Ngā ture me ngā here | Te Aho o Te Kura Pounamu Ako Me Mātou Subjects and Courses Rohe Ākonga Ngā Kaiwhakarato Paparua Ngā kaitirotiro Mō Mātou 0800 65 99 88 info@tekura.school.nz ENG REO TAKIURU My Te Kura Kaimahi Whare Pukapuka Ngā Pūrongo Ākonga TES Ako Me Mātou Whakauru Ako Me Mātou Mō Te Kura Te Mātauranga Kōhungahunga Ngā Tau 1–6 Ngā Tau 7–10 Ngā Taumata NCEA taumata 1, 2 me te 3 Ngā ākonga i tāwāhi Te Ako Tuihono Te Ako Noa / Akoranga Tūturu Ngā Ara Mātauranga Kura Tuarua ki te Mātauranga Matua Te Kura Raumati Whakauru Ko wai ka āhei te whakauru? Me pēhea te whakauru Whakauru ināianei Ngā utu Ngā ture me ngā here Me tīmata Nau mai Ngā mea e hiahia ana koe Aku ako Me tīmata tuihono Te Whakamahi i Tōku Kura Te Oranga Te āwhina mō ngā ākonga Microsoft Office Koreutu Rorohiko pōnaho me te tautoko ipurangi Te tautoko ako Ngā āhuatanga aromatawai motuhake + Navigation . Ngā ture me ngā here 1. Pūkete Pūmātauranga Me whakaū Te Kura i tā te ākonga pūkete pūmatauranga i tōna kura tōmua tae noa mai ki te wā whakauru. Me whakaoti rawa te tumuaki, te kaiako akomanga rānei o te kura tōmua i tētahi kōtaha mātauranga ākonga ki te tonoa. Mēnā kua kuraina te ākonga i te kāinga, me whakarato ngā kōrero e te whānau. Ka whakamārama te tauākī matatapu kei raro nei mā wai e āhei te uru ki aua mōhiohio. Mēnā he āwangawanga ōu, whakapā mai. 2. Matatapu E whakaritea ana kia kohikohi mōhiohio whaiaro a Te Kura mai i ngā ākonga hei tautuku ki ngā whakaritenga a Te Tāhuhu o Te Mātauranga me te Ture Mātauranga 1989. Ka whakamahia aua mōhiohio hei whakarato i te anga whakamua taha mātauranga me te anga whakamua whānui o te ākonga, mō te kawe anō hoki i ngā mahi a te kura. Ka whakarato pea te kura i aua mōhiohio ki rōpū kē mēnā e whai pānga ana ki te mātauranga, hauora, oranga, haumaru rānei o te ākonga, i te wā whakauru ki Te Kura, me muri atu anō hoki. Kei roto i aua rōpū kē ko ngā tari kāwanatanga pēnei i Te Tāhuhu o Te Mātauranga, Te Mana Tohu Mātauranga o Aotearoa, me Te Manatū Whakahiato Ora, me ngā kaiwhakarato mātauranga tuihono e tūtohu ana a Te Kura hei kaiwhakarato rauemi whai hua hei turuki i āna anō akoranga. Ka whakaratohia pea hoki te ingoa ākonga, te tau tuakiri me te wāhitau īmēra ki ngā kaiwhakarato tuihono ki te whakangāwari i te rēhita ki ā rātou paetukutuku. Mā te tuku tono whakauru, ka whakamana te ākonga i te kura ki te whakarato i ngā mōhiohio whaiaro pēnei ki rōpū kē e ai ki te tauākī tūmataitinga. I raro i te Ture Mātauranga 1989 me Ngā Aratohu Whakahaere ā-Motu, kua whai motika ngā mātua me ngā kaitiaki ki te uru ki ngā mōhiohio e pā tika ana ki ngā take e pā ana ki te mātauranga o ā rātou tamariki. I raro i te Ture Matatapu 1993, ka ahei Te Kura te tuku i ētahi atu mōhiohio whaiaro e puritia ana e Te Kura mō tētahi ākonga ki taua ākonga anake. Ka tukuna anake ngā mōhiohio whaiaro mō tētahi ākonga ki rōpū kē, tae atu ki ngā mātua me ngā kaitiaki, me te whakaaetanga ā-tuhi a te ākonga, i ngā wā hoki e kī ana te Te Ture Matatapu ka whakaaetia tētahi aweretanga. Kei a koe te motika ki te uru me te tono whakatikanga ki ngā mōhiohio whaiaro e puritia ana e te kura. Tēnā tukua mai ā-tuhi tō tono ki te Āpiha Matatapu o Te Kura. Ko ērā atu tono mōhiohio whaiaro mō tētahi ākonga kāore e āta hāngai ki tōna mātauranga me tuku mā te tono ā-tuhi ki te Āpiha Matatapu o te kura Whakamōhiotia mai te kura ki ō āwangawanga mō ngā mōhiohio e puritia ana e mātou e pā ana ki tēnei whakaurunga. Tirohia tā mātou wāhanga Matatapu mō ngā kōrero anō. 3. Tirotiro Mēnā ehara te kaitirotiro i kōharitia i roto i te tono i te matua, kaitiaki rānei o te ākonga, me whakapuaki rawa koe hei matua o tētahi ākonga i Te Kura: e mōhio ana koe ki te tangata i kōharitia hei kaitirotiro ākonga e whakapono ana koe ka taea e ia te ākonga te tirotiro i runga i te tōtika, he tangata ora, he tangata tika hei mahi hei kaitirotiro, ā, kāore e noho mōrea ana te ākonga kāore koe e mōhio ana ki tētahi mea hei whakaatu kaōre i te tika taua tangata hei kaitirotiro ākonga (tae atu engari e kore e herea ki ētahi whiu taihara). Ka whakaūngia tenei e tō whakaae ki te tauākī whakapuakanga i te tono whakauru a to ākonga. 