1 Putanga 23 (2) 2010 Hötoke He Pitopito Körero nä Te Taura Whiri i te Reo Mäori Kei hea kē mai tētahi wāhi manawaora hei huihunga mō ngā māmā, ngā whāea me ā rātou kōhungahunga whakangotengote ū? E āhei ai te whāngai, te honohono, te tauwhitiwhiti rānei i ngā ritenga whakatupu tamariki, whakapakari whānau hoki i roto tonu i te reo Māori. Heoi, me wairua ngahau, me ako hoki i ngā wā katoa. Me whāroa, me whānui te tūāpapa me te mahere rautaki akoranga me ngā whakaratonga rauemi o taua wāhi, o taua rōpū pea. Hei whakaranea mai ki ngā whāea me ngā whānau e pērā mai ana tō rātou hiahia me tō rātou kaha ki te whai me te whakatinana ake. I roto i ēnei katoa, ko te tairo me te wero nui, mā wai e kawe mai, e hautū? Mā wai e hōmai, e whāngai mai te reo Māori kia tika? Otirā, mā wai e noho hei ringaringa hei waewae mō te kaupapa nei? Kāhore e nui ana te huruhuru e rere ai te manu Te Puna o Waiörea ao pō, pō ao. Nā konei i whakapā ai mātou ki a Mā te Reo hei āwhina mai i tēnei o ngā tenenga. Nō reira i puea ake ai te ohinga whakaaro o Māori4kids me Māori4grownups. He huarahi whāngai reo Māori ōpaki, reo taketake o te kāinga me ngā mamahi o te whakatupu tangata. E whakapae ana te rōpū nei, e, mā roto i te reo Māori ōpaki, te reo Māori taketake o te kāinga tētahi huarahi hei whakahauora i te reo Māori. I nāianei, ko Māori4kids mō ngā kōhungahunga me ngā whāea. Ahakoa iti te reo, nui rānei te reo me tatau puare ki te katoa. Hei konei hoki rere ai, kotahi rā i te wiki, te Puna o Waiōrea. I ngā Rāapa, 10 ki te 12 i te rā, e karakia ai, e mihimihi ai, e mahi ngahau ai. E whai wāhi hoki ngā whāea ki te whakangungu reo Māori ki ngā mahi a Te Ataarangi e kawea nei e ētahi o ngā whāea tonu e noho pakari nei tōna reo Māori. Ko Māori4grownups mō ngā whāea, ngā pāpā, me ngā whanaunga. Tamariki mai, pakeke mai, koroua mai, kuia mai, arā, mā te ngahau, mā ngā pō ‘timotimo kai’, ‘kinikini kai’ reo Māori nei. Koianei ngā akoranga poto, tere nei mō ngā mātua nui te mahi, poto te wā. Tāpiri ake ki tēnei, ko te pō whakangahau, he rotarota, he waiata reo Māori, he tākaro, he mātaki kiriata, tūturu, ēnei katoa kei roto i te reo Māori e rere ana. He rōpū tākaro reo Māori ā-hapori noho tāone a Te Puna o Waiōrea, kei te taha whaka-te-uru o Tāmakimakaurau. Koianei tētahi o ngā kaupapa o te Hōtaka Rangahau Whakaoranga Reo Māori a Te Taura Whiri i te Reo Māori. Nā Hareruia Aperahama, nō Tūwharetoa, Ngāti Kurī, Te Aupōuri, Te Iwi Mōrehu Mō te hunga noho roto puku tāone o Tāmakimakaurau nei, kātahi te mahi uaua pau te kaha o te toro atu, o te toro mai ki wāhi noa o te rā. Ahakoa he aha te mahi, i te whānui me te whāroa o te takiwā me te tere pau o te wā (he taonga nui te wā) hei whakatutuki i aua mahi. Tāpiri atu ki ēnei katoa, ko te whāinga o te ngākau i te reo Māori i tua atu i te whakawhānau tamariki, i te whāngai tamariki, whānau hoki, me te aruaru ake i aua mahi anō o ia rā, o ia rā. Ngä whänau o Te Puna o Waiörea, Tämakimakaurau nā Tākuta Wayne Ngata, Kaiwhakahaere Matua (Piki Tūranga) Ihirangi Te Puna o Waiōrea 1 He Kupu Whakataki 2 He Mihi nā te Minita 2 Ko Te Mahi Kai te Kaupapa mō Te Wiki o te Reo Māori 2010 3 He Kaihautū Hou mō te Waka o Te Taura Whiri i te Reo Māori 4 Ngā Kanohi Hou o Te Taura Whiri i te Reo Māori 4 Evelyn Tobin 5 Te Awanuiārangi Black 5 He Kōrero te Kai! 6 Paella Kaimoana – Te Mahi Kai 7 Hari Huritau Kotahi Mano Kāika! 8 He Whakaaro mō Te Wiki o te Reo Māori 8 Huia te Reo 9 Te Pane Kuīni o Matariki – Kei te Kōmata o te Rangi! 