Me pēhea ahau ka whakaako i te CS Unplugged? - CS Unplugged Reo English Deutsch Español Te Reo Māori 简体中文 Kaupapa He Rauemi Tānga Mō Tēnei Kāinga Me pēhea ahau ka whakaako i te CS Unplugged? Me pēhea ahau ka whakaako i te CS Unplugged? Ka whai a CS Unplugged i te kaupapa o te ako mā te waihanga; ka tukuna he wero ki ngā ākonga, kia whai ai rātou i ngā tikanga māmā hei whakaoti i ngā wero. Heoi anō, i a rātou e whakaoti ana i aua rapanga, ka puawai mai ō rātou ake whakaaro. Atu i te mau pai o te akoranga, ka kite hoki rātou ka taea e rātou te hopu i ēnei mātauranga. He ngohe rāwekeweke ēnei - mā te nui ake o ngā rauemi e pai ake ai te ako. Nā tēnei kaupapa ako, ka taea hoki te ako tahi koutou ko āu ākonga. Pānuitia te katoa o te ngohe kia rite ai koe. Kua waihanga mātou i ngā kiriata mō ētahi ngohe kia kite ai koe i ngā mahi. Heoi, mā te wā ka kite atu koe ka mārama haere ngā ākonga ki ngā tauira me ngā whakaaro nui me ngā mātāpono mō ēnei kaupapa Pūtaiao Rorohiko. Ki te whai tō mahi i te marautanga o te kura, ka kitea he ngohe e hāngai ana ki ngā whāinga me te pakeke o ngā tamariki. Kei ētahi o ngā whenua o te ao he pukapuka arataki e honohono ana i te CS Unplugged ki te marautanga o te rohe (hei tauira: Te Digital Technologies Hub mō Ahitereiria ). Heoi anō, ka whai ngā mahere kōwae o konei i ngā kaupapa nui o ngā marau maha, nā, kāore e kore ka kitea tētahi mahi hāngai. Kia mōhio mai koe, kāore te CS Unplugged e whakaako i te tuhiwaehere. Heoi anō, ko te Kidbots (tamariki rorohiko) tētahi mahi pai hei whakarite kia tuhiwaehere, ā, kei ngā wāhanga "Purua kia Mau" ("Plugging it in") ētahi ngohe tuhiwaehere hei tautoko - engari mō te nuinga o ngā mahi mā te ākonga, he whakaaturanga o ngā mahi ka taea mā te tuhiwaehere, i mua i te ako i te tuhiwaehere. Heoi anō, ehara te pānui noa mō te Unplugged i te āhuareka - tīpakongia tētahi ngohe mā ō ākonga, ā, rukuhia! Tirohia ngā kaupapa e wātea ana Kei te kimi i ngā rauemi mō ngā wharekura? Tirohia te Computer Science Field Guide . Ko te aronga tuatahi mō tēnei kaupapa Unplugged, ko te whakanui i te Pūtaiaio Rorohiko (me ngā mahinga rorohiko whānui) mō ngā taiohi, hei kaupapa whakakoakoa, whakarekareka hoki, whakahiki hoki i te hinengaro mō rātou. Pānui anō mō ō mātou mātāpono ki konei . He Hononga Hei Whakamahi Mō Tēnei Kaupapa He Rauemi Tānga Hapori Tīhau YouTube GitHub Āwhina Kuputaka Whakahoki Kōrero Whakapā mai English | Deutsch | Español | Te Reo Māori | 简体中文 Kua tukuna ngā rauemi CS Unplugged hei rauemi whakatuwhera pūtake ki GitHub , ā, kua tuaritia ngā ihirangi o te pae tukutuku kei raro i te Creative Commons Attribution-ShareAlike 4.0 International license . He kaupapa te CS Unplugged nā te Computer Science Education Research Group kei Te Whare Wānanga o Waitaha , Aotearoa. 4.2.1 × Kāore e taea te tautuhi mō te reo Te Reo Māori, aroha mai! Katia