Keep our money clean Skip to main content He aha te huna moni? Te raruraru Te tiaki i a Aotearoa Ngā mahi pakihi noa Me aha au? Ngā Pātai Auau Te Reo Māori English हिन्दी Gagana Samoa 简体中文 Te Reo Māori English हिन्दी Gagana Samoa 简体中文 He aha te huna moni? Te raruraru Te tiaki i a Aotearoa Ngā mahi pakihi noa Me aha au? Ngā Pātai Auau HE TŪRANGAHĀKOA URUTAPU MŌ TĀTAU KATOA. EHARA MŌ NGĀ KAIHUNA MONI. E tuwhera ana tō tātau whenua ki ngā kaihuna moni. Ko te whakaaro tata ki te $1 piriona i te tau ka hua mai i ngā mahi hokohoko whakapōauau me te tāware, ā, ka taea te huna mā ngā pakihi o Aotearoa. E noho mōrea ana tō tātau ingoa pai, ōhanga hoki nā tēnei. Nō reira, kei te huria e mātau ngā ture hei tiaki i a Aotearoa me ngā mea katoa e kaingākautia ana e tātau. Mā tātau katoa e whakarite ka noho mā ai ā tātau moni. Kei waenga a Takapō Kei waenga a Takapō i Te Waipounamu, kei waenga pū o te Takiwā o Mackenzie. E tuwhera ana tō tātau whenua ki ngā kaihuna moni. Ko te whakaaro tata ki te $1 piriona i te tau ka hua mai i ngā mahi hokohoko whakapōauau me te tāware, ā, ka taea te huna mā ngā pakihi o Aotearoa. E noho mōrea ana tō tātau ingoa pai, ōhanga hoki nā tēnei. Nō reira, kei te huria e mātau ngā ture hei tiaki i a Aotearoa me ngā mea katoa e kaingākautia ana e tātau. Mā tātau katoa e whakarite ka noho mā ai ā tātau moni. HE AHA TE HUNA MONI? Ko te whakarāpopotonga o te kōrero, he mahi taihara te huna moni. Koinei te tikanga ka whāia e te hunga hara hei 'horoi' i ngā moni e hua ana i ā rātau mahi taihara pērā i te tinihanga, te tauhokohoko whakapōauau me te hokohoko. Mā te whakaatu teka i ahu mai ngā moni i tētahi pūtake tika, ka taea e rātau te huna ā rātau mahi me te ārai kia kaua e kitea. Ka arotahi atu ngā whakahaere me ngā tāngata hara e tuku pūtea ana ki ngā mahi whakatumatuma ki ngā pakihi me ngā whenua e whakapono ana rātau he ngoikore ā rātau punaha, tikanga whakahaere e taea ai e rātau te raweke. Ko te whakaaro tata ki te $1 piriona i te tau ka hua mai i ngā mahi hokohoko whakapōauau, ā, ka taea te huna mā ngā pakihi o Aotearoa. TE NUI O TE RARURARU Pā mai ai ngā mai huna moni i ia rā puta noa i te whenua. Ko te whakaaro tata ki te $1 piriona i te tau ka hua mai i ngā mahi hokohoko whakapōauau, ā, ka taea te huna mā ngā pakihi o Aotearoa. Engari, ko te utu tūturu, pānga tūturu hoki he tino nui atu i tēnei rahinga ina whai whakaaro ana ki ngā mahi taihara ka puta i ngā moni "manuheko" me ngā mamae nui ka hua. Ko te hunga tuku pūtea ki ngā mahi whakatumatuma ka whakamahi anō i ēnei tikanga hei tuku pūtea ki ngā kaupapa whakarekereke me te huna i te kaituku me te kaiwhiwhi i ngā pūtea. Ahakoa he iti noa te tukutuku pūtea ki ngā mahi whakatumatuma, he tino nui pea te pānga mai. HE PAPA TĀKARO MŌ NGĀ TAMARIKI. EHARA MŌ TE HOKOHOKO TAMARIKI. Wharariki Wharariki Kei te taha uru o Cape Farewell a