Te Rātaka o Te Hokowhitu ā Tū - Oketopa 1942 | 28th Maori Battalion Skip to main content English Māori Mō tēnei pae Whakapā mai Kaiwhakamahi rēhita Rauemi kura Kimihia Kāinga Te Kōrero mō te 28 Mapi Rēhita o te 28 Whakaahua Ataata Oro Rauemi Contribute Tāpirihia ōu kōrero, whakaahua, oro, me ētahi atu Timata te tuku ināianei He kaituku kē koe? Takiuru i konei Ngā takupu hou M. Gilsenan i kōrero mō Moffat family at war TANYA Tarapata (not verified) i kōrero mō Waka Rotana Mary Baker (not verified) i kōrero mō John Sonny Baker Mary Baker (not verified) i kōrero mō John Sonny Baker Kusabs i kōrero mō John Richard Ormsby See all comments Kāinga > Te Rātaka o Te Hokowhitu ā Tū - Oketopa 1942 Te Rātaka o Te Hokowhitu ā Tū - Oketopa 1942 Ōrite Stories Battalion Diary Ōrite Hoia Ian Graeme Howden Sydney Freyberg Jackson Kereti Pau Mariu Paki Coupar West Hati Pakaroa Rangiuia Rangi Tutaki Roi Carl Te Punga Tutu Wi Repa William Vercoe James Gerard Pera Aperahama Ehai John Ropata Peter Frederick Te Heu Heu Ornberg Alfred Edward McRae Watene Katea Haig Edward Vere Hayward Kia Rika Joseph Smith Walter Downs Piiti Wordley Frederick Baker Irvine Alfred Hart Charles Basil Bennet Andrew Joseph Stephens Kuru Waaka Christopher Sorenson Manu Ruhi Pene Rangi France Logan Mita Francis Patiti Alfred Warbrick Matarehua Wikiriwhi James Matehaere James Clendon Tau Henare Waipaina Matehe Awarau George Tuoro Marsden Kaiwhakāmaori: Kahu Stirling (Ngāti Porou, Te Wh ā nau-a-Apanui) Tirohanga Whānui I whakapaua e Te Hokowhitu ā Tū te hāwhe tuatahi o te marama i waho atu o te  rārangi o Alamein e parakatihi ana i ngā nekeneke pakanga me te whakaū i te whiti o te tangata mā te ara hīkoikoi.  I te rua tekau mā rua o Oketopa ka hoki Te Hokowhitu ā Tū ki  te mura o te  ahi, e tino whiti ana me te rekareka rawa atu.  I whakaaro a Kānara Fred Baker i mahue i a ia a Reta Keiha , he meiha rīwhi i tēnei wā me Kāpene Ben Porter e whakangā tonu ana ki muri i te paraki. Hoi anō, ‘no tō rāua rongonga i te kakara paura,’ ka mahia e rāua kia whakahokia rāua ki te mura o te ahi hai  āpiha takawaenga i te Takuahi o te Tiwihana. [1] Ko whakatahia māuiui kētia a Minita Rangi i te Hepetema na reira ka tūaotia  e Tekene Rewheteneti Tunoa Wanoa , i Maadi, māna e whakakī i tāna tūranga.  Ko te rā i mua i te kōkiri ka kakea a ia hai kāpene whakakapi ka tukuna atu ki te mura o te ahi.  ‘E rekareka ana mātau kai konei a Tunoa,’ te tuhi a tētahi āpiha iti.  ‘He taitama a ia, ā, he ika a whiro inaianei, ā, ka tarea ake e ia ngā whakawiringa o te papapakanga.’ [2] Ko te huakinga whanga roa a Montgomery i tūwhera i te pō o te rua tekau mā toru o Oketopa.  E whā ngā tiwihana – ngā Ahiteriana, ngā Kōtimana, ngā Poa me ngā Kiwi – i kōkiritia e rātau mai i tō rātau tūranga i te taha raki.  Kātahi anō ka kitea te pērā rawa o te pākūkūtanga o ngā pū kaitā e hāpai ana i a rātau i te koraha, tahi mano whā rau ngā pū kaitā e ono rau ono tekau te pakūtanga o ia pū.  I te wā o te whakaeke ko te mahi a te Patariana he mopi haere i muri i ngā patariana o mua no te 5 me te 6 Pirikēti he 3.2 – kiromita mai i te taoro anga muatanga.  