1 22 20 o Here turi koka 2019 3 Rātū 27 o Here turi kōkā Rā Tūwhera ki Ngā Taiātea Wharekura Rāapa 28 o Here turi kōkā Hui Whānau: Marau ā Kura 5:30 – 7:30 karaka Rāmere 30 o Here turi kōkā He rā kaiako – kua kati te kura E whakahōnore te mana tuawhakarere, he tumu kāwai ariki, Te Kīngi Māori Kīngi Tuheitia me te whānau o te Kāhui Ariki, i tēnei wiki motuhake, te wiki o te Koroneihana. Pai mārire! Ka tangi riporipo te puna o te haetara whiti atu ki te ao ake rā e ngā mate huhua, e ngā aituā maha, moe mai ra! Ka hoki ki te whai ao te ao mārama, tīhei mauri ora! He Mihi He mihi tēnei ki te Whānau Tauroa, kua whānau māi tō rātou pēpi hou. Nau mai e hine ki te ao hurihuri nei. Taenga mai ki te kura Tēnā rā koutou ngā whānau i whakarite kia tae mai āu tamariki i mua i te tangi o te pere i ngā ata. Ka tīmata te kura i te 8:55 karaka nā reira pai ake mēna ka tae mai ngā tamariki i mua i te tangi o te pere. Kei te kite i tētehi rōpū tamariki e tae tōmuri ana ia te rā ki te kura. He mea nui kia karakia tahi ngā tamariki i te tīmatanga o te rā, ā, kia uru tōtika ki ngā akoranga whai muri. He uaua mā ngā kaiako inā ka tae tūreiti mai ētehi, ā, kua tīmata kē ngā mahi. Kaua hoki e waiho mā te whakamā hei patu i tāu tamaiti. Kia kamakama mātua mā! Hui Whānau: Marau ā Kura He karanga tēnei kia huitahi ai te whānau whānui o tō tātou kura ki te āta wānanga i tō tātou marau ā kura. Kei te tū tētehi hui hei te Rāapa 28 o Here turi kōkā, 5:30 – 7:30 karaka, mō ngā kaiako, ngā mātua, koutou ngā tāngata e whai pānga ana ki tō tātou nei kura. Nau mai, haere mai, tautoko mai! Karapu Parakuihi Ka tū ia Rāhina, Rāapa me te Rāpare. Ka tīmata i te 8:30 karaka ki te akomanga o Te Atawhai. Koroneihana 2019 I haere tētehi rōpū ki te tautoko i te Koroneihana i te rangi nei. I mahi te rōpū i te taha o Whaea Tina Herangi i roto i te wharekai:  Reiata Huata  Okeroa Irwin  Maioha Tohe  Hinemaioha Rolleston-Gabel  Caitlin Gabel  Waimiria Tuhakaraina-Clarke  Piata Wharawhara  Moetahi Jacob Me mihi ka tika hoki ki a Whaea Ngareta mō āna mahi tautoko. Taha Whanonga Mā te mahitahi o te whānau me te kura ka eke ngā ākonga ki ngā taumata e tika ana ki te taha whanonga. Mā te ū hoki ki ngā uara o te kura, ka tika:  Pono me te tika  Ngākau mahaki  Whanaungatanga He inoi tēnei kia kōrero tahi i te kāinga mō ngā whanonga e tika ana. Koinei ētehi o ngā kitenga i ngā wiki tata nei:  Kōrero rūkahu  Whakahoki kōrero ki te pakeke  Mahi whakapōreaprea tangata  Kore whai tohutohu  Reo Pākehā He Rā Kaiako He rā kaiako hei te Rāmere 30 o Here turi kōkā, ā, kā kati te kura i tēnei rā. Ka tū te Hotaka Manaaki mō ngā whānau e kimi kaitiaki ana mō a koutou nei tamariki. Mana Tōpū - Hāngi Hei te Rapare 26 o Mahuru kei te hoko hāngi te Mana Tōpū hei kaupapa kohi pūtea mō ngā kaupapa o te wā. He inoi tēnei kia koha mai ēnei mea i te Wiki 7 (2- 6 o Mahuru) 7 x pata 1 x 30 paepae hēki (7 te rahi) 1 x parāoa/High Grade (5kg) 7 x 3L miraka 3kg x huka 5 x 1L kirimi Ipu mō ngā pūirni Pune, naihi, paoka kirihou Serviettes Kei te kimi kaiāwhina hoki ki te whakarite ngā pouaka hāngi/pūrini mai i te 1:00 – 3:00 karaka o taua rā, 26 o Mahuru. http://bit.ly/TōkuMāpihiHangi2PreOrders2019 First Credit