Te Pukapuka o Nga Inoi: The Book of Common Prayer in Maori The Book of Common Prayer United States England Scotland Ireland Wales Canada World       Te Pukapuka o Nga Inoi The Book of Common Prayer in Maori   TE TIKANGA MO TE MOTUHANGA I TE TANGATA HEI PIHOPA: KIA MAHIA I TETAHI RATAPU, RA NUI RANEI. ¶ Kia oti ngo mea katoa te ata whakarite i roto i te wharekarakia, kia mutu hoki nga Inoi o te Ata, ma te Pihopa Tumuaki (mu tetahi atu Pihopa ranei) e timata te Karakia o te Hapa a te Ariki: ko tenei hoki.   The Consecration of Bishops ¶ TE INOI E TE Atua Kaha rawa, he maha nga homaitanga papai i tukua raai e koe, ara, e tau Tama, e Ihu Karaiti, ki au Apotoro tapu, me te whakahau ano i a ratou ki te whangai i to kahui; Homai tou Wairua Tapuki nga Hepara katoa o to Hahi, ara, ki nga Pihopa, kia uaua tonu ai ratou ki te kauwhau i to Kupu, ki te ata whakahaere i ona tikanga; meinga hoki nga tangata kia rongo tonu ki taua Kupu, kia whiwhi katoa ai ki te karauna o te kororia mutunga-kore; ko Ihu Karaiti hoki to matou Ariki. Amine .   Collect ¶ Ma tetahi atu Pihopa hoki e korero TE TUHITUHI. 1 Timoti iii. 1. HE pono te korero, ki te hiahia tetahi ki te mahi pihopa, e hiahia ana ia ki te mahi pai. Na, ko te tikanga tenei, kia kaua te pihopa e ekengia e te kupu, he tahu no te wahine kotahi, kia whai mahara, kia whai whakaaro, kia ataahua ana tikanga, kia atawhai ki nga manuhiri, kia whai ngakau ki te whakaako: kia kaua e kakai waina, kia kaua e patu, kia kaua e whaia e ia nga taonga he; engari kia ngakau ngawari, kia kaua e whawhai, kia kaua e matenui ki te moni; kia pai tana tohutohu i tona whare, e mea ana i ana tamariki kia ngohengohe ki a ia, kia nui to ratou whai mahara: (ki te kore hoki tetahi tangata e matau ki te tohutohu i tona whare ake, me pehea ka tiaki. ai ia i te hahi a te Atua?) Ko te tauhou, kauaka, kei whakakake pea, a ka taka ki to te rewera whakamatenga. Tetahi tikanga hoki, kia pai te korero mona a tehunga o waho; kei taka ia ki te whakahawea, ki ta te rewera mahanga ano hoki. ¶ Ko tenei ranei : MO TE TUHITUHI. Mahi xx. 17. KA tono tangata atu a Paora i Miretu ki Epeha, hei tiki i nga kaumatua o te hahi. A, to ratou taenga mai ki a ia, ka mea ia ki a ratou, E mahara ana koutou ki taku tikanga i roto i a koutou i nga ra katoa, no te ra tuatahi iho ano o toku taenga mai ki Ahia. Papaku noa iho te ngakau i mahi ai ahau ki te Ariki, he maha ia nga roimata, me nga tthakamatautauranga i pa mai ki a au, i nga Hurai e whakatakoto whakaaro ana mnku: kihai i puritia e ahau tetahi o nga mea pai, i whakakitea atu ano ki a koutou, i akona nuitia ki a koutou, i tenei whare hoki, i tenei whare; i kauwhautia ki nga Hurai, ki nga Kariki, te ripeneta whaka te Atua, me te whakapono ki to tatou Ariki, ki a Ihu Karaiti. Na, tenei ahau te haere nei ki Hiruharama, he hereherenga na te Wairua; kahore hoki e mohio ki nga mea e pa mai ki a au i reira: heoi ano, ko ta te Wairua Tapu e whakaatu mai nei i tenei pa, i tenei pa, e mea ana, e taria mai ana ahau e nga mekameka, e nga mate. Otiia kahore aku whakaaro ki tetahi o enei mea; e kore ano hoki ahau e ihupuku ki te ora; engari ka koa ahau ina taea taku e whai nei, me