1 Putanga 23 (4) 2010 Raumati He Pitopito Körero nä Te Taura Whiri i te Reo Mäori Nō te tau 1986 i puea ake ai a Te Reo o Taranaki, ngangā i te āwhā, te reo horuhoru i te taiāwhio i a Taranaki tangata. Puehu kau ana ngā pae o ngā marae, tahanga hoki ngā papakāinga i te korenga o te waha kōrero ki te hanga o aituā. Ka hoki ki te whakawai nei ‘E kore au e ngaro, he kākano i ruiruia mai i Rangiātea’. Koia, ka ruku ki te mouri o Rangiātea, ā, ka tōia ki te kaupapa tangata o nāianei rangi. Tērā anō hoki te waiata ‘Kimi mai e Rauru tēnei tō Hawaiki’, i reira ka mōhio tonu ko te rohe tonu te tūranga o te kōrero, arā, ko tēnei te Hawaiki o ngā uri kua maunu atu ki te tāone. I kapohia i konei te kākano, toua ki te parauri, ka puare a Te Reo o Taranaki ki ngā hihi o Tamanui-te-rā. Kia hoki ki te whakapānga mai a Te Taura Whiri ki a mātou i waenga i tērā tau, 2009. Ko tā rātou he kimi kaupapa ā-iwi, ā-hapori hei rangahau mō te whakarauora reo. Ka torona a Te Reo o Taranaki hei papa tirohanga mō te ako i te reo, mō te whakamahinga i te reo me ngā kawe mō te tuku ihotanga o te reo. I mea mai ko te hiahia kia whākina ngā hua me ngā māramatanga i roto i ngā kōkiri o tētehi mahere whakarauora, otiia, ka noho aua rautaki hei tumu herenga tuakiri mō ngā uri. Ka hīkaka te ngākau i te rongotanga atu. Ka mea atu mō te wā roa e haere ana te kaupapa, kātahi anō ka pēnei te rangahau. Ka tautoko. Heoti anō, ka matua whakaae atu ki tā rātou i takoto mai me te anga atu a Te Reo o Taranaki ki ngā pou tākuta ki Taranaki nei, a Dr Will Edwards rāua ko Dr Mihi Rātima ki Te Hāwera hei hautū i te rangahau. Ko te pūtake o te rangahau ko te arotake i ngā rautaki kua whāia e Te Reo o Taranaki i roto i te 25 tau kua hipa. Ka ngana kia tirotirohia ngā piki, ngā heke me ngā taiepa hei peke mā mātou kia mārō ai te tū o te kaupapa. I tōna otinga atu, ko ngā hua ka puta i te rangahau ka tohaina ki ngā takiwā. He kitenga ēnei ka hāngai ki a Taranaki anahe, engari anō rā, ka rite ki ētehi rautaki kua whāia e rohe kē. Nō reira, ka waiho mā ia rohe e wewete, kia tohungia ōna painga, kia pania ōna hakihaki. Tuku Reo, Tuku Mouri Ka puakina ake i konei ētehi o ngā mōhiotanga i hua mai ai i tēnei ara rangahau. Ka āhua ono tonu ngā takahanga o te kupu ki te pūrongo, arā: 1. Ko ngā tauira kua takoto, kua whakamātauria hei tono tahua pūtea i te Kāwanatanga e ea ai te rautaki. 2. Ko te whāinga toha atu, toha mai i ngā māramatanga o te whakarauora o tērā takiwā, o tērā hapori, o tērā kaupapa. 3. Ko ngā huarahi whakapiki i te māramatanga me te whakamahinga o te reo ki te tini tāngata ki ngā hanga o te mahere rautaki. 4. Ko te hokinga whakaaro atu ki te pūtake o te whakarauora reo, arā, ko te tuku ihotanga o te reo mai i tētehi whakatupuranga ki tētehi o raro iho. 5. Ko ngā rautaki kaha te hua, kaha te hāngai ki te hapori. 6. Ko te whakarauora i ngā reo ā-iwi kia ora, ora rawa atu. He iho hoki tō Te Reo o Taranaki, koia, ko te whaka-Taranaki i te tangata i roto i ōna whakapapa, i ana tikanga, i roto hoki i tōna reo. Ahakoa, ka anganui te Kāwanatanga ki te whakaako i te reo, te whakakao me te whakaputa rauemi reo. Kāti, ko tā Pōneke kaupapa tērā. Kia huri mai ki ngā whāinga o te iwi, o ngā hapori, o te hunga kōrero i te reo - ko te mārama ki ngā rautaki, ko te whakapakari i ngā hapori reo Māori te anganui. Nei, ka tū ko te oranga tonutanga o te reo o Taranaki nei, kei te pakinga o te ngutu, kei te uma o te whaene, kei te whatitoka o tō whare. He tukuranga ō Taranaki reo ki Taranaki uri, ko te tukuranga tērā o tōna mouri. He kākano tonu i ruiruia mai i Rangiātea. Nā Ruakere Hond nō Taranaki iwi. He äkonga o te Pökaitahi Taiahoaho. Nā Glenis Philip-Barbara, Tumuaki Ihirangi Tuku Reo, Tuku Mouri 1 He Kupu Whakataki 2 He Mihi nā te Minita 2 Ngā Tohu Reo Māori 2010 3 – 4 Ka Auroa te Whai 5 Ngā Karahipi Reo Māori 6 Tōku Whakakai Marihi 7 Whakarauorahia Tōku nei Reo – Ko ngā Mahi Whakapiki Reo o Te Arawa 8 –10 Te Arotakenga i te Rāngai Reo Māori 10 TE REO – He Mataaho ki ngā Hapori Kōrero Māori 11 He Pātaka Kupu 12 He Pānui 12 He Kupu Whakataki Te Taura Whiri i te Reo Māori Pouaka Poutāpeta 411 Papa 14 Investment Centre Te Ara o Ballance Te Whanganui-a-Tara 6140 Waea: 64 4 471 0244 Waea whakaahua: 64 4 471 2768 Ī-mēra: tereo@tetaurawhiri.govt.nz Pae tukutuku: www.tetaurawhiri.govt.nz He Mihi nä te Minita 2 Kua tata mai te wā o te Kirihimete, ā, mōhio tonu tātou katoa he wā tēnei mō te whakatā me te huri ngākaunui hoki ki ō tātou whānau. He wā anō hei whakapakari i te tinana me te whakaaro mō te take e mahi nei tātou – ko te whakautu tonu, ko te whānau me ngā tūmanako e manakohia ana e te tangata. I a koe e mahi kai ana, e hanga