Union Ia Wenerei te rā tuku moni ki a Credit Union mō ngā tamariki. Kei te Tari te pouaka, ā, kei a Whaea V’etta hoki ngā kōpaki mō ngā tamariki e hiahia ana ki te penapena moni. Mauri Tau Kua riro mā TE WHAKAMARIE te tiwhikete mō te akomanga kaha ki te hāpai i ngā uara o te kura. Kua riro mā ngā akomanga o TE PIRINGA me TE TUMANAKOte tiwhikete mō te akomanga kaha ki te kōrero i Te Reo Rangatira! Mauri Tau – Wiki 1 Ngā mihi nunui ki ēnei tamariki, nā rātou te waimaria i tērā wiki: Te Aroha/ Te Puāwai – Blaize Muntz Te Piringa/ TeTūmanako – Ngahau Gabel-Davis Te Whakamarie- Caitlin Gabel Te Atawhai – Turama Paranihi Tohu Reo He mihi tēnei ki ēnei whakaihu waka o te reo i te wiki whakamutunga o tērā wāhanga:  Te Hare Flavell-Fox  Rauru Bristowe  Te Whetu Taukamo  Roimata Darlington  Peta Kingi Haupoi Retireti Anei ngā wā kēmū mō tēnei wiki:  Tuna 1 v Nawton Lions – 4:30 karaka  Tuna 2 v Maeroa Rockets - 5:50 karaka Poitarawhiti Rāapa – 20/08 TMM Rangatira v Te Ara Rima Tau 3&4 Wā: 5:15 karaka Papa: 8 Rāpare – 22/08 TMM Whetu v Marian Stars Wā: 4 Karaka Papa: 1 Rāhoroi – 24/08 TMM Toa v Lil Wolves Pounamu Wā: 8:30 Karaka Papa: 5 TMM Majex v Melville Y8 Magic Wā: 10:30 Karaka Papa: 14 Titiro ki tēnei wāhi mō ngā wā kēmu; https://netballhamilton.org.nz/draws-results Ngā Utu Kura Te Utu Ko te wā hei utu $30.00 (Kotahi te tamaiti) Ia wāhanga $45.00 (tokorua ngā tamariki) Ia wāhanga $60.00 (maha ake i te tokorua) Ia wāhanga Nama o te Whare Pūtea: TKKM o Tōku Māpihi Maurea 12-3249-0024036-00 Tono Putea Waka Hei mirimiri i a hirikapo, e ai ki te punaha o te kura me tae mai ngā tono pūtea waka i mua i te mutunga o ia wāhanga. Inā tae tūreiti mai, tē whai utu koutou ngā whānau. Ngā Taiātea Wharekura Open Day Kei aaku rangatira teenaa koutou, Nei te reo raahiri e rere atu nei ki a koutou katoa. Ka whakatuwhera te kuuaha o te kura me ngaa tatau o ngaa karaehe nei i a maatou hei te 27 o Akuhata ki a koutou, otiraa ki waa koutou tamariki – tau 8 me te 7 anoo hoki – hei titiro, hei wheako anoo hoki. Ka timata te rangi hei te 9:30am me te whakatau, kaatahi maa ngaa Amorangi o te kura nei ngaa aakonga e aarahi, huri rauna i te kura. Ka tuu teetahi ngahau, aa, maa ngaa Amorangi weetahi haakinakina e whakahaere anoo hoki. Ka mutu te kaupapa hei te 12:30pm kia waatea ai koutou kia hoki atu ki te kura. Aini, maa Whaea Michelle Ohia teetahi paanui e tuku hei whakanikoniko i ngaa koorero nei. Hoinoo, nei taaku ki a koutou, ki te pirangi aawhina koutou kia haria mai ngaa aakonga, araa, he pahi, he wheene raini kia kawea mai te whaanau, teenaa, whakamoohio mai. Kia ora, Matua Duane Allen Bottle Cap Cup Tēnā, kohia ngā taupoki “Anchor”, mau mai ki te tari!! Patipati atu ki ō whanaunga, ō kiritata, ō hoa hoki kia wini taonga te kura. He whakataetae kei te haere!! Entertainment Books Ngā mihi ki ngā whānau kua tautoko mai i tēnei kaupapa!! $65 te utu. He puka tūturu, he puka ī rānei. https://www.entertainmentbook.co.nz/orderbo oks/928j801 Project Energize Ngā Uiui Tamaiti/Whānau Ngā mihi ki a koutou i tae mai! Whakaaro mō te wiki “Mehemea ka moemoeā ahau, ko ahau anake. Mehemea ka moemoeā tātou, ka taea e tātou“ (Te Puea Herangi) Ngā manaakitanga. Laura