Ngā Ara Mātauranga Kura Tuarua ki te Mātauranga Matua | Te Aho o Te Kura Pounamu Ako Me Mātou Subjects and Courses Rohe Ākonga Ngā Kaiwhakarato Paparua Ngā kaitirotiro Mō Mātou 0800 65 99 88 info@tekura.school.nz ENG REO TAKIURU My Te Kura Kaimahi Whare Pukapuka Ngā Pūrongo Ākonga TES Ako Me Mātou Ako Me Mātou Ako Me Mātou Mō Te Kura Te Mātauranga Kōhungahunga Ngā Tau 1–6 Ngā Tau 7–10 Ngā Taumata NCEA taumata 1, 2 me te 3 Ngā ākonga i tāwāhi Te Ako Tuihono Te Ako Noa / Akoranga Tūturu Ngā Ara Mātauranga Kura Tuarua ki te Mātauranga Matua Te Kura Raumati Whakauru Ko wai ka āhei te whakauru? Me pēhea te whakauru Whakauru ināianei Ngā utu Ngā ture me ngā here Me tīmata Nau mai Ngā mea e hiahia ana koe Aku ako Me tīmata tuihono Te Whakamahi i Tōku Kura Te Oranga Te āwhina mō ngā ākonga Microsoft Office Koreutu Rorohiko pōnaho me te tautoko ipurangi Te tautoko ako Ngā āhuatanga aromatawai motuhake + Navigation . Ngā Ara Mātauranga Kura Tuarua ki te Mātauranga Matua He wāhi o te ara ako tūturu o Te Kura, ka āhei ngā ākonga Taiohi Wā Kikī Tau 11 ki te 13 te mahi i ngā akoranga i ngā Wānanga mātauranga matua, i tētahi taiao mahi e aro ai rātou te whai hei umanga. Mā tēnei ngā ākonga e āwhina ki te whakapakari mōhiotanga me ngā pūkenga i roto i te wāhi ako kua kōwhiria e rātou i a rātou e mahi ana kia tutuki tētahi tohu hāngai. Mā tō kaitohutohu ako Te Kura koe e āwhina ki te tautuhi whai wāhitanga wāhi mahi Star, Trades Acdemy, Gateway rānei i tō hapori e ōrite ana ki ō kaingākautanga. Pānuitia ētahi atu kōwhiringa ako hei whāinga māu: Gateway He hōtaka whiwhi wheako i te wāhi mahi a Gateway mā ngā ākonga kura tuarua taipekeke ake. Mā te Gateway ka kite wheako koe i te oranga mahi i a koe i te kura tonu, ka ako i ētahi pūkenga me te whiwhi paerewa i taua wā tonu. Mā wai e āhei te tono mai? Ka āhei ngā ākonga wā kikī kei ngā Tau 11–13 te tono i tētahi tūnga i Gateway. Ko te ako mā te ākonga anō e whakahaere te arotahi o Gateway, nā reira me hihiri, me tākare, me rite ki te mahi ngā ākonga. Ka whiwhi koe i ēhea tohu? Ka whakawhanakehia tētahi Mahere Ako Gateway mā tēnā, mā tēnā ākonga e whakamahi ana i ngā paerewa ahumahi, marau hoki o Te Kura e hāngai ana ki te tūnga wāhi mahi o te ākonga. Ka whakarato ia Mahere Ako Gateway i te 20 whiwhinga i te iti rawa. Ka pēhea e mahi ai? Kia rite tonu, kia haere tonu ō mahi mō te 10 rā i te iti rawa i tētahi wāhi mahi e ngākaunui ai koe. Ka rārangitia i raro nei ngā ahumahi noa i whiwhi tūnga wāhi mahi ai ā mātou ākonga, ahakoa ka taea te mahi i ētahi atu rāngai – māu e whakamōhio mai ki tō hiahia. Ahumahi motokā. Hangatanga me te hanga whare. Mahi pāmu. Mātauranga kōhungahunga. Hiko. Ahumahi whakatipu hōiho. Manaaki. Hokohoko. Puta noa i te roanga o te hōtaka ka whiwhi i te whakangungu i te wāhi mahi me te mahi whakaruruhau mai i tētahi kaitirotiro wāhi mahi. Ko te whakarite anō hoki, me oti tō Mahere Ako Gateway whiwhinga 20. Ka whai wāhi ki tēnei ngā whakaaro ariā me ētahi mahi whaitake ka aromatawaia i tō wāhi mahi. Ko