Ō Mātou Kōrero » Te Taura Whiri i te Reo Māori English Māori Ō Mātou Kōrero 'Kia ita!' Te Taura Whiri i te Reo Māori Māori Language Commission PAE TAHUA Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero Kaupapa Context Ratonga Services Ako Learn Rauemi ā-Ipurangi Online Resources Mahere Reo Language Planning Kaupapa Whakatairanga Events He Muka He pitopito kōrero × Kia haruru a Aotearoa whānui i tō tātou reo taketake Te Taura Whiri i te Reo Māori Previous Next He aha Te Taura Whiri i te Reo Māori? He mea whakatū Te Taura Whiri i te Reo Māori i raro i te Ture Reo Māori 1987, ā, ka haere tonu i raro i Te Ture Reo Māori 2016, ki te whakatairanga i te reo Māori hei reo ora, hei reo kōrero o ia rā, o ia rā. He hinonga Karauna mana motuhake mātou. E noho haepapa ana mātou ki te Pāremata mō te whakamahinga o te tahua Tūmatanui ki te tautoko i ō mātou whāinga. Ia tau, ia tau ka tukuna mai e te Minita Whanaketanga Māori tāna Reta Whakatakoto Koronga. Ka whakarite mātou i te Tauaki Whakamaunga Atu (SOI), he mahere whā tau te roa, ka whakarite hoki he mahere mō te kotahi tau e kīia ana ko Te Tauākī Koronga mō ngā Mahi kia Tutuki (SPE). Ka whakatakoto te SOI me te SPE ki mua ki te aroaro o te Pāremata, ka whakairihia hoki ki tā mātou paetukutuku.  I te Pūrongo ā-Tau ka puta i ia tau ka whakatairitea ngā mahi i oti ki ngā kupu o te SOI, te SPE me te Reta Whakatakoto Koronga a te Minita. Ko ā Mātau Mahi hei kaiārahi matua i te aratakinga o te whakatinanatanga o te Maihi Karauna; he whakatairanga i te reo Māori ki Aotearoa whānui; he tautoko i te mahere rautaki reo me tōna arotakenga; he whakahaere, he hoko hoki i te rangahau; he whakamātautau, he rēhita hoki i ngā kaiwhakamāori ā-tuhi, ā-waha anō hoki; he whakamātautau i ngā taumata matatau he whakawhanake i te reo e āhei ai te whakamahinga o te reo Māori i ngā āhuatanga katoa he whakatakoto pūrongo ki te aroaro o te Minita Whanaketanga Māori e pā ana ki te reo Māori   E oke ana Te Taura Whiri i te Reo Māori kia noho mai he uepū kaimahi matatau tonu ki te reo Māori, kia uaratia anō hoki ēnei tāngata e ō rātou rangatira i te rāngai tūmatanui me te rāngai tūmataiti Ahurei ana tā matou tū hei māngai ā-motu mō te reo, ka mutu koirā anahe te kaupapa hei whakarangaranga mā mātou, i riro ai Te Taura Whiri i te Reo Māori hei tumu herenga mō ngā waka, mō ngā kaihoe whakaora reo, huri noa i te motu. Kaupapa Mātāmua Ki te tautoko i te iwi nui tonu kia ora ai te reo Māori, hei reo kōrero, hei reo tipu. Ngā Aronga Matua Ko ngā putanga hei āta tohu i ngā rerekētanga tautini ki te porihanga o Aotearoa e tautokona ana, e kōkiritia ana e mātou. E whā ēnei aronga matua, he tautoko tētahi i tētahi. He Kaha Te Whare o te Reo Mauriora Te hāpai me te whakapūmau i te haere kōtui a te Karauna me te iwi Māori ki te whakaora ake i te reo Māori. He Kaha te mana o te reo Māori Te whakapiki ake i te mana me te kaha kitea o te reo Māori kia kaha ake ai te kōrerotia o te reo Māori huri noa i Aotearoa He Kaha te Kete kōrero Te whakaputa rauemi hou, te tiaki i ngā rauemi kua takoto kē me te whakawātea ake i ngā ara e tautokona atu ai te ako, te kōrero me te kounga o te reo Māori. He Kaha Te Taura Whiri i te Reo Māori Te whakahaere i Te Taura Whiri i te Reo Māori i runga i te whaihua me te whakamoamoa, kia kairangi ai te tautoko i ngā mahi whakaora i te reo Māori. Te Poari Tokorima ngā mema o te poari, me tōna  tumuaki hei kaikawe rongo ki a rātou. Anei rā : Toihau Rawinia Higgins Kaiwhiri  Charisma Rangipunga Kaiwhiri   Charlie Tepana Kaiwhiri  Hinerangi Edwards Kaiwhiri Wayne Panapa Tumuaki    Ngahiwi Apanui Nō te tī, nō te tā ngā kaiwhiri nei, e uru mai ai ngā whakaaro o ngā rohe, otirā o te motu whānui ki ngā whiriwhiringa take nui mō te reo. Ā Mātou Mahi Ko ā mātou mahi, me mea wehewehe ki ōna anō karangatanga. Koia ēnei: TE AMO  | Te Kaupapahere, ngā Ratonga Reo, te Rangahau, te Arotake TE TOKO REO  | Te Whakatairanga, te Whakawanaungatanga TE HĀPAI Ō  | Te Whakahaere   Te Wawata Mātāmua Kia haruru a Aotearoa whānui i tō tātou reo taketake. Te Maihi Karauna Te Ture mō te Reo Māori Kaupapa Te Matatapu Privacy Statement Te Taura Whiri i te Reo Māori +64 4 471 0244 INFO@TETAURAWHIRI.GOVT.NZ LEVEL 11, THE CO-OPERATIVE BANK HOUSE 20 BALLANCE ST , WELLINGTON , 6011