Ngā āhuatanga aromatawai motuhake | Te Aho o Te Kura Pounamu Ako Me Mātou Subjects and Courses Rohe Ākonga Ngā Kaiwhakarato Paparua Ngā kaitirotiro Mō Mātou 0800 65 99 88 info@tekura.school.nz ENG REO TAKIURU My Te Kura Kaimahi Whare Pukapuka Ngā Pūrongo Ākonga TES Ako Me Mātou Te āwhina mō ngā ākonga Ako Me Mātou Mō Te Kura Te Mātauranga Kōhungahunga Ngā Tau 1–6 Ngā Tau 7–10 Ngā Taumata NCEA taumata 1, 2 me te 3 Ngā ākonga i tāwāhi Te Ako Tuihono Te Ako Noa / Akoranga Tūturu Ngā Ara Mātauranga Kura Tuarua ki te Mātauranga Matua Te Kura Raumati Whakauru Ko wai ka āhei te whakauru? Me pēhea te whakauru Whakauru ināianei Ngā utu Ngā ture me ngā here Me tīmata Nau mai Ngā mea e hiahia ana koe Aku ako Me tīmata tuihono Te Whakamahi i Tōku Kura Te Oranga Te āwhina mō ngā ākonga Microsoft Office Koreutu Rorohiko pōnaho me te tautoko ipurangi Te tautoko ako Ngā āhuatanga aromatawai motuhake + Navigation . Ngā āhuatanga aromatawai motuhake Mēnā kei a koe he uauatanga taha tinana, taha hauora, taha tairongo, taha ako, taha hinengaro rānei, tēnā pea ka māraurau ki te whiwhi tautoko me ō aromatawai NCEA. E mōhiotia ana tēnei hei āhuatanga aromatawai motuhake (special assessment conditions (SAC)). Ka pēhea e mahi ai Ka whai wāhi ki ngā SAC ngā āhuatanga pēnei i te whai tangata (ehara nō tō whānau, ehara rānei i te hoa, i te kaiako rānei) ki te pānui, tuhituhi, patopato rānei mōu. Ka whai wāhi ki ngā SAC e whakaaetia noatia ana: he kaipānui, he kaituhituhi hoki/rānei te whakamahi i te rorohiko te wāhi noho motuhake te wā tāpiri Ako anō mō ngā āhuatanga aromatawai motuhake i te paetukutuku NZQA. Ngā mate ka kapi Kei roto i ngā mate whaimana mō ngā SAC ko: te anipā te takiwātanga (Autism Spectrum Disorder (ASD)) te aro pahara, mate tōtōā rawa (Attention Deficit Hyperactivity Disorder (ADHD)) te mate whakatīmohea te pāpōuri te mate tuhituhi - ngā uauatanga ā-reo tuhi te mate tīpaopao kupu - ngā uauatanga pānui me te tukatuka kupu te mate whakakori tinana - ngā uauatanga whakakori wāhanga o te tinana te hauātanga kite Tirohia te paetukutuku NZQA mō te rārangi katoa o ngā mate ka kapi i raro i ngā SAC. Me pēhea te tono Ko te pūtake mō te tono i ngā āhuatanga aromatawai motuhake e ahu mai ana i tō whakaurunga ki Te Kura. Ākonga wā kikī, ākonga taiohi me te ākonga utu utunga. He mārō ngā aratohu a te NZQA e pā ana ki ērā ka whiwhi i aua whakaritenga motuhake. Me whakarato taunakitanga o tō hauātanga mai i tētahi aromatawai motuhake, mai i tētahi pūrongo hauora rānei. Ka whai wāhi ki ngā taunakitanga tōtika: ko tētahi pūrongo SPELD hou, ko tētahi pūrongo aromatawai hirikapo hou rānei (iti iho i te toru tau te te tawhito) mō ngā uauatanga ako ko tētahi pūrongo mai i tētahi kaimātai hinengaro rēhita, tētahi tākuta rēhita rānei, kei te āhua tēnā o te momo hauātanga, mō ngā uauatanga taha hauora, taha tinana me te taha tairongo. Whakapā mai kī tō mātou rōpū Tohu i te 0800 65 99 88 kōwhiringa 3, ka īmēra rānei i te SAC@tekura.school.nz mō ngā tohutohu anō me pēhea te tuku tono. Ākonga paparua kura tuatahi Mēnā ko koe he ākonga kua whakaurua ki Te Kura me tētahi atu kura tuatahi kei reira koe ā-tinana, whāia ngā tohutohu mō te ākonga wā kikī, ākonga taiohi me te ākonga utu utunga. E tūtohu nei mātou kia