Tiriti o Waitangi - Kupu Ake - Nga kupu ake a etahi tangata mo te tiriti 1920-1939 Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama KEI TĒNEI WĀHANGA English version of this page Kupu Ake NgĀ kupu ake a Ētahi tĀngata mŌ te tiriti 1920-1939 Kei tēnei wāhanga ētahi o ngā kupu ake a ētahi tāngata ingoa nui e pā ana ki te Tiriti, mai i te wā o mua i te hainatanga o te Tiriti tae mai ki te tau 1990. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand Rārangi Ingoa Tātai Reta Ballance, John 1888 Barclay, Rui 1960 Barnard, William 1932 Bell, Francis (Sir) 1922 Bertrand, G. (Major) 1940 Bledisloe (Lord) (1) 1934 , (2) 1934 , (3) 1934 Bracken, Thomas 1882 Bunbury, Thomas (Major) 1840 Cameron, (General) 1864 Carr, Clyde (Reverend) 1932 Carroll, James 1891 , 1894 , 1908 Carroll, Turi (Sir) 1963 Chapman (Justice) 1847 Chief of Ngā Puhi 1848 Churchill, Winston (Sir) 1906 Clarke, George 1861 Coates, Dandeson 1838 Coates, Joseph Gordon 1925 , 1932 , 1934 Cobham (Lord) 1960 Colenso, William 1844 Cooke, Alfred 1913 Cooper, Whina (Dame) 1953 , (1) 1975 , (2) 1975 Dewes, Koro 1968 Fenton, F. D. (Chief Judge) 1857 , 1870 Field, William H. 1932 Fitchett, (Dr) 1909 FitzRoy, Robert (Governor) 1844 , 1845 , 1846 Forbes, George (1) 1932 , (2) 1932 , (1) 1934 , (2) 1934 Fraser, Peter 1923 , 1940 Galway (Viscount) 1940 Gipps, (Governor) (1) 1840 , (2) 1840 Graham, Douglas 1984/1985 Gregory, Bruce (Dr) 1984/1985 Hadfield, Octavius (Archdeacon) 1840 , 1860 , 1861 Harawira, Titewhai 1975 Heke, Hone 1844 , 1845 Herangi, Te Puea 1940 Highet, David 1974 , 1976 Hobson, William (Captain) (1) 1840 , (2) 1840 Hunn, Jack 1960 Jack, Roy (Sir) 1974 Jessep, J. 1934 Kawepo, Renata 1861 , 1877 King, Michael Te Puea Herangi 1939 Kirk, Norman Eric 1973 , 1974 Kohere, Reweti (Reverend) 1905 Langstone, Frank 1940 , 1944 Latimer, Graham (Sir) 1990 Lawry, Walter (Reverend) (1) 1845 , (2) 1845 Lowry, L. G. 1944 Hamuera Mangakahia, Moehau 1892 Mangakahia, Hamiora 1908 Maori Rights Conservation Association 1907 Martin, Samuel McDonald 1841 , (1) 1845 , (2) 1845 Mason, Henry Rex 1939 Maunsell, Robert (Reverend) 1845 , 1846 , 1847 Mawhete, Rangiputangatahi 1944 May, Henry 1973 McLean, Mr 1984 Moki, P. (Reverend) 1940 Muldoon, Robert 1973 , 1974 Nash, Walter 1932 , (1) 1960 , (2) 1960 Native Affairs Committee Report 1945 Nene, Tamati Waka 1840 , 1860 New Zealand Herald Editorials 1934 , (1) 1940 , (2) 1940 Ngapua, Hone Heke 1894 Ngata, Apirana (Sir) 1907 , 1919 , 1922 , 1930 , (1) 1932 , (2) 1932 , (3) 1932 , 1934 , 1938 , 1939 , (1) 1940 , (2) 1940 Ngata, Henare 1972 Ngatata, Wiremu Tako 1873 Ngati Raukawa petition 1860 Normanby, (Lord) 1839 Paerimu, Eruena 1879 Paikea, Paraire Karaka 1939 , 1940 Palmer, Geoffrey 1984 , 1990 Pana-kareao, Nopera 1840 , 1841 Parata, C. 1908 Parr, James (Sir) 1932 Parry, William 1938 Plunket, William (Sir) 1908 Potae, Wi 1934 Prendergast, James 1877 Pugsley, Christopher Maori Battalion 1918 Puriri, Nau Paraone Kawiti 1963 Queen Elizabeth II 1963 , 1990 Rankin, Hone Heke 1953 Rata, Matiu 1960 , 1971 , 1973 , 1974 , 1975 , 1976 Ratana, Tahupotiki Wiremu - petition 1932 Ratana, Haami Tokouru (Toko) - 1939 Ratana (Mrs) 1960 Rewa, Ngai Tawake 1840 Riddiford, Daniel (1) 1971 , (2) 1971 Rowling, Bill 1975 Royal Commission on Social Policy 1988 Ruru, David 1975 Salmond, John (Sir) 1918 Savage, Michael Joseph 1934 Seddon, Richard (Premier) 1894 , 1902 Simpson, Peter (Dr) 1990 Sinclair, Keith (Sir) 1990 Somes, Joseph 1843 Stanley (Lord) 1845 Stirling, Eruera 1985 Stout, Robert 1914 Sutch, William 1966 Symonds, W.C. (Captain) 1840 Taipari, Wirope Hoterini 1869 Taipua Te Puna-I-rangiriri, Hoani 1891 Taonui, Aperahama 1863 Tawhiao, (King) 1884 , 1885 Taylor, Richard (Reverend) 1845 Te Arawa petition 1891 Te Awha, Parore and Ngā Puhi petition 1882 , 1883 Te Tomo, Te Taite 1932 Tennet, Elizabeth 1990 Tirikatene, Eruera (1) 1932 , (2) 1932 , (3) 1932 , 1933 , 1938 , 1939 , 1960 Tirikatene-Sullivan, Whetu (1) 1974 , (2) 1974 , 1985 Tomoana, Henare 1893 Topeora, Rangi Kuini Wikitoria 1861 Tuhaere, Paora 1860 Tuwhare, Hone 1975 Te Heuheu Tukino, Tureiti 1898 Upton, Simon 1984 , 1990 Vercoe, Whakahuihui (Bishop) 1990 von Haast, H. F. 1934 Ward, Joseph (Sir) 1908 Warren, John (Reverend) 1863 Wetere, Koro 1984 Williams, Henry 1845 Young, Venn 1975   1922 Apirana Ngata Image: ATL 35mm-00181-f-F © Image copyright conditions TĀ APIRANA NGATA RANGATIRA O NGĀTI POROU, MEMA PĀREMATA MŌ TE TAI RĀWHITI (MINITA MŌ NGĀ TAKE MĀORI Ā NGĀ TAU E TŪ MAI ANA)  O reira, ā, tae noa mai ki tēnei wā e meinga ana e ngā tāngata mātau, e ngā kaiwhakahaere rānei o te iwi Māori, hei kaupapa kōrero mā rātou te Tiriti me ōna tikanga. I tēnei wā kei te kōrero nuitia ki ngā marae katoa tēnei Tiriti. Kei te ngutu o te iti, o te rahi, o te tangata kūare, o te tangata whai whakaaro. Ko te upoko tēnei [Upoko II] i takea mai ai ngā kōrero e kōrerotia haeretia nei i ngā marae mō te Tiriti o Waitangi. Ka muru te Kāwanatanga i te whenua ka kīia kei te hē, kei te hara ki te oati a te Kuini i oatitia ai e ia i raro i tēnei upoko o te Tiriti. Ka puta ngā wawata a ngā rōpū Māori ki te mana Māori motuhake, ahakoa kīia he Kotahitanga, he Kauhanganui, he Pāremata Māori, he aha rānei te ingoa. E hoki ana aua wawata ki tēnei upoko o te Tiriti. Otirā nā te pōhēhē i pērā ai. Arā kei te mana o te Māori kua tāpaetia atu e te Upoko Tuatahi o te Tiriti mō ake tonu atu.  …Ko te wāhi nui tēnei [Upoko III] o te Tiriti o Waitangi: ko te wāhi tēnei e tino pēhi ana i runga i te iwi Māori; otirā ko te wāhi tēnei e wareware ana i roto i ngā whakamāramatanga o te Tiriti a ngā kaiwhakahaere o te iwi Māori i ngā tau ka taha nei. Ko te koha nui rā tēnei a te Kuini. Ko te whakautu o te tahuaroa o ngā mana Māori i tāpaetia atu rā ki a ia e te upoko tuatahi o te Tiriti. Ko tōna whakamārama poto tēnei. Nā tēnei rārangi i kī kia rite tahi te Māori rāua ko te Pākehā i raro i te ture, kia rite tahi ki āna mea ki ngā tāngata o Ingarangi. ...Kāti i konei aku whakamārama mō tēnei upoko o te Tiriti. Heoi tāku he whakatūpato i te iwi e poipoi haere ana i te ingoa o te Tiriti, kia tūpato i tēnei wāhi o te Tiriti, kia tūpato kei waiho hei huarahi mai mō ētahi mate kei te ngaro atu, kei runga anake i te Pākehā e taumaha ana. Mehemea he mate mō tātou ina hohoro te whakapākehātia o tātou, mehemea he tānga manawa mō tātou kei te āta tukutuku haere o ngā tikanga Pākehā, kāti waiho ētahi wāhi o te Tiriti kia āta moe ana. [Sir Apirana Ngata, The Treaty of Waitangi: An Explanation, 1922.]     1922 Francis Bell Image: ATL PAColl-5469-012 © Image copyright conditions SIR FRANCIS BELL RŌIA MATUA A TE KĀWANATANGA E whakapono ana au ki te pai o te ture mehemea i taea tēnei take te whakatau i tētahi kōti ā-ture. I raro o te Tiriti o Waitangi ka whakanohoia mai te taitara ki te katoa o ngā whenua o Aotearoa ki roto i te Karauna, mehemea kāore he whāinga motika o te iwi Māori ki tētahi whenua. Ko ngā whāinga motika o te iwi Māori i noho anō ki te iwi me ngā hapū i haere i aua wai, kīhai i haerea e ētahi atu iwi, engari ko ngā takutai moana me ngā takere moana, me ngā kūkūpango o aua awa i taea te whakatere e te kaipuke i Aotearoa, ēnei katoa kāore i whakanohongia mai hei taonga pupuru mō ngā iwi me ngā hapū e whai mana ana ki ngā wai o runga ake… [Cited in Alex Frame, Salmond: Southern Jurist, 1995, p.127. The statement related to Te Arawa’s Native Land Court claim to ownership of the bed of Lake Rotorua.]     29 Hune 1923 Peter Fraser Image: ATL 1/2-005062 © Image copyright conditions PETER FRASER MEMA PĀREMATA (HE PIRIMIA Ā NGĀ RĀ KEI TE TŪ MAI) …te tikanga kia tūpato tonu tēnei whare, kia mahia e ia ngā mahi katoa e tika ana e taea ana e te tangata kia mōhiotia ai kāore he hē i mahia ki a rātou e pupuri ana i tētahi whenua Māori, kia mōhiotia ai hoki kei te whakatinanatia, kāore ko ngā kupu anake, engari ko te wairua o te Tiriti i waenganui i te Pākehā me te iwi Māori. [New Zealand Parliamentary Debates, Volume 200, p.455.]       