Hitori – Te Kura Kaupapa Maori O Te Raki Paewhenua School Ipurangi Hui, Ngahau, Haerenga Piwakawaka Ngā Kaimahi Ngā Kaiako Ngā Kaiawhina Ngā Mahi o te Kura Hitori Te Tutohinga Te Aho Matua Ngā rā o te tau Kakahu Kura Kai Ngā pukapuka mo te kura Hakinakina Kaukau ki Millennium Wharekura Hitori Hitori kura admin 2017-05-04T13:25:58+00:00 TE OROKOHANGA O TE KURA HITORI   I whakamanatia e ngā Kōhanga Reo o Te Raki Paewhenua kia whakatū te Kura Kaupapa Māori mo te rohe. I te marama o Haratua 1993 ka timata te Kura Kaupapa Maori i Hāto Petera. Tokowaru ngā tamariki. Nā ngā Kōhanga Reo ngā rauemi, me ngā Taputapu i koha mai mo te akomanga. I te tau 1994 ka rēhitatia Te Kura Kaupapa Māori, he kura Umanga (private school) kia ahei ai te whiwhi pūtea mai i te Tāhuhu o te Mātauranga. I te mutunga o te tau 1994 ka tukua he tono ki te Minita mo te Mātauranga  kia whakamana motuhaketia mai te Kura Kaupapa Māori. I tua atu o tërā ka tonoa e te whānau ki te  Kura Kaupapa Māori o Maungawhau, kia hono atu ki a ratou, kia āhei ai ki te whiwhi i te katoa o te pūtea. Waimarie, i whakaaetia mai ënei tono e rua. I te tau 1995 ka nuku atu te Kura Kaupapa Māori i Hāto Petera ki Awataha Marae. Ka nui te mihi atu ki a Hāto Petera mo tā rātou awhina i te Kura Kaupapa Māori nei. Ko koutou to mātou kainga tuatahi, kāore mātou e wareware. I te tau 1998 e rua ngā tauira i whiwhi i te tohu “Tiwhikete a Kura”,  a Whenua McGarvey raua ko Hinemoa Nepia, he tauira mo te tau waru. He tuatahi tēnei mo ngā Kura Kaupapa Māori o te motu. I te marama o Haratua 2008 ka nuku te Kura Kaupapa Māori i Awataha, ki Ohomarangi. Ngā mihi nui ki Awataha mo a rātou manaakitanga,  aroha me tā rātou tautoko i Te Kura Kaupapa Māori o Te Raki Paewhenua. I te tau 2008 ka tukua he tono ki te Minitā mo te Mātauranga kia whakamana motuhaketia mai Te Kura Kaupapa Māori o Te Raki Paewhenua, hei Kura Arongatahi. Ka taea e te Kura te ako i ngā tamariki katoa o te tau tahi ki te tau tekau mā toru. Tokowhitu o ngā tauira i taea a ratou tiwhikete NCEA taumata tuatahi, örite ki te School Certificate ō ngā tau i mua. I te 27 o Paengawhāwhā 2009 i whakamanatia e te Tāhuhu ka tū Te Kura Kaupapa Maori o Te Raki Paewhenua, he Kura Arongatahi Tau 1 – Tau 10 a te tau 2010. I te wahanga tuarua 2010 i whakamanatia e te Tāhuhu ka tū Te Kura Kaupapa Māori o Te Raki Paewhenua, he Kura Arongatahi tau 1 – 13 a te tau 2011,   Copyright © 2018 Te Kura Kaupapa Maori O Te Raki Paewhenua School. All rights Reserved. School and Student Login