Te Kura Raumati | Te Aho o Te Kura Pounamu Ako Me Mātou Subjects and Courses Rohe Ākonga Ngā Kaiwhakarato Paparua Ngā kaitirotiro Mō Mātou 0800 65 99 88 info@tekura.school.nz ENG REO TAKIURU My Te Kura Kaimahi Whare Pukapuka Ngā Pūrongo Ākonga TES Ako Me Mātou Ako Me Mātou Ako Me Mātou Mō Te Kura Te Mātauranga Kōhungahunga Ngā Tau 1–6 Ngā Tau 7–10 Ngā Taumata NCEA taumata 1, 2 me te 3 Ngā ākonga i tāwāhi Te Ako Tuihono Te Ako Noa / Akoranga Tūturu Ngā Ara Mātauranga Kura Tuarua ki te Mātauranga Matua Te Kura Raumati Whakauru Ko wai ka āhei te whakauru? Me pēhea te whakauru Whakauru ināianei Ngā utu Ngā ture me ngā here Me tīmata Nau mai Ngā mea e hiahia ana koe Aku ako Me tīmata tuihono Te Whakamahi i Tōku Kura Te Oranga Te āwhina mō ngā ākonga Microsoft Office Koreutu Rorohiko pōnaho me te tautoko ipurangi Te tautoko ako Ngā āhuatanga aromatawai motuhake + Navigation . Te Kura Raumati Ka whakaae a Te Kura ki ngā whakaurunga wā poto i te wā whakatā raumati mō ngā ākonga e hiahia ana ki te whiwhi i ngā whiwhinga tāpiri, i ētahi paerewa ā-roto mō te NCEA. Tērā pea kei te whakauru koe kia whiwhi whiwhinga mō tētahi akoranga tuatoru, mō te whakangungu, mō te whiwhi mahi, mō tētahi taumata teitei ake o te NCEA ā te tau e whai ake. E kore mātou e hiahia kia āraia tā tētahi tangata whai i tōna ara mātauranga nā ētahi whiwhinga ruarua i hapa. Kei a mātou he rōpū kaiako whai tohu mō te tautoko ākonga kia puta te ihu i te whānuitanga o ngā paerewa ā-roto i ngā Taumata 1–2 me te 3 o te NCEA kua tīpakona hei mea tōtika mō tēnei wā akoranga poto ake. E whakaratohia ana he marau pēnei i te Pāngarau, te Reo Ingarihi, te Pūtaiao, me ētahi atu anō. Ka kitea i konei ngā paerewa me ngā marau e whakaratohia ana: Ngā Marau Kura Raumati 2019–2020 [Excel]. Ka whakarato tuihonotia ngā akoranga, nā reira ka taea te ako i ngā wāhi katoa i ngā wā katoa mēnā kua whai urunga ki tētahi rorohiko me te ipurangi. "Tino kaha te tautoko a ngā kaiako, me tō rātou ū ki te āwhina ahau kia tutuki aku whāinga. Ko te whai wāhi ki te Kura Raumati i Te Kura te whakataunga tino papai rawa āku." – Tētahi ākonga Kura Raumati "I te tīmatanga he āhua tāmomi nā te mea he roa te wā kua hipa i taku haere ki te kura. He mīharo tā tōku kaiako whakarite kia kaua au e kotiti." – Tētahi ākonga Kura Raumati Ngā tino kupu āwhina kia angitu ai i te Kura Raumati E whakahaeretia ana te Kura Raumati mō te wā poto, ā, he tuihono ngā akoranga katoa. He mīharo te kite i tāu e mahi ai i tōu ake kāinga, i tōu ake tere, ina whakatau koe kia pērā. Kei a koe ngā kaiako marau hei whakautu i ō pātai me te aromatawai i ō mahi. E tino ū ana rātou ki te āwhina i a koe kia tutuki ai ō whāinga, engari ko te mea rerekē i te kura noa, kāore ō kaitohutohu ako hei āta tirotiro i ō mahi ako. Otirā, kia puta tō ihu i te kura raumati me pēnei: Kia arotahi, kia hihiri, kia haepapa anō koe ki āu anō ako. Me kōrerorero ki ō kaiako. E hiahia ana mātou kia angitu koe, nō reira, mēnā he pātai āu, he take ōu rānei, whakapā tonu mai. Me āta whakarite kia mārama koe ki ngā mea me tutuki i a koe, ā, kei te whai i ngā akoranga tika. Mahia ngā mahi. Kāore e taea te tāpae anō i tētahi wāhanga mahi kīhai i hipa i tō kura tōmua. Ka āhei te whakamahi anake i ngā mahi whakahaere i mahia mō tētahi wāhanga mahi kāore i oti – ko te whakaritenga, nāu anō te mahi. Kia whai kiko ō whakaaro ki tāu e whakatutuki ai. Ko te tikanga noa, he ōrite ia whiwhinga ki te 10 haora o ngā mahi Me mōhio ki ngā rā me tāpae i te mahi hei aromatawaia. Me whakarite wā anō kia mahia ngā panoni i muri i te whiwhi whakahokinga kōrero i ō kaiako. Mēnā he kaitautoko