te tikanga, kāore e utua te tūnga mahi Gateway. Me pēhea taku tono? Hei whakamōhio mai ki tō kaingākau, whakaotia tā mātou puka tono Gateway , kōrero atu ki tō kaitohutohu ako, ka īmēra i Kathryn Smith ka waea atu rānei ki a ia i te 0800 65 99 88 toronga 8552. Ahakoa ka āhei te tono i ngā wā katoa, he iti ngā tūnga Gateway e wātea ana, nō reira ko te tūtohu me wawe tonu tō tono. He kōrero anō mō Gateway Mō ētahi kōrero anō mō Gateway, kōrero atu ki tō kaitohutohu ako, ka īmēra i Kathryn Smith ka waea atu rānei ki a ia i te 0800 65 99 88 toronga 8552. He kupu tautoko I pai ki a au te whiwhi whiwhinga i a au e mahi ana i ngā mahi tino pai ki a au, arā, te mahi i waho i te pāmu. He tino āwhina ki ahau i te mea e āhei ana te ako mea hou tērā ka āwhina mai ki te whakatutuki i toku whāinga, te haere ki Otiwhiti [he Kura Whakangungu Ahuwhenua] ako ai. I tua atu, he whaihua hoki ngā wheako mahi mō te ao tūturu. Shiann, hōtaka mahi pāmu Primary ITO Gateway Ko te mea tino pai ki ahau ka taea te whakawhāiti i ngā mahi kura kia tau ai ki ō tino hiahia; me ngā marau ka āwhina i ahau, kaua ko ngā marau whakature kāore e hāngai ana ki tāku e hiahia ana ki te mahi. Tom, Gateway i te Ao Rererangi I mōhio haere au ki ngā āhua e whakahaeretia ana ngā pakihi rahi pēnei i Te Warewhare, me te ako ki te whakahaere kaimahi me te whakahaere rawa hoko. Nā te mea he pakihi tino rahi, me tino mōhio haere koe, me tino whakapau wā kia mātau ai ki ngā āhua katoa e mahi ai. Shannon, te hōtaka Hāte Whero kei ngā Kura I tino pai ki a au tōku āhei ki te whiwhi whiwhinga i a au e ako ana i ngā mea hira me ngā pūkenga hāngai. He maha ngā whai wāhitanga ka whakaratohia e Gateway hei whāinga māu. I taea te whakaoti ētahi akoranga whakaora whawhati tata tino mīharo, ka āwhina anō hoki i a au kia takatū mō taku raihana tauira kaitaraiwa. Pai mutunga te ariā o te whiwhi tūnga wāhi mahi – āhua rite ki te mahi hei pia. Kei te tūtohu nei au i Gateway, kei reira te tino whānuitanga o ngā akoranga e wātea ana. Beth STAR Ki te aro koe ki tētahi umanga tauwhāiti, ka āwhinatia pea koe e tētahi akoranga STAR (Secondary Tertiary Alignment Resource - Rauemi Whakahāngai Mātauranga Tuarua me te Mātauranga Matua) kia mōhio ai mēnā he pai taua umanga māu, kaore rānei. He akoranga poto ngā akoranga STAR e whakahaeretia ana i ngā kuratini me ngā whare whakangungu motuhake mā ngā akonga kura tuarua. He huarahi tino pai ngā akoranga STAR hei whakapiki atu i tō mōhiotanga mō te ako haere ki tētahi umanga. He akoranga poto ngā akoranga STAR e whakahaeretia ana i tētahi kuratini, whakarato motuhake rānei ka whāia e koe i a koe i te kura tonu. He maha ngā akoranga STAR mō te maha o ngā marau rerekē. Ko ētahi o ngā akoranga e tino manakohia ana kei ngā marau pēnei i te Kuti Makawe me te Ātaahua, te Ahumahi Motokā, te Hanga Kawhe, me te tuhituhi papatono Rorohiko. Ka pēhea e mahi ai? Ka whai wāhi koe ki tētahi hōtaka wā poto mō ētahi rā i te wā, mō tētahi rā rānei i te wiki kia pau rā anō ētahi wiki. Ko wai ka