ana, e hoko takoha ana rānei mā ō tamariki, me te whakarite i tō kāinga mō ō manuhiri, me paku whakaaro hoki mō te takoha o ngā takoha katoa hei hoatu ki a koe anō, ki tō whānau hoki – arā, ko tō tātou reo Māori. Mā te reo ka whai mana motuhake ai tātou, te iwi Māori ki tēnei ao, ā, he whakatuwheratanga hoki ki ō tātou E ngā iwi, tēnā koutou katoa. Kei te mōhio tātou, kua pahū ngā take e pā ana ki te reo i ngā wā tata nei. Nā te whakatūranga o Te Paepae Motuhake hei arotake i te rāngai me te rautaki reo Māori, ka whakaaro ake te Rōpū Whakamana i te Tiriti o Waitangi, me whakaputa i te wāhanga o te tono WAI 262 e pā ana ki te rangatiratanga o te reo Māori. Ka waitohutia e te Rōpū Whakamana, te ruarua haere o ngā tāngata e kaha ana ki te kōrero Māori, rangatahi mai, pakeke mai. Ka meatia te ruarua haere o ngā tamariki i roto i ngā kōhanga reo, i ngā kura kaupapa Māori e ako ana. E kī ana te Rōpū Whakamana i te Tiriti, kua tata ki te wā mōrearea mō te reo. Ka whiua te Kāwanatanga mō te kore e aro, mō te ngoikore, mō te kore o ngā rawa hei whakapūmau i te reo Māori. Ko taku whakapae, kei te tika ngā māharahara mō te reo, ā, kei te whakaae atu au, kia nui ake ngā hua e taka mai ai i ngā mahi a te Kāwanatanga. Koinei te take o Te Paepae Motuhake. Mā te wā ka kitea ō rātou whakaaro. Otirā, e tika ana hoki, mā ngā iwi anō ō tātou reo e ora ai. Kei tēnā iwi, kei tēnā iwi te rangatiratanga o tōna reo, kei a rātou ngā tikanga whakaora. Engari me pēhea? Tuatahi, mā te kōrero i te reo i ngā wā katoa. Ko te wā whakatā pea he tīmatanga hou mō ngā whānau tauhou ki tēnei mahi. Mā te tuakana te teina e āwhina. Kia kaha te whakahau ki ngā tamariki, ki ngā mea whakamā ki te kōrero. Tuarua, mā te whakatakoto tikanga, rautaki rānei e tautoko ai te whānau i te kaupapa. Ka tohua ētahi huarahi, ētahi taumata hei whai mā te whānau. Tērā ko te whakatū wānanga ia tau, ia tau, tētahi taumata. Ko te hoki ā-whānau ki te marae tētahi. Ko te haere ā-whānau ki Te Ataarangi pea, ako ai i te reo. Mā tana rautaki te whānau e mōhio ai, kei te piki, kei te heke, kei te ahu pēhea kē. Mā reira hoki te whānau e pupuri ai te rangatiratanga o te reo. Heoi anō, ka waiho tēnei whakaaro mā koutou e whiriwhiri, e kōrerorero, i a koutou e pāinaina ana ā te raumati! Ngā mihi o te wā ki a koutou katoa! Tākuta Pita Sharples, Minita mō ngā Take Māori taonga tuku iho – kāre he mea i kō atu, i kō mai! I te ao hurihuri nei, mā te reo me ōna tikanga tae atu ki ō tātou mātauranga Māori katoa, tātou e whai mana ai, ā, mā te hau hoki tātou e maunu ai, e rewa ai – tihe mauri ora! 3 Ngä kaiwhiwhi o te tohu Huia Te Reo 2010, Raukawa Charitable Trust me Te Kunenga ki Pürehuroa. Ngä Tohu Reo Mäori 2010 Nō te 9 o Whiringa-ā-nuku tēnei hui i tū ai ki Rotorua hei whakanui i te hunga kua whakapau kaha rā ki te whakatairanga i tō tātou reo Māori - i te kāinga, i te hapori huri noa i te motu. E toru ngā tohu motuhake i tukua hei whakanui i ngā mahi whakaora reo Māori a te rōpū, a te tangata takitahi rānei. Anei rā ngā paearu whāiti: • E mōhiotia whānuitia ana te kaupapa – kua rongonui tāna i mahi ai, ā, ka whakamihia e te marea; • E whai hua ana – kua puta mai he hua rautaki, kua rerekē, kua rata mai rānei ngā whanonga me ngā waiaro o te tangata ki te reo Māori; • E arotahi ana ki te kounga – ka whakamahia, ka whakatairangatia hoki te reo Māori e tika ana, e hāngai ana; • He tūmau, he tāroa – ka puta he hua tūmau, he hua tāroa mai i tāna i mahi ai Te Tohu huia Te Reo mö Te Tau 2010 Ko te tohu Huia Te Reo te tohu ka whakawhiwhia ki te rōpū, ki te tangata rānei kia ora ā-kōrero nei te reo Māori. I tēnei tau, ka riro i te Raukawa Charitable Trust me Te Kunenga ki Pūrehuroa. E ai ki a Glenis Philip-Barbara, Tumuaki o Te Taura Whiri i te Reo Māori, “Kua eke te Raukawa Charitable Trust ki tēnei taumata tiketike mō te wā tuatoru, ā, he tino tauira mō ngā mahi whakarauora i te reo Māori. Kei te harikoa mātou ki te whakanui i ā rātou mahi. Ka mīharo atu ngā kaiwhakawā ki te kaupapa kawe reo mā te hokohoko kawhe a Te Kunenga ki Pūrehuroa. He māmā noa iho. Rā kē ētahi wā, mā te ngāwari o te whakaaro hāngai ki te kaupapa, ka puta mai ngā hua.” te kī a Glenis. 