te mahi i homai ki a au e te Ariki, e Ihu, ara, kia whakaaturia te Rongo pai o te aroha noa o te Atua. Na, e mohio ana tenei ahau, heoi ano kitenga o toku mata e tetahi o koutou, e te hunga i kauwhau haere nei ahau i te rangatiratanga o te Atua i roto i a koutou. Koia ahau ka mea nei ki a koutou aianei, Kahore oku poke i nga toto o tetahi tangata. Kihai hoki ahau i manawapa ki te kauwhau i te whakaaro katoa a te Atua ki a koutou. Na, kia tupato ki a koutou, ki te kahui katoa ano hoki i meinga ai koutou e te Wairua Tapu hei kai tirotiro, whangaia te hahi a te Atua, i hokona nei e ia ki ona ake toto. E mohio ana hoki ahau ki tenei, ka riro ahau, tera e puta mai ki a koutou nga wuruhi nanakia, e kore nei e tohu i te kahui. A ka whakatika ano etahi tangata i roto i a koutou, hei korero i nga mea parori ke, kukume ai i nga akonga hei , whai i a ratou. Na, kia mata; ara, kia mahara ano ki nga tau e toru, kihai nei ahau i mangere i te po, i te ao, ki te whakatupato i tenei, i tenei, o koutou me te tangi ano ahau. Na, tenei ahau, e aku teina, te tuku atu nei i a koutou ki te Atua, ki te kupu hoki o tona aroha noa, e kaha nei ki te whakatupu ake, ki te hoatu hoki i tetahi wahi ki a koutou i roto i te hunga katoa kua oti te whakatapu. Kihai i hiahiatia e ahau te hiriwa, te koura, te kakahu ranei o tetahi. E mohio ana ano koutou, na enei ringaringa i mahi nga mea i matea e ahau, e oku hoa. î whakakite atu ahau i nga mea katoa ki a koutou, kia penei ano te mahi, te atawhai i te hunga ngoikore; kia mahara hoki ki nga kupu a te Ariki, a Ihu, ki tana i mea ai, Te whakawhiwhi, aui atu te hari i to te whiwhi.   The Epistle ¶ Ko reira korerotia ai e tetahi atu Pihopa . TE RONGO PAI. Hoani xxi. 15. KA mea a Ihu ki a Haimona Pita, E Haimona, tama a Hona, rahi atu ranei tou aroha ki a au i to enei? Ka mea tera ki a ia, Ae, e te Ariki; e mohio ana koe, e aroha ana ahau ki a koe. Ka mea ia ki a ia, Whangainga aku reme. Ka mea mai ano ia ki a ia, ko te rua o nga ineatanga mai, E Haimona, tama a Hona, e aroha ana koe ki a au? Ka mea tera ki a ia, Ae, e te Ariki, e mohio anakoe, e aroha ana ahau ki a koe. Ka mea ia ki a ia, Whangainga aku hipi.  Ka mea atu ia ki a ia, ko te toru o nga meatanga atu, E Haimona, tama a Hona, e aroha ana koe ki a aui Ka pouri a Pita, no te mea ka toru ana meatanga ki a ia, e aroha ana koe ki a au? Ka mea ano ki a ia, E te Ariki, e mohio ana koe ki nga mea katoa; e mohio ana koe, e aroha ana ahau ki a koe. Ka mea a Ihu ki a ia, Whangainga aku hipi. ¶ Teneiranei . HOANI xx. 19. ITAUA ta tuatahi ano o te wiki, i te ahiahi, i nga tatau e kati ana o te wahi i huihui ai nga akonga i te wehi i nga Hurai, ka haere mai a Ihu, ka tu i waenganui, a ka mea ki a ratou, Kia tau te rangimarie ki a koutou. A, ka puaki tenei kupu ana, ka whakakitea atu e ia ona ringaringa, me tona kaokao ki a ratou. Na, hari tonu nga akonga i to ratou kitenga i te Ariki. Ka mea ano a Ihu ki a ratou, Kia tau te rangimarie ki a koutou: i tonoa mai ahau e te Matua, a ka tonoa ano hoki koutou e ahau. Ka korerotia tenei, ka whakaha mai ia, a ka mea ki a ratou, Kia riro atu te Wairua Tapu i a koutou: ki te whakarerea noatia atu e koutou nga hara o etahi tangata, ka whakârerea o ratou; a, ki te whakamaua o etahi e koutou, ka mau ano. ¶ Tenei ranei . MATIU xxviii. 