10 Ngā Taonga Whitiāhua – He Hōtaka Hou mō Te Reo 11 He Pātaka Kupu 12 He Pānui 12 He kupu whakataki Te Taura Whiri i te Reo Māori Pouaka Poutāpeta 411 Papa 14 Investment Centre Te Ara o Ballance Te Whanganui-a-Tara 6140 Waea: 64 4 471 0244 Waea whakaahua: 64 4 471 2768 Ī-mēra: tereo@tetaurawhiri.govt.nz Pae tukutuku: www.tetaurawhiri.govt.nz He mihi nä te Minita 2 E te iwi, anei te putanga whakamutunga o He Muka o tēnei tau pūtea me te whai whakaaro anō ki taua āhuatanga tonu. Nō tērā marama i whārikihia mai e Wiremu Pākehā te Whakatau Pūtea mō te motu ki te whare o te Kāwanatanga. Tēnei mātou e noho atu nei, e whakarongo ake nei ki ngā tini kōrero mō te nui rānei, mō te iti rānei o te kai ka taka mai ki runga i te tēpu Māori. Ko te kupu rā ia, kei runga pea te kōrero, heoi anō tērā ōna whakatūpatotanga tē kitea ai. Kāti, kua haurua te tau e noho ana te tou o tēnei o ngā pākura o Ngāti Ira ki Te Whanganui-a-Tara, e whanga nui nei ki te hoki ki ngā pārae o Takuahiroa, ki reira keho atu ai ki ngā āhuatanga o te kāinga. Aua atu, kua E mihi manahau ana i roto i ngā tini tauwhirotanga kua uhia nei ki runga i a tātou katoa i tēnei wāhanga makariri o te tau. Tēnā tātou e te iwi! Hinga atu he tētē kura, ka tika tonu rā kia rere ngā mihi ki te hunga kua huri ki tua, ki Paerau. Moe mai rā koutou i te moenga roa tē whakaarahia. Hoki wairua mai hei whakatau ake i tā mātou e kawe nei. Kāti, ka ea te wāhi ki a rātou i te maringitanga iho o roimata, i te whengutanga ake o hūpē, tēnā tātou e te ao kikokiko. Ara ake he tētē kura, he rongo pai te whakaaetanga mai a Ngāti Manu, a Ngāti Pūkenga kia tū rāua hei kaiwhiri hou mō te Poari o Te Taura Whiri i te Reo Māori. Nō reira, nau mai, haere mai Evelyn Tobin kōrua ko Te Awanuiārangi Black. Mauria mai ā kōrua tini, ā kōrua mano hei whakapakari, hei whakarauora i tō tātou reo rangatira. E tika ana hoki kia mihia a Ngāi Tahu, a Hana O’Regan, me te uri o Porourangi, a Wayne Ngata. Kua whitu tau rāua e whakapau kaha ana ki te manaaki i te pae o te Poari, kia mihia ngā āwhina kua puta i a rāua. Kua makere nei rāua, heoi ka noho tonu ērā atu o te Poari, a Iritana Tāwhiwhirangi rāua ko Ruakere Hond. Ka mau tonu hoki te mana tiamana i a Erima Henare. Nō te tīmatanga o te marama o Mei, i tau ai te rongo kua kitea he Kaiwhakahaere Matua hou mō Te Taura Whiri i te Reo Māori. Mānawa mai, nekeneke mai rā Glenis Philip- Barbara me ōu pūkenga, ōu hiahia mō te iwi Māori. Hei te mutunga o te marama o Hune ka tū mai ai a Glenis ki te kei o tō tātou waka. Ki te hoe! E te iwi, kei te tata te wā e aro anō ai te ao whānui ki tō tātou reo rangatira. Hei te 26 o Hūrae tae atu ki te 1 o Ākuhata, ko Te Wiki o te Reo Māori tērā. Kua whakatauria e ngā māngai o Te Puni Kōkiri, rātou ko te Human Rights Commission, ko Te Taura Whiri i te Reo Māori, ko Te Mahi Kai te kaupapa matua mō taua wiki. Tērā te kōrero i whakataukītia ai e rātou mā, ‘Ko Matariki ahunga nui.’ Tākuta Pita Sharples, Minita Māori maunu anō ngā mahi a Te Taura Whiri i te Reo Māori, kua whakamua te titiro ki ngā take nui hei whakarauora ake i tō tātou reo hei reo ora, hei reo kōrero. Kua whai kāpene hou hei tia i te waka, hōtoke ana, Matariki ana, wānanga ana ngā kaupapa whakaora i te iwi. Nā reira, nau mai te kōrero, haere atu te kaupapa, whakamaua kia tina, hui ē, tāiki e! 3 Ko Te Mahi Kai te Kaupapa mö Te Wiki o te Reo Mäori 2010 Ko te whakatau a Te Taura Whiri i te Reo Māori, kei te arotahi tonu ngā kaupapa whakatairanga i te reo ki ngā hōtaka reo me ngā mahi i roto i ō tātou hapori. Nā runga i tēnei, ko te kaupapa kua kōwhiria e te Poari Matua hei kawe i Te Wiki o te Reo Māori i te tau 2010, ko Te Mahi Kai. Hei tā te Kaiwhakahaere Matua (Piki Tūranga), a Tākuta Wayne Ngata, “Ko tā mātau kaupapa matua, he whakatītina i te kōrerotia o te reo i ngā hapori. Koia rā mātau i kōwhiri ai i tētahi kaupapa mahi, hei whakatairanga, hei whakakōrero i te reo Māori i roto i ō tātau hapori.” E mōhiotia whānuitia ana huri noa i te ao, he ahurea, he reo, he tikanga tō te kai e tū motuhake ai tōna hapori. Ko te