4 Taku Toa Takimano Ko Taku Toa Takimano te tohu ka whakawhiwhia ki te tangata kua oke nui, kua oke roa mō te oranga tonutanga o te reo Māori. I tēnei tau, ko Kāterina Te Heikōkō Mataira, tētahi o ngā kaihautū matua o Te Ataarangi, te kaiwhiwhi. “E tika ana kia mihia te nui o ngā mahi a Kāterina hei whakaara ake i te reo Māori. Ko ia kei te tihi o te reo Māori, ahakoa mahi whakaako, mahi tuhituhi, whakahaere kaupapa reo Māori rānei, ka tika hoki kia whakanuia pēneitia a ia,” te kōrero anō a Glenis Philip-Barbara. Te TiRa aumangea Ko Te Tira Aumangea te tohu ka whakawhiwhia ki tētahi rōpū, ki te hapori rānei hei whakanui i ā rātou mahi whakaora i te reo Māori i te hapori tonu. I tēnei tau, ko Whakatupuranga Rua Mano te kaiwhiwhi. Ko Whakatupuranga Rua Mano te rautaki whakawhanake a ngā iwi e toru nei, a Te Āti Awa, a Ngāti Raukawa Te Au-ki-te-Tonga, a Ngāti Toa Rangatira hoki. E ai anō ki a Glenis, “Me whakanui ka tika tēnei mea te whakatakoto mahere mō te reo Māori. E pūmau ana Te Taura Whiri i te Reo Māori, ko te arotahi whakamua me te whakamāherehere te tūāpapa mō ngā kaupapa angitu. E tika ana pea, ko Whakatupuranga Rua Mano anake te tauira o te rautaki ā-iwi e whakawhanake ana, e whakapakari ana i ōna hapū, tae atu ki te whakapakari kaikōrero Māori. Nō te tau 1975 tēnei kaupapa i tū ai hei tauira mō tātou katoa. Kei whea mai ki te matakite o ō rātou pakeke.” Ko ngā rōpū i whakanuia i tēnei tau ko: Ngā Pakihi: Te Kōtuku Rerenga Tahi (Tūranganui-a-Kiwa); Te Hapori: Raukawa Charitable Trust (Tokoroa); Ngā Kaunihera me ngā Pokapū ā-Kaunihera: Auckland City Council; Ngā Tari Kāwanatanga: Te Tari Tāke; Te Ao Pāpāho – Auraki: Te Reo Tātaki; Te Ao Pāpāho – Māori: Tūranga FM (Tūranganui-a-Kiwa); Ngā Tānga: The Gisborne Herald; Ngā Hangarau Mōhiohio me ngā Hangarau Whakawhitiwhiti: Awawhenua Ltd (Rotorua); Te Ao Mātauranga – Auraki: Kaiti Primary School (Tūranganui-a- Kiwa); Te Ao Mātauranga – Māori: Petone Central School (Te Awakairangi, Te Whanganui-a-Tara); Ngā Whare Wānanga: Christchurch Polytechnic Institute of Technology; Te Wiki o te Reo Māori 2010: Te Tari Tāke me Te Kunenga ki Pūrehuroa. Taku Toa Takimano 2010, Käterina Te Heikökö Mataira, rätou ko töna whänau. Te Tira Aumangea 2010, Whakatupuranga Rua Mano we te reo tia te reo Te Reo i te Hapor i Te Wik i o te Reo Mäor i 2009 27 Hongongoi – 2 Here - tur i -kökä Mäor i Language in the Communi ty Mäor i Language Week 2009 27 Ju ly – 2 Augus t 2009 5 Ka Auroa te Whai I roto i ngā tau tata nei, kua tino whakaputa au i aku whakaaro mō ngā rangahau e pā ana ki te tāmate haere o te reo Māori mai i ngā tau whitu tekau o tērā rau tau, taka mai ki ēnei rā. Ā tēnā, e whai ake nei tētahi o aku tino kōrero i puta ki te motu. I āhua takariri mai Te Puni Kōkiri nā te mea i āhua hē taku whakamāori i ā rātou tatauranga. E taea te aha? I hiahia noa iho au ki te whakamataara, ki te whakaohoho i te iwi ki te āhua o te noho mōrearea o te reo Māori i ēnei rā. Ā tēnā, kia tirohia ake aku kōrero: "Ko te tino hoariri o te whakaora ake i te reo Māori, ko te pōhēhē e ora ana te reo. Nā te mea kua kaha ake te kōrerohia o te reo Māori i te pouaka whakaata, i ngā reo irirangi me ngā kura, e whakaarotia ana kei te ora te reo Māori. Kātahi nei te pōhēhē ko tenei. E ai ki ngā tatauranga a Te Tari Tatau o te tau 2006, ka taea e tētahi 23% o te hunga pakeke te kōrero mō ngā momo āhuatanga o ia rā, ki te reo Māori. E ai ki ngā rangahautanga i puta i te pūrongo Te Oranga o te Reo Māori 2006, 14% noa iho o ēnei tāngata he matatau ki te reo. Ko te tikanga o tērā kōrero, o ngā tāngata Māori e 565,000 katoa, 18,000 noa iho he matatau ki te reo. Whakamataku ana ēnei tatauranga. Me pēhea atu hoki he kōrero atu i te kī, kei te tino raruraru tonu tō tātou reo." Nā reira, anei taku whakapāha ki aku hoa mahi o Te Puni Kōkiri, ko te 14% e kōrerohia ake nei he 14% o ngā pakeke kua 15 neke atu ngā tau. Ki te tātari anō au i ngā nama, ka noho ko te hunga matatau ki te reo ki te takiwā o te 33,000 nei, kaua ki te 18,000. Mō taku hē, mō taku hē! Engari anō rā, ahakoa 18,000 mai, 33,000 mai rānei, he tokoiti tonu taua hunga. Kia mahara tonu tātou e pīkauria ana te reo e tēnei ranga, ka mutu, he pīkaunga toimaha tēnei hei pīkau mā te tokoiti. Heoi, anei anō ētahi atu kai mā te hinengaro. E kī ana ngā rangahau he whārua whānui kei te wehe i ngā kaikōrero Māori: • Te hunga whai pito mata ki te kōrero: E tohu ana ngā rangahau ka tere mau i te tangata te taha whakarongo me te taha pānui, tēnā i te kōrero me te tuhituhi. He tohu pea tēnei inā noa atu te tokomaha kua tīmata te whai i te reo, kua āhua mōhio rānei ki te reo, engari e noho torohū ana te taha kōrero. • Te korekore o te hunga matatau: Kua tino heke te tokomaha o te hunga matatau ki te kōrero mai i ngā tau whitu tekau o tērā rau tau. E ai ki te rangahau a te New Zealand Council of Educational Research, e whitu tekau mano ngā kaikōrero pēnei e ora tonu ana, i ēnei rā, kei tōna toru tekau mā toru mano noa iho. • He tokoiti rawa te hunga Māori e tahuri ana ki te reo, ahakoa te nui o ngā huarahi ako i te reo e puare ana ki a rātou. Tērā tonu ko te hunga ka tahuri ake ki te reo, kei te whai i tētahi o tōna