Ko tō rātau whāinga ko Miteiriya Ridge.  Toru rā i muri mai i te whakaeke, ka whakawāteatia e te Patariana te  Patariana 21 i te taukahiwi tonu. [3] I  te tīmatanga o Oketopa tokowhā ngā  āpiha i hīkoi atu mo te hopuni paraki  ka mahue ki te Patariana toru tekau mā rua ngā āpiha, kotahi he Pākehā.  Tokotoru ake anō ngā āpiha Pākehā i whakahonoa atu me Mr Charles Bennett te kaitiaki o te taraka kawe kai ‘Te Rau Aroha’. Rewheteneti Kānara Rīwhi :  Fred Baker (CO) Meiha :  Irvy Hart Meiha Rīwhi:  Chris Sorrenson Ngā Kāpene Rīwhi:  Ruhi Pene, Rangi Logan, Jim Matehaere, Jim Henare Ngā Rewheteneti:  Wai Awarau, Ivan Howden, Syd Jackson, Reg Mariu, Paki West, Tutu Wirepa Ngā Rewheteneti Rīwhi:   William Vercoe Ngā Tekene Rewheteneti:  Jim Aperahama, Walton Haig, Ted Hayward, George Marsden, Duncan (A.E) McRae, Peter Ornberg, Ben Ropata, Roy Te Punga, Rangi Tukaki, Hati Rangiuia, Kia Rika, J Smith, Wally Wordley, Monty Wikiriwhi, Pat Warbrick, Meta Francis, Kuru Waaka, Dick Stephens He Hononga:  Rewheteneti  C. A. Morton, Kāpene Cam D’Arcy ( RMO) , Kāpene Shaw-Thompson (Dentist) , Charles B. Bennett (YMCA) Rātaka 1 Oketopa, Taite 0600 haora rewhari.  0830 haora Whakatūtū Patariana.  Te whakarite mai i te Patariana whakarite whakahau RO. I hīkoi a Meiha Rīwhi Reta Keiha rāua ko Kāpene Ben Porter ki te paraki kia whakangā mārika rāua. I hīkoi atu anō a Kāpene Terry Gilroy rāua ko Tekene Rewheteneti Herbie Marsden ki te paraki. Ka noho te mana whakahaere o te Parahūnu Waka Kawe Perene ki a Rewheteneti Tutu Wirepa . Ka tohatohaina ngā pāhera koha kai ki te Patariana. 2 Oketopa, Paraire 0600 haora rewhari. 0830 haora Whakatūtū Patariana.  Ka parakatihi ngā Kamupene i ngā papa akoranga e ai ki te marautanga.   Tirohia te akoranga whakawai me te marautanga   1820 haora I wehe ngā āpiha katoa o te Patariana mo tētahi kauhau mo ngā akoranga anga whakamua i Pirikēte. 3 Oketopa, Rāhoroi   0600 haora rewhari. 0830 haora Whakatūtū Patariana. 0900 haora ka parakatihi ngā Kamupene i te kamupene e kōkiri ana, ā, ka ara hīkoi ki te kāenga. 4 Oketopa, Rātapu 0600 haora rewhari.  0845 haora I whakahaerehia he karakia i te wāhi o te Patariana. Ka wehe atu te parahūnu Ati-Taika ki te parakatihi whakapākūkū i te rua pāuna i te papa Ati-Taika. 1500 haora ka whakatūria e ngā āpiha te TEWTS i tētahi tēpu kirikiri nā te “1” Sec i tohutohu.  1700 haora ka purei te pēne Pirikēti 5 i wētahi tīpakotanga i te wāhi o te Patariana.Na ngā pūrongo o ia wiki ka kitea te pakaritanga o te uniti, engari ehara i ngā āpiha, e whitu rau rua tekau mā rua ngā tūranga kē tokorima ko oti  kē te hono atu. Toru tekau mā waru ngā tāngata ka kapi te pakaritanga o te uniti.  Ko te rahinga o ngā āpiha e toru tekau mā ono (tokowhā i honoa). 5 Oketopa, Mane 0600 haora rewhari. 0830 haora Whakatūtū Patariana.  0900 haora ka ara hīkoi toru haora te Patariana. 1400 haora ka parakatihi tirira whawhai ngā āpiha e ai ki te akoranga marautanga. Ka tae mai a Rewheteneti Mervyn Mitchell o Pahiatua ka riro i a ia te mana whakahaere o te Ati-Taika parahūnu. 6 Oketopa, Tūrei 0600 haora rewhari. 