kai te oranga o te tangata. He kaupapa nui te kai i te ao Māori tae atu ki ngā tūmomo mahinga kai katoa. Nā, ko te whāinga ia, kia whai oranga te reo Māori i roto i Te Mahi Kai i tēnei tau. Hei tā Tākuta Ngata, “Kia whānui te titiro a te iwi ki te tikanga o te kaupapa nei, Te Mahi Kai. Ehara i te mea, me kōrero Māori i te wā kai anake. Titiro ki ngā mahi katoa e tae atu ai tēnā kai ki runga i tō pereti. Kei ngā tikanga Māori o nehe me ngā tikanga o nāianei, pērā i te aruaru, i te ruku kai, i te hī ika, i te kohi kai mai i a Haumia rāua ko Rongo, me te hoko kai, ā, tae atu ki ngā mahi i te kāuta i tō kāinga. Arā kē te mōmona me te reka o te reo hei kai mā te hinengaro e whai wāhi ai ngā tāngata, ngā rōpū, ngā tari me ngā kura ki te waihanga kaupapa hou, kaupapa auaha e whakatairangatia ai te reo Māori i roto i ō tātou hapori.” Ka tū Te Wiki o te Reo Māori ā te 26 o Hōngongoi ki te 1 o Hereturikōkā 2010. He Rauemi mö Te Wiki o te Reo Mäori He rauemi ā Te Taura Whiri i te Reo Māori hei whakatairanga i ngā momo mahinga kai i Te Wiki o te Reo Māori 2010. Whakapā atu ki a Catherine Sinclair, 04 471 6730, catherine@tetaurawhiri.govt.nz. Tirohia rānei te pae ipurangi www.koreromaori.co.nz Te Wiki o te reo Maori, te 26 o Hongongoi – te 1 o Hereturikoka 2010Maori Language Week, 26 July – 1 August 2010 4 Ngä Kanohi Hou o Te Taura Whiri i te Reo Mäori Mārakerake te kite atu i te tikanga o te ingoa o te tari nei o Te Taura Whiri i te Reo Māori. Ko tāna he tui mai i ngā taura reo katoa o te motu, kia whiria ki te taura kotahi, kia puta he taura e kore e motu engari ka ū tonu ā, haere ake nei. Nā reira, e whakakōpaki ana taua ingoa i te aronga whānui, i te kaupapa hōhonu kei te tāhuhu o tēnei tari ā, ka riro mā ōna Kaiwhiri tēnei kaupapa e kōkiri. I te marama o Paengawhāwhā i tohua ngā Kaiwhiri hou o te Poari e te Minita mō ngā Take Māori. E kore e mutu ngā mihi ki a Tākuta Wayne Ngata rāua ko Hana O’Regan mō ngā mahi nui kua oti i a rāua i roto i ngā tau e whitu kua pahure ake. Kua heke tēnei tokorua i ō rāua tūnga, nā, kua whai wāhi mai a Evelyn Tobin rāua ko Te Awanuiārangi Black. Kua tohua anō a Erima Henare hei Toihau, ā, ko ngā Kaiwhiri mō te tau e heke mai nei ko Iritana Tāhwhiwhirangi, ko Ruakere Hond, ko Evelyn Tobin rātou ko Te Awanuiārangi Black. He Kaihautü Hou mö te Waka o Te Taura Whiri i te Reo Mäori Glenis Philip-Barbara (Ngäti Porou), Kaiwhakahaere Matua hou o Te Taura Whiri i te Reo Mäori Ka rekareka tonu taku ngäkau ki ngä mana ririki i pöhatu whakapiri, kia haramai te takitini, kia haramai te takimano, kia paretaitokotia ki Pöneke ... Nei rā ka oha atu te ringa pōhiri ki te wahine mōna ka noho mai hei kaihautū mō te waka o Te Taura Whiri i te Reo Māori, arā, ki a Glenis Philip-Barbara o Ngāti Rangi, hapū o Ngāti Porou. Uia mai koia ko wai hoki tēnei ka whakaeke mai ki runga i te marae o te Te Upoko- o-Te-Ika? Kāti me waiho mā tana iti e kōrero, i runga anō i te kupu a tōna tipuna, a Tūāwhio, ‘Kāore koe i titiro ki te ao o te pārera e rere nei i runga o Kūhāwherahia.’ Inā hoki, e kore rawa e puta takitahi ki te pā o iwi kē, engari ko te rahinga kei muri e tiaki ana, e tautoko ana. Nā reira koinei te haramai a te wahine nei. Kua puta te ihu i ngā mahi o ngā whare wānanga, ngā kuratini, ngā mahi rangahau anō hoki, otirā kua raupā ngā ringa i tōna marae, i Tūauau i roto o Reporua. Ko ēnei āhuatanga katoa ka whāriki mai i te ngākau nui ki tōna reo, i te hinengaro kakama ki te whakariterite, i te wairua manaaki i te tangata, i te tikanga pukumahi hoki hei whakatutuki i ngā kaupapa reo Māori kei mua i te aroaro o te iwi, o te motu. Nā reira ... kia huri au ki te tai whakatū a Kupe, ki te tai o Matawhero i motu mai, e ko te mau tara ki te ure tō ngā rere wai o rō ‘paoa kei mate au, hī, hā, auē! 