whānau, ā, ka noho te whānau hei kaitautoko mō rātou mō te roanga ake o tā rātou whai i te reo. Ko te hunga e ū pūmau ana ki te reo, he kaha ki te kuhu i a rātou anō, he manawa nui, he manawa roa ki te reo. Ko te whakapono mā te reo rawa rātou e kīia ai he Māori kei te whakakaha i a rātou. Ko te kore e whai tāima, ko te warea ki kaupapa kē me te kore e kite i te uara o te reo ētahi take e kore nei ētahi e tahuri ake ki te ako i te reo. Ko te whakatara nui kei mua i te aroaro o Te Taura Whiri i te Reo Māori, ko ngā mahi whakamōhio atu i te marea i ngā piki me ngā heke e taea ai a Māori mā te whai auroa i te reo, me te whakatairanga whānui i a ia kia mōhio pū ai te tangata ki tōna uara. Koia ēnei, ko ngā kōrero e hiahiatia ana kia whakairia ake ki te pātū o tō tātou whare i tēnei wā. Ka waiho mā koutou ēnei whakaaro ōku, e wānanga, e motatau tonu. Kia hoki atu koutou ki ō koutou kāinga, he wā pea tōna e tino mārama ai tētahi huarahi hei whakahihiri i te iwi Māori katoa ki tōna reo. Nō reira kei aku amokapua, kei aku amorangi, nau mai, haere atu i runga i te mōhio ko te reo kua mihia, ko te reo kua arohatia, ko te reo kua whakanuia, me te haere tahi anō o te harikoa, te manamanahau, te hiamo. Ërima Hënare ki Huia Te Reo, 2010. Nā te Toihau, nā Ērima Hēnare nō Ngāti Hine. 6 Ngä Karahipi Reo Mäori O roto i te huhua o ngā kaupapa e whakahaeretia ana e Ngāti Kahungunu Iwi Inc.(NKII) ko te reo Māori tonu te rangatira o rātau katoa. Ko Ngāti Kahungunu pea tētahi o ngā iwi tuatahi i ngaro ai te reo Māori. Ahakoa tērā kua tīmata a Ngāti Kahungunu ki te āta titiro i te āhua o tōna reo, otirā tō tātau reo Māori tonu. Nā Jeremy Mcleod nō Ngāti Kahungunu Kia hoki noa ake ki tā Te Kōhanga Reo kōrero i whakatenatena ai: Te reo kia tika, te reo kia rere, te reo kia Māori! Nā runga i tērā kua kitea te ngoikore haere o te reo e kōrerotia ana, e ākona ana, e whakaakotia ana, e rangona ana i roto o Ngāti Kahungunu me te aha e whakaae ana a Ngāti Kahungunu ki te kōrero me kounga te reo e ora ai. Nā konei, i toko mai ai te whakaaro kia whakatūngia tētahi tahua pūtea motuhake hei tautoko i te hunga hiahia haere ki te Kura Reo ka tū hei te wā o te raumati. Nō reira, ka tukuna tēnei ki te hunga hiahia haere ki te Kura Reo, arā, te hunga kua kore pea e taea te haere i ngā tau o mua nā runga i ngā tini taumahatanga o taua wāhanga o te tau. E whā tekau noa iho ngā tāngata ka riro i a rātau tēnei karahipi. Akene pea koinei te Kura Reo whakamutunga ki te kore e whakatūria anōtia te tahua pūtea o Mā Te Reo. Nō reira, hei whakanui i te Kura Reo kua whakarewaina e Ngāti Kahungunu tēnei tahua pūtea motuhake mō tēnei tau. Ko te whāinga nui a Ngāti Kahungunu kia whakahaeretia tōna ake Kura Reo hei ngā tau tata e tū mai nei. Heoi anō, mō tēnei tau me whakapau kaha ki tēnei Kura Reo e tū mai nei hei te 9 ki te 13 o ngā rā o Kohitātea ka tū ki Te Manga Māori, Te Whare Takiura o Kahungunu. E whā ngā tirohanga a Ngāti Kahungunu ki tōna reo. Ka tahi ko te reo o te kāinga, ka rua ko te reo o te kura, ka toru ko te reo o runga i te marae, ka whā ko te reo i ngā wāhi tūmatanui. O roto i aua reo katoa ko te reo ōpaki kei te tūpāpakutia. Nā reira te whakahau nui ki ngā uri o Ngāti Kahungunu kia tahuri mai ki tōna reo e nunumi haere nei te rangona. Ko te Kura Reo tētahi kaupapa e taea ana te ākonga te whakapiki i tāna i mōhio ai. He wānanga hoki ia hei whakanikoniko, hei whakanakonako, hei whakarākei i te reo o te tangata kia whānui ai ngā kupu, ngā kīwaha, ngā whakataukī, ngā kupu whakarite, aha kē rānei kei a ia. Ko tā Ngāti Kahungunu whai ko te reo Māori ka tahi, haere nei te wā ka whaka-Kahungunutia ia. Heoi anō, tēnei he pōhiri ki te motu nui tonu kia hoki mai anō rā ki tō tātau Kura Reo o te raumati 2011. Inā hoki ngā kupu o te waiata i titoa hei whakamānawa i te rua ngahuru tau o te Kura Reo i te tau 2009: “Nei rā toku whare me tōku papa e kī atu nei auraki mai rā, waihape mai rā ki roto i ngā ringa o te iwi iti o Waimārama e . . .” Ko ngā huruhuru i rere ai Te Kura Reo ki Waimārama nō Mā te Reo. Ngä äkonga o Te Kura Reo o Waimärama 2010 7 He wāhanga hou tēnei o He Muka hei whakatairanga i te huarahi o tētahi o te hunga kua kaha whai kia pakari tōna reo Māori. Kia matatau te tangata ko te reo Māori tōna reo tuarua, me auroa te whai – e kore tōna reo e eke mā te waewae tutuki noa. Hei konei ka taea e tātou te pānui i ngā kōrero a tētahi kua eke ki te taumata i tōna whai i te reo Māori. Ingoa: Puhiwāhine Tibble Iwi: Ngāti Raukawa, Ngāti Porou, Tūwharetoa Mahi: Kaitakawaenga Māori, Mary Potter Hospice I te tau o te kotahi mano e iwa rau, e ono tekau, ka rangona whānuitia te reo Māori i runga i ngā marae huri noa