TOKU MAPIHI MAUREA KURA KAUPAPA MAORI : Mo / Ma Te Whānau   Te Kura Mō / Mā Te Whānau Whānau Hou He Pānui Whakapā Mai He Hononga Mō / Mā Te Whānau He Mihi Whakatau Te Koromakinga (Mission Statement) Tōku reo, tōku ohooho Tōku reo, tōku māpihi māurea Tōku reo, tōku whakakai mārihi. Tirohanga Whānui (Vision Statement) "Kia eke ai te tamaiti ki tōna taumata." Ko ngā whakapono E whakapono ana te kura:  ki ngā mātāpono o Te Aho Matua     ka taea e ngā tamariki katoa te ako     mā te mahi ngātahi o te kura me te whānau ka eke ngā tamariki ki ngā taumata     mā te huarahi o te reo Māori me ngā tikanga ka tū pakari ngā tamariki i roto i te ao kikokiko nei.    Ko ngā uara E tautoko ana te kura i ēnei uara: Pono me te tika Ngākau mahaki - whakamana tangata, manaaki tangata, aroha tētehi ki tētehi Whanaungatanga   Ngā Iwi Ko Ngati Haua, ko Ngati Wairere ngā tāngata whenua. Nō rātou te mana whenua.   Ka hāpai te kura i ngā tikanga o Ngāti Wairere, o Ngati Haua hoki.   Mai i te tirohanga ahurea Māori tūturu ka whakaaro nui te kura ki ngā tikanga me ngā mātauranga o ētehi atu. Ko ngā kōrero o nehe o te kura I te tau 1993 i whakaritea e ngā whānau o ngā kōhanga reo o Ngā Kuaka, Tōku Māpihi Maurea me Te Amokura kia whakatū ai i tētahi kura kaupapa Māori mō ngā tamariki e puta ana i ēnei kōhanga reo. E rua tau noho mai tēnei kura i tētahi whare o Te Kaunihera o Kirikiriroa i te huarahi o Pembroke i te tāone. He kura tūhāhā tēnei, ara, kāore i whai pūtea mai i te kāwanatanga ki te whakahaere te kura. Kāore he mutunga o ngā mihi ki a rātou ngā matua me ngā kaiako i para nei te huarahi, i whakapau kaha ki te whiwhi te kura e pēnei ana i tēnei rā. Whakamiha kau ana, whakamiha kau ana. Ko ngā Kaimahi o Te Kura 2019 Te Aroha: Tau 0-2 Bella Melbourne Te Puawai: Tau 1-2 - Jahdine Tapara Te Piringa: Tau 3-4 - Dorie Olliver Te Tūmanako: Tau 3-4 - Karepe Edwards Te Whakapono: Tau 5-6 Namaka Barclay-Kerr Te Rangimārie: Tau 5–6 Missy Clarke Te Atawhai: Tau 7–8 Keriata Kuiti Reo Pākehā: Tau 5–8 Donna Rolleston Ko te Poari 2019 Rutene Gabel- Tiatangata Jadee Strother - Tiatanagta Rauhina Cooper Romana Rolleston Makere Paniora - Minute Secretary Missy Clarke Laura Hawksworth - Tumuaki Ngā Wāhanga Kura o te Tau 2019 Wāhanga 1 31 o Kohitātea - 12 o Paenga whāwhā Wāhanga 2 29 o Paenga whāwhā - 05 o Hōngongoi Wāhanga 3 22 o Hōngongoi -27 o Mahuru Wāhanga 4 14 o Whiringa ā nuku - 19 o Hakihea Ko ngā utu o te kura Ngā Hāora o te Kura 8:55 - 2:55 karaka   Ngā Hāora Kai   Te Pānui o te Kura Ka tuku atu tēnei ki te kāinga ia Tūrei. Me ngana koutou ki te pānui i tēnei kia mōhio ai ngā nekehanga o te kura. Ki te pīrangi ki te tuku kōrero mā tēnei pānui, me tae mai tō kōrero ki te tari hei te 9.00 karaka i te ata o te Rāhina/Mane. Ki te Ngaro i te Kura Ki te kore āu tamariki e haere mai ki te kura me waea mai ki te tari, me tuku pānui whakamārama rānei i mua i te wā ka ngaro atu. Te Hāngarau Ka haere ngā Tau 7 – Tau 8 ki Te Kura Takawaenga o Peachgrove. Ngā Pōtae   T-Hāte Kura Me mau hāte kura ngā tamariki i ngā wā pōwhiri me ngā haerenga.   