5 Evelyn Tobin I whai wāhi mai a Evelyn Tobin, Kaiwhiri hou o te Poari, ki te kōrero mai ki a mātou mō ōna wawata mō Te Taura Whiri i te Reo Māori. He aha ō tino wawata mō te reo? Tuatahi, kia ora rawa atu te reo Māori ki ngā marae katoa o tōna whenua. Tuarua, kia tū pakari, kia tū rangatira te iwi Māori i tōna motuhaketanga ki tōna reo Māori me ngā tikanga Māori. Me pēhea e taea ai e tātou te whakapakari ake te reo kia ora rawa? Mā te pono, mā te whakapono he taonga te reo, ka mutu mā te piripiri, mā te kōtuitui i ngā pononga o te reo ki ngā kaupapa reo Māori. Mai i tērā tira reo Māori ka kaha te karawhiu ki ētahi atu tāngata, ki ngā whānau, ki ngā hapū, ki ngā iwi hoki. Me aro pēhea nei a Te Taura Whiri i te Reo Māori i roto i ngā tau tata e haere ake nei? Me mahara te pū o te wheke nei ki ōna ringaringa o te reo, tētahi ki ngā kāinga, tētahi ki ngā hapori, tētahi ki ngā marae, tētahi ki ngā take tōrangapū, tētahi ki ngā tūmomo kura katoa, tētahi ki ngā iwi taketake o te ao, tētahi ki ngā hua o te rangahau, tētahi ki ngā mahi waihanga rauemi. Engari kia pūmau tonu ki ngā iwi Māori me tā rātou i manako ai. Te Awanuiärangi Black (Tauranga Moana, Ngäti Pükenga, Ngäiterangi, Ngäti Ranginui, Ngäti Raukawa) Kaiwhiri hou, Poari o Te Taura Whiri i te Reo Mäori Te Awanuiärangi Black Evelyn Tobin (Ngäti Manu, Ngäpuhi), Kaiwhiri hou, te Poari o te Taura Whiri i te Reo Mäori He päpaka o rangataua. He paruparu te kai. He taniwha ngä tängata. Nau mai rā e te Pāpaka o Rangataua! Tōia mai ō waka ki uta, ki te pae o Te Taura Whiri i te Reo Māori, ko Mātaatua, ko Tākitimu, ko Tainui tērā. Kia noho mai ai koe hei ringa mō te Poari o Te Taura Whiri i te Reo Māori. Mauria mai ō tini pūkenga, ō tini akoranga nō te kura kaupapa Māori, nō ngā mahi huhua kua oti i a koe mō te reo Māori ki Tauranga Moana, ki Te Wānanga o Raukawa anō hoki. Mai anō i ngau ai ngā niho o te taniwha nei ki ngā take Māori. Ko te orokohanga mai o te kaupapa o Matariki tērā, ko te kaupapa mau rākau a Ngā Hihi o Kōpū Parapara me ngā kaupapa mātauranga hoki ērā. Katoa ēnei kaupapa ko te ao o te ākonga, me ngā whakatipuranga a Taihoa te arotahinga. Nāna i whāriki ngā rautaki whakaora reo ki Tauranga Moana, me tōna iwi ake o Ngāti Pukenga hei tūāpapa mō rātou – nā kua huri te kei o tōna waka ki Te Upoko- o-Te-Ika. Kua puta te pāpaka i tōna rua – e kauria ana ngā wai paruparu o Muturangi kia ea ai te wawata, arā, kia whakawhenuatia te reo Māori hei reo whai mana kia kore e whakarērea e ngā whakapaparanga i muri nei. I haere mai a Evelyn i te ao mātauranga. I te tau 2009 i whakawhiwhia a ia ki tētahi tohu o te Kuīni o Ingarangi mō āna mahi hāpai i te reo Māori. Nau mai rā e Whae. 6 He Körero te Kai! Ko Te Mahi Kai te kaupapa o Te Wiki o te Reo Māori 2010. Ko te whakahau, kia kaha rā tātou ki te kōrero Māori i te kāinga, i te hapori, i mahi anō hoki. He kaiwhakapāho a Peter Peeti mō Kai Time. Ahakoa kāore a Peter i tipu ake i te reo kua whai oranga tōna reo Māori i Te Mahi Kai. Anei tana kōrero. I ngā tau e kuraina ana au i kōwhiria e au te reo Māori hei kaupapa ako māku. He tino pai aku māka mō te Kura Tiwhikete me te Tohu Reanga Tuaono, engari i mahue atu te reo Māori i reira. I whakaaro au ka nui ngā rerenga ruarua noa iho i mau i a au i taua wā i te mea kāore he take o te reo Māori i te huarahi mahi e whaia ana e au. Ko tāku i monoa atu i taua wā ko te tunu kai. He kōhau nui tēnei nōku, i nāianei. Nā, kua tekau mā ono tau au e mahi kai ana, kātahi ka rerekē rawa tōku ao. I whakaae au ki te mahi i tētahi hōtaka tunu kai i te hōtaka auraki nei o Marae. Ko te whakamātautau tuatahi ko taku uiuinga i te taha o ngā kaihautū o te hōtaka. Ko te reo Māori te reo i te nuinga o tēnei hōtaka, nā, ko taku kai ko te whakamā, me te riri ki ahau anō. Heoi, i