o Ngāti Raukawa ki te Tonga, o Ngāti Tūwharetoa anō hoki. Ka pēwhea ahau e mōhio ai? I te ora tonu te marea kaumātua. Ko te reo Māori tō rātou reo tuatahi. I whānau mai ahau i taua wā. E rua ngā reo whakarongo o tōku whaea. Ko te reo Māori me te reo Pākehā ērā. Kotahi tōna reo kōrero. Ko te reo Pākehā. Erangi mō tōku matua, i whāngaihia ki te reo Māori, mai i te kōpū o tōna kōkā, i te ao i te pō. Ka whitu ōna tau, ka tīmata i te kura, ā, ka hopukina, ka akohia hoki e ia te reo kōrero, whakarongo, tuhituhi, pānui, whakaatu, me te reo mātakitaki o te reo Māori me te reo Pākehā. I tupu ake mātou ko ōku tuākana, ko ōku tungāne ki Wiremutāone, ki Pōneke. Ko tō mātou kāinga he puni mō te hunga kātuarehe i haere mai ki Poneke, hihiri ai. Ka haere mai rātou, ka manaakitia ō tātou tikanga, tō tātou reo hoki. Ko te kuia o tōku whaea ko Rihi te tino manu haere mai ai. Erangi, tōna reo Pākehā, ka mau te wehi! Ki te haere ia ki te toa hoko hikareti ai, ka tukua tōku tungāne a Tiwana hei māngai mōna kia whiwhi tāna i hiahia ai. I te wā i whakaputaina te pukapuka o Tūwharetoa nā Te Herekiekie, nā tōku matua i pānui, i whakamāori aua kōrero katoa. Mō ngā rākaunui e toru ko rāua tērā i te pō. I whānau mai taua kuia i te tau 1880, e whia kē ngā mahi o tōna iwi i kite ai ia! Nā, māringiringi ana ngā kīwaha a te arero wera! Ko Tokorangi – te kāinga o tōku whaea – te wāhi hokihoki ai mātou ki ngā tangihanga, otirā, ki ngā hui o Ngāti Tūwharetoa me Ngāti Raukawa. Muia ana te marae e te hunga kōrero Māori. Ko ngā kaumātua ērā. Ka huri te ao Māori, ā, ko te whakatupuranga o tōku whaea e kaha whai ana i te ao Pākehā. Ka whai hua taua hurihanga nui. Ko te reo Pākehā te reo matua o tōku whakatupuranga, o mātou ko ōku kaihana. Ka kuraina mātou ko ōku tuākana ki te kura Katorika mō ngā kōhine Māori, ki Hato Hohepa. Ka akona te reo pānui, me te reo tuhituhi o te reo Māori, mā te reo Pākehā. Kāore anō te Kōhanga Reo me te Kura Kaupapa Māori kia whānau mai erangi, mō mātou o Ngāti Raukawa ki te Tonga e huihui ana ngā kaihana whiwhi karahipi a te Poari o Porirua me Ōtaki i raro o ngā iwi e toru a Te Āti Awa, a Ngāti Raukawa, a Ngāti Toa Rangatira hoki. Ka whiwhi pūtea tōku tuakana a Debbie. I ngā hararei, ka tū ngā hui whakawhanaungatanga mō ngā ākonga. I reira, ka tākina ko te whakapapa, ko ngā karakia, ko ngā mōteatea, ko ngā kōrero o aua iwi e toru i roto i ngā reo e rua. Nāwai rā, ka whānau mai Te Wānanga o Raukawa! Kātahi anō au ka whiwhi tūranga whakaako tamariki i te Kura Katorika o Hato Petera Kaniera. Ka whakaakona aua tamariki ki te reo kōrero me te reo tuhituhi, ki te reo pānui me te reo kapa haka. I reira, ka rangona he momo reo Māori. I Te Wānanga o Raukawa tōna ake momo reo Māori. I te kura auraki me te kareti o Ōtaki ō rāua momo reo Māori anō hoki. I ia hararei, ka karapinepine mai ngā whanaunga ki te hui rūmaki reo Māori i te rohe o ōku nei iwi e toru. Nā ēnei momo huihuinga tāngata ka whakatenatena, ka whakapakari tōku reo me te reo o ngā whanaunga i tōku nei taha. Nā ērā i whai hoamoe i te kaupapa nei ka whakatūria Te Kura Kaupapa Māori o Te Rito o te Harakeke, ki Ōtaki. I nāianei, kua whai mokopuna tērā rōpū. Aī! Ko rātou, ko ā rātou tamariki, ko ā rātou mokopuna hoki e mau mai rā i te reo o māpihi maurea. I mua o tōna matenga he pīki kangakanga tā tōku matua mō te reo Pākehā me ōna tikanga. Ka haehaetia te ngākau mō tōna reo ātaahua i kōhurutia ai e mātou, e ana tamariki. Erangi, Pāpā, kei te kōrero tonu au i tō reo. Ahakoa he tiotio te whakarongo, he mahi kōhuru hoki, ko māua ko tōku whakakai marihi ēnei kua mau i a au i te ao, i te pō. Töku Whakakai Marihi Mauï ki te matau: ko Debbie Tibble-Williams, ko Puhiwähine Tibble rätou ko Maru Karatea-Goddard. 8 Whakarauorahia Töku nei Reo – Ko ngä Mahi Whakapiki Reo o Te Arawa I tua atu i te whakapiki i te nui o ngā tāngata e kōrero Māori ana, ko te hiki anō i te taumata o taua reo e kōrerohia ana i ngā kāinga me ngā hapori o Te Arawa tētahi whāinga matua o tēnei kaupapa. E whai ake nei ngā kaupapa whakarauora reo e whitu nō roto mai i te iwi: • He Kura Pou Reo • Tūhourangi Whānau Kōrerorero • Ngāti Pikiao ki te Kāinga • Pō Kawhei • Marae ki te Marae Hīkoi • Tī-Hāte • Ngāti Whakaue Kura Reo he kuRa Pou Reo Ko te Kura Pou Reo he kura mō te hunga kei a rātou kē te reo, ā, he hiahia nō rātou ki te whakaako i te reo ki ō rātou ake whānau, hapū. Ka whai ēnei Pou Reo i te kaupapa ako o Te Ataarangi. Nō reira, ko te kaupapa o ēnei kura he tautoko i ngā Pou Reo mā te whāngai i a rātou ki ngā rauemi, ki ngā rautaki whakaako hei taituarā mō rātou. Ko tētahi hua o tēnei mahi ko te whakarite tika i ngā Pou Reo i mua i te tīmatatanga o ngā mahi