4. Motuhēhēnga Me whakarite a Te Kura nā te ākonga anō ngā mahi ka tāpaetia kia aromatawaia. Me whakarite e te matua/kaitiaki kia tino mārama ki te ākonga e whakauru mai ana ki ngā akoranga ko te whiwhi tohu te whāinga nā te ākonga anō ngā mahi ka tukuna kia aromatawaia. Ka mātaihia pea ngā mahi ka tāpaetia kia aromatawaia e ngā pūmanawa kite tārua whānako. Ka whakaūngia tenei māramatanga e tō whakaae ki te tauākī whakapuakanga i te tono whakauru a to ākonga. Ko te tikanga nei: E herea ana te ākonga ki te tāpae i āna ake mahi kia aromatawaia, ka haina i te tauākī motuhēhē kei te whārangi uhi o ngā mahi aromatawai katoa hei pūtāhui o taua here. Mēnā e mahi tuihono ana i te NCEA Taumata 1, ka waitohu te ākonga rāua ko te kaitirotiro i tētahi tauākī motuhēhē i te tīmatanga o ia akoranga, tērā ka tukuna atu ki te pouakataka kua tohua i te taiao ako tuihono o Te Kura (Tōku Kura). Ka whakaoti anō hoki te ākonga i te tauākī motuhēhē tuihono mō ngā mahi aromatawai katoa i te wā tāpae. Mō ngā akoranga ko te whiwhi tohu ā-motu mō Aotearoa te whāinga. me tirotiro pea ētahi mahi aromatawai. Ka whakatarohia ēnei i roto i ngā mōkī kua hīratia. ā, me mahi rawa me te kaitirotiro mā te whai i ngā here whakamātautau. Me haina rawa te ākonga rāua ko te kaitirotiro i te tauākī motuhēhē kei te whārangi uhi. E pēnei ana te tikanga mō ngā whakamātautau katoa. Mēnā e mahi tuihono ana i te NCEA Taumata 1 ka tukuna ngā mahi aromatawai ki te ākonga e tōna kaiako, ā, me mahi rawa me te kaitirotiro mā te whai i ngā here whakamātautau. Me oti rawa i te ākonga te tauākī motuhēhē tuihono, me hoatu i te ingoa o te kaitirotiro me te hononga o te kaitirotiro ki a ia ina tukuatu i te mahi aromatawai ki te pouakataka kua tohua i Tōku Kura. E pēnei ana te tikanga mō ngā whakamātautau katoa. 5. Ngā amuamu Ka āhei ngā kaitirotiro me ā rātou ākonga te matapaki i ngā hiahia ako me ngā āwangawanga o ngā ākonga ki ngā kaimahi o Te Kura. Ki te kore e taea te āwangawanga te whakatatū, he manatūnga amuamu ōkawa ō Te Kura E āhukahuka ana a Te Kura kia tau te wairua o tētahi ākonga e tuku amuamu ana, kia tautokona ia, kia mōhio kāore e whakatikia tōna ahu whakamua taha mātauranga nā tana tuku i te amuamu. 6. Hangarau Whakawhitiwhiti Mōhiohio Mā te whakamarutanga me te haumaru o ngā ākonga e whakauru ana ki Te Kura tēnei Whakaaetanga Whakamahi Ākonga i te Hangarau Whakawhitiwhiti Mōhiohio i Te Kura. Mā te whakaae ki taua tauākī whakapuaki nei i roto i tō tono whakauru, e whakaae ana koe ki te tautuku ki ngā ture o taua whakaaetanga. Ina whakamahi i te hangarau whakawhitiwhiti mōhiohio kāore pea e taea e Te Kura te ārai i ngā wā katoa ngā rawa kāore i te tika. Kia kite i te aratohu o ngā momo rawa e kitea ana e Te Kura hei mea kāore i te tika, haere ki te paetukutuku Netsafe . Nā reira kei a koe te kawenga kia: kaua e āta uru ki ngā rawa pēnei kaua e tohatoha i ēnei momo rawa mā te tārua, te tā, te īmēra, te tare rānei ki te ipurangi, tētahi atu arapāho rānei, ā, kia kaua e whai wāhi ki aua momo rawa. Me whakamahi i te hangarau whakawhitiwhiti mōhiohio o Te Kura mō ngā pūtake mahi kura anake. Kaua rawa e whakamahi ngā whakaurunga rorohiko a Te Kura mō tētahi atu pūtake, mā te āhua rānei