Te Matatapu | Te Taura Whiri i te Reo Māori Skip to main content Māori English Māori English Enter search terms Rapua whānuitia Menu Enter search terms Main navigation Ko wai mātou He aha Te Taura Whiri i te Reo Māori? Ngā tātai kōrero Tānga rangatōpū Whakapā mai Pānui Pāpāho Ā mātou mahi Te Tuku Tohu ki ngā Kaiwhakamāori ā-Tuhi, ā-Waha Whakamātauria Tō Reo Māori Rēhita Kaiwhakamāori ā-tuhi ā-waha Te whakawhanake reo, whakamaherehere reo Te Pūtahi Rangahau Ngā Tikanga Tuhi Te Amo Te Reo Māori Tikanga Māori Whakahuatanga : Pronunciation Learning te reo Māori resources Te Reo Māori Mō ngā take motuhake Wāhi Ako Reo Kaupapa Whakatairanga Te Wiki o te Reo Māori Hīkoi Whakanui i te Reo Māori Rauemi He Muka He Muka Pūrangaranga Breadcrumbs Home Te Matatapu Te Matatapu Te Matatapu Te whakamahi ‘pihikete’ Kei te whakamahi ‘pihikete’ te pae tukutuku nei hei whakaemi kōrero mō ngā whanonga a tōna kiritaki. Ko te pihikete, he mōtete waehere ka hanga kōnae ki tō rorohiko hei kohi kōrero mō ngā mea e pai ana ki a koe, pēnei i te reo e mātua whakamahi ana koe. Ka kohia ēnei kōrero kia maumahara ai tā mātou pae tukutuku ki ō hiahia mātāmua ina tirotiro haere koe i te pae tukutuku, ina hoki mai anō rānei ki te pae tukutuku.  Kāore e taea ēnei kōrero te whakamahi hei tautohu i te tangata takitahi, i ōna kōrero whaiaro rānei. He mea kohikohi, he mea rokiroki noa te tōpūtanga o ngā raraunga ki ā mātou tūmau tara ā-whare anahe, ā, ko ētahi kaimahi ruarua anahe ka āta whakaaetia, ko rātou anake ka whai wāhi ki aua kōrero. Kāore rawa e hoatu ēnei kōrero ki tētahi atu rōpū. Heoi anō, e taea ana ngā pihikete nei te tinei atu. Kei te nuinga o ngā pūtirotiro tētahi ara e kapea atu ai te pihikete, e puta ai rānei he whakatūpato ina tukuna he pihikete – tirohia te ‘Āwhina’ i tō pūtirotiro. Ka mutu, e kore e raru tō whāwhā i te pae tukutuku nei ki te tineia atu ngā pihikete. Me he pātai āu, tukua mai koa he īmēra ki: (address for website admin)   Ngā kōrero whaiaro ka tae mai ki a mātou E āhei ana ngā tangata katoa te toro matahuna mai i te pae tukutuku me te tirotiro haere i ōna kōrero hei painga mō rātou. Kāore mātou e hopu aunoa i ngā kōrero whaiaro mō ngā tāngata takitahi ka toro i te pae tukutuku.  Engari ia, ka puritia ngā kōrero whaiaro ka āta patohia mai e koe ki te pae tukutuku i a koe: ka whakakī i ngā puka rēhita me ngā puka tono ka tuku īmēra mai ki te: tono tānga kōrero, pānui rānei whakaputa whakaaro tono pārongo atu anō i Te Taura Whiri i te Reo Māori. [TH1]     Kāore mātou e kohi kōrero mō tō mātou kiritaki mai i wāhi kē, pērā i ngā mauranga tūmatanui, i ngā rōpū tūmatanui, tūmataiti rānei. Ngā take e rokirokihia ai ngā kōrero whaiaro Heoi anō te kaupapa e whakamahia ai ngā kōrero i tae mai i a koe, hei āta whakatutuki i te kaupapa i homai rā e koe aua kōrero. Hei tauira, ki te tono koe kia tukuna he hautaka ki a koe, ka utaina ngā kōrero mōu ki te putunga raraunga e taea ai te pērā. Kāore e whakamahia aua kōrero ki tētahi kaupapa kē atu. Ka puritia ēnei kōrero whaiaro mō te wā e whaihua tonu ana, e tutuki tonu ai te kaupapa i kohia ai. Hei ōna wā anō pea ka tono mātou mēnā e hiahia ana koe kia puritia tonutia e mātou aua kōrero. Heoi anō, ki te hiahia koe kia unuhia aua kōrero, kia whakatikaina rānei, me tono noa mai, ana kua pērā.    