0830 haora ka neke te Patariana mā runga waka moto rore. Ka parakatihia te whakatūtū koraha i te ata, ā, ko te Patariana e kōkiri ana i teiehi e ai ki te marautanga. Tirohia ngā Mahi Whakahau 7 Oketopa, Wenerei   0600 haora rewhari. 0830 haora ka wehe atu te Patariana mā runga waka moto rore ka parakatihi te whakatūtū i te rārangi ati-taika. 1300 haora E kōkiri ana te Patariana mā runga waka moto rore. Ka tuaritia e rua ngā kēne pia mā ia tangata e rima piatere te utu mō ia kēne. 1900 haora ka haere ngā āpiha ki te kauhau i te Takuahi o te Patariana ki te tātari i ngā akoranga whakawai riri. 8 Oketopa, Taite 0530 haora rewhari.  0745 haora ka eke pahi ngā Kamupene Raiwhara ka haere ki te whakawai Pirikēti. Ko Kamupene C me D i tū hai ”hoariri” ko tā Kamupene A me B he mopi haere i muri i ngā Patariana e kōkiri ana.  Ko Kamupene Matua he akoranga motuhake kē tā rātau. Ko te rā nei he ua katea.   9 Oketopa, Paraire   0600 haora rewhari. 0800 haora Whakatūtū Patariana. 0815 haora ka ara hīkoi te Patariana mo te whā haora. Ko teiehi mai i te marautanga. 1930 haora ko tētahi wāhanga o Pirikēti 5 i purei i wētahi waiata rōreka i te takiwā o Takuahi Patariana.  Tirohia ngā Mahi Whakahau 10  Oketopa, Rāhoroi   0600 haora rewhari. 0830 haora I haere a Kamupene A me B ki  te papa whakawai  i raro i a Kāpene Ruhi Pene . 1330 haora ko Kamupene C me Kamupene D me ngā toenga o Kamupene Matua i haere ki te papa whakawai e ai ki te marautanga. I tonoa a Rewheteneti Pine Taiapa o Tikitiki ki te Patariana mai i te Ope Tānga Māori. 11 Oketopa, Rātapu 0600 haora rewhari. 0815 haora ka neke whakatūtū koraha atu te Patariana ki te whakawai Pirikēti e mahi tahi ana me ngā taika e ai ki te whakahau Pirikēti. Ko te wāhi i tohia tata ana ki  te waru kiromita ki te tonga o te papa Patariana. 1415 haora ko te Patariana me ngā Kamupene rua ki mua  i whai atu i ngā taika ki te kōkiri atu.1530 haora ka mutu te whakawai ka hoki te Patariana ki te kāenga. I te wā o te whakawai ko ngā whakapākūkūtanga tūturu tonu i pūhia atu e ngā pū kaitā, ngā taika me ngā hoia. Ko te pakaritanga o te uniti, ehara ko ngā āpiha, ono rau iwa tekau mā iwa ngā tūnga iti (ORS) tokorima i honoa. Ono tekau mā tahi tāngata atu ka kī pakari anō te uniti.Mo te tuaruatanga o te rua wiki ka tonoa kia hoki atu ngā hoia a Puhi Mackie rāua ko Joe Ngapo. Toru tekau mā whitu te rahinga o ngā āpiha (tokotoru i honoa) 12 Oketopa, Mane   0600 haora rewhari.  Te whakarite o te ata mai i te marautanga. 1230 haora ka whakahaerehia he tākaro i te papa whakatūtū o te Patariana. I wini i a Kamupene D, tuarua ko Kamupene B. 13 Oketopa, Tūrei 0600 haora rewhari. 0830 haora i neke te katoa o ngā moto rore o te Patariana ki   te whakawai Pirikēti. 1000 haora ko te Patariana hai wāhanga Rōpū Pirikēti i neke whakatūtū koraha atu. 1200 haora Tina, 1300 haora ka tae atu te whakahau kia tūria te taha katau o te rārangi ati-taika Pirikēti. 1700 haora ka mutu te whakawai ka hoki te Patariana ki te kāenga. 14 Oketopa, Wenerei 0600 haora rewhari. 