Tō mātou hītori | Te Aho o Te Kura Pounamu Ako Me Mātou Subjects and Courses Rohe Ākonga Ngā Kaiwhakarato Paparua Ngā kaitirotiro Mō Mātou 0800 65 99 88 info@tekura.school.nz ENG REO TAKIURU My Te Kura Kaimahi Whare Pukapuka Ngā Pūrongo Ākonga TES Mō Mātou Ko wai mātou Ko wai mātou Mō Te Kura Te kaupapa me ngā uara Te mātou tuakiri Tō mātou hītori Ā mātou ākonga Ā mātou kaimahi Ā mātou kaimahi Rōpū kaihautū matua Ā mātou kaiwhakahaere ā-rohe Tō mātou poari Ngā umanga Te mahi tahi me mātou Ngā mea ka tūmanakohia Ngā mea e rapua ana Te tukanga rapu kaimahi Me pēhea te tono Ngā mahi e whai ake nei Vacancies Ngā tānga Ngā whakahaere hoa Te Matatapu Ngā kaupapahere Tukanga amuamu Ngā pātai auau Te whakauru Ngā utu NCEA Mātauranga Kōhungahunga Whakapā mai Kuputaka Mō tēnei paetukutuku + Navigation . Tō mātou hītori 1922 He mea whakatū Te Aho o Te Kura Pounamu ki te whakarato akoranga ki te 100 kura taratahi pea huri noa i Aotearoa. He mea tuhi ā-ringa ngā akoranga me ngā reta katoa e te kaiako tuatahi o te kura, e Janet MacKenzie. (Pawhiria kia whakarahi) 1923 I tukuna he mahi ki tētahi kaiako tuarua e te kura i te taenga rawatanga o te tapeke ākonga ki te 128 ākonga. 1924 I whakatūria te tumuaki tuatahi o te kura. 1927 I eke te tokomaha ākonga ki te 720. 1928 I whakaurua mai ētahi ākonga kura tuarua 50 ki te kura. 1931 He mea whakapāho ngā pāhoranga reo irirangi tuatahi ki ngā ākonga, ahakoa ēhara aua pāhoranga i te akoranga ōkawa. 1934 Kua piki te rārangi ākonga ki tōna 1,800 ākonga kura tuatahi me te tuarua, me ngā kaiako e 45. 1936 I whakatūria he Rōpū Ākonga o Mua, kātahi ka whakatūria te Rōpū Mātua me Te Ratonga Mātauranga Motuhake. 1948 I katia ngā kura katoa o Aotearoa ko te mate urutā whakamemeke te take. I whakakapia ngā mahi a ngā kura e Te Aho o Te Kura Pounamu, nāna i whakarite akoranga kia tukuna atu ki ngā kāinga katoa o te whenua, nāna hoki i whakapāho akoranga mai i Kohitātea ki waenganui i Paengawhāwhā 1948. 1949 He mea whakarewa te akoranga tuatahi i te reo Māori, he mea whakahaere te kura noho tuatahi mō ngā ākonga tāne (i muri atu i whakahaeretia ngā kura mō ngā ākonga tāne me ngā ākonga wāhine i ngā tau hohoko). 1955 I whakaaturia ‘A Letter to the Teacher’ , he kiriata mō Te Aho o Te Kura Pounamu, ki ngā whare pikitia puta noa i te whenua, ā, i whakaingoatia hei whakauru ki te Taiopenga Kiriata o Berlin. 1960 I whakamihia ā mātou mahi me ngā tamariki tuawhenua kua whai hiahia ako motuhake e te Kōmihana Roiara 1960, ā, i kimihia e mātou he ara whakawhānui i te ratonga. 1976 Ko te tau tuatahi tēnei i whakaurua ngā ākonga kōhungahunga (kei waenga i te 3 me te 5 ngā tau) kāore i taea te tae ā-tinana atu ki tētahi kura kōhungahunga nā te noho tawhiti, te māuiui, te hauātanga, te noho koroirangi rānei. I tua atu, i whakatuwheratia ōkawatia te whare kura pūmau tuatahi i Portland Crescent, Pipitea, Te Whanganui-a-Tara. E haere tonu ana ngā mahi a te kura i taua wāhi i tēnei wā. 1986 I nukuhia te kāwanatanga o te kura i Te Tari Mātauranga ki tētahi Poari Kaitiaki ka pōtihia. Te tekau tau mai i 1990 He wā tēnei i tino nui ai ngā panoni. I whakaurua te waeherepaetanga puta noa i te kura ki te tuhituhi i ngā nekeneke o ngā mahi me ngā rauemi ākonga ki te pokapū rauemi ākonga, i taua pokapū anō hoki. I whakawhanaketia ngā CD-ROM tuatahi me te pātengi raraunga ākonga (Xtend), ā, i whakaurua ngā wā whakaako pāhekoheko tuatahi ki ngā kura mā te whakamahi whakairoiro-ororongo. Ko te tau 1990 hoki te mutunga o te takiwātanga o ētahi mahi kōkiri pēnei i ngā pāhotanga reo irirangi me ngā kura noho. 1996 He mea whakapūmau te Pokapū Ako tuatahi i Ruatāhuna. 1999 I whakatuwheratia te Pokapū Rauemi Ākonga o te kura i Pito-one. 2001 He mea whakapūmau te whakamātau ī-ako tuatahi me te 300 ākonga e whai wāhi mai ana. I tapaina anō te Rōpū Matua hei The Correspondence School Parents’ and Supervisors’ Association (TCSPSA), ā, i te tau i whai ake rā ka noho te Rōpū o ngā Hoa o Te Aho o Te Kura Pounamu hei peka o te TCSPSA. 