18. KA haere mai a Ihu, ka korero ki a ratou, ka mea, Kua tukua katoatia mai ki a au te mana o te rangi, o te whenua. Na, haere koutou, meinga hei akonga nga iwi katoa, iriiria i runga i te ingoa o te Matua, o te Tama, o te Wairua Tapu: akona ratou kia mau ki nga mea katoa i whakahaua atu e ahau ki a koutou: na, ko au tena hei hoa mo koutou i nga ra katoa, a, te mutunga ra ano o te ao. ¶ Kia mutu te Rongo Pai, te Whakapono o Naihia, me te Kauwhau, me noho te Pihopa Tumuaki ki tona tuuru i te wahi e tataana ki te Tepara tapu; me tuku hoki ki a ia eetahi Pihopa tokorua o taua Hahi te tangata e motuhia ana hei Pihopa, he mea whakakakahuki to te Pihopa kakahu ma; me penei hoki ta raua ki ; E TE Matua o te Hahi i roto i te Atua, he tuku tenei na maua ki a koe i tenei tangata pai, tangata mohio, kia motuhia hei Pihopa. ¶ Hei honei whakakuatia aie ia tana ki whakaae mo te rongo ki te Pihopa Tumuaki i nga mea tika katoa .   Gospel I RUNGA i te ingoa o te Atua. Amine. Kua oti nei ahau, a ——— te whakarite hei Pihopa mo te Hahi i te Pihopatanga o ——— ; He ki tuturu tenei naku, tera ahau e rongo, e whakahonore i te Pihopa Tumuaki o tenei Hahi, i ona whakakapi hoki i muri i a ia; ma te Atua ahau e awhina i roto i a Ihu Karaiti. ¶ Kauaka tenei e whakahuatia, i te mea hei Pihopa Tumuaki te tangata e motuhia ana heiPihopa . ¶ Hei konei te Pihopa Tumuakiwhakahau aiite iwi kiainoi; kiapenei tana ki ; EHOA ma, kua oti te tuhituhi ki te Rongo Pai a Ruka te inoinga a to tatou Kai whakaora, a te Karaiti i te po, a, ao hoa te ra, i te mea e anga ana ia ki te whiriwhiri, ki te tonotono i ana Apotoro kotahi tekau ma rua. Kua oti hoki te tuhituhi ki nga Mahi a nga Apotoro te nohoanga pukutanga o nga akonga i Anatioka, i a ratou e anga ana ki te whakapa i o ratou ringaringa ki a Paora raua ko Panapa, ki te tono hoki i a raua ki te kauwhau. Waihoki hei tauira mo tatou a te Karaiti ratou ko ana Apotoro; kia matua tahuri hoki tatou ki te inoi, ka whakauru ai i tenei tangata ki te mahi e mea nei tatou kua karangatia ia e te Wairua Tapu hei whakarite. ¶ Ko konei te Ritani; tera i te Karakia mo te Motuhanga i te tangata hei Rikona; otira, hei te mutunga o tenei kupu, "Kia pai koe ki te whakamarama i nga Pihopa katoa, &c." me whakarere te kupu i raro iho, meu whakahua ke ko tenei ; KIA pai koe ki te manaaki i to matou hoa, kua oti nei te whiriwhiri hei Pihopa; ki te tuku mai hoki i tou Wairua Tapu ki a ia, kia ata mahia ai e ia te mahi i karangatia ai ia, kia whai pai ai te Hahi, kia whakamoemititia ai hoki tou Ingoa. Te Nuinga . E Ihowa, whakarongo mai rapea ki a matou. ¶ Ko reira tenei Inoi. E TE Atua kaha rawa, e te Kai homai o nga mea pai katoa; nau, ara, na tou Wairua Tapu i whakarite nga tu Minita mo to Hahi; Tirohia atawhaitia tenei pononga au, kua karangatia nei ki te mahi a te Pihopa; whakakiia ia ki tau akoranga pono; meinga kia harakore tona noho, kia pono hoki tana minita ki a koe, ara, kia pai ana kupu, ana mahi; kia whakakororiatia ai tou Ingoa, kia whiwhi ai hoki to Hahi ki te pai i te mea e ata