te ope Maori ki te wharau i Forgloss a ka timata te hanga he tawharau mo te po. Ko nga ope iti nga kaiarai o nga taha o te wharau hurinoa. 22 Mei, Paraire. Rima karaka, whakaarahanga. Haurua mai i te whitu karaka ka neke ia kamupene ki te parakatihi i nga whakawai riri o te kokiri i te koraha. Tekau ma tahi karaka, i muri o te parakitihi ngatahitanga i nga nekeneke a te Hokowhitu i te koraha ka hoki nga kamupene ki te wharau.  Kotahi karaka, ka nuku te ope Maori me te ropu 4 Brigade ma runga taraka. Ko te huarahi hai whaitanga i timata i te wharau,  ka anga i waenga i te waru tekau  -  ki te kotahi rau, waru tekau whakarautanga (80 – 180 degrees) mo te waru kiromita, a  kia pahi i te trig 117 kei roto i te tapawha 2828, katahi ka huri ki te taha katau kia tae atu ki te rori ki Forgloss.  Na, kua tae ano nga waka taua (transport convoy) ki te timatatanga.  I te wa e parakatihi ana i nga whakawai riri kokiri i waenga o te koraha i whakahaeretia nga nekeneke mo te awatea me nga nekeneke mo te po. Hautahi ki te whitu karaka, ka tae atu te Hokowhitu ki te wharau, a, ka whakanga mo te toenga o te rangi. Ka haere tonu nga tautiaki (patrols) o te po, ko wetahi ki te tiaki te paenga o te wharau hurinoa. Tekau ma tahi karaka, i whakahaeretia e te Hokowhitu  nga nekeneke whakawai riri o te po i te wahi o te wharau, a ka tatari mo te taima timata i aua nekeneke. Tekau ma toru mai i te toru karaka ka timata te anga whakamua a te tira taraka i te po.  Tekau ma waru mai i te wha karaka ka tae atu ki te wahi i whakaritea, na ka tu mo tetahi wa poto katahi ka hoki ano ki o ratau ake takiwa. No te toru tekau mai i te rima karaka ka tae atu.                                                                                                23 Mei, Hatarei. Haurua mai i te ono karaka, parakuihi.  I muri iho ka whakanga te ope tae noa ki te wa o te tina. I tae ake he panui ki te Kaiwhakahaere o te Ope Maori e whakahau  ana i nga ahuatanga mahi hai kawenga ma 4 Brigade me te Ope Maori. I waenga o te nuku ko te Hokowhitu te ope arai i muri o 4 Brigade. No te rua miniti mai o te rima karaka ka tu te tira. Tekau mai i te ono karaka ka anga whakamua te tira katahi ka tu ano i te rua tekau ma wha mai i te whitu karaka ka whanga mo nga tohutohu mai i te Ope Matua o 4 Brigade . No te waru karaka – te pouritanga o te po, ka heke i o ratau waka katahi ka tahuri ki nga mahi wawao.  I te iwa karaka ka hui tahi te apiha Kaiarahi o te Ope Matua, a i muri iho ka whakamaramatia e nga apiha o nga kamupene iti nga ahuatanga  me te whakahau atu kia whakareri mo te neke i te ata hapara. E whitu rau, wha tekau ma ono o wera atu turanga me nga tapiringa toko-ono, te pakaritanga o te ope mo te wiki. Haunga nga apiha. E rua tekau ma iwa o wera atu turanga i hiahiatia kia eke ai te Hokowhitu ki te taumata o tona pakaritanga.  E Toru tekau ma iwa nga apiha o te Hokowhitu a Tu – toko ono i tapiritia mai. 24 Mei, Ratapu.   Hautahi ki te wha karaka, whakaarahanga. Toru tekau mai i te ono karaka ka anga whakamua te Hokowhitu  (ko te ahua o te haere i whakaritiea mo te kokiri i te koraha e rima tekau iari te mamao o te waka o mua ki te waka o muri iho), a ka puta atu i waenganui o te Ope Matua o te Brigade. I te whitu karaka ka tu te ope.  