1 Putanga 21 (2) Hötoke 2008 He Pitopito Körero nä Te Taura Whiri i te Reo Mäori Te Reo o te Käinga o Motatau Heoi anō he tangi maioha tēnei ki te whaea o tō mātou Toihau, ki a Tā Rose Henare i hinga atu rā i ngā wiki kua taha atu nei. Nā reira e kui, hoki atu ki ō mātua, ki ō tūpuna e tatari atu rā. I tupu ake koe i hea? I tupu ake au ki Motatau, he kāinga tērā, āhua whitu maero pea ki te uru o Kawakawa kei Te Pēwhairangi. He awaawa tērā motuhake . . . ngā tāngata i reira i te wā i au e tupu ana, he kōrero Māori katoa. Ko wai te iwi o ērā takiwā? Ko Ngāti Hine te iwi nō rātou tērā papa whenua, i rohea i te wā i a Maihi Kawiti. Ka titiro a Pouerua ki Rākaumangamanga, Rākaumangamanga titiro ki Manaia, Manaia titiro ki Whatitiri, Whatitiri titiro ki Te Tārai o Rāhiri, Te Tārai o Rāhiri titiro ki Hikurangi ki ngā kiekie whāwhānui a Uenuku, Hikurangi titiro ki Pouerua, te mutunga mai o te rohe o Ngāti Hine. Ko te hapū ake o Motatau, ko Ngāti Te Tārawa. Pēhea te nui o tērā rohe? He maha ngā tāngata i reira i ahau e tupu ana. Ko te kura i Motatau, he native school, 360 ngā tamariki i te kura. He āhua maha mātou i te kura i tērā wā, ā, ko te nuinga o ngā whānau āhua 12–23 tamariki ki ia whānau. Pēhea te reo i ngā kāinga? I ngā mahi rangahau a Richard Benton i te tau 1975, ka kitea ake e rua noa iho ngā iwi e mau tonu ana i te reo hei reo tuatahi, i roto i te kāinga, ko Tūhoe rāua ko Ngāti Hine i tērā wā, katoa ngā kāinga i Motatau e kōrero ana i te reo Māori i te kāinga, katoa ngā māhita kura, te tumuaki o te kura hoki. Ka pēhea ō whakaaro ki te ao whānui? Ka tukuna au ki te kura mō ngā tamatāne o Whangārei. I te whare noho o te kura, ko au anake te Māori i reira o te 150 tēnā e kura ana i reira. Ka tīmata au ki te whakarongo i te hunga e whakaparahako ana i te reo. E kōrero kino ana, ei. I ērā wā e haere tonu ana te kōrero mō te hōri, ērā momo āhuatanga. Koia ēnā ko ngā ingoa i huaina ki a mātou ki ngā Māori. I a mātou e noho ana i Motatau, kotahi anō putanga i te tau, nē, ko te wiki i mua atu i te Kirihimete, ka haere mātou ki Kawakawa ki reira whakapau ai i te kotahi pauna moni. Katoa ngā kaipupuri toa i Kawakawa e kōrero Māori ana, ahakoa Pākehā ... i tō rātou mōhio, kia riro mai ai ngā kaihoko Māori, me kōrero Māori rātou ki ngā kaihoko Māori. Katoa ngā Pākehā i Kawakawa e kōrero Māori ana i tērā wā. nā Erima Henare, nō Ngāti Hine Ko Erima Henare, Toihau Ko Ngäti Te Tärawa te hapü (nä te marae o Motatau ngä whakaahua nei) Huri atu ki te whārangi tuarima nā Huhana Rokx, Kaiwhakahaere Matua Kei Roto Te Reo o te Kāinga o Motatau 1 He kupu whakataki 2 He mihi nā te Minita He whakaparahako rānei? 3 Te mana me te taiao 4 Whakaakona te mita o Taranaki 6 Kua rua kē ngā reo? 7 He tautohetohe 8 He kura taioreore 9 Taku haerenga ki Palau 10 He toa poi tarawhiti Ngā Tohu Pāpāho Māori 2008 11 He pukapuka taketake Maramataka 12 He kupu whakataki Te Taura Whiri i te Reo Māori Pouaka Poutāpeta 411 Papa 14 Investment Centre Te Ara o Ballance Te Whanganui a Tara Waea: 64 4 471 0244 Waea whakaahua: 64 4 471 2768 Ī-mēra: tereo@tetaurawhiri.govt.nz Paetukutuku: www.tetaurawhiri.govt.nz E ngā kaipupuri i tō tātou reo Māori, tēnā tātou katoa. Tēnā tātou i runga i ngā āhuatanga o Matariki hunga nui, tēnei wā o te tau e kīia nei, ka ao ake ngā kai ki runga. Ka tangi hoki te ngākau ki te kuia rangatira ki a Tā Rose Henare i hinga atu i ngā wiki kua pahure. E kui, haere atu rā ki te paepae o Matariki, haere atu rā. Hoki mai ki a tātou te hunga ora, tēnā tātou katoa. E hia noa atu ngā take kei te kawea e Te Taura Whiri i te Reo Māori i ēnei rā o te tau hou Māori nei! Kāore e kore kei te āta whakariterite koutou i ā koutou whakatairanga mō Te Wiki o te Reo Māori. Ka whakaarohia e ngā kaiwhiri kia kōrero tonutia ‘te reo i te kāinga,’ nā reira kawea ake. Ka āwhina hoki ngā tari ā-rohe a Te Puni Kōkiri ki te whāngai i tēnei kaupapa ki ngā iwi o te motu ā te 21-27 o ngā rā o Hōngongoi. A taihoa ake ka whakaterea te ī-papakupu, otirā ka tukuna ngā kōrero a te papakupu hou ki te ipurangi, ā, ka taea aua kupu te tiki ake ahakoa kei hea noa atu koe. Hei te whakapuakitanga o Te Wiki o te Reo tēnei kaupapa tū ai, arā hei te ahiahi o te 21 o Hōngongoi. E whakamihi ana Te Taura Whiri i te Reo Māori ki ngā tāngata i tuku mihi mai i muri iho i tā mātou kōkiritanga i te take whakahuahua kupu Māori, whakahāwea hoki i te reo Māori. Nā te kamupene rīhi waka a ACE te reo i pērā ai, ā, ka huri ahau ki te whakaatu i te aroha o