2004 Hei urupare ki te takarepa tahua o te $6 miriona he mea whakatū e te Minita mō te Mātauranga he Poari Kaitiaki hou, ko tā rātou he whakarite kia hoki anō te kura ki te oranga o te tahua i a ratou e tautiaki ana me te whakarei ake i te whakarato mātauranga. I whakatūria he tumu whakarae hou, ko tāna he whakatinana i ngā panoni ka hiahiatia. 2006 I tuwhene anō te tahua o te kura. He mea whakatū te Tumu Whakarae o nāianei, a Mike Hollings. 2007 I whakatinanahia he tauira whakahaere pūtea hou, ka whakawhanakehia he tauira whakarato me te tautoko hou ki te whakahohe i ngā hononga pakari ake i waenga i te kura rātou ko ōna ākonga, ō rātou whānau me ngā hapori. Ko tētahi wāhanga matua o te tauira whakarato me te āwhina hou ko te whakaraupapa anō i ngā kaiako hei rōpū marau-maha e aro ana ki ngā hapori tauwhāiti e kīia nei ngā rohe. Hei wāhi o aua panoni, he mea whakawhanake he hōtaka kōmitimiti hou e kīia ana ko Te Ara Hou mā ngā ākonga tau 7 ki te 10. I tīpakohia te kura hei tētahi o ngā 'rāpoi' maha kia whiwhi tahua mai i te whakawhanaketanga ngaio mō te hangarau mōhiohio i puta ai tētahi hōtaka whānui mō te whakawhanaketanga ngaio o ngā kaiako. Ko tēnei te whiwhinga tuatahitanga o ngā wāhi ki te kura i te hōtaka ā-motu o Gateway. 2008 I whakatuwheratia tō mātou tari ā-rohe tuatahi i Ōtautahi. I tapaina anō ngā 'kaiako akomanga' hei 'kaitohutohu ako', hei 'kaiako' rānei. 2009 I hurihia tō mātou ingoa ki Te Aho o Te Kura Pounamu (ko Te Kura te whakapotonga). I whakatuwhera ngā tari ā-rohe i Tamaki Makaurau me Kirikiriroa, i whakatūria ngā kairuruku hononga ki te tautoko i ngā ākonga kura paparua me ō rātou kura. 2010 He mea whakaroha ngā tari ā-rohe hei whakanoho i te tokomaha piki haere o ngā kaiako i ngā rohe. Hei mutunga iho o te pātuitanga i waenga i te Whakahaere Hauora Matua ā-Rohe o Whanganui me te kura ko tētahi kōkiri taurua ki te whakarato tautoko kanohi ki te kanohi ki ngā ākonga o Te Kura i te Pokapū Gonville. He mea whakawhanake tō mātou ara ako tūturu i runga anō i te tauira Big Picture angitu. 2011 I whakakapia anō ngā mahi a ētahi kura i te wā o te parekura, i tēnei wā i muri i te rū whenua e 6.3 te kaha i pā ki te rohe o Waitaha i te 22 o Huitanguru. Ko te tuatahitanga tēnei o te whakarato tuihono i te maha o ngā rauemi ako, ka mutu, ka tukuna e hia mano pukaiti ki ngā pokapū ako i Ōtautahi. Nā konei i haere tonu ai ngā mahi kura a ngā ākonga i ngā kura e aromatawaia ana mō ngā pakaru, e noho kati ana rānei. I kōwhiria a Te Kura kia mahi hei tētahi o ngā  kura ringarehe 10 hou, e whakaratohia ai he huarahi ki ngā ākonga kia whiwhi whiwhinga NCEA me te whiwhi i te Pōkaitahi ā-Motu i ngā mahi ringarehe, ahumahi hoki pēnei i te mātai pūhanga, te mātauranga kōhungahunga me te hanga whare. I whakarewaina e mātou ā mātou akoranga tuatahi kia noho tuihono katoa, ā, i whakamahi i tā mātou taiao ako tuihono hou. (Pawhiria ki te whakarahi i te pikitia) 2012 I oti i Te Kura ētahi panoni pūnaha te hanga, tae atu ki te whakatinana i tētahi pūnaha hou mō te whakahaere ākonga. 2013 He mea tīmata e Te Kura tētahi kaupapa ataata puoro tuihono i mahi ngātahi ai ētahi ākonga e 44 puta noa i te whenua, e noho tawhiti ana tētahi i tētahi, ki te hanga i tētahi ataata mō ‘Keep Moving’ , he waiata i tuhia e ētahi ākonga tokorua nō Te Kura e mahi ngātahi ai i runga i te ipurangi, me te kore tūtaki ā-tinana. 2014 I tīmataria e Te Kura tana Hōtaka Whakamātau Ako Tūturu, he kōkiri e whā tau te roa me Te Tāhuhu o Te Mātauranga kia whakarato i te tautoko kanohi ki te kanohi mō ngā ākonga wā kikī e 80 e noho mōrearea ana. 2016 He mea whakamānu e Te Kura tana taupānga pānui tuatahi , he mea whakawhanake tahi e mātou me te iwi o Te Ātiawa ki Taranaki Whānui, me tētahi kamupene whakawhanake o waho, a Kiwa Digital Limited. I kīia tēnei a ‘Ngake rāua ko Whātaitai, te kōrero pūrākau mō Te Whanganui-a-Tara', ā, he rauemi reorua, ko tōna aronga ko ngā tamariki e toru ō rātou tau neke atu rānei. NGĀ HONO WAWE Mō tēnei paetukutuku Ngā rongokōrero WĀHITAU Private Bag 39992 Wellington Mail Centre Lower Hutt 5045 New Zealand WHAKAPĀ MAI 0800 65 99 88 Copyright © 2018 Board of Trustees of Te Aho o Te Kura Pounamu. All rights reserved.