Ua fatata te hopea o te haapaoraa hape! — VAIRAA PAPAI NATIRARA Watchtower VAIRAA PAPAI NATIRARA Watchtower Watchtower VAIRAA PAPAI NATIRARA Tahiti ǎ,ě,ǐ,ǒ,ǔ ǎ ě ǐ ǒ ǔ BIBILIA PAPAI PUTUPUTURAA kn37 api 1-4 Ua fatata te hopea o te haapaoraa hape! Aita e video no teie tuhaa. Eiaha e inoino, te vai ra te tahi fifi e te video. Ua fatata te hopea o te haapaoraa hape! Ua fatata te hopea o te haapaoraa hape! Haapaoraa hape Haapaoraa mau Ua fatata te hopea o te haapaoraa hape! kn37 api 1-4 Parau apî o te Basileia n o  37 Te hoê poroi no to te ao atoa Ua fatata te hopea o te haapaoraa hape! ▪ Eaha te haapaoraa hape? ▪ E nafea te reira e mou ai? ▪ Eaha ïa te faahopearaa i nia ia oe? Eaha te haapaoraa hape? Te peapea ra anei oe no te mau ohipa ino e ravehia ra ma te i‘oa o te haapaoraa? Te faahapa ra anei te tama‘i, te ohipa totoaraa, e te ohipa pi‘o ravehia e te feia e parau ra e tavini i te Atua, i to oe huru aau no te parau-tia? E au ra o te haapaoraa te tumu o te fifi e rave rahi roa, no te aha? E ere o te mau haapaoraa atoa te tumu, o te haapaoraa hape râ. Ua faaite te hoê taata faaroo faatura-rahi-hia, o Iesu Mesia, e e faahotu te haapaoraa hape i te mau ohipa iino, mai te hoê ‘raau ino e faahotu mai i te huero ino.’ ( Mataio 7:15-17 ) Eaha ta te haapaoraa hape e faahotu ra? Haapaoraa hape ▪ FAAÔRAA I ROTO I TE TAMA‘I E TE PORITITA: “I Asia e i te tahi atu mau fenua,” ia au i te vea Asiaweek, “te faateretere ra te mau aratai nounou mana ma te vahavaha i to te taata mau huru aau i te pae faaroo no te haamâha i to ratou iho mau hinaaro.” Teie te faahopearaa ta te vea e faaara ra: “E riro te ao i te maamaahia.” Ua parau te hoê aratai haapaoraa rahi i Marite e: “E mea tia ia taparahi pohe i te feia totoa ia mau te haapoheraa.” Ta ’na ravea? “E haapohe ia ratou pauroa ma te i‘oa o te Fatu.” Area te Bibilia, te na ô ra ïa e: “Ia parau te hoê taata e, Te hinaaro nei au i te Atua; e aore oia i aroha i tana taeae, e haavare oia.” ( Ioane 1, 4:20 ) Ua parau atoa Iesu e: “E aroha ’tu i to outou mau enemi.” ( Mataio 5:44 ) I to oe mana‘o, ehia rahiraa haapaoraa e te faaô nei to ratou mau taata i roto i te tama‘i? ▪ HAAPARARERAA I TE HAAPIIRAA HAPE : Te haapii nei te rahiraa o te mau haapaoraa e e tuhaa itea ore te nephe aore ra varua o te hoê taata o te ora ’tu ia pohe to ’na tino. Na roto i tera haapiiraa, mea rahi o taua mau haapaoraa ra e tarere nei i to ratou mau taata, ma te faaaufau i te mau pure no te mau nephe i faarue mai. Te horoa ra râ te Bibilia i te hoê haapiiraa taa ê. “[ Te nephe ] o tei rave i te hara ra, o te pohe ïa.” (Ezekiela 18:4; MN ) “Ua ite te feia e ora nei, e pohe ratou, aita râ a te feia i pohe ra e parau itea.” (Koheleta 9:5) Ua haapii Iesu e e faatiahia mai te feia pohe—aita e faufaa te reira ahani e nephe pohe ore to te taata. ( Ioane 11:11-25 ) Te haapii ra anei ta oe haapaoraa e eita te nephe e pohe? ▪ FAATIARAA I TE TAATIRAA MORARE ORE: I te tahi mau fenua, e nomino te tahi mau pǔpǔ faaroo i te mau melo