whakaako ki ō rātou whānau, arā, kia reri katoa ngā mahere mahi, ngā rauemi me ngā taputapu hoki. Kia tutuki ai te kōrero, ka pai ngā mahi i mua, ka whai hua ngā mahi ā muri ake nei. TühouRangi Whänau köReRoReRo Nō tētahi o te whānau te whakaaro kia whakahaere rōpū reo Māori ki roto tonu i tō rātou wharekai. Hei ia wiki ēnei akoranga e tū ai. Ko ō rātou Pou Reo nō roto tonu i te whānau, ā, kātahi nei te nuinga o te whānau ka tīmata ki te ako i te reo Māori. Whāia ai e rātou ngā kōwae ako o Te Ataarangi. ngäTi Pikiao ki Te käinga Ka whakatūria he karaehe reo Māori mō ngā whānau o ngā tamariki a Te Kōhanga Reo o Te Hikuwai me Te Kura Kaupapa Māori o Te Rotoiti kia taea e rātou te kōrero Māori ki ā rātou ake tamariki i te kāinga. Ka tū ēnei akoranga ia wiki, ia wiki ki raro i ngā mātāpono o Te Ataarangi. Nō tō rātou ake whānau, hapū, kōhanga, kura hoki ngā Pou Reo. Ahakoa ka kawea te nuinga o ngā mahi whakaako e ngā Pou Reo, ka āta tautokohia hoki e ngā kōeke o te kāinga, me tētahi o ngā kuia mōrehu nō Ngāti Pikiao. He tino kaha nō rātou ki te taetae atu ki ngā karaehe katoa, raumati mai, hōtoke mai. Pö kaWhei Ko tino kaupapa o te Pō Kawhei he whakangahau, he whakakoakoa i te tangata mā te reo Māori. Nō ngā kaimahi a Te Reo Irirangi o Te Arawa tēnei whakaaro, ā, nā rātou te Pō Kawhei i whakahaere ia wiki ki tētahi whare tapere ki Rotorua tonu. Ko te mahi kē, he inu Nā Rāmari Raureti, Kairangahau, Te Taumata Mātauranga o Ngāti Whakaue Nō te tau 2009 i tīmatahia ai ētahi kaupapa whakanui, whakaako hoki i te reo Māori ki roto o Te Arawa kia tokomaha ake āna uri kōrero Māori. Ka manaakitia te kaupapa e Te Rūnanganui o Te Arawa, e Te Taumata Mātauranga o Ngāti Whakaue me Te Taura Whiri i te Reo Māori anō hoki. Tühourangi Whänau Körerorero Te Kura Pou Reo 9 kawhe, arā, he rātei, he mokatino, he kaputino, he aha rānei, te kai keke, hamupaka, rīwai parai (pērā i ērā atu wharekai o te tāone) engari pārekareka rawa atu ana te whakarongo ki ngā kaiwaiata me ngā kaiwhakatangitangi taonga pūoro. Atu i tēnā, i ētahi wiki, ka tākaro kēmu ā-rōpū hoki mātou pērā i te Katakori (Scattegories), Te Pūtea, Te Pēke rānei. Ahakoa te nui o ngā hua i puta mai i ēnei pō, ka mihi atu ki te tokomaha o ngā kōeke, kaumātua i tae atu. Ka rawe te kite i a rātou, te rongo hoki i ō rātou reo e rere mai ana. maRae ki Te maRae hïkoi Ko te arotahi matua o te marae ki te marae hīkoi, ko te whakanui i te reo Māori, te whakaako hītori e pā ana ki te marae tae atu ki te hauora o te tangata. Kōtahi te rā ia marama i hui ai te hunga ki tētahi marae o Te Arawa, ā, ka whakamāramahia e te tangata whenua ngā kōrero e pā ana ki te hītori, te whakapapa, te tupuna whare, te whenua, te aha atu, te aha atu. Kātahi ka korikori, ka matiti te rōpū hei whakamahana tinana i mua i te hīkoi ki tētahi marae anō. I haere ngā kōeke mā runga waka. Tae atu ana ki te marae tuarua, ka whakarongo anō ki ētahi atu kōrero. Ko te painga anō o tēnei mahi ko te kite i ngā whānau katoa e hīkoi tahi ana – arā, ngā pēpi i ō rātou waka pēpi me ngā tuākana, ngā mātua, ngā kuia, koroua hoki e hīkoikoi tahi ana. he Tï-häTe Ka tāngia he tī-hāte ‘Whakarauorahia Tōku nei Reo’ me te tohu pikitia a Paki Wilson. I ahu mai tērā kōrero i tētahi kupu tawhito nō Te Arawa, arā, ko te ‘rauora’. Ka whakamahia taua kupu i te hokinga mai o ngā toa i te pakanga, ā, ka tiakina rātou kia piki anō ai te hauora. Nā reira, e tika ana te whakamahi i taua kōrero mō te ako, mō te tiaki me te kōrero Māori. Ka whakaatu te tohu i a Te Arawa me ōna tūāhuatanga, arā, te kaha, te māia me te manawanui. Me whakamahi aua āhuatanga e te tangata e ako ana i te reo. Ka mau tī-hāte pēnei ngā tāngata e hīkoikoi ana mai i tētahi marae ki tētahi atu, Māna rātou e whakahīhī ai. Kua tō te kākano, kua matekai anō ki ētahi atu hīkoi, ki ētahi atu mahi whakapiki reo hoki. haere ki te whārangi 10 Pö Kawhei Te whare o Tamatekapua ki öhinemutu. Tëtahi o te whänau e mau ana i te tï-häte 'Whakarauorahia töku nei Reo'. Ngä kaihïkoi i te marae o Te Papaiouru. ngäTi Whakaue kuRa Reo Nā ngā kaimahi o Ngāti Whakaue tēnei kaupapa i puta mai ai, kia rangona te reo Māori ki runga i ngā marae o Ngāti Whakaue huri noa, ki mua, ki muri hoki. Nā reira, 10 Whakarauorahia Töku nei Reo – Ko ngä Mahi Whakapiki Reo o Te Arawa mai i te whārangi 9 Te Arotakenga i te Rängai Reo Mäori hei te raumati e haere mai nei, ka haria ngā kaimahi o Ngāti Whakaue ki te moutere ātaahua o Mokoia ki reira noho ai mō te wiki kotahi ki te ako, ki te kōrero i te reo, arā, kia tū ai he kura reo Māori. ko ngä TäTai e Pä ana ki ngä TängaTa • E 687 ngā tāngata i uru mai ki ngā mahi whakapiki reo o Te Arawa (me rātou ka mahi i te kura reo Māori