Tikanga Māori » Te Taura Whiri i te Reo Māori English Māori Tikanga Māori 'Kia ita!' Te Taura Whiri i te Reo Māori Māori Language Commission PAE TAHUA Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero × Tikanga Māori Ngā Mihi Huitanguru 2019 I te ao Māori, he mea nui te mihi i te tangata. Mā ngā kupu tonu ka tīkina atu me te āhua o te whakatakoto i te whakaaro e kitea ai te ngākau manaaki, e takoto ai te tūāpapa mō te whakawhiti whakaaro ki te tangata. Ahakoa tuhia, ahakoa kōrerotia... Te haere ki tētahi marae Huitanguru 2019 He wāhi mō te hapori Māori te marae, he wharenui, he wharekai, he wāhi tunu kai, he marae ātea (te papa tapu kei mua i te wharenui) tō te nuinga. He wāhi tohu i te tuakiri o te iwi te marae, he wāhi e hui mai ai te tangata ki te... Te Pōwhiri Huitanguru 2019 Ina whakaeke te manuhiri ki te marae, ka kīia tērā he pōwhiri (he pōhiri rānei). Kāore e whāiti mai te pōwhiri ki te marae – kei te tangata whenua te tikanga ki hea a ia pōwhiri ai i āna manuhiri, ki reira mihi ai i a rātou. Ko te reo Māori te... Karanga Huitanguru 2019 Ko tēnei mea te karanga he whakawhitiwhiti whakaaro. He tikanga tēnei ka haere ina whakaeke te manuhiri ki te marae, ki tētahi wāhi rānei kua tohua. Ko tā te karanga he tohu kua tīmata te pōwhiri, ko te tikanga nā te wahine tēnei mahi, ka mutu ka haere tēnei mahi... Whaikōrero Huitanguru 2019 He kōrero ōkawa te whaikōrero, koia nei te wāhi ki te tāne ina haere tētahi pōwhiri, ētahi atu momo hui rānei. He tū anō te wahine ki te whaikōrero i ētahi rohe. He huarahi te whaikōrero e whakaatau ai te waha kōrero i tōna mōhio ki te reo Māori, ka mutu... Ko tēnei mea te tikanga, he ritenga, he tohutohu hei ārahi i te tangata ki te kawe tika i a ia i āna mahi o ia rā, i āna haere i te ao Māori. Ko te nuinga o ngā tikanga, i hua ake i ngā mea kua kitea, kua ākona i ngā rau tau, i ngā mano tau, he mea tuku iho e ngā tūpuna. Ko tōna tūāpapa, ko te whakaaro tika e puta ai ko te hua tika, e ai anō ki tā te Māori titiro ki tōna ao. Ahakoa he āhuatanga pūmau te tikanga, he paku rerekē anō te whakatinanatanga o te tikanga i tēnā iwi, i tēnā iwi, i tēnā hapū, i tēnā hapū. Hei tauira, ka rerekē pea te āhua o te whakatau a tēnā, a tēnā hapū i āna manuhiri. Engari ka mātua ea tonu i te katoa tēnei mea te manaaki, te tiaki i te manuhiri. E kore e mau katoa ngā ritenga a iwi kē i te wā poto noa. Mehemea kāore koe i te taunga ki ngā tikanga a tētahi iwi, whāia ngā ara katoa e taea ana e mōhio ake ai koe ki tōna āhua. He nui ngā painga ka puta ki a koe ki te ako koe i ā rātou tikanga; ka pārekareka ake, ka pai ake tō uru ki tō rātou nā ao. Kei tēnei wāhanga e mau ana ētahi kōrero mō ngā tikanga Māori. Ka whakamāramatia ngā tikanga ina tūtaki koe ki te tangata Māori, ā, he aha ētahi mihi e taea ana, e tika ana i tēnā horopaki, i tēnā kaupapa.  Ako Whakahuatanga Ngā Wāhi Ako Te Matatapu Privacy Statement Te Taura Whiri i te Reo Māori +64 4 471 0244 INFO@TETAURAWHIRI.GOVT.NZ LEVEL 11, THE CO-OPERATIVE BANK HOUSE 20 BALLANCE ST , WELLINGTON , 6011