whakapā atu koe ki te rōpū tautoko ako i tō kura kāinga (arā, te kura nāna koe i whakauru ki Te Kura) i te mea ka puritia pea e rātou he mōhiohio kia whakamahia pea hei taunakitanga mō te tono SAC. Whakapā mai kī tō mātou rōpū Tohu i te 0800 65 99 88 kōwhiringa 3, ka īmēra rānei i te SAC@tekura.school.nz mō ngā tohutohu anō me pēhea te tuku tono. Ākonga paparua kura tuarua Mēnā ko koe he ākonga kua whakaurua ki Te Kura me tētahi atu kura tuarua kei reira koe ā-tinana, me tono rawa koe i ngā SAC mō tō kura kāinga (arā, te kura nāna koe i whakauru ki Te Kura). Me whakamōhio i ō kaiako Te Kura kua whakaaetia koe mo ngā SAC. Te whakawhiti mai ki Te Kura Mēnā whakamanatia ngā SAC i tō kura tōmua, ka taea e mātou te tono kia whakawhitihia i tō āheitanga SAC ki Te Kura. Me whakamōhio mai tō mātou rōpū Tohu i te 0800 65 99 88 kōwhiringa 3, ka īmēra wawe tonu rānei i te SAC@tekura.school.nz . Mēnā he kaipānui, kaituhituhi rānei tōu i tō kura tōmua, mā tō mātou rōpū Tautoko Ako e āwhina ki te whakarite i tētahi kaipānui, kaituhituhi hou mōu ina whakawhitia ngā SAC ki Te Kura. Ngā whakamātautau ā-waho me ngā SAC Whakamahia ai ētahi SAC i ngā āhuatanga whakamātautau anake, hei tauira, te wāhi whakamātautau motuhahe, ngā wā whakatā, ngā aha, ngā aha. Ahakoa kāore pea koe e hiahia ana i ngā SAC i roto i te tau mō ngā aromatawai ā-roto, me whakamōhio wawe tonu mai i tō mātou rōpū Tonu mō ō SAC i te 0800 65 99 88 kōwhiringa 3, ka īmēra rānei i te SAC@tekura.school.nz . He kupu tautoko Ka whiwhi au i te tautoko wāhi noho motuhake. Ko te tikanga nei, ina mahi au i aku whakamātautau me noho au i roto i tētahi akomanga ko tōku kotahi, i te taha rānei o ētahi atu ākonga e hiahia ana i te wāhi whakamātautau motuhake, me tētahi kaitirotiro hei tirotiro haere. Kei a au tōku anō takiwātanga, ā, kua pau ēnei tau e waru kua hipa te kuraina i te kāinga. He tauhou ki a au te karapoti i te tokomaha o ngā ākonga, me te aha ka warea noa i ngā kitenga, ngā oro me ngā hā huri noa. Ka whakakore te wāhi ako motuhake i te kohuki o te haere ki te kura rahi ki te mahi whakamātautau. E tukuna ana ōku āwangawanga te whakangāwari i te taiao mārire kia tutuki ai i a au i ngā taumata ka taea. Matiu, Tau 12 E āhei ana au te whakamahi i te rorohiko pōnaho i aku whakamātautau, ā, he tino painga tērā mōku. Kua whakaatu mai ngā whakamātautau mātauranga kua pai ake ki taku roro te mahi mā te rorohiko, nō reira mā te whakamahi i te rorohiko pōnaho, ko te tikanga e whakaari ana āku haumāuiui i tāku e mōhio tūturu ai. He mea whakamāmā noa ki a au te mōhio kei a au te tūponotanga nui rawa e puta ai taku ihu i ngā whakamātautau. Monica, Tau 12 Ngā hono whaihua NZQA ngā aratohu SAC ngā aratohu kaipānui me te kaituhituhi Ētahi atu SPELD Dyslexia Foundation Autism NZ Rapua he kōrero atu anō Whakapā mai kī tō mātou rōpū Tohu i te 0800 65 99 88 kōwhiringa 3, ka īmēra rānei i te SAC@tekura.school.nz mō ngā kōrero ana, mēnā rānei, ki tō whakaaro, e māraurau ana koe ki te tono i ngā āhuatanga aromatawai motuhake. NGĀ HONO WAWE Mō tēnei paetukutuku Ngā rongokōrero WĀHITAU Private Bag 39992 Wellington Mail Centre Lower Hutt 5045 New Zealand WHAKAPĀ MAI 0800 65 99 88 Copyright © 2018 Board of Trustees of Te Aho o Te Kura Pounamu. All rights reserved.