28 Hepetema 1925 Gordon Coates Image: ATL 1/1-018353 © Image copyright conditions GORDON COATES MINITA MŌ NGĀ TAKE MĀORI Kua maha hoki ngā tau e kauwhau ana ngā iwi o Te Ika a Māui i ngā mahi hē o ngā murunga i ngā wāhanga nunui tonu o ō rātou whenua, i muri i ngā riri mō te whenua, ā, he maha hoki ngā huarahi i whāia hei whakaputa i tō rātou manawapā. I ētahi wā ko te āhua o taua kauwhau he kawe kupu ki mua i te aroaro o te Kāwanatanga o Te Kīngi o Ingarangi, ā, i ētahi wā anō nā ngā take i whakaurua mai ki mua i te whare Pāremata o Aotearoa … i runga i tēnei kaupapa, ki tāku titiro mai rā anō e mana tonu ana te here o te Kāwanatanga kia whakawāteahia tētahi wāhi e taea ai e te iwi Māori ā rātou nawe te whakapuaki, e mea nei rātou i pā ki a rātou i mua i te aroaro o tētahi rūnanga e ngākau nui ana ki te āta whakarongo ki aua nawe, e matatau ana ki ngā āhuatanga, e kaha ai ia ki te whakatakoto huarahi ki te Kāwanatanga me te Whare Pāremata… Ko te kore whakatatūranga i ngā rā o mua i takea mai i te mahi pōhēhē a ngā kaitohutohu i te iwi Māori, i mea rā rātou kia whakawhirinaki te taha Māori ki ngā whakaritenga o te Tiriti o Waitangi. Anei tonu te whakautu hohoro ki aua kupu, kei te ākina kia whakawhirinaki ēnei tāngata ki te Tiriti, engari he iwi tēnei i huri tuarā ki te Tiriti, i te huringa tuarā ki te Tiriti i huri tuarā hoki ki te tukunga rangatatiratanga ki te Karauna, engari koinā te kaupapa taketake o te Tiriti. Engari kāore rawa atu te Tiriti e noho hei wāhi o ngā whiriwhiri mō te take raupatu whenua, mehehea i tika, i ōrite te whakahaere o ngā muru raupatu i runga anō i ngā āhuatanga o tēnei mea te pakanga me ngā mahi i mahia e te taha Māori me te taha Pākehā.   [New Zealand Parliamentary Debates, Volume 208, pp.773-774. The debate related to the Native Land Amendment and Native Land Claims Adjustment Bill, which established a royal commission (subsequently known as the Sim Commission) to examine long-standing Maori claims arising out of the raupatu (confiscation) of their land in the 1860s.]     Akuhata 1930 Apirana Ngata Image: ATL 35mm-00181-f-F © Image copyright conditions TĀ APIRANA NGATA RANGATIRA O NGĀTI POROU, MINITA MŌ NGĀ TAKE MĀORI Tuatahi, me kī au, i ahu mai ngā iwi o te uru o te ao ki Aotearoa ki te apu, apu whenua, apu taonga. …. Kia hurihia te titiro, he aha ā ngā iwi o te uru taonga i whāia, i minaminatia e te iwi Māori? Tuatahi, he minamina ki te taonga, ki ngā taputapu, te take i hōrapa ai ngā hoko i waenga i ngā taha e rua, i puāwai mai ngā mahi hokohoko o ngā tau tuatahi. I muri tata tonu iho i te tūtakinga tuatahi o ngā iwi e rua, ka tūtaki ngā whakapono. …I raro anō hoki i te Tiriti o Waitangi ka kitea te āhuatanga tuatoru, he āhuatanga nui whakaharahara, ko te hāpainga e ngā iwi o te uru o te ao i te takohanga kia tiakina, kia manaakitia hoki te iwi ake o Aotearoa. Kāore he here ā-tikanga o te ahurea o ngā iwi o te uru, kia whakapūmautia rā anō e ia āna ture, āna tikanga whakahau i te tika, hei āta whakahaere i āna tāngata. Kia kaua tātou e wareware i raro anō i te pitihana tuatahi ki Ingarangi, ko te whāinga matua he tiaki i Aotearoa i ngā mauhere o Ahitereiria kua rere mai i reira, me ngā Pākehā noho ture-kore ki Aotearoa i taua wā. Ko ngā āhuatanga i tūmanakotia e te iwi Māori mō te Tiriti, he āhuatanga hei wānanga mā mātou. Ko te āhua o te whakatutuki i aua tūmanako e ngā Kāwanatanga i roto i ngā tau tētahi kōwae matua o ngā uiuitanga.  [Ngata to Peter Buck (Te Rangihiroa), August 1930, cited in Na To Hoa Aroha. From Your Dear Friend, M. P. K, Sorrenson (ed.), 1987, Volume 2, pp.48-49.]     1932 Ko te Temepara o te Hāhi Rātana, i te Pā o Rātana. He whakaahua nā Albert Percy Godber i tango, i te takiwā o te tau 1930. Image: ATL 1/2-018648-G © Image copyright conditions TAHUPŌTIKI WIREMU RĀTANA ME ĒTAHI ATU TĀNGATA 30,128 HE TOHUNGA WHAKAORA NŌ NGĀ RĀURU ME NGĀTI APA, TE KAIWHAKAARA I TE HĀHI RĀTANA, HE KAIHAUTŪ TŌRANGAPŪ  Kia whakatūturutia te Tiriti o Waitangi i roto i te Pukapuka Ture o te Whenua Motuhake o Aotearoa, o te Tōpūtanga o ngā Whenua Motuhake o Ingarangi, me te Kāwanatanga o Ingarangi, kia mōhio ai te katoa kei te mana tonu te Tiriti o Waitangi, kia whakapūmautia ai ngā here o te whanaungatanga i waenganui i te Pākehā me te Māori mō ake tonu atu. [Pitihana Nama]. 239/1932–1933, AJHR, I-3. When presenting the Ratana movement’s Treaty of Waitangi petition to Parliament, the Member for Southern Maori, Eruera Tirikātene, weighed the seven books of signatures, whereupon it was observed that “the claim of the Maori for justice tipped the scale at 16 pounds.” (cited in J. M. Henderson, Ratana. The Origins and the Story of the Movement, 1963, p.88). The petition was not reported on by Parliament’s Native Affairs Committee until 1945, by which time it had 45,000 signatures; see below.]         Mei 1932 Apirana Ngata Image: ATL 35mm-00181-f-F © Image copyright conditions TĀ APIRANA NGATA RANGATIRA O NGĀTI POROU, MINITA MŌ NGĀ TAKE MĀORI, Kia kōrerotia te Tiriti, i tata tonu tātou te takahi i tētahi o ōna whakaritenga, ko tērā e pā ana ki ngā parumoana, he āhuatanga tēnei nō Te Tokerau te nuinga, ahakoa kei Hauraki, kei Kawhia, kei Ohiwa anō he parumoana ka uru ki tēnei take. I take mai tēnei i tētahi kaupapa nā te Unemployment Board, he mea tautoko e P.W. D. [Public Works Department], e Lands, me te Marine [Department], hei whakamimiti i ngā wai o ngā parumoana i Hokianga, i Whangārei, me Whangaroa. E rua ngā ture e pā ana ki te paringa ā-tai, te taupā tēnei o ngā mana rangatira o te Kāwanatanga. E ai ki tētahi o aua ture, te Crown Grants Act), ko ngā tohu paringa ko ērā e pā ana ki ngā tai pari noa iho nei, ā, ki te Harbours Act ko te tohu tai pari ko te tohu paringa o ngā tai nunui nei. …I whakaarotia kia whakaaetia tō muri whakaritenga hei kaupapa taketake, kia tukua hoki he kapiheihana, me ērā atu mea. Ka whakamahia a Tau, [Tau Henare, Mema Māori mō te Tai Tokerau] kia kōrero ia ki a Coates [Gordon, te Pirīmia i taua wā] ā, i kīia ki a ia kua tino whakaekea te Tiriti. I whakaae tonu mai a Coates ki tēnei āhua, ka whakaae hoki ia ki tētahi tikanga peka kē, nāku i whakatakoto ki a ia. I whakaae tahi māua he mea pai mō te motu te whakamimiti i ngā wai o te parumoana, he mahi pai hoki mō te hunga kore mahi, i kitea hoki mā reira e pai ai te whakawhānui i te noho tahi o te iwi Māori i Whakarapa, i Whangaroa, me ētahi atu wāhi o Kaipara. I whakatau tahi māua me whakahaere tēnei kaupapa i raro i te Public Works Act, kia tāpiritia ai ngā takutai e paria ana e te tai ki ērā whenua ka taea te tango e te Karauna i raro i te pānui whai mana, me te tuku kapiheihana, me ērā atu mea katoa. Kāore e tino taea te whakahē i ēnei āhuatanga e te iwi Māori, ā, ka taea e te hunga tōrangapū te mawhiti atu i tētahi huarahi e turakina ai te Tiriti o Waitangi. …Ka ora te Tiriti, ā, ka waitohutia kia riro mai ētahi o ngā hua o te tikanga hou. [Ngata to Peter Buck (Te Rangihiroa), August 30, cited in Na To Hoa Aroha. From Your Dear Friend, M. P. K, Sorrenson (ed.), 1987, Volume 2, pp.273-274.]     Hepetema me Oketopa 1932 Eruera Tirikatene Image: ATL PAColl-6388-26 © Image copyright conditions ERUERA TIRIKĀTENE HE RANGATIRA NŌ NGĀI TAHU, MEMA MĀORI MŌ TE TAI TONGA Kua whakahokia au ki tēnei Whare hei mema motuhake, kia tika ai te tiaki i ngā motika o te iwi Māori. Ko ahau te kanohi o te pātī Rātana… Ko taku kaupapa he tū ki te whawhai i ngā motika me ngā painga o te iwi Māori i raro i te Tiriti oWaitangi, kia tū kotahi tonu.  …Anei ētahi kupu ruarua mō ngā pitihana kua tukua mai ki tēnei Whare, hei whiriwhiri māna, i ētahi wā. He tini ēnei pitihana, ā, kāore i nui te whiriwhiri a te hunga i konei i aua pitihana, ko ētahi anō i āta whakaparahakotia. Ka nui te pōuri ki te pānui i ēnei pitihana… Ko ētahi o ēnei kerēme kāore rawa i whiria e te tangata. … Ko tētahi o ngā take kei roto i aku whakaaro ko tā Ngāi Tahu, e pā ana ki te iwi o te Waipounamu. [New Zealand Parliamentary Debates, Volume 233, pp.120-121. This was Tirikatene’s maiden speech.]  ... Ko ahau te māngai mō te kaupapa here a Rātana – Ko Te Tiriti o Waitangi… Ko taku tū he whakatutuki i ngā whakaritenga kua oti te whakatakoto i te Tiriti o Waitangi. Kāore ngā rangatira o aua wā i huri ki te whakaheke toto, engari i whakaae kia whakawhitia tō rātou rangatiratanga ki Ingarangi, mō tētahi kī taurangi nā Ingarangi, arā, mā Ingarangi e whakarite ki ngā rangatira me ngā iwi o Aotearoa te tino rangatiratanga o ō rātou whenua, o ō rātou ngahere, o ō rātou tauranga ika me ngā taonga katoa i a rātou te iwi Māori, i taua wā. He pōuri ināianei ki te whakaaro, tēnei ngā uri o aua rangatira te noho i roto i te tūturutanga o te rawakore. [New Zealand Parliamentary Debates, Volume 233, p.359 and p.361.]     28 Oketopa 1932 Apirana Ngata Image: ATL 35mm-00181-f-F © Image copyright conditions TĀ APIRANA NGATA RANGATIRA O NGĀTI POROU, MINITA MŌ NGĀ TAKE MĀORI Ko te tūmanako kei a au, kia whakaputaina e te Mema Hōnore mō te Tai Tonga, [a Eruera Tirikātene] ētahi kupu whakamārama ki ngā mema o tōna rōpū - he tini hoki rātou i te Tai Tokerau. Mehemea he aroha tō rātou ki te Tiriti o Waitangi, koia nei te wā mā rātou kia huri ki te tuku takoha ki ngā mahi a Ngā Puhi, e kohi pūtea nei, e meatia ana ka haere hei whakaara i tētahi whakamaumaharatanga ki Te Tiriti o Waitangi, i te wāhi tonu i hainatia ai … Me noho anō he whare whakairo te tino tohu ...kia kaua hoki e noho hei itinga rawa o ngā mea katoa e kitea ana i tērā wāhi rongonui i roto i ngā tau, i hainatia ai te Tiriti o Waitangi. [New Zealand Parliamentary Debates, Volume 233, pp. 974-975.]        