āhei te tono mō tētahi akoranga STAR? Ka āhei ngā ākonga wā kikī me nga taiohi kua whakauru ki te toru neke atu rānei ngā marau te tono. E mariu ana mātou ki ngā ākonga Tau 11–13, engari he wā anō ka whai wāhi ngā ākonga Tau 10. Mēnā ka whakaaehia, ka kapi i Te Kura ngā utunga akoranga. Te pūtea tautoko hāereere Ka āhei ngā ākonga STAR te tono pūtea tautoko hāereere. Mēnā ka haere koe mā te ikiiki tūmatanui, me whakarato tārua o ō tīkiti, tētahi rihīti hoko i te taha o tētahi pukakī pūtea tautoko hāereere . Mēnā ka haere mā runga motokā, me tuhi i ngā kiromita kua haeretia. Mō ngā kōrero anō, whakapā ki a Chris Berentson . He aha ngā akoranga e wātea ana i taku rohe? Pāwhiria tō rohe i raro nei kia kite i ngā akoranga e wātea ana i tō rohe. Mēnā ka pīrangi kē koe ki tētahi mea ehara i runga i te rārangi kei raro, tēnā whakamōhiotia mai. Whāngārei Tāmakimakaurau Waikato Te Moana a Toi Te Matau-a-Māui/Tūranganui-a-Kiwa Manawatū/Whanganui/Taranaki Te Upoko o te Ika/Wairarapa Te Waipounamu Ngā hopuni e utua ana e STAR E whakarato ana a Te Kura i ia tau i ngā hopuni noho e rua mō ngā ākonga Te Kura wā kikī. E tū ana tā mātou hopuni i Te Ika-a-Māui i te hopuni Pokapū Mātauranga ā-Waho o Hillary, e pātata ana ki Ruapehu, ā, e tū ana te hopuni i Te Waipounamu i te Pokapū Mātauranga ā-Waho o te Awa Boyle i te ara kūiti o Lewis. Mēnā he ākonga Tau 11 koe, he ākonga o tua atu rānei ka āhei te tono ki te haere atu ki taua akoranga. E wātea ana ngā tūnga e 20 ka utua i ia akoranga, ā, mā Te Kura ērā e utu. Ko ētahi o ngā ngohe kei te hopuni ko ngā ara e whakamahia ai ngā taura, te pātū piki, te hīkoi maunga, te haere mā runga waka, te piki kōhatu me te heke pari mā te taura. He Kupu Tautoko Hopuni Ngā mihi mō kotou i whakarite kia haere au ki te akoranga Mātauranga ā-Waho o Hillary. Tino pārekareka ki ahau, tino ngahau rawa, ā, me te pai o taku whakahoahoa ki ētahi. Ingoamuna Ko tēnei taku mihi atu ki a koutou i whakaae kia haere tā māua tamāhine ki te hopuni Mātauranga ā-Waho o Hillary. I tino harikoa i tana hokinga mai ki te kāinga, me tāna kī he hoa hou papai ōna ināianei. I kī hoki ia kua tino hohota atu, me tōna mīharo ki tāna i whakatutuki ai. Ko te mutunga iho, he hira ki a ia taua hopuni. E mīharo ana māua ki ngā mahi whakahaere me te tiaki i tā māua tamāhine. Te whānau Thomas Rapua he kōrero atu anō Me tāpui rawa ngā akoranga STAR e ngā mema o te rōpū whakawhanake o Te Kura. Rapua te hoapā o te takiwā mō ngā akoranga STAR i raro nei, ka matapaki rānei i tō kaingākautanga ki tō katohutohu ako. Te Rohe ki te Raki – īmēratia a Matthew Smith ka waea rānei ki a ia i te 0800 65 99 88 toronga 8572 Te Rohe o te Raki ki Waenga, o Waenga ki te Tonga hoki – īmēratia a Chris Berentson ka waea rānei ki a ia i te 0800 65 99 88 toronga 8479 Te Waipounamu – īmēratia a Warrick McCutcheon ka waea rānei i te 0800 65 99 88 toronga 8374 He Kupu Tautoko STAR He maha ngā akoranga STAR i oti i a au, me te pārekareka o te katoa. E kite wheako ana koe i ngā momo mahi me ngā momo