Wātaka - He Wātaka Whānui 1900-1949 Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga Kupu Whakataki Tauira Flash Ngā Āhuatanga i Pā - Te Tiriti 1800 - 1849 1850 - 1899 1900 - 1949 1950 - Ngā Āhuatanga i Pā - Aotearoa Whānui 1800 - 1849 1850 - 1899 1900 - 1949 1950 - English version of this page WĀtaka HE WĀTAKA WHĀNUI 1900-1949 1901 KĀore e piri atu ki Ahiteireiria Te hui whakapūmau i te Kāwana Tianara Ahitereiria tuatahi, a Lord Hopetoun, me ngā mema o te Kapeneti Kāwanatanga ā-Rohe tuatahi, i Poihākena, 1 Hānuere 1901. Image: National Library of Australia no. an13117410-4 © Image copyright conditions I te 1 Hanuere 1901 ka whakakotahi ngā koroni e ono o Ahitereiria hei whenua whai kāwanatanga ā-rohe, ka kīia te kāhui nei ko te Kotahitanga o Ahitereiria. I roto i tana kaupapa taketake hou, ka whakaritea he tūru mō Aotearoa, ko ia hei rohe whānui tuawhitu o te Kotahitanga, engari ka hoea e Aotearoa tēnei whakaaro. 1907 Ka tohua a Aotearoa hei tŌminiana Ngā Whare Pāremata, i Te Whanga-nui-a-Tara, kua whakakāngia ōna rama whakapaipai hei whakanui i te Rā Tōminiana, 26 Hepetema 1907. Image: ATL 1/2-080522-F © Image copyright conditions Neke atu i te rima tekau tau i muri i te noho mai o te kāwanatanga noho haepapa tuatahi ki Aotearoa, ka kaha ake tana tū motuhake me tana tuakiri motuhake. Inā, ka mutu tana tū hei koroni o Peretānia Nui Tonu, ka riro hei tōminiana. 1910 Ka eke te taupori ki te 1000000 He tirohanga ki Ponsonby, Tāmaki-makau-rau, i waenga i 1900 me 1910. Image: ATL 1/1-002808-G © Image copyright conditions E whakapaetia ana i hipa ake te tokopae o Aotearoa i te kotahi miriona i te tau 1910. E ai ki te uiuinga whānui o te motu o te tau 1911, 1058313 te taupori i taua wā. Ina tirohia te wāwāhanga o ngā tatauranga, ka kitea kua tīmata kē te hūnuku a te tokomaha ki ngā tāone nui, noho ai. Ko tētahi 10% o te taupori e noho ana ki Tāmaki-makau-rau, ā, hui katoa, e 50% e noho ana ki tētahi tāone nui. Ka puta ake ngā māharahara mō te oranga pūmau o te ōhanga me te pai o te noho ki ngā tāone nei. 1914-18 Te Pakanga Tuatahi o te Ao Ngā ope taua i mua tonu i tā rātou haere ki te Pakanga Tuatahi o te Ao, e muia ana e te tini me te mano, 1914. Image: ATL 1/1-008274-G © Image copyright conditions I rikarika tonu a Aotearoa ki te whai wāhi atu ki tēnei whawhai, hei āwhina i te ‘Wā Kāinga’, i Ingarangi. Ko tētahi 42% o ngā tāne i waenga i te 19 me te 45 tau te pakeke i uru ki te pakanga nei. He 10% tēnei o te taupori o Aotearoa. Arā ētahi Māori kāore i tautoko i te whai wāhitanga atu a te iwi Māori ki ngā pakanga a tauiwi. Engari arā anō ētahi i hiahia tonu ki te uru atu. I ngā tau 1915-16, ka haere ētahi matua e toru o te karangatanga ‘Māori Pioneer’ ki Ihipa, engari ka noho whāiti ki ngā mahi whakangungu i ngā puni