0800 haora Whakatūtū Patariana me te tirohanga o ngā rākau o te riri me ngā taputapu hoki. 0900 haora ka haere a Kāpene Jim Matahaere ki tētahi Patariana hou i te takiwā o Burg el Arab. 1230 haora ka huihui ngā āpiha i te Takuahi o te Patariana ki te whakawhitiwhiti whakaaro mo ngā whakawai o taenehi. I teiehi ka whakapaipaitia e te Patariana ō rātau wāhanga. 15 Oketopa,Taite 0600 haora rewhari. Ka tīmata ngā Kamupene ki te tuku whakararo i ngā tēneti me te whakapaipai haere i te tauranga o te Patariana. 1030 haora Tina. 1115 haora ko ngā hoia whawhai o te Patariana ka eke pahi ka whakareri ki te haere. 1145 haora ka neke poupoutahi toru atu te Patariana. 1430 haora ka tae atu te Patariana ki te wāhi hou i tātahi tonu. RTM ngā waka kawe hoia i hoki ki te wāhanga tahito o te Patariana. Tirohia ngā Mahi Whakahau   Ka tukua mai a Meiha Charlie Bennett ki te uniti i te rangi nei. 16 Oketopa,Paraire 0700 haora rewhari. 0900 haora he tirohanga i ngā rākau o te riri o te Kamupene whai muri ana ko te ara hīkoi rua haora. Wātea ana te otinga rā. Ko te whakaritenga ka noho rite tonu mo te katoa o tō mātau noho ki konei.1400 haora ka puta tētahi āwhā tino kino me te marangai katea mutu rawa atu ki waenganui pō. Hīkoi mai ana a Tekene Rewheteneti Jerry Mohi ka noho ko ia te mana whakahaere o te parahūnu kaiwhakaatu.  17 Oketopa,Rāhoroi  0700 haora rewhari. 0900 haora ka kauhautia ngā kamupene mo te pū ati-taika 50 mm a te Tiamana. I teiehi ka haere ngā kamupene ki te kaukau. 1900 haora e tū pakanga riri ana te Patariana ka tīmatahia he ara hīkoi 25 kiromita hoki rawa mai ana tata ana i te 0100 haora. 1630 haora ka haere ngā kaiwhakahaere kamupene ki te hui Pirikēti.   18 Oketopa,Rātapu  0700 haora rewhari. 0900 haora ka haere a Kānara Fred Baker me te Āpiha Mātau ki te torotoro i ngā wāhanga o mua. 0900 haora ka whakahaerehia he karakia ki te Takuahi o te Patariana. 1010 haora ka haere ngā kamupene ki tētahi hui whakaaturanga he mea pehea te whakamahi i te Tōpito Pangarore. I te wā o te whakawai i pūhia e ngā pū kaitā, ngā taika me ngā hoia he whakapākūkūtanga tūturu. Ko te pakaritanga o te uniti, ehara ko ngā āpiha, he ono rau iwa tekau mā whitu ngā tūnga iti me te tokoono i honoa. Ko te katoa o ngā āpiha toru tekau mā whitu (tokoono i honoa). 19 Oketopa, Mane 0700 haora rewhari. 0900 haora ka ara hīkoi ngā kamupene mo te rua haora i te ata.1500 haora ka haere wētahi mema o te Patariana ki tētahi whakangahau a te NZ Kiwi Concert Party. 20 Oketopa, Tūrei 0700 haora rewhari. 0900 haora ka ara hīkoi ngā kamupene mo te rua haora. Ka haere ngā kaihautū Kamupene ki te torotoro te tūranga Patariana Alam El Onsol. Wātea ana a teiehi. 1900 haora ka tū he hui mā ngā āpiha katoa ki te Takuahi o te Patariana. Tirohia ngā Mahi Whakahau 21 Oketopa, Wenerei 0700 haora rewhari. Ka whakareri te Patariana ki te neke mai i Imairi ki Onohoro. 2045 haora ka neke ara rōpu te Patariana mai i te ara tātahi, te Ara Hirini, te Ara Whetū ki Onohoro. Ko te nekehanga na te kawenga moto rore, ko te ara hīkoi whakahau: A – C – Bn HQ – B – D – HQ Coy. 2345 haora ka tae te Patariana ki Onohoro, ka heke i ngā pahi, ā, ka mutu te kari rua hahae, ka whakangā. 