umanga rerekē me te kore e mate kia ū tonu mō te wā roa. He poto ngā akoranga STAR, ā, kua whai whiwhinga (aromatawai) te nuinga, me te aha ka whaihua te wā kua pau i te akoranga. He tino tautoko ngā kaiwhakaako i tō whakatutuki i ngā putanga ako, he pai hoki ki a rātou te whakautu i ō pātai me te homai whakahokinga kōrero. Melissa Te Kura Mahi ā-Rehe o Huarahi Ka whakarato a Te Kura i ngā hōtaka mahi ā-rehe puta noa i Aotearoa mō ngā ākonga i te Tau 11, i tua atu rānei. Ko aua akoranga: he hōtaka whaitake, ā-ringa hoki kei ngā whakahaere mātauranga matua pēnei i ngā kuratini me ngā whakahaere whakangungu motuhake. ko te tikanga he kanohi ki te kanohi, i te rā kotahi, i ngā rā e rua rānei i te wiki. E ahu atu ana ngā hōtaka ki te NCEA Taumata 2, ki ngā whakangungu anō me ngā mahi ako ki ō whāinga, ki tētahi umanga rānei. E whai wāhi ai, me ākonga wā kikī rawa koe i Te Kura, me Taiohi rawa koe, e whai ana i te toru marau i te iti rawa i te NCEA Taumata 1, ā, me ū rawa ki te whakaoti i te hōtaka i roto i te kotahi tau, i te rua tau rānei. Ka pēhea e mahi ai? Ka haere koe ki tētahi akoranga Kura Mahi ā-Rehe mō te rā kotahi, ngā rā e rua rānei i te wiki me tētahi o ō mātou hoa whakahaere. Ko ētahi o ō mātou hoa whakahaere ko: Te Ara Rau, Taumata Rau – Hakatere, Ōtautahi, Te Oha-a-Maru, Te Tihi-o-Maru Enviroskills – Te Tai Tokerau me Rotorua G and H Trade Training – Te Ika-a-Maui whānui (tirohia ā mātou mātārere mō ngā kōrero mō te mahi kāmura me te whakangungu ahumahi motokā) – Tāmaki ki te Rāwhiti, Kiririroa, Ahuriri, Te Rakipaewhenua, Te Papaioea, Te Whanganui-a-Tara, Whāngārei Te Kura Mahi ā-Rehe o Te Matau-a-Māui (Te Aho a Māui) – Tūranganui-a-Kiwa me Heretaunga Land Based Trade Academy (National Trades Academy) – Ōtautahi Te Kura Mahi ā-Rehe o Te Whare Takiura o Manukau - Tāmakimakaurau Tai Tokerau Wānanga - Whāngārei Otago Secondary-Tertiary College (Te Kuratini ki Ōtāgo) – Wairere me Ōtepoti PITA (Taratahi) – Te Ika-a-Māui Te Kura Mahi ā-Rehe o Taranaki (Te Kura Matatini o Taranaki) Toi Ohomai – Te Moana-a-Toi Top of the South Trades Academy (Te Whare Wānanga o te Tau Ihu o Te Waka a Māui) – Wairau me Whakatū Te Whare Wānaga o Wairaka - Tāmakimakaurau U-Skills (Te Pae Mātauranga ki te Ao) – Te Oreore, Te Papaioea me Whanganui Kura Mahi ā-Rehe o Waikato (Te Kuratini o Waikato) – Kirikiriroa, Pukekohe me Hauraki Kura Mahi ā-Rehe o Te Whanganui-a-Tara (Te Whare Wānanga o te Awakairangi/Whitireia West Coast Trades Academy (Tai Poutini) – Māwhera me Kawatiri. Te Whare Wānanga o Murihiku I tua atu, e wātea ana ngā akoranga tawhiti mā PORSE. He riterite tonu tā mātou kimi hoa hou me ngā whai wāhitanga mā ā mātou ākonga. Mēnā e aro atu ana koe ki tētahi hōtaka, kaiwhakarato rānei kāore i rārangitia i konei, me whakapā ki te Rōpū Whakawhitinga Rangatahi mā te huarahi@tekura.school.nz He aha te painga ki a au? He ara mahi ā-ringa, whaitake hoki hei takatū i a koe ki te mahi, mō ngā ako anō i te taumata mātauranga matua. He mahere ako takitahi he mea ahu mai