I tenei wa ko te Hokowhitu a Tu kei mua, ko te  Ope Tekau Ma Waru kei te taha matau e pupuri mai ana  te raina i mua tata tonu o te Ope Rua Tekau Ma Waru, a ko te Ope Tekau Ma Iwa e rite ana tona turanga ki tera o te ope Tekau Ma Waru. Wha tekau ma ono mai i te whitu karaka ka puta atu mai i waenganui o nga kaikawe pu, a, no te tekau mai i te waru karaka ka tu.  Ka whakareri te Hokowhitu ki te kokiri mai i te taha maui o te hiwi 660. Hautahi mai i te tekau ma tahi karaka ka kai te ope i a ratau tina, a ko nga Apiha o nga kamupene me te Apiha Matua o te Ope Maori i haere  ki te torotoro haere i nga wahi o  mua tata tonu. I muri iho ka haere te Apiha matua ki te hui a  te Brigade, ka  ko te Rua Tekau Ma Waru te  Mobile-Reserve.  I te waru karaka, i muri iho o nga nekeneke mo waenga koraha, kare i hiahiatia te Rua Tekau Ma Waru mo te ahiahi, na ka nuku te ope ki wahi ke i waenganui o te Ope Tekau Ma Waru me te ope Tekau ma Iwa.  No te po, ka whakapiri a ka mengia he tautiaki huri rauna i te takiwa o te whanga. No te iwa karaka na ate Apiha matua i whakamohio atu ki nga Apiha o nga kamupene ka neke tahi te Rua Tekau Ma Waru me nga ope hapai ki nga taha.  I waenganui po ka putaputa mai nga ope hapai ka whakatata atu ki te takiwa o te ope taua. 25 Mei, Mane.   Haurua mai i te toru karaka, whakaarahanga. Haurua mai i te wha karaka, ka taha a A Squadron, Div. Cavalry, 1 Troop, 31 NZ Anti-tank Battery me A kamupene e anga whakamua ana hai ‘vanguard’ ko wetahi atu i whakahaua hai kai-kawe. Tekau ma rima mai i te rima karaka i taea te whainga tuatahi a te Division Cavalry.  Ko te Hokowhitu me nga toenga o nga ope hapai i nga taha,  me wera o nga kai-kawe e nuku haere ana ki te taha matau kia patata atu kI t e  whainga.  Ono karaka, ko te ripoata a te Division Cavalry kaore te hoariri i te kitea atu. Waimare i tae  atu te vanguard ki te paparererangi.  No te wha tekau mai i te ono karaka ka tae atu te katoa o te ope. No te haurua mai i te whitu karaka ka puta te korero kei te ‘pai katoa’. Rua tekau ki te waru karaka, he waka rererangi TAC/R i te rangi, kei te  haere whakamua tonu te ope, tae noa ki te wha tekau ma rima mai i te waru karaka katahi ano ka tu, e ono kiromita mai te whainga Ain El Beida. I taua wa, ko nga apiha o nga kamupene me nga apiha matua i haere ki te torotoro haere i te takiwa o nga wahi o  A kamupene. Tekau mai i te tekau karaka, ka anga whakamua te ope taua ki te raina timatatanga, kotahi maero mai i te whainga.    Rua tekau mai i te tekau karaka, ka mahue nga waka ka anga whakamua – ko C kamupene kei te taha maui, D kamupene kei te taha matau, ko D Kamupene nga kaiawhina.  Ko nga mihini pu kei te awhina kia tata atu ki te 270m mai te whainga. No te tekau ki te tekau ma tahi karaka kua riro mai te whainga, ka turakina te putunga.   Ka neke a  Kamupene A ma runga taraka, ka taha i waenganui o Kamupene C me D, a, ka whakakotahi 730m ki mua.   