ka tūkino pea i ētahi atu. Ki te tūpono mōhio koe, ka tūpono uru koe rānei ki ngā rawa kāore i te tika i te hangarau whakawhitiwhiti mōhiohio a Te Kura, me pūrongo wawe tonu ki tō kaiako. Kei Te Kura te motika ki te aroturuki i ō whakawhitiwhitinga, ō mahi, ō raraunga rānei e pā ana ki ngā hangarau whakawhitiwhiti. He kaupapahere Haumaru ā-Ipurangi hoki tō Te Kura mō te whakamaru me te haumaru o āna ākonga 7. Wātea akoranga Me tango e Te Kura, me whakatiki te tokomaha e whakauru ana rānei, ki tētahi akoranga i ngā wā katoa. Mēnā ka whakauru koe ki tētahi akoranga ka tangohia i muri atu, e whakaitikia ai rānei te tokomaha o ngā whakaururnga, mā mātou e whakapā ki a koe ki te matapaki i ētahi atu kōwhiringa. Tirohia Ngā marau me ngā akoranga kia kitea ngā mōhiohio hou rawa mō ngā akoranga wātea me te āheitanga 8. Ngā tuemi mā ngā ākonga e whakarato Ko te whakaritenga mō ētahi marau, māu āu ake rauemi e whakarato, ngā utauta ororongo/ataata hoki/rānei, ngā pukapuka ako hoki/rānei. Mēnā ka tuihono tō akoranga me whai urunga koe ki tētahi rorohiko me te ipurangi. Hei whakamahi i ngā rauemi ororongo/ataata me whai urunga koe ki ngā utauta e hiahiatia ana ki te whakahaere, te whiwhi rānei i aua rauemi. Tirohia Ngā marau me ngā akoranga kia kite i te rārangi o ngā marau, me ngā rawa, utauta, pukapuka hoki e hiahiatia mō ia akoranga, ka whakapā mai rānei i te 0800 65 99 88. 9. Ngā utu me te kaupapahere whakahoki moni a Te Kura Ka utua ngā utu mō ia akoranga e ngā ākonga utu utunga. Me utu te utu katoa i te wā whakauru, kāore e taea te utu harangote. Ka utaina he utu haurua tau ki ngā ākonga e whakauru ana i muri i te 30 o Pipiri. Ka whakahokia e te waru tekau ōrau o ngā utunga akoranga he mea utu e te ākonga utu utunga mēnā ka whiwhi mātou i te tono wehe i mua i te rā mōnehu, ko te kotahi marama tērā i muri i te otinga o te whakaurunga. Kei te Kaiwhakahaere Ratonga Whakauru te tikanga ki te whakaae ki ngā whakahokinga utu mō ngā tono wehe i tua atu i te kotahi marama, ā, ka whai whakaarohia anake pea ina kitea he āhuatanga tine rerekē. Kāore he whakahokinga moni mō ngā rauemi (tae atu ki ngā taputapu) ka whakahokia ki Te Kura. Ka utaina he utu whakahaere mō ia akoranga e whakauru ana hei pakeke. Me utu te utu katoa i te wā whakauru, kāore e taea te utu harangote. Kāore e taea te utu whakahaere te whakahoki ā muri i te otinga o te tukanga whakauru. Kāore he whakahokinga moni mō ngā rauemi (tae atu ki ngā taputapu) ka whakahokia ki Te Kura. 10. Te roa o te whakaurunga (ngā Pakeke me ngā Ākonga utu utunga) Ka toro atu te wā o te whakaurunga kia oti rā anō ngā aromatawai taumata marau hāngai katoa mō tō hōtaka, tae noa rānei ki te mutunga o te tau, te mea tuatahi o ēnei kia taea. Ki te kore e rite tonu ō whakahoki mahi ka tangohia koe i te rārangi ingoa (e pā ana ki te hunga pakeke anake). Me utu he utunga akoranga anō ki te hiahia koe te whakauru anō hei whakaoti i tētahi akoranga, te whakauru rānei ki tētahi huarahi hou (mō ngā kaiutu utunga anake). Me utu he utunga whakahaere anō ki te hiahia koe te whakauru anō hei whakaoti i tētahi akoranga, te whakauru rānei ki tētahi huarahi hou (mō ngā ākonga pakeke anake). 11. Ngā haepapa tiaki ākonga (mō ngā kaiutu utunga anake) Me whakahere tonu rawa te matua, kaitiaki ā-ture rānei i te ahunga whānui o te mātauranga, tae atu ki te tiakinga, ki tā te ture e kī ai, o ngā ākonga pupuri aweretanga i te whakauru ki roto i tētahi kura rēhita. NGĀ HONO WAWE Mō tēnei paetukutuku Ngā rongokōrero WĀHITAU Private Bag 39992 Wellington Mail Centre Lower Hutt 5045 New Zealand WHAKAPĀ MAI 0800 65 99 88 Copyright © 2018 Board of Trustees of Te Aho o Te Kura Pounamu. All rights reserved.