Wharariki, te wāhi whakateraki rawa o Te Waipounamu. TE TIAKI I A AOTEAROA Mā te whakauaua mō ngā tāngata hara te huna moni ka whakaheke i te hua ki a rātau mō te mahi i ngā mahi taihara i te tuatahi. E mana ana te ture Aukati Huna Moni me te Ārai i Te Tuku Pūtea Ki Ngā Mahi Whakatumatuma o Aotearoa i Aotearoa mai i te tau 2013. E hāngai ana ēnei ture ki ngā pēke, whare petipeti, ngā kaitohutohu pūtea me ētahi kaiwhakarato ratonga kamupene, tarahiti hoki. Kei te whakawhānuitia e mātau ēnei ture kia uru mai ko: Ngā rōia, ngā rōia hoko whare, ngā kaiwhakarato ratonga kamupene, tarahiti hoki (mai i te 1 o Hōngongoi 2018) Ngā kaikaute me ngā kaiwhakarato i ngā ratonga kaute (mai i te 1 o Whiringa-ā-nuku 2018) Ngā māngai hoko whare (mai i te 1 o Kohitātea 2019) Ngā kaihokohoko rawa nui te wāriu me te New Zealand Racing Board (mai i te 1 o Here-turi-kōkā 2019) HE PUNANGA MŌ NGĀ KARAREHE. EHARA MŌ TE KARO TĀKE. Ko Kaniere Ko Kaniere tētahi o ngā roto ātaahua rawa o Aotearoa, 19km te tawhiti whakauta mai i Hokitika kei Te Tai Poutini o Te Waipounamu. TE MAHI PAKIHI NOA Me whakauru e ngā pakihi whakarato i ēnei ratonga ngā pūnaha me ngā tukanga kia kore e rawekehia e ngā tāngata hara, me te whakarite ka taea e rātau ā rātau kiritaki te tautuhi, he mōhio ki ō rātau wāhi noho, ā, i ētahi wā, he mōhio ki te ahunga mai o ā rātau moni. I tua atu i tēnei, ko ngā pakihi me ngā kaiwhakarato katoa kei raro i te Ture AML/CFT (tae atu ki ērā mai i te wāhanga tuatahi) ka whai i ngā whakaritenga tuku pūrongo ināianei e pā ana ki aua tauwhitinga ake me ngā mahi hoto. ME AHA AU? Heoi, kāore noa iho pea he mahi mā ngā kiritaki me ngā kaiwhakarato i ēnei ratonga. Ko te mea kē me mōhio koe ka hiahiatia pea ētahi mōhiohio mai i a koe i te wā o ēnei tauwhitinga. Ahakoa kua roa koe e noho kiritaki ana i ēnei pakihi, ka mate pea rātau ki te uiui i a koe hei whakaū ko koe tonu tēnā, ā, i ētahi wā, me te whakamōhio atu ki a rātau i ahu mai ō moni i hea. He rerekē ngā mōhiohio ka tonoa kia tukuna mai e koe, ā, kei te āhua o ō mahi māu ake, mā tētahi pātuitanga, kamupene, whakahaere tūmatanui, tarahiti rānei. Me mahara tonu koe Ehara mea ka mahia e ngā pakihi i te mea ko te whakaaro kei te huna moni koe – kei te mahia e rātau kia pai ai te tiaki i te katoa, ka mutu e herea ana rātau e te ture. Mā tātau katoa ka taea te whakarite ka noho mā ai ā tātau moni. Scroll To Top Ngā Pātai Auau Manatārua Whakapā mai Ngā Pātai Auau × Te Aukati Huna Moni Me Te Ārai I Te Tuku Pūtea Ki Ngā Mahi Whakatumatuma He aha te pānga o te huna moni i Aotearoa? Ko tētahi raruraru nui o te huna moni i roto i te ao whānui. Kei roto tēnei i ngā whenua katoa. He ingoa pai tō Aotearoa hei wāhi pai, wāhi haumaru mō ngā mahi pakihi. Nā ngā tikanga mārō mō te whakahaere i te aukati huna moni, e ai ki ngā ture taikaha, nā ngā mahi tirotiro pākaha, me te whakaūnga