Hau rua mai i te tekau ma rua karaka, ka timata te hoki a te Rua Tekau Ma Waru ki te takiwa o Forgloss, ko nga mihini pu e tiaki ana i nga taha o te ope. I te rua karaka Division Cavalry me wera atu o te ope awhina i timata ki te neke ko ratau nga kai-arai i muri o te ope taua. Tekau mai i te rima karaka ka tae atu te ope ki te hopuni i Forgloss. Whitu karaka ka hui tahi te Apiha Matua, te Apiha Tautoko a, me nga Apiha Matua o nga kamupene i te Tari Matua o te ope ki te korero tahi mo te katoa o nga  nekeneke  whakawairiri.    26 Mei, Turei.   Rima karaka, whakaarahanga. Rua tekau mai i te whitu karaka, ka timata te hokinga ki Arsal. I tinihia te huarahi ma tuawhenua mai Forgloss, Ghontour, Hadasse ki te wahi kei te mapi (mahere whenua) 27002590 Sadad, Hafer, Deir, Aatiye, Nebek, Arsal.  No te toru karaka ka tae atu te Hokowhitu ki te hopuni i Arsal, i noho atu nga kaikawe (pu) ki Forgloss (ka tae ake ratau ma runga taraka ki Arsal).  Haurua mai i te tekau ma whitu karaka ka hoki nga RMT kaiwhakatika mihini ki to ratau ake ropu. 27 Mei, Wenerei.  Rima karaka whakaarahanga.  I te ata, ka whakatikatika nga kamupene i a ratau pu, a ka whakatikatika te hopuni. I te toru karaka ka hui te katoa o nga apiha I whakamahi i nga nekeneke whakawai riri, ki te korero tahi ,  a me  nga mea I akonahia. Ka wehe a C kamupene ki Talia hai kaitiaki taupua. I rangatu mai wetahi o te ropu Niho o Aotearoa (New Zealand Dental Unit) ki tenei ope mo nga mahi motuhake. Ko Capt. Shaw-Thompson te kaihautu, tokotoru no wetahi atu turanga me Lt J.G. Howden te Quartermaster.    28 Mei, Taite. Rima karaka, tewhakaarahanga.  Ka whakatutu nga kamupene ki Laboue ki te horoi.  Hautahi mai i te tekau ma tahi karaka i kauhau te Brigadier ki te ope mo nga ahuatanga i oti ina noa nei i Forgloss. Tahi karaka, kei te ruma o te Apiha Matua o te Hokowhitu. 29 Mei, Paraire.  Rima karaka, te whakaarahanga. Nga mahi o te ra. Kei te whakaoti wetahi o nga kamupene te hanga waea (taiapa) i te wahi. 30 Mei, Hatarei. Rima Karaka, te whakaarahanga.  Waru karaka, i wehe atu te Apiha Matua o te Ope a Capt. Ben Porter – he apiha o A kamupene, ki te awhina hai kaiwawao o nga nekeneke whakawairiri a te i raro i nga tohutohu a te Division. Tekau karaka, ata tirohia nga rawa o te hopuni Interior Economy me nga putunga o nga tueke. I rangatu mai a Capt. Rangi Logan, Lt Jack Ormsby, 2/Lt Lambert me te tekau ma rua o wetahi atu turanga i whakangungua ki te rawekeweke 2-pounder anti-tank.  Haunga hoki nga apiha. E whitu rau, e ono tekau ma wha o wera atu turanga, (me tekau ma tahi piringa), a tekau ma ono o wera atu turanga i hiahiatia kia eke ai te pakaritanga o te Hokowhitu ki tona taumata. Wha tekau nga apiha o te ope, toko whitu i tapiritia mai me 2/Lt Hamiora me te Pou Niho Capt. Shaw-Thompson me Lt Howden. 31 Mei, Ratapu.   Haurua mai i te ono karaka, whakaarahanga. Haurua mai i te iwa karaka, kei te takiwa o te Kamupene Matua te karakia.  Rarangi Pukapuka Archives New Zealand = Te Rua Mahara o te Kāwanatanga . Whakapuakanga:  28 NZ (Maori) Battalion Diary, WAII 1 1664 DA 68/1/29 [1] Cody, p. 186. Submitted by mbadmin on Mon, 30/04/2012 - 09:23 English Hoki anō ki te tīmatanga Comments so far: Takupu There are no comments Add your comments: Tāpirihia ōu kōrero, whakaahua, oro, me ētahi atu Timata te tuku ināianei He kaituku kē koe? Takiuru i konei Hoki anō ki te tīmatanga Mana Tārua | Whakakape | me te Punanga