22 Oketopa, Taite 0700 haora rewhari. E tū tū ana ka mārama mai te awatea. 0900 haora kotahi āpiha mai i ia Kamupene i anga whakamua atu ki te torotoro i te papa tauranga Patariana e ai ki tā Pirikēti 5 O.O. nama waru ( Tāpiritanga C.8.). Puta noa i te rā he huihuinga o ō mātau pōma i rere rārunga atu ki ngā Rārangi Hoariri. 1700 haora ka tohaina e rua raihana kai mā ia tangata. 1920 ka eke pahi te Patariana ka haere mā te Ara Pounamu ki te papa tauranga. Te whakahau hīkoi: Takuahi o te Patariana – Kamupene A – B – C – D. Ko ngā waka taua me ngā wharekai i noho ki te takiwā o Onohoro.  2045 haora ka tae te Patariana ki te papa tauranga. Ka kari rua hahae te Patariana, ka moe. Puta noa i te pō ka kite anō mātau i te mura Tiamana, ko waia kē nei mātau ki te tapatapa atiu. 23 Oketopa, Paraire E tū tū ana ka mārama mai te awatea. 0815 haora ka whakaangatia tō mātau arai  taua e te hoariri engari kāre he raru. Ka tonoa a Tekene Rewheteneti Wikiriwhi ki te Takuahi Pirikēti 5. 1500 haora ka tukua he pānui mai i te Ope Taua Kaihautū ki ngā tūranga hoia katoa. Pānuitia te pānui a Rewheteneti Tianara Montgomery   Puta noa i te rā ka whakareri te Patariana mo tō rātau wāhanga o te kōkiritanga e whakatūria ana e te Ope Taua Waru a taua pō tonu. 1945 haora ka neke atu a Kamupene C me D ki te whakatū he tūnga ki muri o te rārangi tīmata a Pirikēti 6. Ka anga atu a Kamupene A me B ki muri o te rārangi tīmata a Pirikēti 5. Ko te mahi a te Patariana he mopi haere i muri o ngā Patariana e whakaeke ana. 2130 haora ka neke ngā waka taua ki tētahi tūranga tahi mano mita ki muri o te papa tauranga Patariana. 2135 haora ka tīmata te kōkiri me te haruru o te tini rau pū whīra i pākūkū mai i te ākau ki wētahi maero ki te tonga o mātau. Ka mau te wehi o te pākūkūtanga, ā, kāre i iti iho paku nei tae noa ki te 0200 haora. Kapi katoa a muri i te Takuahi o te Patariana i te moto rore, i te pū kaitā me ngā taika e whanga ana ki te anga whakamua atu ka tūwhera mai te rārangi hoariri. 1000 haora ka tae mai te rongo ko riro i Patariana rua tekau mā toru tōna whāinga. I angitū te kōkiritanga. Tirohia te ripoata a ngā Kaihautū Kamupene . 24 Oketopa, Rāhoroi 0700 haora ka hoki mai a Kamupene C me Kamupene D mai i tō rātau mahi mopi haere me ā rātau mauhere tokowhā, ā, ka tukuna atu ki Pirikēti. Ka ripoata ngā Kaihautū Kamupene ka mau kē te wehi o te pākūkūtanga o ngā pū kaitā e whai muritia ana e rātau. Ka whai muri tonu atu rātau i ō rātau Pirikēti ake ki te whāinga mutunga kātahi ka hoki. Ka ngakia e rātau wētahi tūranga pū mihīni i mihi i ngā Patariana o mua, engari ko te hoariri i kōkiritia e rātau he ruarua noaiho. Ko wā mātau aitua I mate: Rewheteneti  Paki West , tokorima ngā tūnga iti, tokotoru i te ngaro. Ngā taotū: Kāpene Jim Henare, Rewheteneti Tuarua Rangi Tutaki,  Rewheteneti Tuarua Pat Warbrick me ngā tūnga iti rima tekau. Ko Rewheteneti West me ngā aitua o Kamupene D i tanumia i MR (Taukahiwi Miterīa)  87532919 (Alamein 1,100,000). Ko ngā aitua o Kamupene B i tanumia i Alamein 1,100,000. He parakuihi wera i haria mai ki ngā tāngata. Kei te puhipūhia tonutia e ā mātau pū kaitā me te RAF ngā tūranga hoariri. Rite tonu te rērere rārunga haere o ngā Bostons, ngā Mitchells tekau mā waru me ngā rererangi taua tata ana ki te toru tekau. I a mātau te mana o te rangi. 