1 Nōema 1932 Te Taite Te Tomo Image: ATL 1/1-018451-G © Image copyright conditions TE TAITE TE TOMO HE TANGATA MŌHIO KI NGĀ KŌRERO O MUA, NŌ NGĀTI TŪWHARETOA ME NGĀTI RAUKAWA, MEMA PĀREMATA MŌ TE TAI HAUĀURU ... Ka hoki aku mahara ki ngā kupu o te pepeha a Te Rangihaeata i te pakanga o Te Waikōtero, takiwā o Paremata. He aha tā Te Rauparaha ki a Te Rangihaeata? I kī ia, “Tokowhā ngā Pākehā kei te ora tonu.” Ka kī a Te Rangihaeata ki a Te Rauparaha, “Tukua kia rauoratia.” I āki anō a Te Rauparaha kia patua, engari i kī tonu a Te Rangihaeata kia whakarauoratia. Ki ana kōrero, “Tukua kia ora hei tuākana mō tātou.” …Ināianei ka kite tātou mā roto i ngā pōkēao i ngā rangi. He aha ai? Nā te mea kotahi miriona me te hāwhe te tokomaha o ngā Pākehā, he ono tekau mano noa iho mātou. Ko te kōrero ia, “I te tino ora mātou i mua i te taenga mai o te ture; nō te taenga mai o te ture ka mate mātou.” …Anei he whakarāpopototanga o ngā āhuatanga i tēnei wā [e pā ana ki ō tātou whenua]: he toru koata o te rohi kei te Pākehā, kotahi koata kei a mātou tonu; engari e whakahau ana au kia waiho mai ki a mātou tā mātou rohi katoa, kaua e haere mai ki te tango. Me kōrero ahau ināianei mō te Tiriti o Waitangi. I te tau 1892 i karangatia e mātou o te Kotahitanga tētahi hui nui ki Hauraki, ka kōrerotia i reira te Tiriti o Waitangi. Nō te tau 1893 ka tū tētahi hui ki Pākirikiri; nō te tau 1894 ka tū he hui ki Tūranga-nui-a-Kiwa; nō te tau 1895 ki Rotorua, ā, nō te tau 1896, ki Tokaanu. He aha i mutu ai i reira ngā mahi e tika ana kia mahia, mō te Tiriti o Waitangi? … Nō te whanonga a Wiremu Massey ki te haere ki te hui a te League of Nations i Uropi, ka whakaarahia e te Mema Māori mō te Tai Tokerau e Tau Henare tēnei take, Te Tiriti o Waitangi. Nā, ko te whakautu mai a Massey i te hui a te League of Nations, he whai mana tonu te Tiriti o Waitangi. I pērā anō hoki te kī a Tā Māui Pōmare ki ngā iwi i huihui mai ki Ruatangata i te tau 1922. I kī a Māui Pōmare ki te iwi Māori i huihui mai ki Rotorua i taua wā, tērā e karangatia tētahi hui ki Kororāreka, hei whakamōhio i te iwi nui tonu, kei te whai mana tonu te Tiriti o Waitangi. …E kore e nui atu āku kupu mō te Tiriti o Waitangi, nā te mea kei te mōhio au ināianei kua oti taua take. [New Zealand Parliamentary Debates, Volume 234, pp.13-15.]     9 Nōema 1932 Eruera Tirikatene Image: ATL PAColl-6388-26 © Image copyright conditions ERUERA TIRIKĀTENE HE RANGATIRA NŌ NGĀI TAHU, MEMA MĀORI MŌ TE TAI TONGA Ka uia [e ia] te Pirimia, mehemea e mea ana te Kāwanatanga i roto i tēnei nohonga kia tukua ki te whare tētahi wāhanga hei matapaki i te Tiriti o Waitangi, i whakaaetia ai e Te Kuini tino rangatira nei, e Wikitoria, me te whakaaro iho kia whakahokia mai ki te iwi Māori ngā motika me ngā painga e kōrerotia ana i taua Tiriti, kua roa e kaiponutia ana ki te iwi Māori, me te mōhio hoki nā tēnei kaiponutanga i whiua ai, i whakamamae nuitia ai rātou? [ko te whakautu tēnei e whai ake nei].       9 Nōema 1932 George Forbes Image: ATL 1/2-004974-G © Image copyright conditions GEORGE FORBES PIRIMIA Kua whakawāteatia mai ki te tangata hōnore nei i raro i ngā tikanga o te Whare he whāinga wāhi mō te mau mai i tēnei take ki mua i te aroaro o te Whare Pāremata, ki taku mōhio ka kitea e ia he rite tonu tāna manaaki i ngā motika me ngā painga o te iwi Māori ki tā ngā kanohi Māori i tēnei whare. Kāore tēnei manaakitanga nui i takea mai i te Tiriti o Waitangi anake, engari i ngā takoha i oatitia ki te iwi o Peretania, kia tiakina ngā painga me te oranga o ngā iwi taketake katoa ka uru ki raro i tōna maru. Kāore au e whakaae i huri ō mua Kāwanatanga ki te whakaparahako i ngā mātāpono matua o Te Tiriti o Waitangi. I tētahi taha, ko tā rātou mahi nui, he āta whakatinana i ngā mātāpono matua o te noho i te ao hou me ngā ture o te Pākehā mō ngā āhuatanga motuhake tonu o tēnā iwi, o tēnā iwi, engari me mātua tika te noho o aua iwi i te tuatahi. Ka noho te Kāwanatanga ki te tiaki i te iwi Māori i runga anō i ōna ara motuhake, i runga anō i tōna mōhio ki te kahakore o te Māori, e kore ai e taea e ia te kawe i ngā mahi a te tangata tūturu o te whenua i ngā wā katoa, me te mōhio koia ēnei, arā, ngā mahi nei, te hoa o ngā motika me ngā painga i whakapūmautia ki a ia i raro i te Tiriti o Waitangi. [New Zealand Parliamentary Debates, Volume 234, p.223.]     8 Tīhema 1932 James Parr Image: ATL 1/1-001604-G © Image copyright conditions TĀ JAMES PARR MEMA NŌ TE KAUNIHERA O TE TURE Nā ēnei o ō tātou rangatira nā te Kāwana-Tianara rāua ko Reiri Bledisloe ētahi mano eka whenua i hoko, arā, te wāhi rongonui rawa pea i roto i ngā tau o Aotearoa katoa – te whenua tonu i hainatia ai te Tiriti o Waitangi, e kīia nei te Magna Carta o te iwi Māori. [New Zealand Parliamentary Debates, Volume 234, p.742. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]       8 Tīhema 1932 George Forbes Image: ATL 1/2-004974-G © Image copyright conditions GEORGE FORBES PIRIMIA E whakamoemiti ana ngā tāngata katoa o Aotearoa ki te takoha nui i whakapuakina ai inanahi i roto i ngā niupepa, nā ēnei o ō tātou rangatira nā te Kāwana Tianara rāua ko Reiri Bledisloe, he takoha ki tēnei whenua taiohi tonu. Arā, ko te wāhi o te hainatanga o Tiriti o Waitangi… I roto i tāna reta e whakamōhio mai ana ia i ana mahi, ka kī ia ko Waitangi te wāhi rongonui rawa pea i roto i ngā tau o Aotearoa katoa. …Ka whakaae ngā rangatira mana nui o te iwi Māori i Waitangi kia tukua tōna mana tapatahi ki raro i tētahi tikanga whakakotahi whenua, i takea mai i ngā ture i ngā hītori o te pūtakenga whenua o Ingarangi, kia whakakotahitia ki raro i te mana o te Kuini o Ingarangi. …I whakatūria te Tiriti o Waitangi i runga i te manaakitanga o ngā taha e rua i a rātou anō, me te whakawhirinaki ki te ingoa pai, ki te manawanui me te aroha o te iwi pakari ake, otirā, ka whakaohongia e te Tiriti ngā tino kahanga o te iwi kahakore ki ngā ture tauhou me ngā tikanga hou i tauwhare rā ki runga i a rātou. I roto i ngā tirohanga whakamuri ki ngā tau e iwa tekau mā rua mai i te hainatanga o Te Tiriti, ka koa ngā tāngata kiritea o Aotearoa, nā te mea ko te wairua o te Tiriti ia kua tutuki, ahakoa ētahi o āna kupu o te pukapuka kāore anō. Kei te tū tonu te mana o te taha Ingarihi i whakaponotia rā i te hainatanga o te Tiriti. E whakahīhī ana mātou ki te mihi atu ki ō tātou hoa Māori hei hoa noho tahi i roto i tēnei whenua. Kāore e kore ka whakaae rātou, i nui noa atu te tupu ō rātou pūmanawa whakamīharo ki tōna teitei, i raro i te mana o te Karauna o Ingarangi, tērā i te noho i raro i ētahi atu mana whakahaere whenua, me te mōhio anō he nui noa atu te mana motuhake me ngā whakaritenga tōtika ki a rātou i raro i a Ingarangi. Nā tēnei takoha nui a ō tātou rangatira ka taea tēnei wāhi kahurangi rawa te pupuri, mō tēnei whenua taiohi, ōtirā mō āna tāngata, Māori mai, Pākehā mai. [New Zealand Parliamentary Debates, Volume 234, pp. 759. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 Eruera Tirikatene Image: ATL PAColl-6388-26 © Image copyright conditions ERUERA TIRIKĀTENE HE RANGATIRA NŌ NGĀI TAHU, MEMA MĀORI MŌ TE TAI TONGA ... E hiahia ana au ki te whakamoemiti ki ngā mema hōnore nei mō tēnei taonga nui nā rāua i takoha ki te whenua nui tonu. I roto i tā rāua mahi ki te hoko i ngā whenua i hainatia ai te Tiriti o Waitangi ka whakahoroa atu e ēnei o ō tātou rangatira ngā kapua nāna i kōpaki te whenua, otirā te pukapuka, i hainatia ai i reira. I runga anō i aku kaupapa here, ka whakatairangatia Te Tiriti o Waitangi atu i tēnei rā. …E hiahia ana au ki te whakamoemiti ki te Pirimia mō tāna kauwhau e pā ana ki te Tiriti o Waitangi. He pukapuka kua roa e rangirua ana te tangata, ā, nā tēnei takoha mana nui anake i puta mārama ai te Tiriti o Waitangi ki mua i a tātou. [New Zealand Parliamentary Debates, Volume 234, pp.760-761. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 Apirana Ngata Image: ATL 35mm-00181-f-F © Image copyright conditions TĀ APIRANA NGATA RANGATIRA O NGĀTI POROU, MINITA MŌ NGĀ TAKE MĀORI Ko ngā tikanga matua o te ao Pākehā i mauria mai ki te iwi Māori, kia pēnei te whakarārangi i te taenga mai: tuatahi ko te pū, i muri ko te Paipera, i muri ko te Tiriti o Waitangi. Ko Ngā Puhi te iwi tuatahi ki te hāpai i tērā o ngā taonga o te Pākehā, - arā, te pū; ko rātou anō i tuatahi ki te hāpai i te tuarua –  te paipera; ā, i tuatahi anō ki te hāpai i te tuatoru, ngā upoko o te Tiriti o Waitangi. …Kāore e kore kei te mōhio te iwi Māori ki te painga nui ka hua ake i te takoha a ēnei o ō tātou rangatira ki te iwi nui tonu o Aotearoa... Anei te painga o Te Tiriti o Waitangi: ko te whakapuakitanga tuatahi a te Pākehā rāua ko te Māori me noho tahi anō rātou i tēnei whenua, me whakarite hoki i ētahi tikanga e taea ai, e tika ai hoki, tō rāua noho tahi. …Ko tētahi o ngā take tino uaua mō ngā whenua katoa ko te whakamihi ki āna pūtake e noho whakakaupapa ana; nā roto anake pea i te hipanga o te wā me te tipuranga o ngā whakaaro aroha, te pūranga o ngā mahi me ngā kōrero pono, mā reira anake ka mārama te whāinga mana o ēnei pūtake i roto i ngā mahara o te iwi. Ka titiro te iwi Ingarihi ki te Magna Carta, he tawhito kē atu i te Tiriti o Waitangi, hei wāhi anō o ngā kaupapa e hiahiatia ana. E hia hoki o ēnei āhuatanga i takea mai i ngā mātāpono i whakahuatia i roto i te reo o te Magna Carta o Ingarangi? He maha hoki ngā hua ka puta ake i te Magna Carta o Aotearoa, arā, i Te Tiriti o  Waitangi, he nui hoki ngā puna āwhina i te whakahoahoatanga o te Māori me te Pākehā. [New Zealand Parliamentary Debates, Volume 234, pp.762-763. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]       8 Tīhema 1932 William Barnard Image: ATL PAColl-6208-26 © Image copyright conditions WILLIAM BARNARD MEMA PĀREMATA MŌ NĒPIA ... ki aku whakaaro he tika ngā kōrero a Te Minita Māori. E tupu ana te kaikā o te tangata ki te rangahau i te Tiriti o Waitangi, kāpā ia i te Tiriti anake, engari ngā āhuatanga i hua ake ai ia… [New Zealand Parliamentary Debates, Volume 234, p.764. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 William H. Field Image: ATL PAColl-0700-001 © Image copyright conditions WILLIAM H. FIELD MEMA PĀREMATA MŌ ŌTAKI, HE KAIMANAAKI TUATAHI I A PAPATŪĀNUKU He tika pū te kōrero ko te wāhi e whakaarotia ana [ko Waitangi] te wāhi rongonui rawa o Aotearoa. Koirā te wāhi i tatū mai ai te whakapono ki Aotearoa, ā, nā Te Tiriti o Waitangi i tīmata ai te Kāwanatanga whai take ki Aotearoa. He tika tā te Minita Māori, a Ngata, tāna kī, i tīmata mai te tuinga o ngā iwi e rua i taua wā, i taua rā tonu. Ko te Magna Carta i tō mātou whenua tawhito, ko te Tiriti o Waitangi i te whenua hou. He nui ngā awa i rere mai i a ia, ka pīrara haere, tēnā, tēnā, hei āwhina, hei manawaora mō ō tātou ture, me ā tātou mahi whakapakari i te whenua hou. He āwhina nui te Tiriti i roto i te Kāwanatanga i te whenua nei, otirā mō te iwi Māori. …He nui tonu ngā take e kīia ai ko te Tiriti te kaupapa taketake o te nohotahitanga o te Māori me te Pākehā i tēnei hapori. …Mā tēnei takoha e whakaahua mai te painga nui o roto i te Tiriti o Waitangi, ā, e mea ana au mā te Tiriti ka whakamanawatia te rangatahi kia āta whakaaro ki te whai i ngā rangahau o ngā hītori o Aotearoa, kāore i pīrangitia e rātou i mua. Kei te mōhio tātou katoa ki ō tātou hītori, hoki noa atu ki te Tiriti o Waitangi, engari he nui tonu ngā mea hei ako mā tātou. [New Zealand Parliamentary Debates, Volume 234, p.764. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 Walter Nash Image: ATL 1/2-059930-F © Image copyright conditions WALTER NASH MEMA PĀREMATA MŌ TE HUTT, HE PIRIMIA O AOTEAROA Ā TŌNA WĀ Terā pea ka peka atu [ngā tira haere ki te Tai Tokerau] ki tētahi papa karaihe i haere ai tētahi o ngā tino mahi nui i te hītori o te ao – te hainatanga o Te Tiriti o Waitangi, i noho tahi ai ngā iwi e rua, i tuhia ai ā rātou kupu hōnore kia mahi tahi, kia noho tahi hoki, kia whakakotahi i ngā iwi e rua, me te waiho anō i ngā ritenga me ngā tikanga tuku iho a te Māori kia haere ana, arā, ōna wāhi katoa e taea ai. [New Zealand Parliamentary Debates, Volume 234, p.763. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 Clyde Carr Image: ATL PAColl-6203-44 © Image copyright conditions REVEREND CLYDE CARR MEMA PĀREMATA MŌ TĪMARU He tini ngā tāngata pekapeka ai ki Te Tai Tokerau me Waitangi, he tini hoki ngā take mō aua haere. Ko ētahi he haere ki te hī ika nunui, i te paea me te mako, ko ētahi he haere ki te hararei noa. Nō te haerenga a te Kāwana Tianara ki reira ka mau i a ia tana ika nui – rite tonu ki a Māui i ngā rā o nehe – ināianei kua tāpaetia mai e ia tana whiwhinga nui ki mua i a tātou hei whakamaumaharatanga ki ngā mahi o mua. …He iti noa ngā tohu o ō tātou tūpuna kei te pae o te whenua nei, he ruarua hoki ōna tohu whakamaumaharatanga. [New Zealand Parliamentary Debates, Volume 234, p. 765. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe.]     8 Tīhema 1932 Gordon Coates Image: ATL 1/1-018353 © Image copyright conditions GORDON COATES TE MINITA MŌ NGĀ MAHI TŪMATANUI (TE MINITA MŌ NGĀ TAKE MĀORI ME TE PIRIMIA) Ko tō tātou hoa, arā, te mema mō te Tai Tokerau he uri whakaheke nō tētahi o ngā rangatira nanakia rawa atu o ngā rā o mua atu o te Tiriti. Engari kāore he iwi kaha ake ki te hāpai i ngā tikanga o te Tiriti o Waitangi i ngā tāngata e kawe nei aua ingoa. Kāore he kahurangi kaha kē atu i te karauna o te Kīngi ināianei, i te ātaahua o te iwi Māori. Kohiko ohorere: “Kei hea te Tiriti o Waitangi ināianei?” I konei tonu. Kua whakatikatikangia tōna āhua i ngā rā nei, ā, e mea ana au ki te tangata hōnore nei, he pukapuka whai tikanga ki te āta pānui.  …He tīmatanga pai tā tātou, ko taku tūmanako māna ka ora tonu te Tiriti o Waitangi, kia kaua hoki tōna wairua e wareware i te Māori, i te Pākehā rānei.   Mehemea ka ara ake he raruraru i waenganui i ngā iwi e rua ā ngā rā e tū mai nei- me te inoi o te ngākau kia kaua e pērā – ka āhei tātou te titiro whakamuri ki te Tiriti hei taonga nui whakaharahara. [New Zealand Parliamentary Debates, Volume 234, pp.765-766. The debate concerned the Waitangi National Trust Board Bill, which established a board to manage the land at Waitangi, including the area where the Treaty was signed in 1840, which had been gifted to the nation in May 1932 by Governor-General Lord Bledisloe and Lady Bledisloe. The interjection concerned the actual Treaty of Waitangi documents, which had lain neglected for some years in the Parliamentary basement where damp and rats had done them considerable damage.]     2 Oketopa 1933 Eruera Tirikatene Image: ATL PAColl-6388-26 © Image copyright conditions ERUERA TIRIKATENE RANGATIRA O NGĀI TAHU, MEMA PĀREMATA MŌ TE TAI TONGA Ko te īnoi a ngā kaipitihana [a Te Aika me ētahi atu 105, nō Tuahiwi, a Tame Kerei me ētahi atu 34 nō Wairau, a Te Korerehu Mihaka me ētahi atu 65 nō Morven] kia tiakina, kia hāpainga hoki ngā whāinga tika o te iwi Māori ki te hī ika. He mea tino nui rawa atu tēnei ki te iwi Māori, ā, ki aku whakaaro, kāore rātou i te pōhēhē mō tā rātou take. Ki taku titiro he pitihana ēnei i takea mai i Te Tiriti o Waitangi, me ngā upoko o te Fish Protection Act 1877. Kei taua ture te tīmatanga o ngā ture e pā ana ki ngā ika o Aotearoa, ā, ko tekihana 8 te mea e pūrero ana ki runga i konei, inā rā: Kāore he ahatanga o roto i te Ture nei e āhei ai te tangata te kī, kua mukua, kua whakarerekētia, kua whakapāngia tētahi o ngā whakaritenga o Te Tiriti o Waitangi, kāore hoki he aha o tēnei ture e kīia kua tangohia, kua whakakāhoretia, kua poroa atu rānei ētahi motika o ngāi Māori ki tētahi tauranga ika i whakapūmautia ki a rātou i raro i te Tiriti. Ka kite i reira tētahi o ngā take i whakatakotoria mai ai e te hunga pitihana tā rātou pitihana ki tēnei Whare. [New Zealand Parliamentary Debates, Volume 235, p.883.]     6 Pēpuere 1934 Ko Lord Bledisloe rāua ko Lady Bledisloe. Image: ATL PAColl-3071 © Image copyright conditions LORD BLEDISLOE KĀWANA-TIANARA O AOTEAROA Ka nui taku whakamīharo me te aroha o te ngākau ki te pōwhiri whakawehiwehi, te pōwhiri piripono o tēnei rā, nā te huihuinga o ngā Māori me ngā Pākehā i whakahaere hei pōwhiri i a māua, i ngā taha o te awa o Waitangi. I te taha o ōna wai ka kitea, e 94 tau ki muri o tēnei rā, te tūhonohonotanga mai o ngā iwi e rua hei whenua kotahi, i raro i te Karauna o Ingarangi. Hei tohu ēnei mahi whakanui rautau a te iwi Māori i tā māua takoha pakupaku ki te iwi o Aotearoa, arā, ngā whenua i te taha – te kōhanga o te whenua katoa - mō tō rātou piripono ki te Karauna o Ingarangi, ā, he tohu hoki mō te pono o te hōnore me te mahi rangatira o te taha ki Peretania. …Mō te taha ki ngā tāngata o te momo Ingarihi ka wātea i konei tētahi whāinga wāhi hei whakahou i ō tātou takohanga ki te iwi Māori. Kua tino kaha ēnei takohanga i te mea, i roto i ēnei tau, kua piki tō tātou momo hei hoa pakari ake i roto i te puritanga me te tangohanga i ngā hua o tēnei whenua, e puritia nei e tātou tōna mana hei takohanga tapu, hei takohanga e kore e taea te wareware. Kia noho ko te Tiriti o Waitangi hei “Tatau Pounamu” [he tohu mō te rangimārie me te kotahitanga] he tūtakinga i te tatau mō ake ake ki te pakanga, ki ngā totohe i waenganui i ngā momo tāngata, me ngā iwi Māori i tēnei whenua – te wāhi i taea ai ngā hoa whawhai o mua te pupuri ringaringa mō ake tonu atu.  …E whakaae ana au, kāore e kore nā te pounga mai o te mana o ingarangi, me āna whāinga, rerekē nei te whakakaupapa me ōna ture, i tupu ai ngā pōhēhētanga me te manawapā. Engari ki te āta titiro anō ki ngā āhuatanga o nāianei, i muri i te 94 tau e mahia ana ngā mahi, ka tere kitea, e whakapono tonu ana te iwi Māori he mana tonu tō te Tiriti. Ki a rātou ko Te Tiriti tonu te Magna Carta o ō rātou whāinga tika, me te mōhio anō kei te hiahia te iwi Pākehā ki whakatutuki i ō rātou takohanga ki te iwi Māori. Kei te mau tonu te hiahia o tētahi, o tētahi, kia haere tonu Tiriti (kia pai hoki tōna tiaki) “hei kī taurangi mō ngā tāngata nohonoho mai i runga i ngā tūmanako nui, hei kākahu korowai hoki ki te Māori e noho maru kore ana.” …Mehemea kotahi anō te kupu whakaotinga māku ki te hui nei, kāore he aha i pā i roto i ngā tau mai i 1840, i mimiti ai ngā takohanga o te iwi Pākehā, i hāpainga e tātou i Waitangi i runga i te whakaaetanga tino hōhonu. Kāore, kua piki anō te taimaha o aua takohanga, kāore i māmā haere, nā te mea i raro i ngā mahi o te ture e kore e hapa tana mahi, - te oranga o te momo pakari ake - kua pari mai te tai mō tērā taha, kua noho mai ko tātou te iwi kaha i te whenua, nō reira ko tātou te tuakana o ngā taha e rua o te tiriti i hainatia ai i tēnei wāhi e 94 tau ki muri. Nā reira, ka tau mai ki runga i a tātou te mōhiotanga, me whakatutuki tātou i ngā whakaritenga o ngā upoko o te Tiriti e whakamanaia ai tōna hīkoi tahi me tātou i ngā mahi ā-iwi, kāpā ia ko tōna noho i te taha o te Pākehā, engari i ngā mahi o te mātauranga, o ngā ahumahi, me ngā hākinakina. ..Hei whakamutu atu māku, kia whakanui anō tātou i ēnei rā harikoa hei tohu mō te mauritau o tō tātou noho, hei huarahi e whakakotahitia ai te Māori ki te iwi Pākehā, hei whāinga wāhi hoki mō te tapu o ngā here o te Tiriti i a tātou. Me kī au ki a koutou, waiho mā te rā o Waitangi, ka whakahaeretia e te motu katoa, e whakahōhonutia ai tō tātou noho piringa tētahi ki tētahi puta noa i Aotearoa, kia tupu ai hoki he wairua ā-whenua kotahi, i runga anō i ōna tīmatanga whai mana tonu, me ōna hītori e kore nei ia e whakamā. [New Zealand Herald, 6 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare runanga (Maori meeting house) on the site.]     5 Pēpuere 1934 Ko Tā Charles Bledisloe Bathurst, e whakawhiwhia nei ki tētahi whakaahua i Waitangi i te tau 1934. Image: ATL 1/2-C-09151F © Image copyright conditions   New Zealand Herald KUPU WHAKAPUAKI   Ki hea noa iho ka anga te titiro o te motu katoa ki ngā whakahaere ka tū ki Waitangi i tēnei rā, āpōpō anō hoki. Nō te takohatanga o te whenua e tū nei te whare Tiriti ki te iwi, ki ngā tāngata o Aotearoa e te Kāwana Tianara rāua ko Reiri Bledisloe, i mōhio te tangata he mahi nui whakaharahara tēnei…Kāore anō kia kitea he rā whakanui pēnei i tēnei i runga i ngā motu nei. Kua oho te ngākau o ngā iwi e rua, mō ngā mahi o mua, me ngā rā e heke mai nei, ā, nā te noho tahitanga i tēnei rā whakanui ka piri anō tētahi ki tētahi, i roto te piringa o ngā hoa e mōhiotia ana i roto i ngā tau. …Kore tonu pea rāua e mōhio [a Kāwana Tianara rāua ko Reiri Bledisloe] tērā e tupu mai he wairua whakakotahi i waenganui i ngā iwi Māori, otirā he kotahitanga o te katoa i ēnei takutai katoa.  [New Zealand Herald, 5 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare runanga (Māori meeting house) on the site.]     5 me 6 Pēpuere 1934 George Forbes Image: ATL 1/2-004974-G © Image copyright conditions George Forbes PIRIMIA Ko tāku ki a koutou, i taku tūranga mō te Kāwanatanga o Aotearoa, kei te tino whakamaioha atu mātou ki ngā whakamoemiti a te iwi Māori nui tonu ki te koha a ngā Kahurangi tokorua nei, hei whakamaumahara i te hainatanga o te Tiriti o Waitangi...Engari kaua e waiho noa i konā. Ko tāku i tēnei wā, otirā tā te iwi Pākehā katoa, ka nui hoki tā mātou whakamoemiti ki ngā tokorua nei mō rāua i pou mai i ēnei āhuatanga ki Waitangi hei tohu whakamaumahara mō te hainatanga o te Tiriti. …Ko tēnei hui e tū nei ināianei, hei whakaahua i te whakamaiohatanga a te iwi Māori nui tonu ki te takohatanga a te Kahurangi nei. …Mā tēnei takoha nui e whakaohongia ai te iwi o Aotearoa kia maumahara ki tēnei kaupapa nui whakaharahara, o te Tiriti. Ka nui te hari kia kite i te kaingākau o te tangata huri noa i Aotearoa, ā, mā tēnei takoha e mau ai te wairua whakawhanaunga e noho nei i waenganui i te Pākehā me te Māori mai rā anō. He āhuatanga tēnei wairua whakahoahoa e kōrero nuitia ana e ngā kaitorotoro mai i whenua kē ki konei. Hohoro tonu te mōhio o te tangata, kua paiakatia te whanaungatanga i waenganui i ngā iwi e rua, kua mahi ngātahi i runga i te whakaaro kotahi, ki te rapu i te oranga mō te motu nei. [New Zealand Herald, 5 February 6, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare runanga (Māori meeting house) on the site.]     5 Pēpuere 1934 Michael Savage Image: ATL 1/2-036411-F © Image copyright conditions Michael Savage KAIHAUTŪ O TE ĀPITIHANA (PIRIMIA Ā TŌNA WĀ) E kī ake ana ahau ki a koutou kei te ora te wairua o Waitangi i roto i te uma o te Pākehā rite tonu ki te Māori. Mehemea ka whakapakari tātou e huihui nei i tēnei rā kia noho tahi me ō tātou tuākana Māori, kia whakatinanatia te wairua, otirā ngā kupu o te Tiriti, ka puta he oranga nui ki te katoa. [New Zealand Herald, 6 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare rūnanga (Māori meeting house) on the site.]     6 Pēpuere 1934 Lord and Lady Bledisloe Image: ATL PAColl-3071 © Image copyright conditions Lord Bledisloe KĀWANA-TIANARA O AOTEAROA Waihoki, ko te tūmanako o te ngākau kia kaua te hunga tiaki i tēnei taonga e wareware, ina whakaarahia, ki te manaaki i te taonga hou, pēnei i ētahi atu kaitiaki taonga, e mōhio nei tātou nā Wareware rāua ko Whakaaro-kore i pākarukaru ai ētahi o ngā tino whare rangatira rawa o te ao nei. Ka mōhio wawetia he iwi whakaaro kore te iwi o tētahi whenua, o tētahi takiwā, ki te tukua kautia ō rātou whare kia kanukanu, kia mahue noa. Mehemea he whare mō te motu katoa – pēnei i tēnei – ka nui kē atu te mana o ngā kōrero e piri ana ki aua whare. …Kāore e kore ka noho tēnei hei whare whai mana mō te motu katoa…Ka noho hoki te whare nei hei huihuinga e taea ai ngā kakari o mua te whakawareware, hei whakahoatanga hou, e taukumekumetia ai ngā take o te motu. Ka taea ngā raruraru ā-motu te whāwhā i runga anō i te whakaaro Māori, ka ārahina te Pākehā kia ako, kia whakamaioha hoki ki ngā āhuatanga o te hinengaro Māori.  …Hei kupu whakamutunga, kia tū tonu anō te whare nei me ōna kaupapa i tū ai, hei whare rangatira, me te mōhio anō he Māori tūturu, he Māori tōna mauri, he whare i tika anō te tārei, i pai anō te manaaki, i whakahōnoretia hei whare whakamaumaharatanga ki Te Tiriti o Waitangi. E tū tapu tonu ana Te Tiriti, koia te Magna C[h]arta o ngā motika o te iwi Māori, ko te kawenata tēnei nāna i whakapūmau ki te iwi Māori tō rātou noho here-kore e ngākaunuitia nei e rātou, nāna hoki i whakarauora ki a rātou tō rātou mana ā-iwi i runga i te motu nei. [New Zealand Herald, 7 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare runanga (Māori meeting house) on the site.]     3 Pēpuere 1934 Ko Ngāti Tūwharetoa e peruperu ana, e whakamoemiti ana mō te takohatanga o te whenua o Waitangi ki te iwi whānui e Lord Bledisloe, i te 6 o Pēpuere, 1934. Image: ATL 1/2-023706-G © Image copyright conditions J. Jessep MEMA O TE POARI WHAKANOHONOHO WHENUA MĀORI He tino mea nui te hui ki Waitangi i roto i ngā hītori, hei reira anō whakaaria ai ngā tikanga tawhito, - ko te hui whakamutunga pēnei pea - o te iwi Māori. Engari mō te hunga e tino whakaaro nui ana ki te iwi Māori ā ngā rā e tū mai nei ka noho tonu iho tēnei pātai i muri i “te whakangāueuetanga o te whenua me te rarā o ngā reo haka",  - ka pēhea ngā rā e tū mai nei? Nā tēnei Tiriti rongonui i whakarārangi ngā motika o tētahi taha, o tētahi taha o ngā kaihanga i te Tiriti, kia poto tonu te tuhi. Engari i tēnei wā i roto i ngā hītori o te Tominiana o Aotearoa, ki ahau nei kua tae te wā me tango ake te kawe nui. He kawenga whānui kē atu tēnei i te whakapai kanohi noa iho, ahakoa ka āta mahia mārire, mō ā tātou takohanga kūiti ki te iwi Māori kua tuhia ki roto i te Tiriti. Ki