te iwi Māori ki tō tātou nei reo. Nā wai rā, ka rangona whānuitia tēnei take, whakaae mai ana ētahi, whakaaro tonu ana ētahi! Kei a Kingi Kiriona te whānuitanga o aua kōrero rā kei tua tata ake nei. Ngā mihi nui, mihi aroha ki a tātou katoa. He mihi mö Te Wiki o te Reo Mäori nā Parekura Horomia, te Minita mō ngā Take Māori 2 Hei ngā rangi katoa o Te Wiki o te Reo Māori ka whakaihia tātou katoa ki te whakanui i tētahi o ā tātou tino taonga tuku iho – ko te reo Māori tērā. Me hopu e tātou tēnei wā motuhake ki te whakatairanga i te mea whakahirahira, te whakamau i te oranga me te tīkorikoritanga o te wairua o tō tātou reo ki roto i ngā hapori. Neke atu i te 30 tau tātou e whakanui ana i Te Wiki o te Reo Māori, ā, i tēnei tau ka whakahaerehia anōtia i ngā rā 21 ki te 27 o Hōngongoi. Ko te kaupapa, ko ‘Te Reo i te Kāinga.’ Tēnei ahau e whakamanawa ana i te katoa ki te whakamahi i te reo Māori ki roto i ā tātou mahi i te kāinga, ia rā, ia rā. Mā te kī ‘Mōrena;’ mā te kōrero Māori anake; mā te mātakitaki i a Whakaata Māori; mā te purei kāri rānei i roto i te reo Māori; ahakoa te aha, he whai tikanga katoa ēnei. He wāhanga nui tonu tō te reo Māori nō tō tātou tuakiri ā-motu, ā, kua whai wāhi ki te pātai, ko wai tātou, me pēwhea tātou e noho ora nei, ia rā, ia rā, hei tāngata nō Aotearoa. He kaitautoko whakahīhī ahau i Te Wiki o te Reo Māori me ngā mahi katoa kua mahia e te kāwanatanga hei tautoko ake, hei whakapakari anō hoki i te reo Māori. Mā te whakamanawa i te whakamahinga i te reo Māori ki roto i ngā kāinga, ki roto i ngā akomanga, ki waho hoki, ka pūmau te oranga tonu o tēnei taonga ā-motu, hei painga mō ngā reanga kei mua. Nā reira, i te wā o Te Wiki o te Reo Māori, mahia āu mahi hei whakaora i te reo Māori. Whāia ko te reo. Pūrangiaho ana te kitea atu o te hē o tēnei pānui, he aha te aha, nō hea te upoko mārō a Ace Rentals i aro, ka pēhea a Ngāi Māori e tūpehupehu atu, e pā mamae rānei. Āe rānei, he makiki nō te ihu? Āe rānei, he nui nō te inu waitutu? Āe rānei, he tino Pākehā nō te whakaaro? Āe rānei, ko ēnei mea katoa? Me kī pēnei noa ake au i konei, i roto anō i te whakahīhī pai o tamaroto, nā Te Karere ka hōkeke mai ngā taringa o te motu ki te kaupapa nei. He tūpono noa iho anō hoki. Ka tono karere mai tētahi hoa mahi nōku, kei tari kē e mahi ana, mō te kaupapa nei, ā, kairangi, whakatiketike katoa atu ngā pewa! I takahorohoro nei te toro atu ki ngā kaitaraiwa o Ace Rentals. Ko te whakahoki, he hia whakanene noa iho nō rātou i whakatūria ai taua pānui. Me te aha, piere nuku nei te kite i te raruraru, inā hoki, ko au, ko Te Karere te tuatahi ki te maka amuamu. Te roro hipi nā hoki! Ahakoa, takitaro ana ka kumea iho te pānui rā. Me whakaaro e tātou, pēnā ka whakarongo ā-taringa noa ki te kupu ‘whaka,’ tē kite te karu i tōna tuhinga, i tōna whakatakotoranga, ka kīia tērā, he ‘kanga,’ he keokeo ki te taringa, he haehae anō hoki i te tangata ki raro. Koinā tētahi o ngā take ki taku nei mōhio i ngahoro iho ai i te iwi mihingare te pū ‘h’ i ngā kupu ‘whaka’ a te hau tūāraki, kia ‘haka’ kē mai te noho. Ā, kei konei ka tino ‘haka’ rawa atu! I te mea hoki, ahakoa keokeo nei taku reo ki ō taringa e hika Pākehā, hiapai tonu ana koe ki te whakaaraara mai hei whakakatakata, hei whakangahau anō i a koe! Kei tua atu i te whakaaro, ko ngā ingoa wāhi kei runga i te pānui, he taunahanahatanga tuku iho i ngā tīpuna, ko te kaupapa nei e pā āna ki tā te karu e kite ai, me tā te taringa e rongo ai. Pēnei au, ka kawa ana tētahi mea ki a koe, ki ō taringa, ki ō karu, ki tō tero rānei, kua whakamutua atu taua mea! Engari anō rā i konei mō te rangatira kūmua a ‘whaka’, nā te ture i waiho, ā, nā te Pākehā i kata. Nō reira, kotahi noa iho taku kōrero: “E te ture, whakatikatika mai i a koe! E te Pākehā, whakarautaka mai anō i a koe. E pā te ihu ki te oneone, e inu te māngai i ngā waiora a Tāne, e kai ngā mata kia whānui ake ai te titiro, kaua ki a koe, engari ia ki a au, ki a tangata kē, me tōku reo.” Tōku reo, tōku māpihi maurea, te mounga i hoe ai te waka i ngā ngarungaru tukituki kau ana i taku manawa, E kokoia e ara e! He whakaparahako ränei? nā Kingi Kiriona, nō Ngāti Kahungunu, Ngāti Ruanui me Ngāti Apa 3 Ka whakahë rawatia ënei körero e Te Kaiwhakahaere Matua (i rapua këtia e Te Taura Whiri i te Reo Mäori nä wai te whakaahua nei) Te Wiki o te Ahakoa he aha ka kitea ko te taiao, arā te whenua, ngā wai, ngā maunga, ngā whetū, ngā hua mai i aua wehenga nei, huri noa, tētehi rerenga nui rawa ki waenganui