He mihi — Te Kura Kaupapa Māori o Te Whānau Tahi He mihi He mihi Te Kaupapa Ngā Tāngata Te Kākano Te Pihinga Te Tipuranga Te Puāwaitanga Te Tari Te Poari Matua Whakapā mai He mihi He mihi Te Kaupapa Ngā Tāngata Te Kākano Te Pihinga Te Tipuranga Te Puāwaitanga Te Tari Te Poari Matua Whakapā mai Ko Aoraki te maunga;  Ko Waimōkihi te awa;  Ko te rangimārie te waka;  Ko Te Aho Matua te whakaewarangi;  Ko Te Atawhai o Te Aotūroa te whare;  Ko Te Kura Kaupapa Māori o Te Whānau Tahi e tū nei, Tihei mauri ora! Tai pari, tai timu, taihoa e haere. I te hokinga atu o te ngaru, ka kite atu kua ngaro rātou. Kei te mihi atu, kei te tangi atu. Haere rā koutou te hunga wairua, haere oti atu rā ki te huinga o te kahurangi ki tua o maumahara. Haere, haere, haere okioki ai. Kāti rā, ki a tātou nei te hunga ora, ngā rangatira o āpōpō, ngā mātua, te whānau whānui, te iwi e pupuri nei i ngā hoe o tō tātou nei waka. Kei pariparia e te tai, ahakoa toka tū, ahakoa ngaru nui, kia kaha, kia mau, kia ita! Kotahi tonu te hoe. Eke panuku, eke Tangaroa. Haumi ē! Hui ē! Taiki ē! E kī ana te kōrero "Ko te manu e kai ana te miro nōna te ngahere. Ko te tangata e kai ana te mātauranga, nōna te ao" Me te tangi anō, kia puāwai ngā wāwata, ngā hiahia, ā, ko te tūmanako kia eke tātou ki ngā taumata teitei o te mātauranga. Tēnā koutou tēnā koutou, otirā tēnā rā tātou katoa. Back to Top " Poipoia ō tātou nei pūmanawa -  Making our potential a reality "   ©  Te Kura Kaupapa Māori o Te Whānau Tahi, 2019  Cart ( 0 )