taku titiro, he tika tonu kia mahi te taha Pākehā o te motu nei ki te āwhina i te Māori kia nohonoho takitahi tēnā i tōna whenua, tēnā i tōna, nā te mea kua kore noa iho e āhei te noho ā-hapū pērā i mua. [New Zealand Herald, 5 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare rūnanga (Māori meeting house) on the site.]     6 Pēpuere 1934 Gordon Coates Image: ATL 1/1-018353 © Image copyright conditions Gordon Coates MINITA MŌ NGĀ TAKE MĀORI Me waiho anō kia kotahi anake te huarahi hei haerenga mō te iwi Māori, ko te huarahi tika whakamua. Ko tō tātou hiahia ia kia noho mai te rangimārie o te hinengaro Māori, ā, kia tae ki te wā e taea ai ngā mahi ōhanga, ka noho hei tāngata tūturu mō te whenua nei. …āe, he wāhi anō i uaua ai, ko te mahi whakahaere i ngā take Māori kia anga whānui ngā whakaritenga tētahi. Ka pai ki te katoa kia taea e te Māori tāna anō kawenga te pīkau ā tōna wā, engari kāore he tangata e whakahauhau ana i a ia i tēnei wā. [New Zealand Herald, 7 February 1934, reporting on the celebrations held at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare rūnanga (Māori meeting house) on the site.]     6 Pēpuere 1934 George Forbes Image: ATL 1/2-004974-G © Image copyright conditions George Forbes PIRIMIA, ... He takohanga anō tō te taha Māori, kia whakapau kaha ia ki runga i ngā mahi nei. I te whai te Kāwanatanga kia kitea te whakaotinga pai rawa, me te kaupare ake i ngā taumahatanga nui [o ngā rēti] i te iwi Māori. Te tikanga ia kia āwhina ngā kaiahuwhenua Māori i tētahi wāhanga o ngā utu mō te hari i ngā hua o ō rātou pāmu ki ngā mākete. E kī ana ētahi ko te whai, kia murua he whenua Māori. Kei te teka tēnei, kore rawa te Kāwanatanga o tēnei whenua e whakaae kia pērā. Ki te tangohia he whenua o tētahi tangata Māori ka noho pea ia hei pīkauranga mō te Kāwanatanga. E kore he mahi e oti i a mātou e tūkinotia ai te iwi Māori. Kia mōhio koutou, ka tutuki katoa tā ngā kaituhi o Te Tiriti o Waitangi i mea ai i tō rātou wā. Ko mātou ngā kaitiaki o te Tiriti. Rite tonu mātou ki a koutou, kei te hari mātou mō tō mātou mana hei tāngata Ingarangi, ā, ka ū tonu te tangata o Ingarihi ki āna kupu. [New Zealand Herald, 7 February 1934, reporting on a meeting at Te Tii, Waitangi, between Māori tribal leaders and Prime Minister Forbes, Native Minister Coates, and other Cabinet members, convened to discuss the rating of Māori land, and “the belief that rating was a means to confiscation.”]     6 Pēpuere 1934 H. F. von Haast Image: 1/2-043510-F © Image copyright conditions H. F. von Haast RŌIA ... Kāore te mana o te Tiriti ... i rite ki ngā ture o te Pāremata. He kōrero tēnei ka rangona i te ngutu tangata, ko tēnei pukapuka te “Magna Charta o ngā motika o te iwi Māori,” ā, e tika ana i tēnei wā kia maumahara mātou ki ngā tikanga i whāia i roto i ngā mahi a ngā Kāwanatanga o tēnei whenua, mai rā anō, ki te whakapūmau i aua motika ki ngā Māori i raro i te Tiriti o Waitangi. ...kia tae ki te wā e whakakōhatutia tētahi o ana tikanga i roto i ngā ture, ka noho kahakore te Kōti ki te hāpai i ana upoko ... Ahakoa ka kīia noatia he mana anō tō te Tiriti o Waitangi rite tonu ki tētahi ture, [mō te taha ki ngā kerēme tauranga ika,] he uaua ki te āta tātaku i te hanganga, i te whakamanatanga rānei i ētahi motika takutai, i ētahi motika moana noa iho nei i ngā wāhi e paria ana e te tai, i raro i te upoko tuarua. …Kāore ngā kupu o te Tiriti o Waitangi i āta whakatinanatia i roto i te ture o Aotearoa, engari i puta he pānga nā te Tiriti i roto i te rārangi roa o ngā Whakahau me ngā Ture, ā, i riro nā te Tiriti ngā ture o tēnei whenua i whakarerekē, i whakatikatika. …Ko te tino wairua o ngā ture Māori i whai i muri i piri anō ki te mātāpono e kī ana: me āta hāpai i te Tiriti o Waitangi mā roto i te tiakitanga o ngā motika e noho tapu ana ki te iwi Māori i raro i a ia. …i muri i ngā tau mahamaha, ka tāngia ngā ture o te Koroni ki te moko o te Tiriti o Waitangi, arā, ki tōna wairua me ōna tūmanako. …I noho ko te Ture mō ngā Whenua Māori 1865, e whakahuatia nei te Tiriti o Waitangi i roto, te kahupapa kei reira ngā ture katoa e pā ana ki ngā whenua Māori e hangā ana. Ko te mātāpono matua o Waitangi he kawenata i hainatia i reira, koia tēnei, ka whakaaetia kia tukua ngā whenua katoa ki te Karauna i runga i te kī taurangi ka mau tonu te taitara Māori ki a ngāi Māori, mehemea koirā te hiahia o te hunga ka kaha ki te whakapūmau i tō rātou whāinga mana ki aua whenua. Ko tēnei kawenata, me te whakaaetanga ki te motika o te Karauna kia hokona tuatahitia e ia aua momo whenua, i whakawhitikia ki tētahi rārangi ture whenua Māori roa tonu, tīmata mai i te tau 1852. …Koia ēnā ngā tikanga i whakaotingia e te Pāremata, i tēnā wā, i tēnā wā, hei whakatutuki i te Tiriti o Waitangi, hei whakaae, hei kī taurangi ki te iwi Māori mō “te tino rangatiratanga o ō rātou whenua mehemea koirā te hiahia o te iwi Māori.” Kua whakatinanatia hoki e ia he tikanga e tiakina ai te iwi Māori i te mahi kino a te tangata nanakia, i tā rātou mahi moumou hoki i ā rātou taonga; ā, kua poua hoki e ia te ritenga mā te Karauna e hoko tuatahi te whenua, ki te utu e mōhiotia ana he utu tōtika. …Ko te ia o ngā whakamahinga ture e pā ana ki te iwi Māori, e tika ana te kī, i ū ki te wairua o Te Tiriti o Waitangi. E tū ana i waenganui i ngā iwi e rua. Tērā te kōrero a tētahi rangatira ki tētahi o ngā Kāwana-Tianara o mua, "I uaina te Tiriti o te ua. Kua puhia e te hau o te tūpuhi. Engari ko ngā kupu kei te mau tonu. Kore rawa e mukua e wai rānei!” Kua tōtoka mai ngā kupu i whakahuatia e Te Hopihana i taua ahiahi i te marama o Pepuere, e iwa tekau mā whā tau ki muri, otirā kua uru ki ngā ture, hei wāhi noa o tō tātou noho ā-whenua motuhake: “He iwi tahi tātou.”   [H. F. von Haast, ‘The Effect of the Treaty of Waitangi on Subsequent Legislation’ and ‘The Treaty of Waitangi: Its Consideration by the Courts’, in New Zealand Law Journal, 6 February 1934, Volume 10, Number 2, pp.13-15, pp.20-21, and pp.25-27.]     17 Māehe 1934 Apirana Ngata Image: ATL 35mm-00181-f-F © Image copyright conditions TĀ Apirana Ngata RANGATIRA O NGĀTI POROU, MINITA MŌ NGĀ TAKE MĀORI Hei whakaaturanga o ngā mahi o mua, o te waiata, o te haka, o te peruperu, kāore he tatanga mai ki ngā mahi i tū rā ki Waitangi, mai i te tau 1901… Kore kau tōna rite i ngā rohe ki te raki o te tāone o Tāmaki-makau-rau i roto i ngā whakatupuranga e toru ka hipa ake nei. …I a ia e noho rā ki te mātakitaki, e haumiri ana a Tau Henare [Te Mema Pāremata mō te Tai Tokerau] i ōna pewa, me te kinikini i a ia anō, kia mōhio ai ia ehara i te moemoeā. Ka hoki mai anō a Waitangi hei kaupapa hauora tonu mō ngā iwi o te Tai Tokerau, nā tōna mana me ngā mahi a te mangumangu taipō, mai o mua, i pau katoa te iwi Māori ki tēnei rā nui whakaharahara. … Ki taku mōhio, mō te taha ki te iwi Pākehā, i pēnei rātou he hua pai tō te pupuri i ngā āhuatanga o te ao Māori tawhito, me te manaaki i ngā tikanga rerekē o ngā iwi e rua i Aotearoa. I kōrero nuitia te upoko tuatoru o te Tiriti, e whakarite nei i te tauritetanga o ngā iwi e rua i raro i te ture, i runga i te whakaaro iho, me te whakatūpato, kāore anō kia tae ki te wā e tīkina ai ko te hōhonutanga o ērā kaupapa hei huarahi whakamua. Ko te whakaaro i puta, kia piri tonu ki ngā whakaritenga i raro i ērā atu upoko o te Tiriti, e tiakina ai, e whakamarumarutia ai te iwi Māori, kia kaua e whakarērea noatia. I te tū tonu te mana me te wairua o Waitangi hei tāwharau mō ngā whakahaere, i tino pai ai te haere o ngā whiriwhiringa katoa. [Ngata to Peter Buck (Te Rangihiroa), 11 March 1934, cited in Na To Hoa Aroha. From Your Dear Friend, M. P. K, Sorrenson (ed.), 1987, Volume 3, p.133 and p.137. Ngata was referring to the 1934 celebrations at Waitangi to acknowledge the gift of the Treaty grounds by Governor-General Lord Bledisloe and Lady Bledisloe, and the laying of a foundation stone for a whare runanga (Māori meeting house) on the site.]     1934 Te hui ki Waitangi i te tau 1934. Image:Ref: 1/2 090801 © Image copyright conditions WĪ PŌtae RANGATIRA NŌ NGĀTI POROU I tino ānewanewa, i tino pororaru te iwi Māori i te auētanga me te pukuriri o ngā niupepa Pākehā ki te Māori… I whakawākia mātou, i whakawhiua, kāore he kōtitanga tōtika. Rite tonu te taetae mai a ngā kaitirotiro, a ngā pirihimana, ngā kaitorotoro, i kō, i kō, i kō. He whakarihariha ēnei mahi ki a mātou, ana ka whakatakariri, ka noho ngoikore noa iho. Kātahi mātou ka whakamōhio i te Minita Māori, i a [Ngata] kua mutu ā mātou mahi mō te whare rūnanga. Kāore kau he hui, kāore hoki te tangata e haere ki Waitangi. I muri ka kitea te mana nui me te āhua o tō tātou Minita [a Ngata]. Ka huri mai ia ki te hāro i a mātou, ki te tohutohu i a mātou ki te huarahi tika. …Nā te mahi takawaenga me ngā kupu matareka a Te Minita ka wikitoria ko Waitangi. [Cited in Ranginui Walker, He Tipua. The Life and Times of Sir Apirana Ngata, 2001,  pp.298-299. Wi Potae was referring to the controversy surrounding a royal commission of inquiry into Ngata’s financial management of the Native Department, particularly its native land development schemes, and the threat in response by some Māori to boycott the 1934 Treaty of Waitangi celebrations.]     