Te hari tāonga ki te kura E rāhui ana ngā momo taonga katoa te hari mai ki te kura i te mea ki te ngaro, te pakaru rānei ka aue mai ngā tamariki. Mā ngā taputapu pēnei i ngā hū retireti me ngā papa wira, e whakaae ana mehemea kei te mau hoki i ngā taputapu haumaru. Ki te kore, kua rāhui.   Ngā Hū Kāore i te whakaaetia kia mau hū teitei ngā tamariki, pēnei i ngā Pulps me nga hū Wīra hoki. Me mau i ngā hū hākinakina, i ērā rānei e pai ana ki te hīkoi me te omaoma. Ngā Aratohu Arahi Tamariki Ka whai te kura i ngā aratohu o te Assertive Discipline ki te ārahi i ngā tamariki i te kura. He kaupapa here i tua atu hoki e aro atu ana ki ngā tamariki e pēhi ana i ētahi atu. Mehemea ka kangakanga, ka patu rānei tāu tamaiti tērā pea ka hoki ia ki te kāinga.   Ngā Hui-a-Kura Ka waiata tahi/whakaatu mahi te kura ia wiki hei te Tāite, 11:45 - 12:30 karaka. Auahi Kore He Kura auahi kore tēnei. He wāhi korekaipaipa katoa ngā whenua me ngā whare o te kura. Putea Waka Mehemea ka noho tawhiti tāu tamaiti i te kura ka āhei koutou ki te tono ki Te Tāhuhu o te Mātauranga mō tētehi putea hei āwhina i a koutou ki te hari mai ki te kura, me te whakahoki i ō koutou tamariki. Ka whiwhi te kura i te putea, ā, ia wāhanga ka āhei koutou ki te tono mai ki te kura mō taua pūtea. Kei te Tari ngā pepa tono. Kutu I ētahi wā ka tirohia e ngā kaiāwhina ki ngā māhunga o ngā tamariki mo ngā kutu me ngā rīha. Ko te tikanga kei te whakamōhio atu ki a koutou, mā te kura pānui te wā ka tirohia e ngā kaiāwhina ki ngā māhunga o nga tamariki. Mehemea ka pā ngā ngāngara ki āu tamariki, ko te tikanga, ka noho āu tamariki ki te kāinga tae noa ki te wā ka whakatikahia e koutou i o rātou māhunga. Waea Pūkoro Kaua koa e tukuna mai ngā waea pūkoro ki te kura. Mehemea he take kia mau mai tāu tamaiti i tētehi waea pūkoro me whakawhiti kōrero ki te taha o te tūmuaki. Mehemea he take, ka pupuri ngā waea ki te Tari mō te katoa o te rā. Hōtaka Manaaki Kei te kura he hōtaka hei manaaki tamariki a muri kura mai i te 3.30 – 5.00pm i ia rangi. Nā Te Kōhanga Reo o Ngā Kuaka i whakatū, mā rātou hoki e whakahaere.   Tō tātou reo rangatira He tono tēnei ki a tātou katoa, ahakoa pakeke, ahakoa tamariki e uru mai ana ki te kura, ki te whakanui i ō tātou reo rangatira i ngā wā katoa. Mā te kōrero tonu, ka ū. Te Kura | Mō / Mā Te Whānau | Whānau Hou | He Pānui | Whakapā Mai | He Hononga © Toku Mapihi Maurea Kura Kaupapa Maori 2015   Web Design by WebCanny