Te haere ki tētahi marae » Te Taura Whiri i te Reo Māori English Māori Te haere ki tētahi marae 'Kia ita!' Te Taura Whiri i te Reo Māori Māori Language Commission PAE TAHUA Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero × Te haere ki tētahi marae Tikanga Māori Ngā Mihi Te haere ki tētahi marae Te Pōwhiri Karanga Whaikōrero Waiata Mihimihi He wāhi mō te hapori Māori te marae, he wharenui, he wharekai, he wāhi tunu kai, he marae ātea (te papa tapu kei mua i te wharenui) tō te nuinga. He wāhi tohu i te tuakiri o te iwi te marae, he wāhi e hui mai ai te tangata ki te matapaki, ki te wānanga i ā rātou take. He tūrangawaewae hoki te marae ki te Māori. Mēnā e whakarite ana koutou ko tētahi rōpū ki te toro i tētahi marae, he mea nui te āta whakariterite i a koutou. I mua i te haere: Ka pai tonu te mōhio he aha ngā tikanga o te marae, he aha anō ngā whanonga tika. Mā te mōhio ki te kawa o te marae e mārama ai, e mōhio ai koutou he aha te wāhi ki a koutou i te pōwhiri. Me kōrero ki tētahi tonu o te marae e mātau ai koutou ki ēnei āhuatanga. Me kōrero tahi ki te tangata whenua ki te whakarite i te haora e tae atu ai koutou. I te nuinga atu o ngā iwi, me tae atu koutou i te awatea. Mā te tangata whenua rawa e tīmata te pōwhiri, arā, mā te reo karanga. Tērā pea ka paku tatari koutou i mua i te haere o te karanga i a koutou. Ka pai tonu tā koutou whakarite kaikaranga mō koutou (kia kotahi, kia rua rānei ngā wāhine  karanga ) i mua i te toro i te marae. Ki te kore e kitea he kaikaranga, whakamōhiotia atu te iwi kāinga, mā rātou koutou e ārahi. Āta whakaritea he/ētahi kaikōrero (he tāne tonu, ki te kore he tohutohu kē atu) mō ngā whaikōrero. Me pai te reo Māori o te kaikōrero, me autaia tonu tana tū hei māngai mō te rōpū katoa. Āta whakaritea he waiata mā koutou hei tautoko i ngā kaikōrero. Kia kotahi te waiata mō tēnā, mō tēnā kaikōrero. Kohia tā koutou koha – he moni tonu pea kua raua ki te kōpaki hei whakatakoto ki te marae. Āta whakaritea tētahi atu kaikōrero ki te pīrangihia, pērā i tētahi o te iwi kāinga ki te kōrero i ngā kōrero o te rohe, o te marae rānei. Mēnā ka taea, āta whakaritea tēnei i mua i te haerenga atu. Me ako ngā tikanga o te marae. Ka taea e ētahi marae te tuku kōrero ārahi i a koutou, hei tauira, āe rānei, kāore rānei e whakaaehia te kai waipiro, ko hea ngā wāhi e whakaaehia ai te kai, ko hea ngā wāhi kāore koutou e āhei atu. He haere ahurei te haere ki tētahi marae. Ki te āta whakaritea tā koutou haere, ka tino pārekareka tonu.  Te Matatapu Privacy Statement Te Taura Whiri i te Reo Māori +64 4 471 0244 INFO@TETAURAWHIRI.GOVT.NZ LEVEL 11, THE CO-OPERATIVE BANK HOUSE 20 BALLANCE ST , WELLINGTON , 6011