Te Tau o te Ao mō ngā Reo Taketake 2019 » Te Taura Whiri i te Reo Māori English Māori Te Tau o te Ao mō ngā Reo Taketake 2019 'Kia ita!' Te Taura Whiri i te Reo Māori Māori Language Commission PAE TAHUA Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero × International Year of Indigenous Languages 2019 Whakanuia Te Tau ā-Ao o ngā Reo Taketake 2019 Ko te Raranga.Tahi2019 tētahi o ngā kaupapa matua e tautokohia ana e Te Taura Whiri i te Reo Māori hei tautoko i te Tau ā-Ao o ngā Reo Taketake. Nā te Rūnanga o Te Kotahitanga o Ngā Iwi o te Ao te IYIL i whakatū i te tau 2016. I taua wā e tata mate ana te 40 ōrau o ngā reo 7000 e kōrerotia ana i te ao. Ko te nuinga ko ngā reo taketake. “He kaupapa motuhake mā tātou te taunakitanga o te IYIL hei kōkiri, hei matapaki hoki i te mana o ngā reo taketake i konei i tāwāhi hoki, tae atu rā ki ngā hapori Māori, ngā iwi o Te Moananui a Kiwa me ētahi atu iwi taketake,” hei tā Ngahiwi Apanui, te Tumuaki o Te Taura Whiri i te Reo Māori. “Ka taea hoki e tātou te whakanui te anga whakamua me te kunenga mai o te whakarauoratanga o te reo Māori.” Ā te Wiki o te Reo Māori (9 – 15 Mahuru) ka whakatairangatia tō tātou ake reo taketake, ā, kua whakaritea hoki ngā kaupapa mō te wiki, arā, te Hui Rangatahi Matua ā-Motu, te Hui Reo Pasifika o Te Vaka Leo me ngā Tohu Reo Māori. Raranga.Tahi2019 I whakahaerehia ētahi huihuinga rangatahi e mātou, arā, ko Raranga.Tahi2019 . Koinei tētahi wāhanga o Maihi Karauna , te rautaki whakarauora i te reo Māori a te Kāwanatanga. Kua pōwhiritia ngā rangatahi 40 te tokomaha ki ia huihuinga, Māori mai, tauiwi mai, 13 ki te 18 te pakeke. Ko te āhua o taua hunga ki te kōrero Māori, he matatau, he iti noa, he kore e mōhio. He whakamātau taupānga reo Māori, he wānanga hoki ā rātou mahi i ngā hui. Ā, kei te kohi mātou i ō rātou whakaaro mō ngā tikanga whakahihiko i a rātou ki te kōrero Māori, me ngā momo taunakitanga ā-hangarau.  E whitu ngā hui ā rohe, hei te Hakihea o tēnei tau tū ai te Hui Rangatahi ā-motu. Mā reira e mōhio ai mātou ki te ahunga o tā mātou rautaki whakarauora i te reo Māori ā haere ake nei. Raranga.Tahi hui ki Porirua - 25 Pipiri 2019 Raranga.Tahi hui ki Fielding - 27 Pipiri 2019 Raranga.Tahi Hui ki Rotorua - 24 Hōngongoi 2019 Raranga.Tahi Hui ki Wairoa - 31 Hōngongoi 2019   Raranga.Tahi Hui ki Ohakune - 7 Hereturikōkā 2019   Raranga.Tahi Hui Manukau - 14 Hereturikōkā 2019   Raranga.Tahi Hui Ōtautahi - 29 Hereturikōkā 2019   Raranga.Tahi Hui Ōtepoti - 5 Mahuru 2019   Raranga.Tahi Hui Whāngārei  Rangahau E toru ngā kairangahau nō te uepū o Colmar Brunton kua whai wāhi i ngā huihuinga a Raranga.Tahi2019. Kei te mahi ngātahi rātou me ngā rangatahi ki te rangahau he aha ngā tikanga e whakamanea ana, e whakahiamo ana hoki i te hunga rangatahi i te reo Māori me ngā tikanga Māori. Hei tā Rachel Pita, Kaiwhakahaere Apataki, kei te āta titiro rātou ki ngā mea whai take, kore kiko rānei ki te rangatahi, ā, whakamanahau ana ia ki te whānui o ō rātou whakaaro mō te reo. “Ka nui te wairua tātāwhāinga hoki i a rātou e whakatutuki ana i ngā whakamātautau i roto i tā  mātou wānanga. He pūmanawa ētahi, ka noho mātou ki te whakatenatena i ētahi atu ēngari ka poho kererū katoa rātou i te otinga o ngā mahi, he mīharo hoki ō rātou whakaaro,” hei tana. Mā ngā kitenga o ngā huihuinga e whāngai i ngā whiringa whakaaro mō tētahi pae whakatairanga pāpori e pā ana ki te reo Māori. Te Matatapu Privacy Statement Te Taura Whiri i te Reo Māori +64 4 471 0244 INFO@TETAURAWHIRI.GOVT.NZ LEVEL 11, THE CO-OPERATIVE BANK HOUSE 20 BALLANCE ST , WELLINGTON , 6011