Tiriti o Waitangi - Pānuitia te Tiriti - Cook Islands Kāinga Pānuitia te Tiriti Wātaka Orokohanga Raumei Whakataunga Tiriti Ngā Take Mahere Pae Reo Pākehā   Tāngata Ingoa Nui Kupu Ake He Mapi Rerenga Ngā FAQ Whakamārama Kei tĒnei wĀhanga PĀnuitia Te Tirity O Waitangi Tauira reo Pākehā Tauira reo Māori He whakamārama i ngā rerekētanga matua HE KUPU WHAKATAKI NgĀ mea e rua ki te reo PĀkehĀ Tauira reo Pākehā Whakapākehātanga o te tauira reo Māori Ētahi atu kaupapa reo kĒ o te Tiriti Hāmoa Kuki Airani Ngā moutere o Tokerau Tonga Niue NgĀ MĀtĀpono o te Tiriti o Waitangi TĀia ngĀ Tuhinga o te Tiriti English version of this page Kuki Airana Ko te Koreromotu o Waitangi i roto i te reo Kuki Airani Urianga i te Koreromotu o Waitangi mei te reo Maori Nu Tireni ki te reo Maori Kuki Airani Tuanga mua   Tuanga mua Te rauka nei te au Ui Rangatira o te Putuputuanga o te au Uki i roto i te Taokotaianga o te au Ngati Katoatoa o Nu Tireni, e te au Ui Rangatira tei kore ratou i riro mai e au i roto i teia Taokotaianga nei, i te oronga atu ki tana Ngateitei, koia oki te Ariki Vaine o Peritane i te au tikaanga katoatoa ma te kore rava e akatuanga-ia te mana Ngateitei e te au tikaanga tei oti i te tuatua-ia e te Putuputuanga o te au Uki, me kare te au Ui Rangatira tatakitai, e na ratou e ta-angaanga i te reira me kore e mou piri tikai i te reira i runga ake i to ratou au tuanga enua i roto i te irinakianga e ko ratou okotai uaorai tei akamana-ia kia rave i te reia.   Ko te au Ui Rangatira o te Taokotainga o te au Uki, e te au Ui Rangatira, tei kore ratou i roto i teia Taokotaianga nei i te oronga atu anga ki te Ariki Vaine o Peritane i te mana katoatoa i te akaaere anga i to ratou au enua. Tuanga rua   Tuanga rua Kua akatika ma te akapapu mai tona Ngateitei te Ariki Vaine o Peritane ki te au Ui Rangatira katoatoa o te au Ngati tuketuke o Nu Tireni, ki te au kopu-tangata katoatoa ma te au tangata tatakitai, i to ratou au tikaanga katoatoa, kia kore rava te reira e tamanamanata-ia, i runga i to ratou enua, to ratou au enua atea, te au vaorakau e te tuanga o te Moana (te tikaanga o te tautai), e tetei ua atu au apinga e na ratou tikai, me kare ra na te tangata tatakitai, ua atu e eaa te roa o te tuatau ta ratou ka inangaro, e na ratou rai te reira e akaaere. Inara, ko te au Ui Rangatira i roto i te Taokotaianga o te au Ngati katoatoa e pera te au Ui Rangatira tatakitai, na ratou e oronga atu ki te Ariki Vaine Ngateitei i te tikaanga katoatoa o te au enua kia tutaki-ia na mua ki te au tangata taonga o te enua e kia riro katoa ratou i te akara matatio i te akatanotano anga i te tu o te moni ta ratou ka akatinamou no te tutaki i te au enua. Kia akatika-ia ra oki teina i rotopu i te au tangata taonga o te enua e pera katoa ki te au tangata ta te Ariki Vaine Ngateitei i iki ei mono iaia i te raveanga i teia tuanga angaanga ma te tau tikai.   kua akatika oki te Ariki Vaine o Peritane e ka paruru aia i te au Ui Rangatira, to ratou au kauono e pera katoa te iti-tangata Nu Tireni katoatoa i te tikaanga tikai o te au Ui Rangatira ki runga i to ratou au enua, te au oire, e pera katoa ki ta ratou au apinga puapinga tikai. Inara oki, tetai tua ka oko atu te au Ui Rangatira o te Taokotaianga o te au uki e pera katoa te au Ui Rangatira katoatoa i te oko atu i to ratou au enua ki te moni tei akatika-ia i rotopu i te tangata nona te enua e pera katoa te tangata nana e oko mai i te enua ki te tangata ta te Ariki Vaine i iki ei mono iaia, no runga i te tuanga okoanga enua. Tuanga toru   Tuanga toru I roto i te tamanakonako anga kua oronga atu tona Ngateitei te Ariki Vaine o Peritane ki te au tangata enua katoatoa o Nu Tireni i tana paruru anga kia ratou e ma te akapapu atu e ka aiteite to ratou tikaanga e te mana mei to te iti-tangata i raro ake i te au Peritane.   No te tikaanga tei akatika-ia no runga i te Kavamani a te Ariki Vaine ka paruru te Ariki Vaine o Peritane i te au tangata rikiriki katoatoa o Nu Tireni ma te oronga atu i te tikaanga angaanga kia aiteite te reira ki te iti tangata i raro ake i te au Peritane.   (signed) William Hobson, Lieutenant Governor.   (signed) William Hobson, Consul and Lieutenant-Governor.         © 2005 - 2006. Kāinga | Pānuitia te Tiriti | Wātaka | Orokohanga | Rauemi | Whakataunga Tiriti |  Ngā Take | Mahere Pae Reo Pākehā | Tāngata Ingoa Nui | Kupu Ake | He Mapi | Rerenga | Ngā FAQ | Whakāmarama Me mātua whakaae te rangatira me te kaipupuri manatārua i mua i te whakamahinga anō o ētahi whakaahua o te pae tukutuku nei. Me mātua whakaae te Whare Pukapuka o Alexander Turnbull, Te Puna Mātauranga o Aotearoa, i mua i te whakamahinga anō o ā rātou whakaahua. Kia kitea ai te roanga atu o ngā kōrero mō ngā whakaahua a ATL, whakatakotoria te kiore ki runga ake i ngā whakaahua.