i te ao Māori. He hono ōna ki a tātou, tātou ki a ia, e kore e taea te tapahi. Ko ia ko tātou, ko tātou ko ia. Kei konei ētehi tauira i tikina atu i ngā taonga tuku iho a Tauranga Moana hei whakaahua i te mana o te taiao, ōna rerenga maha hoki. Tuatahi, tirohia e tātou te whenua. Koinei ngā tapuwaenga o ō tātou mātua, tūpuna. Kua tuhia te kōrero ki runga i aua papa kāinga, i ētehi wā kua maringi te toto – mā ērā āhuatanga kua uhia aua whenua ki ngā momo tohu katoa. Ko te maumaharatanga tērā, ko te tapu tērā, ko te pupuri hītori tērā, ko te wairua tonu o te whenua kua huria i runga i aua mahi katoa. Mai i ēnei mahi hoki, kua tau he momo maramataka ki runga i aua whenua nei – arā mā te hoki whakamuri ki ngā mahi ā-iwi, rangatira rānei kua mōhio tātou ko tēhea rautau kei te kōrerohia, me ngā momo āhuatanga o aua whenua nei. He huarahi hono anō hoki te whenua i te iwi, tētehi ki tētehi mai i ēnei haerenga tahi. Mai i te pakanga o Rangiriri ka whakaaro ki a Waikato i kaha pupuri i tōna ake rangatiratanga ahakoa te ruturutu a tauiwi i a ia. I te mea i haere ake a Ngāti Ranginui, Ngāi Te Rangi ki te āwhina i a Waikato, ka noho tēnei hei honohono i a rāua mai i tēnei pito ki tērā taha. Atu i tērā nā ngā whenua nei me ōna murunga hoki o ō Tauranga Moana, kua puta ake ngā ingoa papa kāinga pēnei i a Rangiriri, Pukehinahina, me Te Ranga: Kia mārama taku titiro ki Te Ranga, Ki Pukehinahina, Ki te Tini o te kura, E moe mai rā . . . Ko te taiao, arā te whenua ēnei e tohu nei he aha ngā mahi i tū kaha ai ō tātou tūpuna, he aha ngā whakarerenga iho o aua wā hei pupuri kia kore ai e wareware. Tuarua ka āta whakaarohia he aha anō kei te taiao, kei reira te hau, te moana me ōna tohu katoa. I tikina atu ērā i kitea, i rongohia, hei whakairo kupu, hei tā ki te manawa ngā whakaaro o te wā. Anei ngā rerenga kupu i tētehi pātere o Tauranga Moana i waiatatia mō Mauao i te wā ka tōia ki te moana. Rongo tonu atu tātou i te hau e haruru ana, me te ngaru, e puea mai nei ki uta: Tōia ki te hau marangai, Kia whakarongo taku kiri, Te kikini o te rehutai . . . Mō te taha tonu ki te moana, anei anō ētehi atu whakaaro i tētehi waiata mō Te Ati, tupuna nō Ngāti Hē o Ngāi Te Rangi. I konei kua tikina atu te tangi i te wā ka huri haere tōna wairua ki ōna papa kāinga: Ngā tai e haruru nei, I raro i Te Maire, I waho Opopoti e . . . Kua rerekē tā te tai mahi i raro iho nei. Koia te huarahi mō te wairua o Te Ati i haere ai ki tētehi atu papa kāinga, ki ōna whanaunga o Ngāti Kuku, arā a Taiaho (he ingoa anō mō Hōri Ngātai o Ngāi Te Rangi). Mā ngā ia a ia haere ai: Haere rā e tama e ... Ngā ia o taiheke, I waho o Whareroa e . . . Mā Taiaho koe e kukume ki te whare rā. I ētehi wā ka puta anō hoki he kupu kōrero mō ngā tohu kei reira he whetū, kua tikina atu pēnei i Te Paki o Matariki. Anei ētehi kupu kei te pātere a Kaikohe Roretana o Ngāti Hangarau, Tauranga Moana e whakatakoto ana i aua momo whakaaro: Tū kau ana ahau i te roro wharenui o Hangarau, Me mihi noa ake ki Te Paki o Matariki. Nā ngā rangatira o Tainui waka te tupuna whare o Ngāti Hangarau i whakatuwhera, nō reira ki te whakaaro o tērā iwi, koinei te take kua uru atu ēnei kupu whakanui. He wā anō ka tikina atu ngā mātaitai, ngā kararehe kei tēnā takiwā, kei tēnā rohe. He pērā ngā kōrero kei tētehi Te mana o te taiao 4 nā Ngahuia Dixon, nō Ngāti Ranginui me Ngāi Te Rangi Ko Tauranga te moana, ko Mauao te maunga (nä Reweti Te Mete ngä whakaahua) 5 I mōhio ō koutou tūpuna ki te kōrero Pākehā? He itiiti noa iho e kōrero Pākehā ana i tērā wā. Ko te nuinga o tērā hunga kāore i mōhio he aha te pēke moni he aha te aha, he aha te poutāpeta, ērā momo āhuatanga hou katoa. E mahara ana au i te wā i moe au i taku wahine tuatahi, 1977 te tau. Ana ko tētahi o aku tūpuna whaea i tae mai ki te manaaki i tō māua mārenatanga, he kuia kāore e mōhio ki te kōrero Pākehā. I te mutunga o te mārena ka tango mai ana moni i tana pāhi, ē, i konā kē e hia kē ngā moni i a ia. Ko ētahi o ngā moni he pounds shillings and pence tonu i tana roa e pupuri ana. Nā te aha te reo Pākehā i uru ai? I a au e noho nei ka hoki aku whakaaro ki tērā wā i au i Motatau. E whakapae ana au ko te take i kaha uru mai te reo Pākehā i tērā wā nō te taenga mai o te pouaka whakaata. I tērā takiwā i te tau 1963, ka tae mai te pouaka whakaata tuatahi ki Motatau, ki te kāinga o taku whaea a Tepara rāua ko tana hoa rangatira a Hōri Kerei Waititi. Nā, i te rironga mai i a rāua tētahi pouaka whakaata, haere katoa mātou