2200 haora ka puhipūhia e wā mātau pū kaitā ngā tūranga hoariri tae noa ki te 2330 haora.Rērere haere ana ngā rererangi hoariri i runga ake i ō mātau tūranga e tukutuku mura ana. 25 Oketopa, Rātapu E tū tū ana ka mārama mai te awatea. Ka mauria mai he parakuihi wera e ngā tāngata. 1115 haora ka hīkoi mai a Minita Kāpene Tunoa Wanoa ki te Patariana mai i te papa tauranga. Ka pau te rā i te Patariana e whakangā ana. 1830 haora ka whakahaerehia e Minita Wanoa he karakia me Kamupene D . 1900 haora ko ngā Kamupene Kaihautū  me Rōpū O ka hui i te Takuahi o te Patariana ka anga whakamua ki te torotoro i te tauranga a Patariana 21 ka riro i te Patariana. Ka whakahaerehia e te minita he karakia me Kamupene C. 1930 haora he karakia me Kamupene B. 2000 haora he karakia me Kamupene A. Puta noa i  te rā rere rārunga puāwanga ana te RAF i tō mātau tauranga me ngā rererangi taua (ia ono huaroa tekau mā waru). Ka pākūkū haere tonu ngā pū kaitā. Ahakoa i whakautu mai ngā pū kaitā a te hoariri kāre i pā mai ki te tauranga Patariana. Ko te pakaritanga o te uniti, ehara ko ngā āpiha, i heke iho ki te 633 tūnga iti, tokoono mai i te NZ Ordinance Corps. Ono tekau mā whā ngā tāngata ka rite te pakaritanga o te uniti. Toru tekau mā toru te rahinga o ngā āpiha (tokotoru i honoa). 26 Oketopa, Mane E tū tū ana ka mārama mai te awatea. Ka kōkiritia e wā mātau pū ati-rererangi ngā rererangi hoariri, ā, oma ana. 0730 haora ka mauria mai he kai wera mai i Ekerona B ki ngā Kamupene. 1030 haora e hui ana a Patariana Rōpū O ki te Takuahi o te Patariana ka tae atu te whakahau ki te Patariana kia neke atu ki te tauranga o Patariana 21. 1100 haora te rūma hui o ngā Āpiha Kaihautū. 1900 haora ka pōmatia te Patariana e ngā tūka. Ngā aitua: Ko Tekene Rewheteneti Ben Ropata i mate,ā, tokotoru ngā tūnga iti i mate ka tanumia ki MR 87682942. 1906 haora ka anga whakamua atu o te papa tauranga Patariana a Ekerona Patariana A i raro i  te mana o te Kaihautū Tuarua. Ka ara hīkoi atu ngā Kamupene ki te tauranga o Patariana 21 tata ki te ono kiromita, ā, tae atu ana tere tonu te hohou atu ki ō rātau tūranga.Ka haere whakamua atu o te tauranga Patariana ngā enetia Kiwi ki te maina i ngā āputa. Ka karikari rua tonu te Patariana tae noa ki te 0300 haora. Ka whakatūria te Takuahi o te Patariana i 87122925 me RAP I 87112926 E1 Whiska. Ka nōhia e Kamupene B me D te tūranga ki te puāwanga o whītia  87082923 ko D ki te taha maui. Ka noho a Kamupene A me C ki te kārapu o whītia. Ko ngā uniti taha katau ko Tiwihana Kōtimana 51, ki  te taha maui ko Patariana Kiwi 22. Ka tāparatia ngā tutei i te tauranga Parahūnu ka noho he tāngata ki ngā pou whakarongo i te wā e pouri ana.Ka mau te wehi o te whakapākūkūtanga o ā mātau pū kaitā. Tata ana ki te 2350 haora ka puhipūhia e te hoariri te Patariana te rahinga i pā katea ki Kamupene B me D. He pēnei ki te ohorere mataku nei a ia. Rite tonu te puhipuhi mai o ngā pū mihīni māmā i te wā e kari pō ana ā mātau tāngata, ā, tokorua i taotū ko Rewheteneti Tuarua Mohi tētahi. 