pai tonu i te mea he tangata matatau tōku hoa tunu kai. Ko Ngarue Rātapu tōna ingoa, nō Ngāti Porou. He tino toki te tangata nei ki te taka kai, ki te kai anō hoki! Ko te ingoa o te hōtaka ko Kai Time. Kua pau te 7 tau mai i taua uiuinga tuatahi, ka mutu he nui ngā hua kua taka mai ki ahau i ahau e whai ana i te reo Māori. Mai i te tuhituhi kōrero, ki te pānui kupu Māori mō te hōtaka nei, he nui ngā mea i ako au. Ko te hua nui kua puta ko taku mārama ki te nuinga o ngā kōrero i runga i te marae, i te pouaka whakaata, i te kāinga, i te mahi hoki. Nā te Kaihautū/Ringatohu a Reuben Collier ahau i poipoi kia tipu pai ai aku pūkenga hanga rerenga kōrero, me taku whakahua i te kupu Māori. I a mātou e whakaahua ana huri noa i te motu he nui ngā kupu hou i ākona e au mō ngā tūmomo kai, mō te reo mahi kai, me ngā mita rerekē. Ko te mea nui rawa atu ko taku āhei ki te āta whai i ngā whakawhitinga kōrero a ā mātou manuhiri o Kai Time. Hei ngā rā e heke mai nei ko taku tino whāinga ko te ako tonu me te whakakaha i ahau anō ki te āta whai i te reo. Kia pai ai taku whakarongo ki ētahi atu e kōrero ana, kia whakamahi hoki au i tōku reo. Me whakawātea ahau i ahau anō kia pai ai taku whakapakari i ōku pūkenga kia mārama pai ai au ki tō tātou reo rerehua nei – arā, te reo Māori. Nā Peter Peeti, nō Te Arawa 7 Ngä kai Kia 1 te pune-tēpu noni tākou Kia 2 ngā wāhanga kāriki kua pēpēhia Kia 1 te aniana kua tapatapahia Kia 3 ngā tōmato kua tapatapahia Kia 1 te kikini whero kua tapatapahia Kia 1 te tīpune paparika Kia 1 te tīpune tūmerika Kia 155 karamu te pata raihi roroa Kia 3 ngā kapu/750 ritamano wairenga heihei Kia 250 karamu/ 8 aunihi te heihei kua tunua, kua tapatapahia Kia 125 karamu/4 aunihi te pī totoka, te pī mata rānei Kia 200 karamu korepe Araara, kua tapatapahia Kia 250 karamu/8 aunihi te kōuraura iti, kua kōwhātia He huakini pango kua kuorotia He kūtai kei rō kota kua horoia (hei whiriwhiringa) Ngä Tohutohu 1. Whakamahanatia te noni tākou ki roto i te kōhua parai, ka tāpiri atu ai i te aniana, te kāriki me ngā maramara heihei. Kīnakihia ki te paparika me te tūmerika, ka parai ai mō te 5 meneti. Tāpirihia atu ngā kikini whero me ngā tōmato. Tunua ki te pāmahana waenga kia ngohengohe rawa ngā huawhenua. 2. Ruiruia te raihi ki te kōhua, whakakahangia te pāmahana, ka kōrori ai i te raihi me te ika kia kapi katoa i te hinu. Tunua te raihi mō te 3 – 4 meneti. 3. Āta riringihia atu te wairenga heihei ki te raihi, ka kōrori ai kia kore e tāpiapia nei te hanga. Whakakahangia te pāmahana ki te taumata tiketike mō te 5 meneti, kātahi ka whakaheke anō. 4. Tāpirihia atu ngā pī ki te kōhua paella nei, ka kōnatunatu ai. Tāpirihia atu ngā korepe araara, ngā kōuraura me ngā kūtai ki te kōhua, ka tunu anō mō te 10 meneti – kia ruarua noa ngā kōroringa. Kīnakihia ki te huakini pango me te tote. 5. Uhia te kōhua ki te pepa hiriwa, ka waiho mō tētahi wā poto. 6. Kainga i te wā e wera tonu ana! Paella Kaimoana – Te Mahi Kai Nā Peter Peeti o Kai Time tēnei rēhipi i tuku mai hei hāpai i te kaupapa o Te Wiki o te Reo Māori 2010. Ko te mahere whakaora reo o Ngāi Tahu ko Kotahi Mano Kāika, Kotahi Mano Wawata. Ko tōna whāinga kia kotahi mano ngā kāinga o Ngāi Tahu e kōrero Māori ana hei reo matua hei te tau 2025. Kua ngahuru tau ngā mahi whakaora reo a Ngāi Tahu e haere ana. Kei a Charisma Rangipunga ngā whakamārama mō te kaupapa whakahirahira nei. E tika ana i tēnei o ngā tau kia whai wā mātou ki te noho me te āta whakaaro mō ngā tau kua hori atu nei. Ko ngā piki, ko ngā heke, ko ngā hua, ko ngā tutukinga. Nā, hei te 23 – 24 o Toru (Pipiri) ka tū tētahi hui e whakanui ana i te tau tuangahuru o Kotahi Mano Kāika ki te Puna Wānaka, i te Whare Wānanga o Ōtautahi. Ko te whāinga ia ko te titiro ki ngā mahi kua mahia i roto i ēnei tau, me te āta wānanga me pēhea e pai ake, me pēhea hoki e whai hua anō ai i roto i ngā tau e heke mai ana. Nā, ko te kaupapa e ārahi ana i tēnei o ngā hui ‘Ko te titiro whakamuri, ko te anga whakamua.’ Ahakoa ko tētahi o ngā kaupapa nui ko te whai wā ki te āta whiriwhiri whakaaro, ki te wānanga i te aronga o te iwi mō te reo me ngā ara anga whakamua, ko te kaupapa nui whakaharahara pea o tēnei o ngā hui, ko te maioha. Arā te mihi ki ērā kua kaha whakapeto ngoi i roto i ngā tau kia tutuki ai tēnei o ngā tino wawata o te iwi. Kia matua mōhio rātou, ko ā rātou mahi kua kitea, ko ā rātou mahi e whai hua ana, ko ā rātou mahi e whakamaiohatia ana e te iwi nei. Nā, hei ngā pō o te hui nui nei, he hui atu anō hei whakamānawa i a rātou. Arā ō tātou whānau e whakapau kaha ana ki te whakatipu i ā rātou tamariki ki te reo Māori, ā, ki tērā hunga hoki e ārahi ana i ngā mahi whakaora reo i te marae, i te kura, i te hapori hoki. Mei kore rātou me tō rātou upoko mārō ki tēnei o ngā kaupapa ka kore hoki te reo o roto i a Ngāi Tahu, nā reira e tika ana kia mihia rātou. Mā rau waha kōrero ka ora ai tō tātou reo rangatira i roto i tēnei ao hurihuri. Nā reira e tātou mā, kia kaha tātou ki te hāpai i tēnei kaupapa nui whakaharahara. 8 Hari Huritau Kotahi Mano Käika! Nā Charisma Rangipunga nō Ngāi Tahu He Whakaaro mö Te Wiki o te Reo Mäori Mö te hunga körero Mäori Ahakoa te taumata o tō reo he nui ngā mahi ka taea hei whakanui i te reo Māori. Otirā, ahakoa te wā o te tau, me kaha te hunga matatau ki te hāpai i te reo. Anei ētahi mahi māu mō Te Wiki o te Reo Māori. • Kia kaha te kōrero Māori i ngā wā katoa e taea ai • Kōrerohia te reo Māori ki āu tamariki, ki ngā tamariki o tō whānau me ō hoa • Tonoa kia reo Māori ngā ratonga a ngā whare pūtea, ngā toa me ngā tari kāwanatanga. He ratonga reo Māori tō ēnei tari kāwanatanga e whai ake nei, heoi anō tāu he whakapā atu ki te waea reo a: - Te Tari Mātāwaka - Te Hiranga Tangata - Te Tari Mahi - Te Kaporeihana Whare o Aotearoa - Te Tari Taiwhenua - Te Kaporeihana Āwhina Hunga Whara - Ngā Pirihimana o Aotearoa • Ākina tō whānau me ō hoa ki te ako i te reo Māori. Me haere hoki koe i ō rātou taha ki te tautoko i a rātou • Tautokona ō hoa me ō whanaunga e ako ana i te reo Māori mā te kōrero Māori ki a rātou • Pānuihia, tuhia hoki te reo Māori. Tirohia ngā tūmomo pānui reo Māori pērā i a He Muka. Tirohia te pae ipurangi www.tetaurawhiri.govt.nz 9 Huia te Reo 2010 I tēnei tau ka whakahaeretia e Te Taura Whiri i te Reo Māori a Huia te Reo, ka tū tēnei hui ki te Energy Events Centre i Rotorua, i te 8-9 o Whiringa-ā-nuku 2010. Liz Hunkin, Ngäti Räkaipaaka Huia Kaimanawa 2009 Ko te kaupapa matua o Huia te Reo, ko te matapaki, ko te whakaatu, ko te whakanui i te auahatanga me te angitu o te reo Māori, huri noa i te motu. I tēnei huihuinga ka wānangahia ngā take whakaora, whakaoho i te tangata ki te reo Māori. Ka whakaatu mai ētahi rōpū i ā rātou kaupapa whakaora reo, ā, mā Ngā Tohu Reo Māori e whakanui ngā tāngata mātātoa o te reo Māori. I tērā tau i tapaina te kaupapa nei ko He Huia Kaimanawa. Kua hoatu he ingoa hou mōna, ko Huia te Reo tērā. Ko te kupu matua, ko huia. Ko te tikanga o te kupu huia nei, ko te whakahuihui i a tātau mō te reo te take, ka noho hoki ko te huia hei tohu i te taonga o te reo, hei whakatūpato anō i a tātau kei korehāhā te reo pērā i te huia. Ka hāpaitia ngā painga me ngā whakatūpatotanga a te ‘huia’, arā, ko te tohu o te taonga e āta manakohia ana e te iwi, ko te tohu hoki o te mate e riro atu ai te taonga nei ki te pō ki te kore e āta tiakina, e kōrerotia, kia whakataukī ake i konei, ‘huia te reo, kei mate huia te reo’. Taihoa ake nei puta ai ētahi atu pārongo e pā ana ki te hui nei me ana pūkōrero. He utukore te wānanga me ngā whakaaturanga. Mō ngā