Ka pēhea te āhua o te rokiroki i ēnei kōrero whaiaro? Kei te āhua tonu o te kaupapa i tukuna mai ai e koe. Nō reira, ko te katoa pea o ngā kaimahi a Te Taura Whiri i te Reo Māori, tērā e taea ana e rātou te toro aua kōrero. Engari ka mau tonu te matatapu o ngā kōrero i te mea he here kei runga i ngā kaimahi katoa ki te manaaki i te noho tapu o ngā kōrero whaiaro ka tae mai mō te hunga ka toro i a mātou. Waihoki, he tikanga hangarau anō ka whāia hei tiaki i ō kōrero whaiaro, e kore ai e taea: te urutomo mai a tētahi kāore e whakaaetia ana tana pērā te whakamahi hē, te whāki i ngā kōrero te raweke i te takoto o ngā kōrero te whakakore turekore, te whakangaro pokerehū rānei i ngā kōrero. Kia tukuna mai e koe he kōrero whaiaro mōu, e kore e taea aua kōrero e te manuhiri, e te hunga ehara i te kaimahi a Te Taura Whiri i te Reo Māori. E kore hoki mātou e whāki i ō kōrero whaiaro ki ētahi atu whakahaere ki te kore koe e mātua whakaae mai, hāunga anō ngā wā ko te ture, he waeture rānei kei te kōkiri i te tono.   Ō āheinga E āhei ana koe te tono tauira o ngā kōrero mōu kei konei e pupuri ana. Me whakapā noa mai, me tuku īmēra mai rānei ki Te Taura Whiri i te Reo Māori. Ka tae atu aua kōrero ki a koe i roto i te 20 rā mahi, kāore he utu ki a koe. Ka āhei anō koe te whakatika, te whakahou i ngā kōrero mōu kei a mātou e tiaki ana, kāore he utu. Heoi anō tāu, he whakapā mai ki Te Taura Whiri i te Reo Māori.   He pātai, he kōrero rānei Me he pātai āu mō te āhua ki tā mātou kaupapa-here matatapu, ki ō kōrero whaiaro rānei kei konei e mau ana, tēnā koa whakapā mai ki Te Taura Whiri i te Reo Māori. Ki te kore e ea tō pātai i tā mātou whakautu, tērā koe e hiahia kawe i tō take ki te Mana Mātāpono Matatapu (external link) .       RSS Feed Footer Ko wai mātou He aha Te Taura Whiri i te Reo Māori? Ngā tātai kōrero Tānga rangatōpū Whakapā mai Pānui Pāpāho Ā mātou mahi Te Tuku Tohu ki ngā Kaiwhakamāori ā-Tuhi, ā-Waha Whakamātauria Tō Reo Māori Rēhita Kaiwhakamāori ā-tuhi ā-waha Te whakawhanake reo, whakamaherehere reo Te Pūtahi Rangahau Ngā Tikanga Tuhi Te Amo Te Reo Māori Tikanga Māori Whakahuatanga : Pronunciation Learning te reo Māori resources Te Reo Māori Mō ngā take motuhake Wāhi Ako Reo Kaupapa Whakatairanga Te Wiki o te Reo Māori Hīkoi Whakanui i te Reo Māori Rauemi He Muka He Muka Pūrangaranga Contact Us +64 4 471 0244 info@tetaurawhiri.govt.nz Postal Address: Level 11, The Co-operative Bank House 20 Ballance St, Wellington 6011 Sitemap Te Matatapu Te Noho Wātea o ngā kōrero He Kupu Kaupare Te Taura Whiri i te Reo Māori © 2019 Last modified: 1st July 2015