Ngā Whakamārama | Paekupu   ! Nau mai ki PAEKUPU, ngā kupu e hāngai ana ki Te Marautanga o Aotearoa. Ko ngā marautanga kei PAEKUPU i tēnei wā: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia   X Paekupu X RAPUA HE KUPU / Search KUPU WHAKATAKI / Introduction Ngā Mihi Ngā Kāhui Whakaruru Ngā Kaitirotiro He Kupu Whakataki Ngā Whakamārama Rārangi KUPU / Word Lists Te Reo Matatini Māori → English English → Māori Toi Ataata Māori → English English → Māori Puoro Māori → English English → Māori Ngā Mahi a te Rēhia Māori → English English → Māori Pāngarau Māori → English English → Māori Pūtaiao Māori → English English → Māori Ngā Puna Kōrero/Whakaahua / Sources and Credits Te Reo Matatini Toi Ataata Puoro Ngā Mahi a te Rēhia Pāngarau Pūtaiao WHAKAPā MAI / Contact All rights reserved Copyright © He Kupenga Hao i te Reo 2019 Paekupu PAEKUPU Ngā Whakamārama Ko tāu mahi, he pato i te kupu e hiahia ana koe, ahakoa he kupu Māori, he kupu Ingarihi rānei. I a koe e pato ana ka puta ngā kupu hei kōwhiri māu i te mea e hāngai ana ki tāu e rapu nā. Ina wareware i a koe te tohutō te pato, mā Paekupu tonu e whakaatu. Mō ngā kupu katoa, ka whakaaturia: te wāhanga ako o te marautanga e hāngai ana; te kupu Māori me te kupu Ingarihi e hāngai ana; he pūtohu oro hei whakarongo māu ki te whakahuatanga o te kupu; te/ngā whakarōpūtanga kupu e hāngai ana, pēnā he tūingoa, he tūmahi, he tūāhua, he whakarōpūtanga kē atu rānei; te whakapotonga o te kupu me tōna tohu (mēnā e hāngai ana); te kūmuri whakahāngū me te kūmuri whakaingoa mēnā e hāngai ana. Ka whakamāramatia te takenga mai o ētahi o ngā kupu waihanga, arā, he aha i whakamahia ai taua kupu hei whakaata i tērā tikanga. He mārama tonu te takenga mai o ētahi o ngā kupu, pērā i te ‘papamārō’ mō te ‘hardboard’, nō reira kāore te takenga mai o aua kupu e whakaaturia. Mēnā e hāngai ana, ka whakaaturia hoki he kupu kē atu , arā, he kupu taurite. Koia nei ngā wāhanga o roto i ngā whakamārama o ngā kupu matua: Whakamārama Ka whakamāramatia i konei te tino tikanga o te kupu e hāngai ana ki te wāhanga ako o taua kupu. Ka tuhia hoki te whakapākehātanga o tēnei whakamārama. Tauira Kōrero Kua tuhia ētahi tauira o te whakamahinga o te kupu i roto i te rerenga kōrero, arā, he rerenga pātai, he rerenga tohutohu, he rerenga whakamārama. He pūtohu oro kei te taha o ia tauira kōrero. Ina pāwhiria te pūtohu oro ka rangona te whakahuatanga o taua rerenga kōrero. Whakamārama Āpitihanga Kei konei te roanga atu o te whakamārama o te kupu me ngā pikitia, ngā whakaahua e hāngai ana. Ka whai wāhi i konei ngā whakamārama mō ētahi atu kupu e tino whai pānga ana. Hei tauira, ka whakamāramatia te ‘peita kiriaku’ ki tēnei wāhanga o te whakamārama o te kupu 'peita'. Mēnā kua tārarotia tētahi kupu ki te rārangi kahurangi, he toronga tōna. Ina puritia te kiore ki taua kupu, ka kitea tōna whakapākehātanga. Ina pāwhiria, ka toro atu ki taua kupu tonu i te papakupu.