tōu, kia nui rawa ka taea te whakauru i a ia hei āwhina i a koe. Ētahi pātai me ngā whakautu mō te Kura Raumati Āhea te Kura Raumati? Ka wātea ngā tono mō te Kura Raumati atu i te 25 o Whiringa-ā-rangi ki te 5 o Poutūterangi. Ka wātea ngā akoranga Kura Raumati atu i te 19 o Hakihea tae atu ki te 12 o Huitanguru. Ko wai ka āhei ki te whakauru? Ko te whakaurunga Kura Raumati mō: Ngā ākonga Tau 9–15 e whakauru ana i waenga i te Wāhanga 4 2019 me te Wāhanga 1 2020, ko tō rātou koronga ko te whakaoti i tētahi tohu NCEA kia āhei ai te koke ki te taumata whai ake i roto i tō rātou kura o te tau 2019. Ngā ākonga 16–19 ngā tau e pīrangi ana ki te whakaoti i ā rātou mahi akoranga me te neke atu ki te mātauranga teitei ake, ki te whiwhi mahi rānei. Me mātua noho ngā ākonga Kura Raumati katoa: He kirirarau nō Aotearoa, he kainoho pūmau, he ākonga i whakamanatia ai tana noho ki Aotearoa rānei He tangata e noho ana ki Aotearoa He tangata e whakauru ana mō te 10 whiwhinga, ito iho pea rānei. Me pēhea taku whakauru? Ka wātea tuihono ngā tono atu i te 25 o Whiringa-ā-rangi, ka āhei anō hoki tō mātou Rōpū Hunga Kura Raumati te whakautu pātai ā muri i te 18 o Whiringa-a-rangi. Ka āhei au te ako i ēhea marau? E wātea ana ēnei marau mō te Kura Raumati 2019/2020. E whakapau kaha ana mātou kia whānui rawa ka taea te maha o ngā taumata NCEA 1, 2, me 3 e wātea ana hei āwhina i a koe ki te whakatutuki i ō whāinga ako. Ngā Marau Kura Raumati 2019–2020 [Excel]. Ka pēhea e whakapuakina ai tōku akoranga? Ka wātea ngā rauemi ako mō ngā akoranga Kura Raumati mā te taiao ako me te whakaako tuihono o Tōku Kura, nō reira, me whai urunga koe ki tētahi rorohiko e honoa ana ki te ipurangi. Pānui kōrero anō mō te tīmata i Te Kura He aha te momo tautoko ka whiwhi au? Ka wātea ngā kaiako mā te īmēra hei tuku āwhina mō ngā ihirangi, mō te whakaū i ngā whakaritenga mō ngā paerewa e hiahia ana koe, mō te nuinga o ngā akoranga anō hoki. Hei whiwhi āwhina mō te whakatere tuihono me te āhei atu ki Tōku Kura, me whakapā atu ki tō mātou Rōpū Hunga Kura Raumati, tō mātou Rōpū Tautoko mō te Ākonga me te Whānau rānei e wātea ana mai i te Mane ki te Paraire, 8am ki te 5pm. Ngā uiui whakaurunga Kura Raumati. Whakapā atu ki te Rōpū Hunga Kura Raumati - ka wātea atu i te 18 o Whiringa-ā-rangi. Te tautoko akoranga tuihono me ngā pātai noa. Whakapā atu ki te Rōpū Hunga Kura Raumati i te 0800 65 99 88 kōwhiringa 2, mā te īmēra rānei ki hub@tekura.school.nz . Me aha mēnā kāore aku mahi kia aromatawaia i oti i te wā tika? Ki te kore e taea te whakaoti, e whakaaro ana rānei kāore e taea te whakaoti, ō mahi Kura Raumati i te wā tika, kōrero ki tō mātou Rōpū Hunga Kura Raumati mō te noho tonu i Te Kura ki te whakatutuki i ō whāinga ako. Me whakamōhio noa iho i a mātou ka pīrangi koe ki te whakauru mō te Wāhanga 1 ā mua i te otinga o te Kura Raumati. Ki te kore mātou e rongo kōrero i a koe ā taua wā, ka tango aunoatia koe i te rārangi ingoa a Te Kura hei te mutunga o Kura Raumati engari rawa ka whakamōhio mai koe i mua. Ka ahatia aku haumāuiui mēnā kua whakaurua au ki tētahi atu kura i tēnei tau? Mēnā kua whakaurua koe ki tētahi atu kura tuarua i te tau 2019, ā, kua whiwhi i ō whiwhinga Kura Raumati i roto i te wā kua whakaritea kia taea ai ēnei te kōkuhu atu ki tō Pūkete Paetae o Aotearoa 2019, me pūrongo ēnā e te kura i whakaurua ai koe i te tau 2019 ki NZCE mō mātou. NGĀ HONO WAWE Mō tēnei paetukutuku Ngā rongokōrero WĀHITAU Private Bag 39992 Wellington Mail Centre Lower Hutt 5045 New Zealand WHAKAPĀ MAI 0800 65 99 88 Copyright © 2018 Board of Trustees of Te Aho o Te Kura Pounamu. All rights reserved.