Ko Wai Mātou - He Pātaka Kupu He Pātaka Kupu He Kāinga Tikanga Whakamahi Ko Wai Mātou Ngā Tohutoro He Pātaka Kupu He Āwhina Menu Close He Pātaka Kupu Clear Search Rapua KO WAI MĀTOU He aha Te Taura Whiri i te Reo Māori? He mea whakatū Te Taura Whiri i te Reo Māori i raro i te Ture Reo Māori 1987 hei whakatairanga i te reo Māori hei reo mataora, hei reo kōrerorero māori noa. He hinonga Karauna mana motuhake mātou, engari me mātua hāpai e mātou ōna anō ture e rite ana, pērā i te Ture Hinonga Karauna, i te Ture Pūtea Tūmatanui, i te Ture Rāngai Kāwanatanga. Me mātua tāpae pūrongo anō ki te Whare Pāremata – koia tērā ko tā mātou Pūrongo ā-Tau. He pūtea e tae mai ana ki a mātou, rā roto i te Rohenga Pūtea: Te Whakawhanake i te Iwi Māori, ā, ko Te Puni Kōkiri te kanohi āta tirotiro i te tika o ā mātou mahi. E noho haepapa ana mātou ki te Minita Whanaketanga Māori mō ngā moni tūmatanui e whakapaua ana ki te kawe i tā mātou kaupapa mātāmua me ngā putanga. Ko wai mā mātou, he aha ā mātou mahi? Ā mātou mahi  Ka whakatakoto whakaaro motuhake mātou ki te Minita Whanaketanga Māori mō ētahi take e pā ana ki te reo Māori. I tā mātou tū motuhake, pai ana tā mātou taka i waenga i ngā rangapū reo Māori me te kāwanatanga, e rere ngātahi ai ngā whāinga tōmua, ngā rawa a te kāwanatanga me ngā wawata o aua rōpū. Anei rā ngā mahi ake ka kawea e mātou: Te pūtahi rangahau hei kōkiri i te putanga o tētahi tūtohi rangahau reo Māori mā te motu Te whakangungu, te whakamana anō hoki i ngā kaiwhakamāori ā-tuhi, ā-waha Te whakamātau i te matatau o te hunga kōrero Māori, mā roto i ētahi whakamātautau tohu taumata Te whai kia mau tonu te mana, te mauri o te reo Māori, taha reo, taha tikanga, mā te whakarite paerewa tuawhiti mō te reo me te ū anō ki aua paerewa, tae atu ki te tuku āwhina reo ki ngā rōpū whai pānga nui mai ki te reo  Te hāpai i ētahi kaupapa reo Māori nui o te motu – Te Wiki o te Reo Māori me Ngā Tohu Reo Māori Te akiaki kia mau, kia kaha kōrerotia hoki te reo Māori Te tautohu i ngā take nui e pāpā mai ana ki te reo. E oke ana Te Taura Whiri i te Reo Māori kia noho mai he uepū kaimahi matatau tonu ki te reo Māori, kia uaratia anō hoki ēnei tāngata e ō rātou rangatira i te rāngai tūmatanui me te rāngai tūmataiti. Ahurei ana tā matou tū hei māngai ā-motu mō te reo, ka mutu koirā anahe te kaupapa hei whakarangaranga mā mātou, i riro ai Te Taura Whiri i te Reo Māori hei tumu herenga mō ngā waka, mō ngā kaihoe whakaora reo, huri noa i te motu. Taupānga Mā tēnei taupānga ka taea ngā kupu o He Pātaka Kupu nei te kimi īWaea / īPapa / Android He Pātaka Kupu Kua eke tēnei ki te wā e riro ai mā te reo Māori tonu e whakaahua tōna ao, me tāna titiro ki tōna ao. Koia tēnei, ko He Pātaka Kupu , te papakupu Māori tuatahi mā te hunga kua mārō haere te takahi i te huarahi whai i te reo, ko ōna kōrero katoa kei tō tātou reo rangatira.   He Kāinga Tikanga Whakamahi Ko Wai Mātou Ngā Tohutoro He Pātaka Kupu He Āwhina Whakapā mai +64 4 471 0244 info@tetaurawhiri.govt.nz Te Wāhi Noho: The Co-operative Bank Building Te Papa 11 Te Ara o Ballance Street Te Whanganui-a-Tara 6011 © Manatā 2019 – Te Taura Whiri i te Reo Māori