o Motatau ki tō rāua kāinga i ngā pō ki te whakarongo, ki te mātakitaki hoki i te pouaka whakaata me tōna reo Pākehā. He mea tērā i manako au i au e tamariki ana, me ako aku tamariki ki te reo, me whakahou i a rātou ki te ako i ō rātou ake tamariki ki te reo. Anā tō mātou whānau, ia tau e karanga wānanga ana kia wānanga mātou kia mōhio ai ngā tamariki me ngā mokopuna i ngā kōrero o nehe, i ngā kōrero paki e pā ana ki te whānau. Koia mātou o te kāinga e rapu nei, e hahau nei, e kimi nei i tētahi huarahi e hoki atu anō ai ngā kāingā ki te kōrero i te reo Māori, mā reira ka ora mai te reo. Te Reo o te Käinga o Motatau mai i te whärangi tuatahi Ko Motatau te maunga whakataukī mō Ngāti Hē o Ngāi Te Rangi. Kei waho tonu atu o ōna papa kāinga ko te tahuna o Rangataua. Nō reira he aha i tua atu hei tohu mō te iwi – ko ngā pāpaka tonu, ko ngā titiko hoki. Anei aua kōrero: Mā ngā pāpaka o Rangataua koe e mihi. Mehemea karekau he tangata ka ora tonu ngā pāpaka o Rangataua hei mihi tangata. I tua atu i tērā ko ngā kōrero mō te titiko ko ēnei e whai ake nei: He rangatira te tangata, he paruparu te kai. Ehara i te mea e whakanui ana i te iwi kāinga – engari mā te kitea o te titiko i ngā kai mā te manuhiri, kua kīia kei te tika te manaaki i a rātou Nā, ka hoki anō ki te tīmatanga kōrero. I kōrerohia kei te taiao te mana whānui. Ka āta tirohia e tātou, ka whiti te rā, ngāwari ana te wairua, ka taea te haere ki waho, ki ngā momo hīkoinga katoa. Puta ana te whetū he wā tau ki te whaiāipo. Ka mahuta te marama nui i te pae, he pērā anō. Arā ngā kōrero: Te marama i te pō nei, Ngā whetū i te rangi, Oho ake i te ao nei, Papaki kau ana e . . . Ka ua kua iti iho ngā huarahi hei whakamahi tō rā, hei whakaaro ake māu, āu mahi hoki mō aua wā. Haruru mai ana te marangai, piua ana e te hau kei hea te ao tangata? Kei te whare. Kia mutu te whakawhiu a Tāwhirimātea kua puta ki waho. Kia puta anō a Tamanui te Rā kua ngāwari anō ngā whakaaro. Nō reira ki a au, koinei te mana o te taiao me ōna rerenga katoa. Koia ka taea e tātou te haere ki te whakatā, koia ka taea e tātou te kite i ngā tūpuna maunga e tū rangatira mai nei, māna anō ka ngaro ngā maunga i te kohu, koia ko Papatūānuku, koia anō ko Tāne Mahuta, māna anō ka marino te moana, ka haruru rānei te whenua. I runga i ēnei whakaaro ka whakapono ahau he mana tō te taiao, ko tērā kei runga rawa i tērā kei te tangata, kei kō noa atu e kore e taea te whakakore. 6 Whakaakona te mita o Taranaki Ka rite ki ngā ia o te wai, ngā ara e piki ai te reo. Tērā te kōpua, tērā te pūau, tērā anō te rere, he paratī kau atu rānei. He pērā anō hoki te ruku a ‘Te Reo o Taranaki,’ ko Te Kāpunipuni Reo tētehi o aua ia. He momo kura Te Kāpunipuni Reo engari ehara i te mea ko te whakaako i te reo tōna tino whāinga. Nō te tau 2005 ka puta i a ‘Te Reo o Taranaki’ tētehi mahere rautaki hei huarahi whāinga mā te rohe o Taranaki. I roto i taua mahere ka aronui atu ki ngā mita, ki ngā reo o Taranaki. Ko tā te mahere nei, kua āhua nui tonu ngā momo akoranga whakapiki reo ki te motu, otirā ki roto o Taranaki tonu, engari kāore i te kaha whakaakona te mita o Taranaki ki aua akoranga. Nō reira, ko te whāinga i roto i tēnei rautaki, ko te ‘whakataranaki’ atu i te tū a te tangata me tōna reo. I runga i ēnei whāinga ka aronui atu ngā akoranga ki te whakamahinga o te reo i a te tangata e kōkiri ana i āna mahi. Ka aro atu ki te karakia, ki te waiata, ki te karanga, ki te whaikōrero, ka mutu, ko ngā kōrero tuku iho i ngā iwi o Taranaki whānui. Ka tōia te pāhake hei kaikōrero. Koia nei te toenga o ngā reanga i rahi i roto i te mita o Taranaki i te wā o te ohinga. Ka tōia mai tēnei hunga hei arataki i te tū a te rangatahi. Ka tōia kia pā mai te mita, tōkia atu ai ki te hunga e whai reo ana. Hei tōna mutunga, kua tutuki ngā tau e rua, ā, e tārewa ana te kura i tēnei wā, i a ‘Te Reo o Taranaki’ e whiriwhiri ana i ngā kōrero kia tū tētehi tau tuarua. Ko ētehi o ngā hua nui kua puta i tēnei kura ko te kitehanga atu i a rātou e kawe ana i ngā mahi o te pae, ko te whanaungatanga kua tupu i waenga i a rātou, me te hokihoki o ngā uri o Taranaki e noho ana ki waho i te rohe ki tō rātou kāinga, tū ake ana i ngā hui. Hāunga ko ngā akoranga i te reo, engari ko ngā pūkenga, ko ngā huanga kōrero kē te aronga nui. Ko te kāpunipunitanga i ngā reo o tērā, o tērā e whai tūranga ana ki Taranaki, ko te kāpunipuni i te huki o nāianei rangi, kāpunipuni i te tangata i te ora tonu, i te kaikaha tonu. nā Ruakere Hond, nō Te