Kua piki te pakari o Te Taura Whiri i te Reo Māori nā tōna kawenga hou me te kopounga o ētahi mema hou » Te Taura Whiri i te Reo Māori English Māori Kua piki te pakari o Te Taura Whiri i te Reo Māori nā tōna kawenga hou me te kopounga o ētahi mema hou 'Kia ita!' Te Taura Whiri i te Reo Māori Māori Language Commission PAE TAHUA Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero × Kua piki te pakari o Te Taura Whiri i te Reo Māori nā tōna kawenga hou me te kopounga o ētahi mema hou Pānui Pāpāho Kua tuwhera Ngā Tohu Reo Māori 2019 E whitu ngā kaupae ki te angitū reo Māori Wāhine toa He Aituā Kāore koe i te mōhio he aha te tikanga o te ‘kia’ me te ‘ora’? Kua whakaterea Te Wiki o te Reo Māori 2019 e te Kāwana Tianara Kātahi te pai o te whakaako reo Māori e haere nei: kia kaha ake rā! He hua reo, he hua pakihi!   Ngā mema o te Poari o Te Taura Whiri i te Reo Māori Whiringa-a-nuku 2016 Charisma Rangipunga (Toihau Tuarua), Wayne Panapa, Wayne Ngata (Toihau), Charlie Tepana, Hinerangi Edwards Kua tū pakari anō te Poari o Te Taura Whiri i te Reo Māori nā runga i te kopounga o ngā mema hou e rua, mō te toru tau te roa. I tū te hui tuatahi mō ngā mema hou i te Rāhina kua pahure. Kei te koa te Toihau o te Poari o Te Taura Whiri i te Reo Māori i te kopounga o Hinerangi Edwards (Taranaki, Ngāruahine, Ngāti Ruanui, Te Arawa) rāua ko Wayne Panapa (Waikato Maniapoto) e te Minita o Te Puni Kōkiri, a Te Ururoa Flavell. “He pukenga ō Hinerangi mō ngā mahi rautaki me te mana arataki, ā, kei te taha whakahaere pūtea me te rautaki ō Wayne pukenga. He tino taonga ō rāua tohungatanga me ō rāua mōhiotanga ki tō mātou kawenga hou ki te whakatinana i tētahi rautaki Karauna hou kua pānuitia mō te whakaoranga ake o te reo i raro i te Ture Reo Māori 2016, te kī a Tākuta Ngata. Anei te katoa o te poari: Wayne Ngata (Toihau), Charisma Rangipunga (Toihau Tuarua), Hinerangi Edwards, (Kaiwhiri) Charlie Tepana (Kaiwhiri) me Wayne Panapa (Kaiwhiri). Kua kopoua a Charisma Rangipunga, mema noho o te poari, ki te tūranga toihau tuarua. Ka kapi ngā mema hou i ngā tūranga o Hinurewa Poutū, kei tāwāhi kē ināianei, me Ahorangi Rawinia Higgins, i kopoua ai ki te poari o Te Mātāwai. “Kua huri ki ngā mahi nui kei mua i te aroaro mō tō mātou poari, me taku whakamihi ki a Hinurewa rāua ko Rawinia mō o rāua āwhina i te taha o Te Taura Whiri i te Reo Māori ki te whakatina i te reo Māori mō ngā rā e tū mai ana.” Ka whai Te Taura Whiri i te Reo Māori i te kawenga whakatinana matua i raro i te Ture, me te hihiwa ki te whakapiki i te kaha whakamahia, te kaha kitea, me te mana o te reo ki roto i te kāwanatanga ā, huri noa i te motu whānui. Kua tū he rōpū hou, a Te Mātāwai, hei māngai, hei arataki hoki  i ngā iwi, ngā hapū, me ngā whakahaere Māori, ki te tautoko i te tuku o te reo Māori ki ia whakatipuranga, ki ia whakatipuranga. I a ia e pōhiri ana i ngā mema hou o te Poari, ka kī a Tākuta Ngata, ko ngā mahi nui rawa atu mā ngā whakahaere e rua, ko te mahi ngātahi. He kaiwhakahaere, he mātanga kaitohutohu hoki a Ms Edwards i tēnei wā, i te taha o Aatea Solutions, me tana arotahi ki te mahi whakahaere hononga, rautaki hoki. He kaikaute tūtohinga, he kaiwhakahaere whai wheako hoki, a Panapa. He kaiwhakahaere Pūtea Wehewehenga mō WEL Networks Ltd, ā, ko ia hoki te heamana o Ngā Kaitatau Māori o Aotearoa. Te Matatapu Privacy Statement Te Taura Whiri i te Reo Māori +64 4 471 0244 INFO@TETAURAWHIRI.GOVT.NZ LEVEL 11, THE CO-OPERATIVE BANK HOUSE 20 BALLANCE ST , WELLINGTON , 6011