tīkiti ki Ngā Tohu Reo Māori whakapā atu ki a reception@tetaurawhiri.co.nz Upoko Tangata Manu Taratahi Manu Pätiki 10 Te Pane Kuïni o Matariki – Kei te Kömata o te Rangi! He manu tukutuku te rangi ka uhia, he huruhuru te manu ka tau. E whakanuia ana te whakaangi manu tukutuku a te Māori i te wā o Matariki e Te Tari Poutāpeta o Aotearoa, i ana pane kuīni mō Matariki 2010. E whakaatu ana tēnei putanga pane kuīni i ētahi momo manu tukutuku Māori e whā: ko te Manu Taratahi, ko te Manu Pātiki, ko te Upoko Tangata me te Manu Aute. E ai ki tā James Te Puni o Te Tāri Poutāpeta o Aotearoa, “He hononga motuhake tō te manu tukutuku ki a Matariki. I ngā wā o mua he nui ngā mahi a te manu tukutuku, ko tētahi ko te tūhonohono i te whenua me ngā rangi.” Nā Len Hetet ngā mahi i hoahoa. Nāna hoki ngā pane kuīni o te tau 2008, me te tau 2009 i waihanga. Nā tōna tuahine a Veranoa Hetet te Manu Pātiki me te Upoko Tangata i raranga. I tonoa a ia hei kairaranga mō ngā manu nei i te mea me uaua ka kitea ēnei momo manu tukutuku i nāianei. E 7 – 11 noa iho pea ngā tauira manu tukutuku kua mahue mai nō te rautau 1700. Otirā, he tino taonga te manu tukutuku hei whakanui, hei whakatairanga mā tātou. Nā whai anō i tohua ai tēnei putanga hei kohinga matua mā Te Tari Poutāpeta o Aotearoa, arā, torutoru noa iho ngā kape kua tāngia hei tuku ki te marea. I whakarewahia ngā pane kuini nei i te 8 o Pipiri ki te toa REAL Aotearoa, ki Te Whanganui-a-Tara. Ka taea te hoko ngā pane kuīni nei ki ngā toa REAL Aotearoa ki Tāmakimakaurau, Te Whanganui-a-Tara, me Ōtautahi me ngā Toa Poutāpeta o Aotearoa. Kei te pae ipurangi nei ngā kōrero mō te putanga pane kuīni nei: www.nzpost.co.nz/stamps. Manu Aute 11 Ngä Taonga Whitiähua – He Hötaka Hou mö Te Reo Kua puta a Anuanu i tōnā rua mātaotao. Kua ao te pō, kua moe hoki ngā whetū i te pae o kahurangi. Ko te uranga mai o Tamanuiterā kei te kōmata o te rangi e hihī mai ana, e karanga atu ana ki Ngā Taonga Whitiāhua kia maranga. Maranga! Maranga! Kia puta ai ia ki te whei ao, ki te ao mārama, tihei mauri ora! Hei whakanui i tō tātou tau hou kua whakaarahia ake ngā taonga a te iwi kua roa e kōputuputu ana i te whare pātaka o Ngā Taonga Whitiāhua i roto o Te Whanganui- a-Tara. Kua uhia te korowai o te waimarie ki runga i te hongere o Te Reo. Me kī a Whakaata Māori nui tonu, i te ngākaunui o te hunga tiaki i ngā taonga whakamarumaru a te iwi kia whakarewaina mā te pouaka whakaata. Nō tērā tau i hono tahi ai a Whakaata Māori me Ngā Taonga Whitiāhua i raro i te kaupapa mahi tahi ki te hāpai ake i tēnei kaupapa nui whakaharahara. I raro hoki i taua hononga, i whakatuwheratia e ngā rangatira o Ngā Taonga Whitiāhua te tatau o tō rātou whare kia āta tīpakongia mai e Whakaata Māori ngā taonga kiriata a ngā iwi o te motu. Ko ngā kiriata tuatahi he mea whakaahua i ngā iwa tekau tau ki muri, i te wā i whakapaetia ka matemate haere te iwi Māori. I taua wā ka tipu ake te pōhēhē ka ngaro hoki ā tātou taonga, ā tātou tikanga, ā tātou mahi toi hoki i te tirohanga kanohi. Nā tēnā, i puea ake ai te whakaaro i roto i ngā rangatira pērā i a Tā Apirana Ngata rāua ko Te Puea Hērangi ki te whakaahua me te kōputu haere i ngā mahi me nga kaupapa nui o te wā. Nāwai rā, ka tino whai hua ā rātou mahi me ā rāua poropiti hei whakawaiwai i ngā kamo mātakitaki o nāianei, i te kitenga atu i ngā taonga whakamataku a te iwi e pāhotia ana mā tō tātou pouirirangi whakaata, a Te Reo. Ka tika hoki kua tae tātou ki te komititanga o te ao Pākehā me te ao Māori, arā, ki te muriwai o te hunga pakeke me te hunga rangatahi, e tuia ai ngā whakaaro o ngā ao e rua ki te wāhi kotahi. Ko te mutunga iho kia whakamānawatia e tātou ngā mahuetanga iho ā ngā tūpuna takiaho pūwherowhero, o huia tūrae, o huia kaimanawa. Koirā hoki te tikanga o ngā taonga