27 Oketopa, Tūrei 0500 haora parakuihi. 0800 haora Mai i tēnei wā oti atu he rite tonu te pū mihīni mai a te hoariri i ā mātau Kamupene i mua. Ka whakahokia e wā mātau pū mihīni he roa kē atu te puhipuhi. Ki  te raki o mātau e pakanga ana ngā taika. Rite tonu te rērere mai o wā mātau pōma rererangi puta noa i te rā. 1100 haora ka tae mai te rongo kōrero e whakawāteatia ana te Patariana e te Patariana Poa i te pō nei. 2000 haora ka tae mai te RMT ki te hari atu i te Patariana mai i konei. E puhipūhia ana e te hoariri te wāhi e eke pahi ana te Patariana i te tauranga Takuahi o te Patariana. Neke atu ana te Patariana tata ana ki te 0100 haora. 28 Oketopa, Wenerei  Awatea ana e tau haere ana te Patariana na te mea i pau te katoa o te pō i a rātau e haere pahi ana. Ka kari tūranga te Patariana ka whakapautia te otinga o te rā e whakangā ana. Ka hīkoi mai a Tekene Rewheteneti George Katene me Tekene Rewheteneti George MacDonald ki te Patariana mai i te papa tauranga ka honoa atu ki Kamupene D. 29 Oketopa, Taite 0615 haora “tūtū”. He wāhanga o te rā i whakapaua e ngā Kamupene e tirotiro taonga ana me te whakamā i ngā rākau o te riri. I whakapaua e ngā kamupene a teiehi e kaukau ana i tātahi. Ka tukua e Kāpene Pene tāna mana kaihautū o Kamupene A, ā, na Kāpene Matehaere te Kaihautū Tuarua o Kamupene D i whakawātea.Ka tūariaritia kotahi te pounamu pia. 30 Oketopa, Paraire 0615 haora “tū tū” Ka whakangā te Patariana.Ka tuaritia kotahi te pounamu pia ma ia tangata.  31 Oketopa,Rāhoroi 0615 haora “tū tū” Ka whakangā ngā Kamupene i te ata. 1330 haora ka whakatūtū ngā Kamupene ka neke atu ki te takiwā o Kamupene B ka whanga mo te taenga mai o te Piriketia. 1435 haora ka tae mai te Piriketia ka kōrero e haere pēhea ana te mura o te ahi me te wāhi ka whakamahia ai e te Tiwihana a mua tata ake nei. Ka mutu te whakatūtū ka kapu tī ahiahi te Piriketia rāua ko Kānara Baker i te Takuahi o te Patariana. 1900 haora ka whakahaerehia e te minita he karakia i te tūranga o te Takuahi o te Kamupene. 2100 haora ka wehe atu a Kānara Baker me te Āpiha Mōhio mo te Pirikēti ka kīa ki a rāua e nekehia ana te Patariana ki te takiwā o Pirikēti 151, ā, ka honoa ki taua Pirikēti. Ko te pakaritanga o te uniti, ehara ko ngā āpiha, heke iho atu ana anō ki te Tūnga Iti rima rau waru tekau mā iwa, tokorima i honoa. Tahi rau whitu tekau mā tahi ngā tāngata ka eke atu te uniti ki tōna pakaritanga. Toru tekau mā whā katoa ngā āpiha (tokotoru rātau i honoa). Rarangi Pukapuka Te Rua Mahara o te Kāwanatanga . 28 NZ (Maori) Battalion Diary, WAII 1 1665 DA 68/1/34 Whakapuakanga:  [1] Nga Tama Toa , p. 234. [2] Matarehua Wikiriwhi to Weihana Delamere, 30 October 1942, MS Papers-6919-0789, ATL. [3] Nga Tama Toa , p. 234–235. Submitted by mbadmin on Thu, 27/09/2012 - 16:42 English Hoki anō ki te tīmatanga Comments so far: Takupu There are no comments Add your comments: Tāpirihia ōu kōrero, whakaahua, oro, me ētahi atu Timata te tuku ināianei He kaituku kē koe? Takiuru i konei Hoki anō ki te tīmatanga Mana Tārua | Whakakape | me te Punanga