hōia. I te 26 Hune 1917, ka whakaaetia te uru mārire a te Māori ki ngā pakanga, ka mutu i āta whakamahia anō kia uru, pērā anō i ngā Pākehā. Ko te orokohanga ake tēnei o Te Hokowhitu a Tū. Heoi anō, he Pākehā tonu ngā rangatira o te hokowhitu nei. 1929 Te WĀ o te Korekore He taramu e kī ana i te tamariki, me te pānui “kia 500 ngā tama ka whiwhi mahi i mua i te Kirihimete”, i te Tiriti o Wakefield, Te Whanga-nui-a-Tara, ca 1932. Image: ATL 1/2-084811-G © Image copyright conditions Ka tirikohu te mākete hoko hea i Wall Street i Te Āporo Nui, ā, kāore i roa i muri mai, ka tirikohu anō ngā ōhanga o te Ao, tae atu ki tō Aotearoa. Mai i te tau 1928 ki te tau 1932, e 40% te heke o ngā utu i riro mai mō ngā taonga i hokona ki tāwāhi. Mō te hunga whiwhi mahi tonu, e 20% te heke o ā rātou whiwhinga pūtea tūturu. Ko ngā tau 1931-33 ngā tau tino kino, inā he tata ki te 80000 te hunga kore mahi (tētahi 12 ōrau o ngā tāngata katoa e tika ana kia whai mahi). Kāore i mutu tēnei āhua kia tuwhera rā anō te tāwaha o te riri i te Pakanga Tuarua o te Ao i te tau 1939. 1939-45 Te Pakanga Tuarua o te Ao Te Hokowhitu a Tū e haka ana, i Ihipa, Egypt, 24 Hune 1941. Image: ATL DA-01229-F © Image copyright conditions I rikarika anō a Aotearoa ki te āwhina i a Ingarangi, ā, 105000 ngā hōia i uru ki ngā whawhai i te tahatū o te rangi. He tata ki te hautoru o ēnei i hinga i te parekura, i taotū, i mauheretia rānei. Ka ara anō he hokowhitu Māori, ā, kei reira anō ōna kaitautoko me ōna kaiwhakahē o te iwi Māori. Hei tauira, kāore ngā mana o Waikato i tino hiahia kia uru ā rātou tāngata ki te pakanga, engari he tautoko tonu tā Te Tai Rāwhiti, Te Moana a Toi me Te Tai Tokerau. Hui katoa, 17000 ngā Māori i āta whakauru atu. 1947 Te tŪ motuhake tŪturu, taha tŌrangapŪ Ko Thomas Kay Sidey. I te Whakarauikatanga Emepaea o te tau 1930, ka whiwhi whakaaetanga a Sidey kia kore ai a Aotearoa e taka ki raro i te Ture o Westminster kia whakamanahia rā anō te Ture e te Whare Pāremata o Aotearoa. Image: ATL 1/2-125983; F © Image copyright conditions I te tau 1931, ka whakaaetia e te Whare Pāremata o Ingarangi te Ture o Westminster, i whakatūturutia ai te tū motuhake a ngā tōminana e ono i raro i tōna maru. Heoi, ka tōmuri a Ahitereiria me Aotearoa ki te whakatinana i tēnei āhua. Ko Aotearoa te mea tōmuri katoa, inā rā, 16 tau rawa i muri i te putanga o te ture, i te 25 Noema 1947, ka whakamanaia te Ture (Tono, Whakatinana) Whakahoutanga Kaupapa Taketake, i taea ai e Aotearoa te whakarerekē, te whakatārewa, te huripoki rānei i ētahi āhuatanga o tāna kaupapa taketake. Kimi KIMI MĀRIRE Kāore e arohia ngā tohutō i roto i ngā mahi kimi. NGĀ HONO E HĀNGAI ANA • Tāngata Ingoa Nui • Te Puni Kokiri • Archives New Zealand © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.