mahu e paia ei perepitero e e turai i te mau faatereraa ia farii i te mau faaipoiporaa vahine vahine e tane tane. Ua faatia atoa te tahi mau ekalesia o te faahapa ra i te morare ore ia mafera te mau aratai haapaoraa i te mau tamarii. Eaha râ ta te Bibilia e haapii ra? Te na ô maitai ra te Bibilia e: “Eiaha e vare; e ore hoi te taiata, e te haamori idolo, e te faaturi, e te mahu, e te paia . . . e parahi i te basileia o te Atua.” ( Korinetia 1, 6:9, 10 ) Ua ite anei oe i te tahi mau haapaoraa o te faahapa ra i te taatiraa morare ore? Eaha te tupu i nia i te mau haapaoraa o te faahotu i te huero ino? Ua faaara Iesu e: “Te mau raau atoa aore i faahotu mai i te huero maitai ra, e tâpûhia ïa e e hurihia i roto i te auahi.” ( Mataio 7:19 ) Oia mau, e tâpûhia e e haamouhia te haapaoraa hape! Tera râ, e nafea e afea te reira e tupu ai? E horoa mai te hoê orama parau tohu papaihia i roto i te buka bibilia o te Apokalupo pene 17 e  18 , i te pahonoraa. E nafea te haapaoraa hape e mou ai? A feruri na i te tupuraa. Te parahi ra te hoê vahine faaturi i nia i te hoê animara hahano. E hitu afii to te animara e hoê ahuru tara. ( Apokalupo 17:1-4 ) Te faahoho‘a ra te vahine faaturi i te aha? E mana to ’na “i nia iho i te hui arii o te ao nei.” E ahu uraura to ’na, te faaohipa ra oia i te mea no‘ano‘a, e mea rahi roa ta ’na tao‘a. Hau atu â, “ua vare te mau fenua atoa” i ta ’na mau peu tahutahu. ( Apokalupo 17:18; 18:12, 13, 23 ) Te tauturu maira te Bibilia ia ite e e faanahoraa faaroo i te ao nei tera vahine faaturi. Te faahoho‘a ra oia, eiaha i te hoê noa haapaoraa, i te taatoaraa râ o te haapaoraa o te faahotu ra i te huero ino. Te faahoho‘a ra te animara to nia iho te vahine faaturi i te parahiraa i te mau puai poritita o te ao. * ( Apokalupo 17:10-13 ) To nia iho te haapaoraa hape i teie animara poritita, o te tamata ra i te ohipa i nia i ta ’na mau faaotiraa e i te faateretere ia ’na. Ua fatata râ te hoê ohipa maere i te tupu. “Na tara hoê ahuru ta oe i hi‘o ra, e te puaa ra, e faufau ïa i taua faaturi ra, e e pau oia ia ratou i te haru, e e veve roa, e e amu i to ’na tino, e e tutui ia ’na i te auahi.” ( Apokalupo 17:16 ) Ma te hitimahuta e te taue, e fariu te mau puai poritita o te ao i nia i te haapaoraa hape e e faaore roa ’tu! Na vai e turai ia ratou? Te pahono ra te buka bibilia o te Apokalupo: “Ua tuu . . . te Atua i te mana‘o i roto i to ratou aau ia rave ratou i to ’na hinaaro.” ( Apokalupo 17:17 ) Oia, e titau te Atua i te haapaoraa hape ia fa‘i i te mau ohipa au ore roa atoa ta ’na i rave ma to ’na i‘oa. Ma te parau-tia tia roa, e faaohipa oia i to ’na iho mau apiti poritita ei mauhaa o ta ’na faautuaraa. Ia aha oe e tia ’i ia ore oe e mou atoa e te haapaoraa hape? “A haere ê mai na outou i rapae, e au mau taata e,” o te faaueraa ïa a te vea a te Atua. ( Apokalupo 18:4 ) Oia mau, teie te taime no te faarue i te haapaoraa hape! No te horo râ ihea? Eiaha ïa i te tiaturi-ore-raa i te Atua ra, aita atoa hoi e ora i reira. ( Tesalonia 2, 1:6-9 ) O te haapaoraa mau te haapuraa hoê roa. E nafea oe e ite ai i te haapaoraa mau? E nafea e itehia ’i te haapaoraa mau Eaha te hotu maitai ta te haapaoraa mau e faatupu e tia ’i?