28 Hune 1934 Lord and Lady Bledisloe Image: ATL PAColl-3071 © Image copyright conditions Lord Bledisloe KĀWANA-TIANARA He whakaaro motuhake tēnei nā te iwi Māori, kia whakanuitia te takohatanga o te whenua o Waitangi mō ngā tāngata o Aotearoa i te huringa tau o te hainatanga o te Tiriti o Waitangi. I roto i ngā whakahaere, ka tāia te kawa o tētahi whare rūnanga Māori i te taha o te whare o Te Pūhipi, i runga i tō rātou hiahia kia whakapiria mai taua whare rūnanga ki ngā whenua kua tukua atu nei ki te Poari Kaitiaki o Waitangi. Nā tēnei hui ka kitea te mahi pai o Te Tiriti o Waitangi ki te whakakotahi i ngā iwi Māori o Aotearoa, ki te whakatūturu hoki i te aroha o te iwi Māori ki te Karauna o Ingarangi, ā, ka noho ko tēnei hui nui tonu o te Pākehā me te Māori hei whakaahua i ngā here o te whanaungatanga ātaahua tonu i waenganui i ngā iwi e rua.  [New Zealand Parliamentary Debates, Volume 238, pp.1-2.]     15 Hepetema 1938 William Parry Image: ATL 1/2-043584-F © Image copyright conditions William Parry MINITA MŌ NGĀ TAKE MĀORI Ki a au nei, e kore e hapa te kī a ngā mema katoa o tēnei whare, ko te ekenga ki te kotahi rau tau o te mana o te Karauna o Ingarangi ki runga o Aotearoa he rā tino nui whakaharahara… inā noa atu te nui o te kaupapa kotahi rau tau o te whenua, nā te mea mā roto i ēnei mahi whakanui ka whai wāhi ōna tāngata ki te whakaputa i ō rātou tūmanako me ō rātou moemoeā ki te ao. Kua tupu i Aotearoa tētahi ahurea rerekē tonu i ō ngā whenua tawhito kē atu o te ao, ā, tēnei anō hoki tētahi hinengaro taketake nō Aotearoa te whanake mai i te kāinga, i tāwāhi anō hoki. [New Zealand Parliamentary Debates, Volume 253, p.448. The debate concerned the New Zealand Centennial Bill, related to the 1940 Treaty centennial year.]     15 Hepetema 1938 Apirana Ngata Image: ATL 35mm-00181-f-F © Image copyright conditions Tā Apirana Ngata RANGATIRA O NGĀTI POROU, MEMA PĀREMATA MŌ TE TAI RĀWHITI (MINITA MŌ NGĀ TAKE MĀORI I MUA) Nō taku tirohanga ki te Pire [New Zealand Centennial Bill] ka pēnei ahau ki ahau anō, te āhua nei kua wareware te Minita [a Parry] ki te whakatū i tētahi rōpū i raro i tōna ture, arā, i te Komiti Māori mō te Whakanui i te Rautau … e kore e taea te wehe i ngā kōrero mō Waitangi me te Tiriti ina whakahuahua te tangata i te ingoa o te rautau, nā te mea ko te rā whakanui tēnei i te rautau o te whakaarahanga o Aotearoa hei wāhi o te Emepaea o Peretania.. I paiakatia mai tēnei i te hainatanga o Te Tiriti o Waitangi i te tau 1840. … I roto i ngā mahi whakanohonoho i te whakaaturanga o te rautau ka māharahara pea te tangata mehemea he iti rawa te kitenga o te kanohi o te iwi Māori me ā rātou mahi nunui i roto i te kotahi rau tau i raro i te Karauna o Ingarangi. … Tērā anō te whakahē a ētahi tāngata kei whakanuia ngā āhuatanga o mua o te iwi Māori – arā, ko ngā mahi a te ao Māori o mua, i te wā e tūturu Māori ana te tangata, kua hīkoi whakamua nei te Māori i reira i te kotahi rau tau ka hipa ake. He aha ngā āhuatanga o te ao tawhito e mau tonu nei ināianei? Irā ngā haka, ngā waiata, te poi, me ērā atu mea katoa. Waihoki te tunu kai ki te ritenga Māori me ērā atu hanga a te ao Māori. Kāore au e mārama ki te tikanga o te kupu “te ahunga whakamua” ki te kore e whakaaturia mai te wāhi i tīmata mai ai. …I roto i aku whakawhitiwhiti kōrero ki tētahi mema o te Tari Māori i pēnei tāna hangareka mai, “Me whakarite ekipeihana i tētahi o ngā iāri o te whakaaturanga, o ngā tāne Māori e mau ana i ō rātou tarau plus-fours me ō rātou kepi, me te kawe haere i ngā rākau haupōro, koia tēnā te tino tūturutanga o te whakaahua i te ahunga whakamua o te iwi Māori i roto i te kotahi rau tau. Ko tērā anō pea te whakaahuatanga tino hou rawa a te Māori o tēnei mea te noho i te ao hou.” …Engari kia tūpato, kore rawa e pai ki a au kia tū ngā whakaritenga kanikani ngārahu o te iwi o Whītī i ngā whenua o te ekepeihana, me te rongo i te pātai,”Kei hea te iwi Māori e ngaro nei - te tangata whenua o konei?” Kāore e tino pai ki te whakautu atu ki a rātou, “Tēnā kimihia i te whare pupuri taonga.” [New Zealand Parliamentary Debates, Volume 253, pp.452-453. The debate concerned the New Zealand Centennial Bill, related to the 1940 Treaty centennial year.]     15 Hepetema 1938 Eruera Tirikatene Image: ATL PAColl-6388-26 © Image copyright conditions Eruera TirikĀtene HE RANGATIRA NŌ NGĀI TAHU, MEMA MĀORI MŌ TE TAI TONGA E mahi nui ana ngā Mema Māori o te Whare Pāremata kia oti i a rātou ngā mea katoa hei āwhina i te Minita [mō te Taiwhenua]. He mema mātou nō te Komiti Māori mō te Rautau, ā, e koa ana au kāore te Waipounamu i mahue ki waho i ngā whakariterite whakanui i te rautau, kei te noho hoki ko Akaroa hei wāhi matua mō ngā mahi a te Waipounamu. E hari ana te iwi Māori o te Waipounamu i runga i te titiro whakamua ki tā rātou whakaurunga atu ki ēnei mahi whakanui. …ka noho ko tēnei te tuatahi o ngā mahi whakaahua i te hōhonutanga o Waitangi kua whakaritea mai kia tū ki te Waipounamu. I mua ko mātou kē te hunga i haere ki Waitangi mō ngā hui maha…  [New Zealand Parliamentary Debates, Volume 253, pp.460-461. The debate concerned the New Zealand Centennial Bill, related to the 1940 Treaty centennial year.]       21 Hūrae 1939 Ko Paraire Paikea (te tangata e tū ana) i te huritau 60 o Tahupōtiki Wiremu Rātana. Image: Museum of New Zealand Te Papa Tongarewa A.005115 © Image copyright conditions Paraire Paikea RANGATIRA O TE URI O HAU ME NGĀTI WHĀTUA, MEMA MĀORI MŌ TE TAI TOKERAU E inoi ana au kia huri te Kāwanatanga ki te āta whakaaroaro mō taua take - ehara i te hanga noa, he raruraru nui. Arā, te mau tonu i ēnei rā o te whakaaro whakahāwea ki te iwi Māori. …E mea ana tētahi o ngā mema hōnore me noho te Māori ki runga i te tuawhenua? Mehemea āe, kia maumahara te Whare, e 4,000,000 eka noa iho te whenua e toe mai ana ki te iwi Māori. Kei te hoki au ki tētahi kupu nā te mema hōnore mō Te Umukaha, nāna i kī, mehemea kua tū kē te Mana Hapori (Socialism) i roto i te ngahurutanga tuawaru o tērā rautau, kua noho tonu te whenua i roto i ngā ringaringa o te iwi Māori i ēnei rā. Mehemea he tika āna kupu, ki ahau nei he mea whakaaroha tonu te korenga e tū o te te Mana Hapori i te hainatanga o te Tiriti o Waitangi. Mehemea i pērā, kua kore anō mātou e mate ināianei ki te kōrero i ō mātou nawe mō te raupatu i ō mātou whenua. …Kei te hoki aku whakaaro ki te whakatūranga o te Ekepeihana o Aotearoa ka tū rā ki Pōneke, arā, e whakatuwheratia ai ā te marama o Nōema, hei whakamaumaharatanga ki te kotahi rau tau o te taenga mai o ngā iwi o Peretania ki tēnei whenua. …Engari kia kōrero mō ēnei mahi whakanui i te rautau, ahakoa e pai ana mātou ki ngā tikanga hou i mauria mai ai e te Pākehā ki a mātou, me ngā painga o ngā hanga o te ao hou i haere mai i te taha, kei te kā tonu te ahi i te ngākau Māori, me te mamae nui anō, mō ngā tūkinotanga i pā mai ai ki a ia i roto i tēnei rau tau. ….E mea ana au ki te whakatakoto take mō tēnei kaupapa whakanui i te rautau …kia tino huri tātou i tēnei tau ki te whakatatū i ngā nawe nunui o te iwi Māori kāore anō kia ea, kia ngahau ai ki te Māori tāna waiata i te waiata “God Defend New Zealand” i tēnei tau rautau. Mehemea kāore anō ēnei nawe kia whakaotingia, ka āhei anō te Kāwanatanga te inoi kia whakauru te Māori, ā-tinana, ā-wairua, ki ngā mahi whakanui i te tau tau? [New Zealand Parliamentary Debates, Volume 254, pp.687-689. Address in Reply debate.]     