Investment Step 2 Maori BAck English Mahi 2: Hōtaka/Kaupapa: Ngā hiahia i mua i tō tāpae tono mai? Mahi 1:   Rēhitatanga Ngā mea mōhio koe mō te rēhita Kōrero atu anō Mahi 2:  Hōtaka/Kaupapa Ngā hiahia i mua i tō tāpae tono mai Kōrero atu anō Mahi 3: Ngā Tono ‍ Me pēhea te whakaoti mai i tētahi tono Kōrero atu anō Mahi 4:  Aromatawaitanga Ka aromatawaitia e tō Pae Motuhake Kōrero atu anō Mahi 5: Ngā Whakatau Ka riro mā te Poari o Te Mātāwai e whakatau Kōrero atu anō Mahi 6 | Step 6:  Ka tae atu he kōrero ki ngā kaitono katoa All Applicants are notified I mua i tō tāpae tono ki Te Mātāuru, me tūturu whakaatu koe i tō āheinga mai i te hāngai o te hōtaka e whai ana koe ki te whakatinana, ki te mahere haumitanga a te Kāhui e rite ana. ‍ Kei te mahere Haumitanga ngā kaupapa tōmua me ngā āhuatanga hei whakaatu ake māu. • Tirohia te hāngai o tō kaupapa ki ngā haumitanga tōmua: tirohia te wāhanga mahere Haumi mō ia Kāhui i • Ārohia te hōtaka. • Waihangatia mai ō kōrero pūtea. ‍ ‍ He aha ngā kōrero hei whakarite māku mō taku tāpae tono? Mō ia tono e hiahia mōhio ana mātou: • He aha tāu ka mahi ai, ko wai hoki ka whai painga atu: me kōrero mai mō ratou, ko wai katoa rātou • Ko wai ka whai wāhi atu • Āhea tū ai te kaupapa • He aha ngā putanga – ko ngā putanga ēnei ka inoihia e mātou kia pūrongohia e koe ina tutuki te kaupapa – arā, he aha ngā painga ka kitea, me pēhea hoki koe e mōhiotia ai te angitū o te kaupapa   • He kōrero pūtea pono: tae atu ki ngā whiwhinga moni, ngā utu me te pūtea e kimi ana koe i Te Mātāwai • Ka pēhea tō whakahaere i te hōtaka, ka mutu he aha ngā mōreatanga me ngā take tērā ka ara ake • Mō ngā tono nunui (arā, neke aku i te $100,000) me āta whakatakoto mai te tono ānō nei he tono pakihi tūturu Ngā tono kāore e whāngaihia ki te pūtea? • Ngā kaupapa kāore e whai ana ki te whakarauora i te reo Māori, kāore rānei e hāngai ana ki te Mahere Haumitanga a-Tau a te Pae Motuhake • Ngā kaupapa kua whāngai whakatepehia ki te pūtea, ka whāngai whakatepehia rānei ki te pūtea • Ngā hanga haupū rawa pērā i te whare, i te waka • Ngā utu, ngā nama rānei o mua atu i te waitohutia o te whakaaetanga pūtea   • Ngā hōtaka e whāngaihia ana, e tika ana rānei kia whāngaihia ki te pūtea e tētahi atu • Ngā nama kua noho kē mai • Ngā utu taha ture • Ngā haere ki tāwāhi E hia te pūtea e taea ana e au te tono? Kāore i ōrite ngā tono, kei te āhua tonu o te kaupapa e whakaaro ana koe. Ahakoa kāore e herea ana te nui o te tono ki tētahi taumata pūtea, me mātua whakaatu mai koe i te uara mō te moni, he aha ngā taunahatanga/kōrero tautoko kei te tūāpapa o te rahi o te hōtaka. Me he nui, he matatini tō hōtaka, me tāpae mai ngā kōrero e whai tikanga ana ki tō tono pakihi. Ko wai e āhei ana ki te tono? Kei Te Ture mō Te Reo Māori 2016 ngā kōrero ārahi mō te hunga e āhei ana ki te tono pūtea haumitanga i raro i te karangatanga Kāhui-ā-Iwi a Te Mātāuru.  E rārangi mai ana ēnei iwi i tā mātou pae tukutuku www.tematawai.maori.nz.  E taea ana e te tangata, e te whakahaere (kua rēhita) e whai hononga ana ki te iwi, ki te hapū o roto i tō rātou rohe te tāpae tono. Ehara i te mea me mātua noho koe ki tō rohe, engari me mātua noho ki Aotearoa. Mahi 3 Me Tīmata te Rēhitatanga Email: patai@tematawai.maori.nz Phone: +64 4 499 8907 Address: Te Papa 3, 2 Woodward Street, Te Whanganui-a-Tara 6011