— Mataio 7:17 . Haapaoraa mau ▪ FAAOHIPARAA I TE AROHA: “E ere” te feia haamori mau “i to teie nei ao,” e ere i te mea amahamaha no te nunaa aore ra te ta‘ere, e mea ‘aroha ratou ia ratou iho.’ ( Ioane 13:35; 17:16; Ohipa 10:34, 35 ) Eita ratou e haapohe te tahi i te tahi, ua ineine râ i te pohe no te tahi e te tahi.— Ioane 1, 3:16 . ▪ TIATURI I TE PARAU A TE ATUA: Eita te haapaoraa mau e haapii i te “tutuu” e “tei tuuhia mai e te taata ana‘e,” e niu râ i ta ’na mau haapiiraa i nia i te Parau a te Atua, te Bibilia. ( Mataio 15:6-9 ) No te aha? No te mea “te mau Papai atoa, e mea faaurua ïa e te Atua e e mea faufaa ei haapiiraa, ei faahaparaa, ei faatitiaifaroraa i te mau mea.”— Timoteo 2, 3:16 ,  MN. ▪ HAAPUAIRAA I TE MAU UTUAFARE E TURURAA I TE MAU TURE AVEIA MORARE TEITEI: E faaineine te haapaoraa mau i te mau tane ia ‘aroha i ta ratou iho mau vahine mai ta ratou i aroha i to ratou iho tino,’ e tauturu i te mau vahine ia ‘auraro i ta ratou mau tane,’ e e haapii i te mau tamarii ia ‘faaroo i to ratou mau metua.’ ( Ephesia 5:28, 33; 6:1 ) Hau atu â, e mea tia ia pee te feia e hopoia ta ratou i te mau faufaa morare maitatai.— Timoteo 1, 3:1-10 . Te faaohipa ra anei te hoê haapaoraa i tera mau ture aveia? Te na ô ra te buka La politique de l’Holocauste (Beretane), neneihia i 2001 e: “Ahani mea rahi atu â te taata o te faaohipa i te mau mea ta te mau Ite no Iehova e poro nei e e faaohipa nei, ua apehia ïa te Taparahiraa a te mau Nazis e eita te haamouraa nunaa e tairi faahou i te ao nei.” Oia mau, i e 235 fenua, aita noa te mau Ite no Iehova e poro ra i te mau ture aveia morare o te Bibilia—te faaohipa atoa ra râ i te reira. Te faaitoito nei matou ia oe ia ani i te mau Ite no Iehova ia tauturu ia oe ia haapii eaha ta te Atua e titau ra ia oe ia nehenehe oe e haamori ia ’na ma te au. Teie te taime no te na reira. Eiaha e haamarirau. Ua fatata te hopea o te haapaoraa hape!—Zephania 2:2, 3. Ia hinaaro oe i te tahi atu â haamaramaramaraa no nia i te poroi bibilia ta te mau Ite no Iehova e poro nei, a ani noa ’tu ia ratou i te vahi nohoraa i raro nei. □ Ma te faahepo ore, e hinaaro vau i te buka rairai E ara! □ A faaite mai na no nia i te hoê haapiiraa bibilia tamoni ore i te fare. [Nota i raro i te api] No te faahohonu atu â i teie tumu parau, a hi‘o i te buka Te Apokalupo—Ua fatata roa to ’na tatararaa rahi hopea nei!, neneihia e te mau Ite no Iehova. [Parau iti faaôhia i te api 3] E mana to te haapaoraa hape “i nia iho i te hui arii o te ao nei” [Parau iti faaôhia i te api 3] “A haere ê mai na outou i rapae, e au mau taata e” Papai reo Tahiti (1985-2020) Haere i rapae Haere i nia Tahiti Ta oe e hinaaro Copyright © 2019 Watch Tower Bible and Tract Society of Pennsylvania Parau no te faaohiparaa Eita e purarahia JW.ORG Haere i nia