Āti Awa me Ngāti Ruanui Ko ngä kaikawe i te mita o Taranaki i te tau 2006 (nä Ruakere Hond te whakaahua) 7 Kua rua kë ngä reo? nā Keao NeSmith i whakahawai‘i, nō Hawai‘i Ko Keao NeSmith tētahi tangata kaha nei ki te rangahau i ngā kōrero mō te reo o ana tūpuna Māoli o Hawai‘i. Kua tau ia ki Aotearoa nei ki te rangahau i tana tohu kairangi (Ph.D) ki Te Whare Wānanga o Waikato. E kī ana hoki ana rangahau, me tūpato tana iwi kei rua kē ngā reo ka kōrerohia – ko te reo tūturu o ngā tūpuna, me tētahi reo hou ka tupu ake i te hunga akoako. E mahara ana a Keao kei rerekē rawa ēnei reo e rua. Ko ētahi o ngā rerekētanga kua kitea, kua rangona e ia ki waenga i tana iwi: • ka rerekē te mita o te hunga ako ki tō tērā o te reo tūturu nā te urunga mai o te reo Pākehā hei reo matua ki a rātou; • ka noho kōhatu ētahi ture reo i ngā kura, wānanga hoki, engari arā anō ngā kōrero a te hunga i tupu i te reo; • Hei tauira Māori: e akohia ana e ngā kura ‘tokohia ngā tāngata’, engari e kīia tonutia ana e ētahi kaumātua ‘e hia ngā tāngata?’ Mā wai rātou hei whakahē? • kua hē te whakahua roa o ētahi oropūare; • Hei tauira Māori, kua ‘tāwhiti’ te whakahua o te kupu ‘tawhiti.’ Mehemea ka noho rangatira te hunga ako i ngā kura akoranga, ka nui hoki te āwangawanga, kei whakahētia ngā tū kōrero a te reo tūturu e ngā mea i akohia reoruatia ai. Ka noho tahi a NeSmith me tana kuia i ngā tau 1980, ka ako i te ‘ōlelo Hawai‘i i konā. He mea atawhai tana kuia e ana tūpuna i Puna i te motu o Hawai‘i. I aua wā rā, ko te reo Hawai‘i anake te reo e kōrerotia ana, tangata whenua mai, tauiwi mai. Kua kitea e ia te tokomaha ake o te hunga kōrero Māori i ō Hawai‘i. Tumeke ana ia i te kitenga atu, tekau mā whā ngā kaiako reo tūturu ki tō tātou reo i te Whare Wānanga o Waikato. Kāore e pērā rawa te tokomaha o te tangata i ngā whare wānanga i tana kāinga. He kaupapa hōhonu tā te tangata nei hei aronga ake mā tātou te Māori, he hāngai tonu ki tā tātou e whai nei. Nō reira kia tūpato tātou – kei tūturu te noho o te hapa ki roto i tō tātou reo. Ko te whāinga pea mā te hunga ako, kia whāia te iti kahurangi i waihotia e ngā tūpuna i te wā i a rātou. Tirohia te whānuitanga o ngā kōrero a Keao i te ipurangi nei: www.traditionalhawaiian.com ‘O Keao NeSmith kekahi kanaka e ho‘oikaika nei i ka noi‘i ‘ana i nā mo‘olelo o kona po‘e kūpuna ‘ōiwi o Hawai‘i. Ua hiki mai ‘o ia i Aokealoa nei no ka hana ‘ana i kona kēkelē ma ke Kulanui o Waikato. ‘Ōlelo ‘ia ma kāna noi‘i, pono e maka‘ala ma hope ‘ike ‘ia ‘elua ‘ōlelo ‘oko‘a—‘o ka ‘ōlelo kumu a nā kūpuna a me kekahi ‘ōlelo hou e kupu ana ma waena o ka po‘e haumāna. Hopohopo ‘o Keao ua ‘oko‘a ua mau ‘ōlelo nei ‘elua. ‘O kekahi o nā ‘oko‘a i ‘ike a lohe ‘ia e ia ma waena o kona lāhui: • ‘oko‘a ke kani ‘ana o ka ‘ōlelo a ka po‘e i a‘o ‘ia ka ‘ōlelo mai ka po‘e ‘ōlelo kumu no ka pa‘a o ka ‘ōlelo Pelekānia ‘o ia kā lākou ‘ōlelo makua • kūkulu ‘ia kekahi mau lula ‘ōlelo ma nā kula, nā kulanui ho‘i, eia nō na‘e loa‘a ka ‘ōlelo a ka po‘e i hānai ‘ia ma ka ‘ōlelo. ‘O kekahi ho‘ohālike Māori: ‘Ōlelo nā kula “tokohia ngā tāngata?” (“ ‘ehia po‘e?”) akā, ‘ōlelo kekahi po‘e kūpuna “e hia ngā tāngata?” Na wai e kū‘ē‘ē iā lākou? • hewa ka ho‘olō‘ihi ‘ia o kekahi mau huapalapala. ‘O kekahi ho‘ohālike Māori: Ho‘opuka ‘ia ka hua‘ōlelo ‘tāwhiti’ ma kahi o ‘tawhiti’ (‘mamao’). Inā noho ka po‘e haumāna a mau makahiki ma ke kula, hopohopo ‘ia o ho‘ohepahepa ‘ia ke ‘ano o ka ‘ōlelo kumu e nā haumāna. Ua noho ‘o NeSmith me kona kupuna wahine i nā makahiki 1980 a a‘o i ka ‘ōlelo Hawai‘i i laila. Hānai ‘ia kona kupuna wahine e kona mau kūpuna i Puna, Moku o Keawe. I ia wā, ‘o ka ‘ōlelo Hawai‘i wale nō ka ‘ōlelo i ‘ōlelo ‘ia e ka po‘e kupa me nā malihini. Ua ‘ike ‘o ia i ka pi‘i o ka heluna o ka po‘e ‘ōlelo Māoli ma kona ‘āina. Pū‘iwa ‘o ia i ka ‘ike aku loa‘a ‘umi kumamāhā po‘e kumu ‘ōlelo Māori he po‘e ‘ōlelo kumu ma ke Kulanui o Waikato. ‘A‘ole nō pēlā ma nā kulanui ma kona ‘āina. He kumuhana mea nui nō kā kēia kanaka e ‘alo ai kākou Māori e pili ana i kā kākou pahu hopu e ‘imi nei. No laila, e mālama pono kākou – ma hope e pa‘a nā hemahema i loko o kā kākou ‘ōlelo. Malia paha ‘o ka pahu hopu a ka po‘e haumāna, ‘o ia ka ‘imi i nā momi i waiho ‘ia e nā kūpuna i ko lākou wā. E nānā i ka mana‘o nui o nā ‘ōlelo a Keao ma kēia website: www.traditionalhawaiian.com Māori a e h i k m n ng o p r t u w wh Māoli a e h i ‘ m n n o p l k u w h He tautohetohe ki Te Upoko o te Ika Ka tautokona e Te Taura Whiri i te Reo Māori tētahi