i ō kaingākautanga me ō wawata. Te māia me te kiritau pai ake, me te pai ake o tō rite ki te mahi. Te tūponotanga ka tere ake tō urunga ki te ohu mahi, te whakangungu mahi ā-rehe hoki/rānei. Mā wai e āhei te tono mai? Kia āhei ai koe ki te tono tūnga i te hōtaka Te Kura Mahi ā-Rehe o Huarahi: me ākonga kura tuarua koe, ā, me whakauru ki Te Kura i roto i te toru marau i te iti rawa i te NCEA Taumata 1. He here wā kikī tēnei, kotahi, e rua rānei tau te roa, ahakoa ka taea e ētahi ākonga ō rātou whāinga te whakatutuki i te wā roa atu, te wā poto atu rānei. Kāore he utu ako. Rapua he kōrero atu anō Mēnā e aro atu ana koe ki te whai wāhi ki Te Kura Mahi ā-Rehe o Huarahi, kōrero ki tō kaitohutohu ako, ka whakapā rānei ki a Kathryn Smith i te 0800 65 99 88 toronga 8552, ka īmerā rānei i huarahi@tekura.school.nz . He kupu tautoko Tau kē ngā wheako akomanga mō te whakahoahoa. Ka pōhēhē koe ka āpuru i roto i te akomanga kī tonu i te tauhou, engari e kāo; kei roto te katoa i te waka kotahi. Ka ako haere ki te mahi tahi ki ngā kaupapa, te werawera tahi i te whare whakapakari tinana, te kōrerorero tahi mō nga mahi me te kai tahi i ngā kepapa i ngā wā whakatā. Mā te haere ki tētahi pūtahitanga mātauranga tuatoru e kite koe he aha e tūmanakohia i a koe i taua taumata – tō whanonga me tō titikaha ki te mahi. Jeanli, Hauora (Te Pae Mātauranga ki te Ao) I tino pārekareka ki ahau te wheako, ka āwhina hoki i au ki te whakatau he aha ngā kōwhiringa umanga māku mō anamata. He āwhina, he whakahoahoa ngā kaiwhakaako, he huarahi tino pai mō te tūtakitaki i ngā tāngata hōu. Sarah, Ngā Toi (Te Kura Matatini o Taranaki) Te Hono ki te Mātauranga Matua E whakaaro ana koe ki tētahi umanga me te pīrangi ki te whai i ngā ako tōmua? Ka taea e mātou te whakarato ētahi marau whaitake i te taumata mātauranga matua kei waho i te marautanga kura. Ka āhei ngā ākonga i te Tau 12 te tono i te ako i ēnei marau: Mātauranga Kōhungahunga Tāpoi Mahi Pāmu Ahumahi Motukā me te Whai Motokā* Mātai Hōiho * Ka taea ngā paerewa tautiaki me te whai motokā te oti i ngā ākonga Tau 11. Ka pēhea e mahi ai? Ko te nuinga o ngā akoranga Hono ki te Mātauranga Matua he akoranga ā-ariā, engari kei reira pea ētahi mahi whaitake. Mā ēnei koe e whakamōhio ki te āhua o te ako i te taumata mātauranga matua – ka āwhina pea hoki i a koe ki te mōhio mēnā he pai māu tētahi huarahi umanga. Mā wai e āhei te tono mai? E wātea ana ngā akoranga Hono ki te Mātauranga Matua ki ngā ākonga taipakeke – ahakoa ngā mea wā kikī, ki ngā taiohi rānei kua whakaurua ki ngā marau e toru, neke atu rānei. He rerekē ngā paearu o tēnā marau, o tēnā marau, nō reira me pānui i te pepa mōhiohio kei runga ake kia kite mēnā e ahei ana te tono. Mēnā e aro ana koe ki te whakauru, kōrero ki tō kaitohutohu ako kia kite mēnā e whakaaro ana ia ka arotau tētahi akoranga Hono ki te Mātauranga Matua ki a koe. Ki te whakaaetia, ka utua ngā utu e Te Kura. Ako atu anō He tangata whakapā rerekē tō tēnā marau, tō tēnā marau. Tirohia ā mātou pepa mōhiohio kia mōhio