Psalm 110 Maori Bible Bible > Maori Bible > Psalm 110 ◄ Psalm 110 ► Maori Bible 1 He himene na Rawiri. I mea a Ihowa ki toku Ariki: Hei toku matau koe noho ai, kia meinga ra ano e ahau ou hoariri hei turanga waewae mou. 2 Ma Ihowa e tono mai te tokotoko o tou kaha i Hiona: hei rangatira koe i waenganui i ou hoariri. 3 Ka kakama tou iwi ki te tapae atu i a ratou i te ra o tou kaha: i te ataahua o nga mea tapu, no te kopu mai o te ata, kei a koe te tomairangi o tou whanaketanga. 4 Kua oati a Ihowa, e kore ano tana e puta ke; Hei tohunga koe ake ake, no te tikanga o Merekihereke. 5 Kei tou matau te Ariki, ka maru i a ia nga kingi i te ra e riri ai ia. 6 E whakawa ia i waenganui i nga tauiwi; e whakakiia e ia nga whenua ki te tupapaku: ka maru i a ia nga upoko i nga whenua maha. 7 Ka inu wai ia i te awa i te ara: a ka ara tona matenga. Maori Bible prepared by Timothy Mora. -- Text reproduced by Dr. Cleve Barlow. Bible Hub