whaitake i pēnei ai te ingoa pai. Ka aha mēnā kāore e huria e tātau ā tātau ture? Ka nui ngā mahi kino ka hua i te huna moni me te tuku pūtea ki ngā mahi whakatumatuma—ki ngā pakihi, ngā ōhanga ā-motu, ā, whānui atu hoki. He mea nui te mahi ngātahi i waenga i ngā whenua o te ao. Me kakama, me whai tūranga haepapa a Aotearoa i roto i te kōtuinga whakahaere pūtea ā-ao ki te tiaki i tōna ingoa pai mō te taumata tiketike o ngā whakaritenga pakari, pono o ana whakaurunga pūtea. He pēhea ngā whakaaro o ētahi ki Aotearoa mō tōna tūnga ā-pūtea i roto i te ao? E whakaaro nuitia ana a Aotearoa hei wāhi tino rawe mō ngā mahi pakihi. He pou tarāwaho ture pakari tō tātau e ū ana ki ngā paerewa o te ao. Kua kitea ō tātau pūkenga kaiārahi mō te tautukunga, te tuwhera o ngā whakahaere tāke me te mahi tahi me ngā whenua o te ao. E hia tau kē e noho pai ana te ingoa o Aotearoa, ā, ko te hiahia kia mau tonu i a tātau tēnā āhuatanga. E herea ana ngā tāngata me ngā pakihi ki te whakauru mai? Āe, e herea ana koe e te ture ki te pūrongo i ngā mahi hoto ka kitea e koe mēnā e whakahaere ana koe i tētahi pakihi, mahi ā-ngaio rānei, i roto i ngā rāngai e kapi i te ture. E tono ana anō hoki kia tutuki i te katoa ō rātau herenga mā te tuku mōhiohio e hiahiatia ana e ngā whakaurunga pūtea, pērā i ngā pēke, ki te aukati i te huna moni. Me āwhina ki te tiaki i te ingoa pai o tō tātau whenua mā te noho mataara. Me kōrero ahau ki a wai / me haere ki hea mēnā he pātai atu anō āku? He mea waihanga te kaupapa whakatairanga tūmatanui o te Aukati Huna Moni me te Ārai i Te Tuku Pūtea Ki Ngā Mahi Whakatumatuma o Aotearoa e Te Tāhū o Te Ture, kei a ia te kawenga mō te whakahaere i te AML/CFT Act 2009. Ka mahi tahi Te Tāhū o Te Ture me Te Tari Taiwhenua, Te Pūtea Matua, Te Mana Tatai Hokohoko, ā, ko rātau "Ngā Kaiwhakahaere" mō ngā rāngai rerekē, ā, ka riro mā te New Zealand Police Financial Intelligence Unit ngā mahi matataua. Waihoki, ka whakahaerehia e Te Tari Taake te tikanga whakahaere tāke, ā, ko tā Te Mana Ārai o Aotearoa he haumaru me te tātari i ngā paenga whenua. Ka mahi tahi katoa ēnei tari ki te ārai i ngā mahi taihara pūtea. Ngā pānga ā-ao: He pēhea te mahi tahi a Aotearoa mō ngā take AML-CFT me ngā whenua o te ao? He tūranga hira tō Aotearoa i roto i te rohe o Āhia/Te Moananui-a-Kiwa. Kei te tino whai wāhi tātau ki te Financial Action Task Force (FATF) e whakatakoto ana i te paerewa mō te tautukunga ā-ao me te AML/CFT. Kei te whakatipuhia e mātau tō mātau mōhio, pūkenga hoki mō te AML/AFT mā ngā mahi a ngā tāngata o Aotearoa e mahi ana hei āteha mā FATF ki te arotake i ētahi atu whenua. E aroturuki ana a Aotearoa i te anga whakamua o ngā mahi i konei i mua i te whakahaeretanga o tētahi aromatawai a te FATF ā te 2020. He aha te Arotake Ngākau Kotahi a FATF i a Aotearoa? Kei roto i te Arotake Ngākau Kotahi a FATF ko ngā ngaio mai i