hei tēnei raumati). • Ko te nuinga o rātou he wāhine (arā, e 433 [e 63%] he wāhine – e 254 [e 37%] he tāne). • Mai i te 3 wiki tae atu ki te 85 tau te pakeketanga o te hunga nei. • E 25 tae atu ki te 40 ngā tau o te nuinga o ngā tāngata. • Ko te nuinga o ngā tāngata (e 95%) i uru ki ngā kaupapa whakapiki reo nā te akiaki o tētahi whānau, hoa piri rānei. ko ngä hua maTua • I te mutunga o ngā kaupapa ako i te reo Māori, ka kōrero Māori ia rā, ia rā (ahakoa te iti, te rahi rānei), te 95% o ngā ākonga. • Ka whakapikia te mōhiotanga ki te reo Māori o te 90% o ngā ākonga ki tētahi taumata teitei ake i tērā i te tīmatatanga. He aha te whāinga o te Arotake i te Rāngai Reo Māori? Ko te whāinga o te Arotakenga i te Rāngai Reo Māori: a He tohu, he arotake hoki i ngā hōtaka me ngā ratonga matua mō te reo Māori e whakaratoa ana e ngā tari kāwanatanga mō te hua e puta ana me te hāngai ki ngā hiahia o ngā iwi me Ngāi Māori hoki; e He titiro ki te mahinga ngātahitanga o ngā hōtaka me ngā ratonga matua mō te reo Māori ki waenga i ngā tari kāwanatanga, he whakatakoto whakaaro mō ngā angitu e whakapikitia ake ai tēnei āhuatanga; i He arotake i te taha whakahaere o te Rāngai Reo Māori, arā, ko ngā kawenga, ko ngā hōtaka, ko ngā whakapaunga pūtea, me ngā ratonga anō hoki; o He arotake i te nui o te hua e puta ana i te pūtea e whakapaua ana; u He whakaaro ki ētahi atu momo uara e hua ana i ngā hōtaka me ngā ratonga e whakaratoa ana e ngā tari. Hei tauira, ko (i) te pai me te tika o ngā ratonga; (ii) te tautoko i te oranga me te whakawhanaketanga o te tuakiri ā-iwi; (iii) te tautoko i ngā whānau, ngā hapū me ngā iwi me te oranga o ngā whanaungatanga ā-hapori, ā, ko te mana o te reo Māori hei taonga i raro i te Tiriti o Waitangi. Ko wai te mana whakahaere o te Arotakenga i te Rāngai Reo Māori? Ko te Minita mō ngā Take Māori, te Hōnore Tākuta Pita Sharlples te mana whakahaere o te Arotakenga i te Rāngai Reo Māori. Mā wai te Arotakenga e whakahaere? Kua kōwhiritia he paepae motuhake māna e kawe tēnei kaupapa e te Minita mō ngā Take Māori, i runga i te kōrero ki te Minita mō ngā Take Mātauranga, a te Hōnore Anne Tolley. Ko Te Paepae Motuhake nei, ko Ahorangi Tāmati Reedy, (hei heamana), rātau ko Toni Waho, ko Te Kāhautu Maxwell, ko Rahera Shortland, ko Cathy Dewes, ko Hana O’Regan, ko Pānia Papa. Ka riro mā Te Puni Kōkiri e āwhina ngā mahi a Te Paepae Motuhake. He aha te wātaka mō te Arotakenga i te Rāngai Reo Māori? I tīmata te Arotakenga i te Hōngongoi 2010, ā, ka whakaotitia ā te Poutū-te-rangi o 2011. Ko wai mā ngā tari ka whai wāhi ki ngā mahi nei? Ka aro Te Paepae Motuhake ki ngā hōtaka me ngā ratonga reo Māori a ētahi tari, pēnei i Te Taura Whiri, i Te Māngai Pāho, i a Te Puni Kōkiri, i Te Tāhuhu o te Mātauranga, me ētahi atu, i runga i te whakaaro ki te pai me te hāngai o ngā mahi nei ki ngā hiahia o ngā iwi me Ngāi Māori mō te reo Māori. Ka ahatia e te Minita Māori ngā kitenga o te Arotakenga? Kia mutu te tirotiro a te Minita mō ngā Take Māori ki ngā kitenga a Te Paepae Motuhake, ka whakaritea mai he Rautaki Reo Māori hou. Ka tü te kura reo o Ngäti Whakaue ki te motu o Mokoia a te raumati. 11 TE REO – He Mataaho ki ngä Hapori Körero Mäori Nā Eruera Morgan nō Te Arawa. I te maeatanga o te tau hou mō te hongere reo Māori anake a Te Reo, kua noa atu te whiriwhiri i ngā kaupapa me ngā hōtaka whakaongaonga, ā, te āhua nei ka hauhaketia ngā take whaikiko, ā, ka kitea ai te puāwaitanga nō muri mai i ngā angitutanga o mua. I rere pai te hongere i tēnei tau, nā ngā hōtaka ā-iwi, nā tā mātou hōtaka hou mō te ako i te reo me ngā kaupapa ā-pūranga. Kei te hiahia ahau kia piki ake te taumata mō ēnei tūmomo hōtaka hei te tau 2011, me te kimi ara anō hei whakaware i ō tātou kaikōrero Māori takawaenga, me te hunga matatau. I tēnei tau ka whakapūmautia a Ngā Pari Kārangaranga hei tauira mō ngā iwi ki te hanga i ā rātou ake hōtaka, ki te whakaputa i ā rātou ake pānga, mahinga me ā rātou ake take. Nā runga i te angitu o tērā, kua rapu anō mātou i ētahi atu hapori hei kawe atu i tētahi kaupapa ōrite. He mataaho te hongere mō ngā hapori kōrero Māori. Nā te whakaaturanga o Ngā Pari Kārangaranga, ka kitea te hua o tērā mataaho. I runga i tērā whakaaro, kua āhua toru marama nei mātou e mahi ana i tētahi hōtaka hou mō ngā kura. Kei te hangahanga tonuhia i tēnei wā engari ko te iho matua kē, ko te tuku wāhanga ki ngā rangatahi ki te hanga i ngā hōtaka, mai i ngā rātaka ā-pūrere whakaahua ki ngā pūrongo o te wā me ngā matapae huarere. Kua taunga kē te maha o ngā kura nei ki te hui ataata i waenga i ā rātou, mai i Te Hiku o te Ika tae atu ki Te Waipounamu. Nā reira, ko te mahi ko te whakatū noa i tētahi anga e