whitiāhua nei kua noho hei tūāpapa mō ngā mahi kei mua i ō tātou aroaro. Ko wai ka tohu, ko wai ka hua ka rerekē rawa atu ngā tirohanga me ngā whakaaro kei tua o anamata. Kāti, kei te ao hangarau, kei te ao auaha tātou e korikori ana i nāianei. Kua whātoro haere tātou i ngā momo hangarau hei whakakōrero i a tātou, hei ara tuku hoki i ngā mātauranga Māori. E kore e tawhiti te whakaaro ki roto i a au kia ū tonu tātou ki te tiaki i ā tātou taonga, ahakoa pēhea. Hei painga hoki mō ngā whakatipuranga e haere mai nei. Kua tīpako mai ngā kanohi o Matariki e kōrakorako mai rā hei tohu maumahara ki ngā mahi a ngā tūpuna kua whetūrangitia. He tātai whetū ki te rangi, tū tonu, tū tonu. He tātai whetū ki te whenua ka heke, ka heke. Kua hora mai ko Ngā Taonga Whitiāhua ki a koutou katoa. Lawrence Wharerau, Kaipäho, Ngä Taonga Whitiähua, Te Reo 12 He Pänui “Whakaangi ki roto ki ngä huatau o te inäianei kia kawea ngä wai o ngä kupu o nehe, o nä koa tonu nei, hei korokï mä tënä mä tënä e whakangäkau ana kia mate kore te reo e kïia nei ko te reo rangatira, te reo Mäori”. He PAtAkA kuPu te kai a te rangatira He Pätaka Kupu - te kai a te rangatira Ko ‘He Pātaka Kupu - te kai a te rangatira’ te papakupu reo Māori anake tuatahi kua hangaia mā ngā pakeke. Āwhiwhi 24,000 ngā whakaurunga kupu ā, ka tū te papakupu reo Māori hei rauemi reo Māori kī rawa hei āwhina i ngā kaikōrero tino matatau me ngā ākonga hoki. Anei te whakamārama o He Pātaka Kupu mō ētahi o ngā kupu ka kitea i roto i tēnei putanga o He Muka. tairo [Tāne] ing. He uru mauwha, pēnei i te ongaonga, i te tātarāmoa rānei, e uaua ai te hīkoi a te tangata. (i) E kore koe e tata mai i ngā tairo a Tūtekoropanga (NP 170). (ii) Ngā tairo rā nāhau e Kupe, i waiho i te ao nei (NM3 215, 10). kōmata [Ranginui & Papatūānuku] ing. Te wāhi kei te mutunga, te wāhi tino tawhiti rānei o tētahi mea - kāore he wāhanga ōna i tua atu. Me poro ngā kōmata ngingio o te rākau nā kia pai ai te torokiki anō ā te kōanga. pito pārae [Papatūānuku] ing. He horanga whenua tino nui, he papatahi, he āhua papatahi rānei, he māmā noa te rōnaki. Matomato ana te tipu o te rīwai me te kānga i ngā pārae o Ōpiki. raorao muriwai [Tangaroa] Te pūtahitanga o ētahi awa, o ētahi ara e rua. Tae atu ana ki ngā muriwai wāhi o Te Umuroa Ruatāhuna i te tau 1900, kāore he raruraru, kāore he aha (PH 4, 12). pūruatanga E 8,000 kupu kua utaina ki te pae ipurangi www.koreromaori.nz/forspeakers/patakakupu He tīpakonga kupu noa iho tēnei – he takahanga tuatahi; ā tōna wā ka utaina mai ngā kupu katoa o He Pātaka Kupu ki te pae tukutuku nei. Höngongoi – WHiRingA- ä-nUKU Te KURA Reo Ki Te AUTe 2010 4 – 6 o Höngongoi Whakapā atu ki a: Leon Blake Ī-mēra: kounga.ltd@gmail.com Waea: 021 631 526 Waea whakaahua: 06 355 4906 Te WiKi o Te Reo MäoRi 26 o Höngongoi – 1 o Hereturikökä Ka whakarewahia Te Wiki o te Reo Māori e te Minita mō ngā Take Māori ā te Rāhina te 26 o Hōngongoi. Wā: 12:30pm – 1:30pm Wāhi: Midland Park Lambton Quay Te Whanganui-a-Tara He PUKAPUKA Mö MATARiKi He pukapuka hou mō Matariki nā Te Taura Whiri i te Reo Māori. Utu: $3.50 (mō te pukapuka kotahi) $3.00 (mō ngā pukapuka 50 nui ake rānei) Whakapā atu ki a: Catherine Sinclair Tau waea: 04 4716 730 Ī-mēra: catherine@tetaurawhiri.govt.nz Pae ipurangi: www.koreromaori.co.nz Te Rä o Te Reo MäoRi 14 o Mahuru Te KURA Reo o RoToRUA 26 o Mahuru – 1 o Whiringa-ä-nuku Whakapā atu ki a: Scotty Morrison Ī-mēra: angitu@xtra.co.nz HUiA Te Reo 2010 8 – 9 o Whiringa-ä-nuku Wāhi: Energy Events Centre, Rotorua Whakapā atu ki: reception@tetaurawhiri.govt.nz mō ngā whakamārama. we te reo tia te reo Te Reo i te Hapor i Te Wik i o te Reo Mäor i 2009 27 Hongongoi – 2 Here - tur i -kökä Mäor i Language in the Communi ty Mäor i Language Week 2009 27 Ju ly – 2 Augus t 2009