ai me kōrero koe ki a wai. He kupu tautoko Tōku māringanui hoki kia pēnei te hōhonu o aku akoranga mō te pī. Ka rawe ki a au te akoranga katoa. Nā ngā kōrero āmiki i roto i ngā pukapuka mahi he māmā noa te whai haere. I tino nui ngā mea i ako au i Telford – me mihi ka tika. He mate tīpaopao kupu tōku, nā reira ka roa ake te wā mōku tētahi mahi te whakaoti, engari nā te tino pārekareka i māmā noa te whai haere, me taku pōuri kua mutu. Ka tino whakapau kaha a Chris Berentson ki te āwhina, kei tērā atu pito o te waea ia me tōna rite ki te whakarongo. I ngā wā katoa he takatika, he whakamiha tonu ia, ka mutu ka tino tupu haere taku māia. He pai, he āwhina hoki ērā atu kaiako i Telford. Rupert, Mātai Pī (te tiaki pī) He mea tino nui ki a au ka whiwhi pōkaitahi koe mō te mātai hōiho, nā te mea ko ngā pōkaitahi karapu poni tērā atu kōwhiringa, ā, me whai hōiho kē koe mō ērā. He akoranga tino pai, me te nui o aku ako. India, Mātai Hōiho Te tautoko umanga Kei Te Kura e ako ana ngā ākonga ki ō rātou kōwhiringa umanga, ka whakawhanake i ngā pūkenga e hiahia ana rātou mō ō rātou umanga ā muri ake. Ka āta mahi tahi kōrua ko tō kaitohutohu ako ki te torotoro i ngā kōwhiringa umanga e aro ai koe. Ka whakarato anō hoki a Te Kura i te whānuitanga o ngā whai wāhitanga ako, kei roto ko te STAR , Gateway , Te Hono ki te Mātauranga Matua , Te Kura Mahi ā-Rehe me Ngā Huarahi Mātauranga . Mā ēnei koe e āwhina kia ako atu anō mō ngā umanga ka taea pea me ngā mahi me te whakangungu hāngai e wātea ana. Kei te whakawhanakehia tētahi tomokanga Umanga mā Tōku Mahere (Korowai). Mēnā ka hiahia ki te kōrerorero atu anō mō ō kōwhiringa umanga me te ako, waea atu ki tō kaitohutohu ako i te 0800 65 99 88. Puna ataata umanga Ka whakarato tā mātou puna ataata i te tirohanga hōhonu ki te whānuitanga o ngā umanga i Aotearoa. Kei roto i te puna 120 ngā puni mai i te punipuni a TVNZ, i Just the Job. Ka tautuhi ia ataata i ngā kaha whaiaro me ngā āhuatanga whaiaro ka hiahiatia mō ia ahumahi, me ngā marau me ngā whiwhinga NCEA ka hiahiatia ki te uru atu. Ka whakaatu te puna i te whānuitnga o ngā mahi, mai i te ahumoana, te hanga whare me te mātai pūhanga, ki te kuti makawe me te taitapa. Pāwhiria kia kite i ngā ataata He mōhiohio atu anō Mō ētahi atu mōhiohio mō ngā umanga me ngā tohutohu ako, waea atu ki tō kaitohutohu ako i te 0800 65 99 88. Ka āhei hoki te whakapā ki te kaiārahi marautanga o Ngā Huarahi Mātauranga i te 0800 65 99 88 toronga 8939. Ko te Mana Rapuara Aotearoa he puna rawe o ngā mōhiohio mō te mahi me te whakangungu i Aotearoa. Ka taea anō te waea i te 0800 222 733. Ka whakarato a NZQA i ngā mōhiohio mō ngā whiwhinga NCEA, ā, he rauemi āwhina ā rātou. Ka hoatu āwhina a StudyLink mō ngā utu ako, me te āwhina i a koe ki te whakaoti i ō ako. NGĀ HONO WAWE Mō tēnei paetukutuku Ngā rongokōrero WĀHITAU Private Bag 39992 Wellington Mail Centre Lower Hutt 5045 New Zealand WHAKAPĀ MAI 0800 65 99 88 Copyright © 2018 Board of Trustees of Te Aho o Te Kura Pounamu. All rights reserved.