ngā whenua rerekē ka arotake i ngā ture AML/CFT, kaupapahere, hātepe hoki a Aotearoa me te tātari i te whaitake o ēnei. I mua i tēnei me mātua tuku e Aotearoa he uiui kua whakaotia me tētahi aromatawai whaiaro ki ngā āteha a FATF. I muri i te arotake i te tāpaetanga, ka haere mai rātau ki Aotearoa ki te tūtaki i ngā mana, ngā rāngai e kapi ana i ngā ture AML/CFT, te pāpāho me ngā tāngata mātauranga, me te tātari mēnā kei te ū ki ngā hātepe me ngā tikanga, ā, mēnā e whakatutukihia ana ngā herenga ā-ao. He hira anō te aromatawai 2020 a FAFT ki Aotearoa? He mea taketake tēnei ki te ingoa tino pai o Aotearoa i roto i te pūnaha pūtea ā-ao me tō tātau ōhanga. E whakaatu ana te aromatawai pai i te hapori pakihi ao whānui he taikaha tō tātau mana ture mō te huna moni me te tuku pūtea ki ngā mahi whakatumatuma, ā, he ū ki ngā paerewa ā-ao. Nā tēnei, kua whakaarahia e te kāwanatanga o Aotearoa te whakatikatikatanga o te aromatawai hei kaupapa matua. Ngā whakamāramatanga: He aha te tikanga o te AML me te CFT? Ko te AML ko te "anti-money laundering", ā, ko te CFT koinā te "countering financing terrorism." E kōrero ana mō ngā ture, kaupapahere, hātepe hoki kei ia whenua hei tūhura me te whakapāhunu i ngā mahi taihara pūtea me te huna i ngā moni. E hāngai ana te whakahaere a ia whenua i te AML me te CFT ki ngā paerewa ā-ture o te ao. Hei tauira, e herea ana ngā whakaurunga pūtea pērā i ngā pēke ki te ū ki te ture hei ārai i ngā whakamahinga hē ā-ture i ā rātau ratonga. He aha te tikanga o CCD? Ko te CCD ko te “Customer Due Diligence” tērā, ā, ka kīia i ētahi wā ko te KYC “know your customer”, te “knowing your customer” rānei. E tohu ana i ngā tikanga paerewa e whakamahia ana e ētahi atu whakaurunga pūtea, pērā i ngā pēke, hei whiwhi mōhiohio mō ā rātau kiritaki kia kore ai e whakamahi kinotia ā rātau ratonga. Ka āwhina tēnei i ngā pēke me ētahi atu pakihi ki te tautuhi i ngā mahi hoto. Kei roto i ēnei mōhiohio te whakaaturanga o ngā ingoa me ngā wāhi noho, me te ahunga mai o ngā pūtea. He aha te tikanga o ngā mahi "tautukunga"? Ko ngā āpiha tautukunga ngā ngaio i roto i ā tātau pēke, whare petipeti, pakihi ture, pakihi hoko whare, me ētahi atu pakihi (e mōhiotia ana he Hinonga Tuku Pūrongo) e whai kawenga ana mō te whakarite kei te ū ā rātau whakahaere ki ngā ture me ngā waeture hei aukati i te huna moni me te tuku pūtea ki ngā mahi whakatumatuma. I hangaia ngā kaupapahere me ngā hātepe i ia Hinonga Tuku Pūrongo ki te tūhuratanga me te āraitanga. Ka whakarite ngā āpiha tautukunga kei te whakahaerehia ngā hātepe aukati huna moni – koinei te tauārai tuatahi mā ngā pakihi. Me noho mataara ngā tāngata katoa o Aotearoa – he wāhanga tautukunga katoa tō tātau. Manatārua × Published by the Ministry of Justice © Crown Copyright Licensed for use under the creative commons attribution licence (BY) 4.0 He aha te huna moni? ×