Whakarongo, Korerohia, Whakaarihia | He Kupenga Hao i te Reo He Kupenga Hao i te Reo Māori Language Education and Research Menu Skip to content Kāinga Ngā Rauemi Rauemi Ipurangi Ngā Rauemi Hoko Whakapānga Mai Whakarongo, Korerohia, Whakaarihia Whakarongo, Korerohia, Whakaarihia Ko te pūkete nei Whakarongo, Kōrerohia, Whakaarihia he rauemi hei hāpai i te hōtaka whakaako reo i roto i ō tātou kura reo Māori. E hāngai ana ki te Taumata 5 o Te Reo Māori i roto i te Marautanga o Aotearoa. Ko te tino aronga o tēnei rauemi ko ngā momo āheinga o te reo Māori. Arā, ko te āhua o te tangi mai o te reo me ngā momo kupu hei whakaata i ngā āheinga. Taumata o te Marautanga:  4–6 Momo rauemi:  Pukapuka, Kōpae Whakarongo (CD) Kaituhi:  Peti Nohotima Kaiwhakaputa:  He Kupenga Hao i te Reo Nama take:  11045 ISBN: 0-478-13448-7 Kaupapa: E ono ngā whakaari o te rauemi nei hei whakarongo mā te hunga ākonga, hei wetewete, hei tātari i te reo, hei ako i ngā kupu me ngā kīwaha, otirā hei whakawhitiwhiti, hei whakaari anō hoki. Kua tuhia ngā kupu o ngā whakaari hei pānui, ā, kua hopukina ngā reo kōrero ki te kōpae hei whakarongo. Description: A boxed set containing five student books, one teachers guide and a CD Rom. The set is based on six short plays which focus on the natural and idiomatic language of whānau interactions. Additional Info: E toru ngā rauemi o te pūkete nei: Te Pukapuka Aratohu a te Kaiako Whai mai ana i ia whakaari ko ētahi ngohe hei āwhina i te mahi whakaako. He āhua ōrite ngā momo ngohe mō tēnā whakaari mō tēnā, ā, ehara i te mea ko ēnei te mutunga ake o ngā mahi ako e taea ana. Mā te kaiako tonu e tīpako ngā momo ngohe e hāngai ana ki ngā hiahia o āna ākonga, otirā, māna hoki e waihanga he ngohe atu anō. Kua tuhia he tauira whakautu, he rārangi kīwaha, he kuputaka hoki ki te wāhanga whakamutunga o tēnei pukapuka. Nama take: 11044 ISBN: 0-478-13448-7 Te Pukapuka a te Ākonga (e rima o ēnei ki ia pūkete) Kei roto i tēnei o ngā pukapuka ko ngā kupu o ngā whakaari me ngā ngohe ako hei mahi mā ngā ākonga. Nama take: 11042 ISBN: 0-478-13449-5 Te Kōpae Rorohiko Kei runga i te kōpae nei ngā whakaari e ono hei whakarongo mā ngā ākonga. Nama take: 11043 ISBN: 0-478-13450-9 He utu-kore ēnei rauemi mō ngā kura o Aotearoa. Me tono atu ki:  www.thechair.minedu.govt.nz back to publications © 2019 He Kupenga Hao i te Reo Ltd.