25 Hūrae 1939 Apirana Ngata Image: ATL 35mm-00181-f-F © Image copyright conditions TĀ Apirana Ngata RANGATIRA O NGĀTI POROU, MEMA PĀREMATA MŌ TE TAI RĀWHITI (MINITA MŌ NGĀ TAKE MĀORI I MUA) Ka noho au ki raro me te ngangau o te whakaaro i te pātai, me pēhea ake au, tangata Māori nei, e whakauruuru ki ngā mahi whakanui i te rautau. …kei te whakatata atu te iwi Māori ki te tau whakanui i te rautau, kāore i te koa tōna wairua. I kī ahau ki aku hoa Pākehā i te Wairarapa i tērā Rātapu tērā e mukua atu ā rātou hara o ngā tau kotahi rau kua hipa ake nei e mātou, koirā te tino huarahi pai rawa, hei whakaotinga mō te take nei. Ka kī atu au, “You can break out in history-books, and so on.” E tama mā, ka wāwāhi au i mua o taku whakakopinga kōrero. Heoi anō, koia tērā te āhua o te ngākau o te iwi Māori i mua tata i te huringa o te rau tau. He aha ai? Ka mahue ngā tau o mua ki te taha – ka kōrerotia tērā take ākuanei – engari anei te mahi whakapōauau kei mua i ō tātou aroaro. …Kei te whakaae au ki te kupu kotahitanga, me te tikanga o te kotahitanga mō ngā iwi e rua. Ka taea te kī he kotahitanga anake te Māori rāua ko te Pākehā, engari kia pai te tū o tētahi, o tētahi i runga i āna anō tikanga. Koia tērā te whakamārama a te Māori mō ngā hanga e tika ana mō te Ekepeihana Rautau e heke mai nei.. …Tātou ka titiro ināianei ki te manawapā o te iwi Māori, i kore ai rātou e tino whakauru atu ki ngā mahi whakanui o te tau 1940. I muri i te hainatanga o te Tiriti i Waitangi i ngā rā tuatahi o Pepuere 1840, ka tonoa atu he kape ki ngā rangatira o ngā hapū me ngā iwi, ā, tae rawa atu tētahi kape ki Kaitāia. I reira tētahi kaumātua rangatira, a Panakareao, nā, ka pātai ia, me ētahi anō o ngā rangatira mō te whenua, heoi anō, ko te whakautu ki tāna pātai ka ahatia ōna whenua i raro i te Tiriti, koia tēnei, ka whakaaetia kia puritia ōna whenua katoa. Ko te mea i riro i te Kuini he taonga tinana kore, ko te taonga nei o te “mana.” Nāna tētahi o ngā tino kauwhau i puta i ngā tāngata Māori, ahakoa i hea i te motu katoa, tae mai ki taua wā. Ki a ia “E pai ana. Heoi anō te wāhi ka haere ki te Kuini ko te ata kau, engari ia te tinana, ka noho tonu iho i a mātou.” …I waenganui o te marama o Hānuere i tēnei tau ka huihui mātou ki Tokaanu, ka ara ake ētahi āhuatanga e pā ana ki te rautau. …Ka tū ake tētahi kaumātua me tana kī “Ka taea te huri kōaro i aua kōrero i puta kotahi rau tau ki muri, me te kī ko te tinana kua haere ki te Kuini, ko te ata anake kei te mau tonu i a mātou.” Ko wai e kī ana ka whakaae tēnei whakatupuranga he Tiriti pai te Tiriti o Waitangi ki tā te Māori titiro, hāunga ngā pakeke, engari te hanga taitamariki iho kua roa e whakarongo ana ki ngā mahi rōpū Pāremata, ki ngā hītori me ngā kōrero tuku iho i ō rātou pakeke, kotahi rau tau i muri i te hainatanga o te Tiriti o Waitangi? … …Kore tonu e taea te waiho, me whakaputa kōrero au mō tētahi atu take, ko te inoi a ētahi o ngā iwi Māori kia āta whakamāramatia ...te Tiriti o Waitangi. Kei ahau tētahi kape o te reta i tukua atu e te Pirimia [Michael Savage] ki te Hōnore Māwhete: Tēnā koe e te Māwhete – mō te take o ā tātou kōrero i tā tātou hui ko tō rōpū i te 13 o te marama ka mahue ake nei, i inoitia ai kia whakatūria he Kōmihana o ngā Tiati..i pā atu ai ngā take e whai ake nei: (a) Mehemea e ārai ana Te Tiriti o Waitangi i te Whare Pāremata i te mahi hanga ture takahi i te Tiriti o Waitangi (b) ki te kore, he aha ōna pānga? I runga i ngā whakaritenga kua tukua e ahau te take nei ki te Rōia Matua, [a Mason], ā, anei tana whakaaro kua tae mai nei ki ahau mō tēnei kaupapa. Ki te kōrero a taku hoa, nā te mea kore rawa te Kāwanatanga i hāpai ture e takahi nei i te Tiriti o Waitangi, kore rawa hoki i mea te Kāwanatanga kia pērā, kāore kau ana he painga o te rapu i ngā whakaaro o tētahi tiati mō te mana o te Pāremata o Aotearoa kia whakamanaia he ture e takahi ana i te Tiriti o Waitangi. Nā te mea he pātai i runga i te pohewa noa, tērā tonu e whakatārewatia e ngā Kōti, arā, ki tā taku hoa, e kore e āta whiria e rātou, nā reira kāore ia i te kite i tētahi hua o te inoi ki ngā tiati o tētahi Roera Kōmihana kia whiria e rātou. E mea ana ia, me ka tahuri te Kāwanatanga o Aotearoa hei a raurangi ki te whakamana ture e takahi ana i te Tiriti, ka taea e tētahi atu rōpū, e ētahi atu rōpū rānei te whakapae kei te hē te ture hou, nā te mea he pokanoa nā te Whare Pāremata, arā, he ultra vires. … Ahakoa tēnei... te āhua nei, e mea ana taku hoa, i ngā whakawākanga.. a te Kōti tae mai ki nāianei, kāore te whare hanga ture e herea ana i roto i āna mahi, e te Tiriti. Mō te Tiriti o Waitangi, e mea ana te rōia matua, kāore kau ōna nei āhuatanga whai mana e takoto ai tētahi motika ka taea te kawe ki mua i tētahi Kōti ā-ture. Hei ā whakanoho rawa i te Tiriti o Waitangi ki roto i ngā ture, kātahi anō ka hua ake he motika pērā. Ka whakaūngia e āna mātāpono te ngākau whakaaro o te Karauna; e kore ngā Kāwanatanga o raurangi, pērā i mua, e wareware, e whakaparahako ki tērā. …Ko te āhua o ngā whakaritenga e whakahuatia ana i tēnei reta te mea tika, ki tā te ture, ko te Tiriti o Waitangi he “kī taurangi nā te rangatira kī tahi” – koia tēnā tōna tikanga; mā roto i ōna upoko ka herea te ngākau whakaaro o te Karauna. Ki te pā tētahi āhuatanga e taupatupatu ana ki te wairua, ki ngā kupu ake rānei o te Tiriti, me hoki anō tātou i taua wā ki te tirotiro ki tētahi o ngā hoa i roto i taua kawenata. E kore te iwi Māori e tino pai mai ki tērā. …Ki a au, ahakoa āna tohutohu ki te Pirimia, ka taea te hanga ture, ki te hiahia te Kāwanatanga kia pērā, e kawea ai ngā tiati o te Kōti Matua kia whiriwhiri i te ngako o te take nei, ahakoa he pātai pōhewa noa tēnei nā te Kāwanatanga i whakaara ki mua i a rātou. …E kore e pai kia waiho pērā ngā whakaaro mō te Tiriti, arā, he “kī taurangi nā te rangatira kī tahi” – kāore ōna mana i raro i te ture. Ki te whakamanaia e te Kāwanatanga he ture e takahi ana ki te Tiriti o Waitangi, ka taea. Kāore he Kōti Pīra, nā te mea kua whakatauria e tētahi tiati ko taua ture katoa e hāngai ana i runga i te mana whakatinana ture o te Whare Pāremata o Aotearoa. [New Zealand Parliamentary Debates, Volume 254, pp.725-732. Address in Reply debate.] Attorney-General Mason responded to these statements; see below.]     24 Hūrae 1939 Henry Rex Mason Image: ATL C-025588-1/2 © Image copyright conditions Henry Rex Mason RŌIA MATUA O TE KĀWANATANGA Kua whakapuakina [e Ngata; i runga ake nei] ētahi whakaaro mō te Tiriti o Waitangi, me ngā whakaaro i puta i te hōnore mema, hei whakaata i aku whakaaro mō te kaupapa. Ki a au, kāore he koringa ake mō te whakaaro. Nā reira au i mea ai mō te whakaaro rā, he moumou moni noa kia kawea taua take ki mua i te aroaro o te Kōti… [New Zealand Parliamentary Debates, Volume 254, p. 734. Address in Reply debate.]     26 Hūrae 1939 Haami Tokouru (Toko) Ratana Image: ATL PAColl-5671-45 © Image copyright conditions Haami Tokouru (Toko) RĀtana RANGATIRA O NGĀTI APA, O TE HĀHI RĀTANA, MEMA PĀREMATA MŌ TE TAI HAUĀURU I kōrerotia te take nei o te 'aukati i te kiri kē’ inapō, nā, e mea ana au he aukati pērā anō tā tātou i ētahi moka o te whenua nei. Kua rongo au i te kōrero a ētahi tāngata o Aotearoa i a rātou i Ingarangi, ina kōrerorero rātou ki ō reira tāngata, kāore he aukati i te kiri kē i Aotearoa; engari ki a au, he aukati anō tā tātou. I raro i ēnei āhuatanga he pēhea e tahuri mai ai te iwi Māori ki te tautoko ā-ngākau i ngā mahi? Mō te āhua o te rautau whakanui i te Tiriti o Waitangi, anei kē te pātai a te iwi: He aha ngā āhuatanga e āhuareka ai te Māori ki te rautau nei? I puta anō te kōrero a te mema mō te Tai Rāwhiti [a Ngata] inapō, ko te ata kau anake kei te toe mai ki a rātou, o ngā kī taurangi o te Tiriti o Waitangi. I inoi te iwi Māori ki ngā Kāwanatanga huhua i roto i ngā tau kia whakatatūria ētahi o ō rātou nawe. Ko taku tūmanako ia, hei te tatanga atu ki te rautau ka kitea kei te ahu whakamua ēnei kerēme. [New Zealand Parliamentary Debates, Volume 254, p.761. Address in Reply debate; Ratana was responding to interjections about Māori cannibalism, rejecting that label and also the label of “rebel” affixed to many Māori involved in the New Zealand Wars.]     22 Akuhata 1939 Eruera Tirikatene Image: ATL PAColl-6388-26 © Image copyright conditions Eruera TirikĀtene He Rangatira nō Ngāi Tahu, Mema Māori mō te Tai Tonga E mea ana ētahi o ngā kaikōrero a te āpitihana i te hiahia te Kāwanatanga kia whakakorea ngā nama o Aotearoa i Ingarangi [e whakapaetia ana i hoki anō ēnei nama ki te tau 1860, he nama i kīia e Tirikātene i herea ki ngā Pakanga o Aotearoa] Ehara rawa tēnei i te hiahia o te Kāwanatanga, he kōrero tauhou rawa atu. I te mea kua whakaputaina te kupu “whakakore i ngā nama” e te Āpitihanga me kī au ināianei, mai rā anō i pērā te mahi a ngā Kāwanatanga maha, he whakakore i ngā kawenata i oatitia ai ki te iwi Māori, mai rā anō i te hainatanga o te Tiriti o Waitangi …Kua whakakorea rawatia e ō mua Kāwanatanga ngā kaupapa o Te Tiriti o Waitangi. [New Zealand Parliamentary Debates, Volume 255, pp.469-470. Tirikatene raised the Ngai Tahu land claims as an example of what he described as previous governments repudiating their undertakings.] © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.