tautohetohe taiohi i Te Whanganui a Tara i ngā wiki tata kua pahure. E whai ake nei ngā whakaaro o tētahi i tae atu ki te whakarongo: “Nei rā ngā mihi kau atu ki Te Rōpū Wāhine Māori Toko i te Ora, ki Te Taura Whiri i te Reo Māori, ki a koe hoki Nanny Pae, nā koutou ngā tautohetohe nei i whakatū. Tēnei hoki te mihi ki a Nanaia Mahuta, Minita mō te Manatū Taiohi mō āna tautoko i te kaupapa. Ka mihi anō hoki ki Te Kura Māori o Porirua, te kaiwhakataetae, ki ngā kaiwhakawā, ki a matua Hohepa McDougall rātou ko whaea Wena Tait, ko whaea Waireka Collings, ā, ka tau atu ki te kaiwhakahaere o ngā tautohetohe ki a Lucas Jones. Nei rā te mihi maioha e rere atu nei ki a koutou katoa. ‘Me pōti au ka tika!’ Koia nei tētahi o ngā kaupapa mō te tautohetohe. I toa Te Kura Māori o Porirua. Ki a au nei e tika ana kia toa rātou, nā te mea he pai rawa ō rātou whakaaro i puta mai, te whakatakoto hoki i ngā kupu. Ko te kaupapa tuarua ko, ‘Kāore he wāhi ināianei mō te haka i roto i te tākaro whutupōro!’ I eke Te Wharekura o ngā Mokopuna ki te angitū mō tēnei kaupapa kōrero. He ōrite ōku whakaaro, i tū kaha, i tū rangatira rātou. Ahakoa i toa Te Kura Māori o Porirua i tētahi, ā, i toa Te Wharekura o ngā Mokopuna i tērā atu, ki a au nei i toa te katoa, i tō rātou kaha ki te tautoko i te kaupapa o te rā. Ka pakari ake hoki ngā pūkenga i mua i te minenga. Ka puta mai te mana me te ihi i roto i ngā kōrero. Ko tētahi o ngā painga o te rā, ko te whakahoahoa. Ahakoa tokoiti noa iho ngā tāngata, i kōrerorero tahi mātou. Ki ētahi atu ko te kai tētahi o ngā painga. He nui ngā kai reka i horahia ki te tēpu e te kaunihera. Ki a au nei, hei te tau e heke mai nei, he mea pai inā ka uru ētahi atu kura, kia nui ake ngā whakaaro, kia whakahoahoa tātou ki ētahi atu tāngata hoki. Tēnā pea, mā ngā taiohi ngā kaupapa e whiriwhiri kia hāngai ki ā tātou ake take, e kaingākautia ana e tātou i tēnei ao hurihuri.” nā Moengaroa Hawaikirangi, nō Te Wharekura o ngā Mokopuna 8 Ka waiata ngä tira He rangi whakangahau hoki He kura taioreore nā Pou Temara, nō Ngāi Tūhoe 9 “He oranga mai hoki tätou . . .” Ko te Tohu Kairangi te kura taioreore o ngā tohu e āhei ana Te Whare Wānanga o Waikato ki te whakawahi, he tohu nō te tapatahi ki te ako me te nanaiore ki ngā taumata o te mātauranga, i tua atu i te mahi tahi me Te Whare Wānanga, ngā hapori o te Rohe Pōtae me Aotearoa. Nā ēnei - ka mutu ko te tino o ēnei, ko āna mahi i ora ai te reo Māori - ka kitea e tika ana kia whakawahia a Tīmoti Samuel Kāretu. Ko te mararī o tōna arero te whatu o āna mahi mātauranga me āna mahi huhua. Nō te hokinga mai i Rānana – te wāhi i mahi ai ia mā te Kōmihana Teitei o Aotearoa - i ngā tau 1970, ka inoitia e Te Whare Wānanga o Waikato kātahi tonu rā ka tū, kia haere atu hei kaiako i te reo Māori. Ko te rongomaiwhiti ki a ia, kia whakaarahia he tari Māori ki te whare wānanga, e noho ai hei tari tuatahi mō ngā whare wānanga katoa, ā, ka tū ko ia te Ahorangi tuatahi hei taki i te Tari Māori. I raro i tōna mana, ka tū te kaupapa paerua, me te kawa ako i ngā akoranga katoa i roto i te reo Māori. Koinei te rerekētanga o te Tari Māori o te Whare Wānanga o Waikato ki ētahi atu whare wānanga o te motu. Nā tōna upoko mārō ki te reo, ka noho ia hei Toihau tuatahi mō Te Taura Whiri i te Reo Māori, he manatū i whakatūria i te tau 1987 hei kōkiri i te reo Māori hei reo mana mō Aotearoa. I konei ka tipu tōna rongo, noho ana ko ia te reo, ko te reo ko ia. Ka mutu tana rima tau tuatahi, ka hoki ki Te Whare Wānanga o Waikato mō te wā poto. Ehara, ka karangahia anō kia hoki ki Pōneke ki te hāpai anō i te taiaha a Te Taura Whiri i te Reo Māori mai i te tau 1993–1999. Kua pau i a Tākuta Kāretu te takahi i te ao ki te whakatewhatewha i ngā kaupapa whakaora reo a ngā iwi taketake hei rākau whakaora i te reo Māori. Ko ia hoki tētahi o ngā ringa tōhau nui i puta ai te ihu o te reo o Hawai‘i. Neke atu i te rima tekau ngā pukapuka me ngā whakairi whare kua tuhia e ia, kua whakanuia hoki a ia e ngā pepa o te motu me ngā puka mātauranga o te ao. He kaikōrero e whāia ana e ngā ratonga whakaata mō ngā take whakaora i te reo, ā, mō ēnei tohungatanga ka whakanuia e Te Māngai Pāho rāua ko Te Waka Toi. Ko ia te Pou Matua mohoa o te Poari Kaitiaki o te Kōhanga Reo, ko ia hoki te mana whakahaere o taua kaupapa i mua atu. He Pou Whakatipua nō te Panekiretanga o te Reo Māori. I roto i ēnei whare kōrero, e hia tāngata – tāne, wāhine – kua whiwhi i te tīmotitanga o te reo. He whakaihuwaka nō ngā mahi a Tānerore, kua reiputa e tohunga whakawā ana i ngā whakataetae kapa haka o te motu, ā, ko ana waituhinga waiata, he oneone ki te kapunga o te ringa. Hei mōtoi mō te taringa o te whare wānanga, nāna i whakaara te Kapa Haka o te Whare Wānanga o Waikato, ā, kua hau ōna rongo. E hia tau e noho ana hei Toka Whakarae mō Te Matatini. I whitikina te marea e Tamanui te Rä “Tënä koe, Täkuta.” 