rite ana ki ā rātou whāinga ako. He huarahi wātea whaitake mō rātou ki te ako mō te ao whakaata. He pārekareka ki ngā kaimātakitaki ngā hōtaka ā-pūranga pērā i Ngā Taonga Whitiāhua, e whakaatu ana i ngā pikitia tawhito mai i te Whare o Ngā Kaitiaki o Ngā Taonga Whitiāhua. Nā reira, kei te mahi ngātahi a Te Reo me Tāmaki Paenga Hira ki te tirotiro i ngā taonga maha kei tā rātou kete kohinga. Kei te wāhanga whanake tonu tētahi atu kaupapa mō ngā kohikohinga nūpepa Māori mai i te rautau tekau mā iwa ki te tīmatanga o te rautau rua tekau, e pupuri ana ki te Whare Wānanga o Waikato. I tua atu o te tiki mai i ngā kōrero o nehe, ko ngā tuhinga Māori tawhito te mea rerehua o ēnei nūpepa, ā, kāre e kore he mea hou ki te nuinga o te hunga mātakitaki. Atu i ngā whakaaturanga hou, ka whakahokia mai anō e te hongere ngā hōtaka kua whaihua i tēnei tau; pērā i a Ako, te hōtaka ako reo mō ngā tauira ā-reanga takawaenga, i runga anō i tana whakaingoatanga mō tētahi Tohu Qantas i te tau 2010. Ka hoki mai anō a He Iwi Whakapono, e arotahi ana ki te taha wairua me Te Kāuta, te hōtaka e kōrero ai, e whakakatakata ai ngā kuia me ngā koroua mō ō rātou wā whanokē i mua. Kei te nui te reo ki ngā kaikōrero Māori, ki te hunga mātakitaki matua o te hongere nei. Engari he take anō kei roto i te hanga hōtaka whakaware, whakangahau hoki, atu i tētahi hōtaka ako reo noa iho. Me tino whakamere tātou. Ahakoa te reo, he whakaaro pai anō te whakaaro pai. Eruera Morgan, Kaihautü, te hongere o Te Reo. 12 He Pänui hakihea 2010 – hui-TanguRu 2011 “Whakaangi ki roto ki ngä huatau o te inäianei kia kawea ngä wai o ngä kupu o nehe, o nä koa tonu nei, hei korokï mä tënä mä tënä e whakangäkau ana kia mate kore te reo e kïia nei ko te reo rangatira, te reo Mäori”. He PAtAkA kuPu te kai a te rangatira He Pätaka Kupu - te kai a te rangatira Ko ‘He Pātaka Kupu - te kai a te rangatira’ te papakupu reo Māori anake tuatahi kua hangaia mā ngā pakeke. Āwhiwhi 24,000 ngā whakaurunga kupu ā, ka tū te papakupu reo Māori hei rauemi reo Māori kī rawa hei āwhina i ngā kaikōrero tino matatau me ngā ākonga hoki. Anei te whakamārama o He Pātaka Kupu mō ētahi o ngā kupu ka kitea i roto i tēnei putanga o He Muka. horuhoru 1. -nga -tanga [Ranginui & Papatūānuku] mahp, ing, āhua. Ka tangi me te kihakiha anō o te manawa. E horu ana ki tana tamaiti kua hutia ake e te ringa kaha o Aituā. hotu māpihi [Ranginui & Papatūānuku] ing. He kupu e tohu ana i te tangata e aroha nuitia ana. Taku piki kōtuku ē, taku māpihi maurea ē (W 179). tau marihi -tanga [Ranginui & Papatūānuku] āhua, ing, mahp. E kaingākautia ana, e noho taonga ana ki te tangata. (i) Ka ngaro rā ē, taku whakakai marihi (W 182). (ii) Ko tōku reo, tōku ohooho, tōku māpihi maurea, tōku whakakai marihi (HM 3, 2). kahurangi motatau -ranga -tanga [Tāne] mahp, ing, āhua. Ka whakaputa whakaaro i te wā tonu e toko ake ai te whakaaro; ka kōrero ki a koe anō. (i) Kei konā te kuia e motatau ana me te tuhi anō i ngā kai hei hoko māna i te toa. (ii) Ka mahara ētahi tāngata he pōrangi te tangata motatau. kōrero (kōrero rākau) whakaongaonga -tia -tanga [Whiro] mahw, ing, āhua. Ka mahi i tētahi mahi e hōhā ai, e āhua riri ai tētahi atu, tērā pea nā te auau tonu o taua mahi. (i) Ko tā rātou ‘tuhatuha’ i ngā ‘t’ te mea kei te whakaongaonga i a au. whakahōhā whakatara -ia -hia -ngia -nga [Tūmatauenga] mahw, ing, āhua. Ka tono, ka mahi rānei (i tētahi mahi), e mate ai tētahi atu ki te whakapau kaha kia eke tana mahi ki te tino taumata. He mea whakatara au e te hui kia whakaatu i ngā mea ka taea e tā mātou rauemi hou. whakaware -ngia -hia -nga [Tūmatauenga] mahw, ing, āhua. Ka kukume i ngā whakaaro o tētahi atu, e whakaaro ai ia he ātaahua, he rawe, he pārekareka rānei tētahi āhuatanga kāore pea i pai, i tika, me tana hiahia whāwhā atu i taua mea. Ka whakaputaina ngā pānui whakaahua muramura hei whakaware i te kaihoko. whakawai E 8,000 kupu kua utaina ki te pae ipurangi www.korero.maori.nz/forspeakers/patakakupu. He tīpakonga kupu noa iho tēnei, arā, he takahanga tuatahi; ā tōna wā ka utaina mai ngā kupu katoa o He Pātaka Kupu ki te pae tukutuku nei. Te kuRa Reo 9 – 13 kohitätea 2011 Wāhi: Te Whare Takiura o Ngāti Kahungunu Whakapā atu ki a: Jeremy Mcleod Īmēra: Jeremy@kahungunu.iwi.nz Pae tukutuku: www.waimaramamarae.co.nz Te aRoTakenga i Te Rängai Reo mäoRi 21 kohitätea 2011 Kaupapa: Hui ā-rohe ki Ōtautahi Wāhi: Te Puna Wānaka ki Ōtautahi Whakapā atu ki a: Nerissa Aramakutu Īmēra: aramn@tpk.govt.nz Tau waea: (04) 819 6000 Te Rä o WaiTangi 6 hui-tanguru 2011 Te maTaTini o Te Rä 16 – 20 hui-tanguru 2011 Wāhi: Wai o Hika, Tūranganui-a-Kiwa Pae tukutuku: www.ticketdirect.co.nz Tau waea: 0800 4 TICKET