10 Taku haerenga ki Palau Nā te tono mai a te Austronesian Forum i tae atu ai ahau ki Palau i te marama o Paenga-whāwhā, hei waha kōrero mō Aotearoa. Ko te kaupapa ia o te hui i Palau nei ko ngā reo taketake o Austronesia. Kāti, ko te matua o te rōpū i haere atu ki te hui, nō ngā iwi taketake tekau mā toru o Taiwan, ā, i tae atu hoki māua ko John Paki me ētahi atu o Kiribati, o Horomona, o Tuvalu, o Māhara, o Piripino, o Hawai‘i, o Palau anō hoki. Ko te whāinga nui o te huinga whenua nei he whakatangata whenua anō i a rātou hei puna tangata, hei puna reo, hei puna tikanga anō mō ngā iwi o Te Moananui a Kiwa. Ko te kaupapa o te hui i tēnei tau ko ngā reo taketake o ētahi o ngā moutere o Te Moananui a Kiwa. Ko ngā kaikōrero, koia nei: • Ko Mr Calivat Gadu, Kaiwhakahaere o Te Tari Whakamahere, Te Kaunihera o Ngā Iwi Taketake o Taiwan, e kauhau ana mō te whakatupu kaupapa here mō ngā reo o ngā iwi taketake o Taiwan. • Ko ahau me taku kauhau kōrero, arā, ‘He mana reo, he mana tangata, he kauhau ora.’ • Ko Dr Apolonia Tamata o Te Whare Wānanga o Te Moananui a Kiwa ki Te Tonga, Whītī. Kāti ko tāna, ‘Ko te pupuri i te reo Whītī hei reo taketake mō Whītī. • Ko Dr Robert Blust o Te Whare Wānanga o Hawai‘i me tana kauhau mō te torotoronga o ngā pakiaka reo ki Te Moananui a Kiwa. Ko tā Calivat he whakarārangi i ngā āhuatanga o ngā kaupapa here o iwi kē i ō rātau nā reo taketake o Taiwan, tā te Hapanihi, tā te Hainamana, ā, nō nātata nei me kī, i whai wāhi rātau ki te whakarite kaupapa hei whakaora i ō rātau reo mā rātau anō. Hanga aroha atu nā ahau ki ngā kōrero a Dr Tamata mō te reo Whītī, i te mea ahakoa kei te kōrerotia whānuitia te reo Whītī i te kāinga, ko te reo Pākehā kē te reo whaimana. Heoi ko tāna i whakatakotoria mai ai me kotahi rānei te reo Whītī hei reo kōrero mō rātau, kia whaimana kē atu i te reo Pākehā. Heoi koinei pea te āhua o ēnei tū hui, he manaaki i te hunga kōrero kia eke i runga i te kaupapa matua nāna nei mātau i whakawhāiti ki Palau. Ka mutu i whakakahangia anō ngā taura here reo, ngā taura here iwi o taua rohe o te moana. Kotahi rā i te wānanga, toru rā i te manaakitia me he tūruhi mātau. I mauria mātou ki ngā wāhi rongonui o Palau, i tai, i uta. I āku haerenga noa ka tūtakitaki ki te tangata whenua, he Māori anō te rite, he manaaki, he whakaaro ki te tangata. Kāti i tino kitea e au te āhua o te noho o te iwi kāinga i reira; ko rātau te mana whenua engari ko te mana moni nō iwi kē. He iwi ngāwari te iwi o Palau, he mana ūkaipō te tikanga whakapapa, he mahi tiaki tūruhi te mahi nui. Hei whakakapi ake i āku kōrero, i tino raru ahau i te kore mōhiotanga a ngā kaiwhakahaere o Taiwan ki te āhua o te noho i Aotearoa. Ahakoa taku whakahau atu ki a rātau nō Tūranga kē ahau, ehara i Pōneke, tē aro i a rātau, ka pōhēhē nā nō Ahitereiria kē. Me te kore mōhio ōku, o tētahi ki ngā tikanga o te puka uruwhenua, ko te kī mai a te wahine o Te Tari Taiwhenua nāna taku puka uruwhenua i whakahou, ehara i a rātau taua tikanga, nō ngā mana wakarererangi kē! Kāti, ahakoa ēnei i tae atu ahau, i whakatakotoria he whakaaro mō te reo, i wānangatia ngā take reo, i tūtakitaki atu, i tūtakitaki mai, tēnei ka mihi ake. He toa poi tarawhiti nā Wayne Ngata, nō Ngāti Porou Ko Wayne Ngäta Ko te kapa tēnei o Te Whiri i te Reo Māori i eke ki te taumata o ngā whakataetae poi tarawhiti i Te Whanganui a Tara nei. Tutū ana te puehu i ngā tākarotanga nei ia Rāapa, he pikinga taumata whakataetae anō te hua o ā mātou mahi. 11 Ngä Tohu Päpäho Mäori 2008 He pukapuka taketake hou He mea kohikohi ēnei kōrero nā Te Taura Whiri i te Reo Māori Ko te ingoa o te pukapuka hou a Rāpata Wiri ko ‘Te Reo Taketake - Ko te Pū.’ I tīmatahia te tuhi o tēnei pukapuka i te tau 2002 i a Rāpata e whakaako ana i te reo Māori i Te Whare Wānanga o Hawai‘i i Mānoa. Nō te marama o Maehe kua taha nei, i whakarewahia ai te pukapuka nei i Te Whare Wānanga o Waikato. Nā Raupō i tā, i perēhi. Nā Haki Tuaupiki o Ngāti Mahuta te karakia waerea hei whakamāunu i te pukapuka, ā, nā Te Kāhautu Maxwell rāua ko Tame Roa ngā mihi whakatau i te ope i tae mai. I tae anō mai ngā kaiako reo Māori o te rohe o Tainui, ngā ākonga me ngā kaiako reo Māori o Waikato me ētahi atu o Te Whare Wānanga o Tāmaki Makaurau me ngā rohe o Waiariki me Mātaatua. Ko te take i tuhia ai tēnei pukapuka, he whakarahi ake i ngā rauemi hei ako mai i tō tātau reo tuauriuri, whāioio ki te hunga e āhua tauhou ana ki te reo. Atu i a Tīmoti Kāretu rāua ko Hoani Waititi, tokoiti noa nei ngā kaituhi Māori kua whakaputa pukapuka whakaako reo Māori i ngā tau toru tekau kua hipa atu nei. Kua riro mā te Pākehā hei whakaako i ā tātau tamariki ki te kōrero Māori. Koinei te tuatahi o tētahi kāhui pukapuka takiwhā ka tuhia e Wiri i roto i ngā tau e rua e whai ake nei hei whakatairanga, hei ako mai i te hunga e kaingākau ana ki te reo. Hei tāpiri atu ki te pukapuka nei ko tētahi hōtaka ipurangi whakaako ā-waha, ā-kanohi, ā-taringa hoki, i ngā kaupapa o roto o te pukapuka nei. He rawe hoki te hōtaka ipurangi hei rauemi whakangahau mā ngā ākonga i roto i ngā kura me ngā whare wānanga hoki. E taea ai te kaikanohi atu ki tēnei hōtaka, tirohia mai te paetukutuku ipurangi nei: http://www.maori.ac.nz nā Doug Hauraki, nō Ngāti Porou I te pō tuku tohu ki ngā kaipāpāho Māori, kotahi anake te taonga mō te wahine, tāne rānei, ka whakaarohia nāna te ‘takoha nui’ mō te tau. He tohu tēnei mō ngā kaimahi reo irirangi Māori, whakaata irirangi me ngā kaituhi hoki. Ko te tino ngako o te takoha nei, ko te whakarangatira i tō tātau reo Māori. Ka riro mā te komiti whāiti o Te Whakaruruhau o ngā Reo Irirangi Māori e tohu ko wai ka toa. Mā reira te koroua nei ka ohorere, nō te mea he pōhēhē kē nōna i haere noa iho mai ki te tautoko i te kaupapa o te pō. I tēnei tau ko te kaiwhiwhi ko Te Rere o Kapuni Makene nō Te Reo Irirangi o Te Hiku o te Ika me ōna tūhonotanga atu ki a Ngā Puhi me Te Rarawa. Anei räua ko te Hönore Parekura Horomia, Minita mö ngä Take Mäori. Kei töna taha, ko tana whanaunga a Henare Kïngi, he kaipäpäho hoki nö Te Reo Irirangi o Te Upoko o te Ika. Te reo TakeTake KO TE Pü A MäOri lAnguAgE cOursE fOr bEginnErs räpata Wiri Höngongoi 6-11 Te Kura Reo ki Ahuriri Kei te Whare Takiura o Kahungunu, Taradale Eastern Institute of Technology Whakapā atu ki: darlene.carroll@twoa.ac.nz Waea: (06) 872 6000 peka 7702, 027 435 0875 rānei 11 Matariki Wearable Arts Kahungunu Wearable Arts Kei te National Aquarium ki Ahuriri Whakapā atu ki: Marie Edwards Waea: (06) 878 2150 21-27 Te Wiki o te Reo Mäori Kei Aotearoa whānui Ko te kaupapa, ko ‘Te Reo i te Kāinga’ Tirohia: www.koreromaori.co.nz mō te roanga atu o ngā kōrero HeRe-TuRi-KöKä 9 Whakataetae kapa haka ä-rohe ki Te Arawa, ki Te Whanganui a Tara hoki Mō Te Matatini 14-21 Te Koroneihana o Kīngi Tuheitia Kei te marae o Tūrangawaewae TAe noA Ki Te 15 Moko Puna – he whakaaturanga whakaahua Nā Denise Mathers Kei te Whare Taonga o Waikato Whakapā atu ki: denise.mathers@hcc.govt.nz Waea: (07) 838 6606 Tirohia: www.waikatomuseum. co.nz 23 Whakataetae kapa haka ä-rohe ki Aotea mö Te Matatini Kei Ngāmotu TAe noA Ki Te 24 Türuki! Türuki Paneke! Paneke! Kei te Auckland Art Gallery E whakanuia ana ētahi kaimahi toi Māori rongonui, a Arnold Manaaki Wilson rātou ko Ralph Hotere, ko Selwyn Wilson, ko Muru Walters, ko Katerina Mataira Whakapā atu ki tēnei nama waea: (09) 307 7700 MAHuRu 12 ngä Tohu mö Te Wiki o te Reo Mäori Kei Te Whanganui a Tara 14 Te Rä o te Reo Mäori Kei Aotearoa whānui Te whakaterenga o te papakupu Mäori Kei Te Whanganui a Tara 20 ngä Tohu Whakanui i te Reo Mäori ki ngäti Raukawa Kei Tokoroa 23 ngä whakataetae ä-motu mö ngä Manu Körero Ki Rotorua 28-3 Whiringa-ä-Rangi Kura Reo ki Rotorua Whakapā atu ki: Maru Maniapoto Waea: 027 575 7812 Ī-mēra: maru@kurareo.maori.nz Tirohia: www.kurareo.maori.nz WHiRingA-ä-RAngi 7 ngä Tohu Ahurei Häkinakina o ngäti Kahungunu 12-16 Te Ahurei ki Täkitimu Whakapā atu ki: reception@ takitimu.ac.nz Waea: (06) 873 0041 22 ngä Tohu Ahurei Häkinakina Mäori 2008 Kei te Energy Events Centre ki Rotorua Hui-TAnguRu 2009 1-4 Te hui mö ngä Kaitiaki Pukapuka Taketake o te Ao Kei Te Wānanga o Raukawa ki Ōtaki Ko te kaupapa, ‘Māku anō e hanga tōku nei whare’ Tirohia: http://www.trw.org.nz/ iilf2009.php 19-22 Te Matatini Kei Tauranga Moana PAengA-WHäWHä 13-17 Kura Reo ki Tokoroa Whakapā atu ki a Roger Lewis mō ngā whakamārama Waea: (07) 871 2124 TAe noA Ki Te 18 Höngongoi Te Pihi Mata Ko ngā whakaahua i mahia e Ralph Partington Kei Te Whare Taonga ā-rohe o Whanganui Whakapā atu ki: info@museum. queenspark.org.nz Maramataka 12