whakahaerea ana e ia nga tikanga; He pai hoki te mahi a to matou Kaiwhakaora, a Ihu Karaiti, e ora na, e kingi tahi na, me koe, me te Wairua Tapu, aianei, a, ake ake ake. Amine. ¶ Katahi te Pihopa Tumuaki ka noho ki tona nohoanga, ka ki ai ki te tangata meake nei motuhia hei Pihopa ; E TAKU teina, kua takoto he tikanga i roto i te Karaipiture tapu, i nga ture ano hoki a te Hahi o mua, kia kaua e hohoro te whakapa ringaringa ki tetahi tangata, te whakawhiwhi hoki i a ia ki te mana mo te whakahaere tikanga i roto i te Hahi a te Karaiti, he mea hoko nei nana taua Hahi ki ona toto i whakahekea ra. Heoi, e kore koe e whakaurua wawetia ki tenei mahi; engari ka matua makaa e au etahi patai ki a koe, kia rongo ai tenei whakaminenga ki au whakaaro mo te tikanga mo to mahi i roto i te Hahi a te Atua.   Oath of Obedience KEI te te tonu ranei tou whakaaro ki tou karangatanga ki tenei mahi minita, he mea e rite ana ki ta Ihu Karaiti i pai ai, ki nga tikanga hoki o tenei wahi o tana Hahi?     Kupu Whahahoki . Ae. Te Pihopa Tumuaki . E matau ana ranei koe ki nga Karaipiture Tapu, kei reira ngaakoranga katoa e whiwhi ai te tangata ki te oranga tonutanga i runga i te whakapono ki a Ihu Karaiti? Kua pumau hoki tou whakaaro ki te whakaako i: te iwi e tukua ki a koe ki nga inea o roto o aua Karaipiture Tapu; kia kaua hoki e whakaakona tetahi atu mea, hei mea e whiwhi ai te tangata ki te oranga tonutanga, ko nga mea anake e whai putake ana i roto i aua Karaipiture?     Kupu Whakahohi . E matau ana ahau ki tena; ka penahoki taku mahi; ma te Atua ahau e awhina. Te Pihopa Tumuuaki . E ata mahi ranei koe i aua Karaipiture Tapu, me te inoi ano ki te Atua kia whakakitea mai nga tikanga ki a koe; kia ahei ai i a koe te whakaako, te whakahau i runga i te akoranga pai, me te turaki ano i ta te hunga e totohe mai ana?     Kupu Whakahoki . Ae. Ma te Atua hoki ahau e awhina. Te Pihopa Tumuaki . E whakaputaia ranei tou uaua ki te pana atu i nga whakaakoranga he katoa, e rere ke nei i ta te Atua Kupu; me te akiaki ano, me te whakakaha i era atu tangata ki te mahi i taua mahi?     Kupu Whakahoki . Ae. Ma Ihowa hoki ahau e awhina. Te Pihopa Tumuaki . E whakakahoretia ranei e koe te karakiakore me nga hiahia o te ao; e noho whakaaro hoki koe i runga i te tika, i te karakia pai i tenei ao; kia waiho ai koe nei tauiri ki te iwi mo nga mahi pai, kia whakama ai hoki te hoariri, te ai he kupu whakahe mou?     Kupu Whakahoki . Ae. Ma Ihowa hoki ahau e awhina. TePihopa Tumuaki . E tohe ranei koekia ata noho nga tangata katoa i ronga i te aroha, i te rangimarie; e riria hoki e koe nga tangata tutu, tukahiture i roto i tou Pihopatanga, kia rite ki te mana e tukua nei ki a koe e te Kupu a te Atua, e nga tikanga hoki a te Hahi?     Kupu Whakahoki . Ae. Ma te Atua hoki ahau e awhina. Te Pihopa Tumuaki . E pono ranei to mahi whakapa ringaringa ki etahi tangata, to momotu i a ratou hei minita?     Kupu Whakahoki . Ae. Ma te Atua hoki ahau e awhina. TePihopa Tumuaki . E whai whakaaro ranei koe ki a te Karaiti, e ata hanga, e atawhai ki te hunga rawakore, ki nga tangata hoki kahore nei o ratou kai awhina?     Kupu Whakahoki . Ae. Ma te Atua ahau e awhina. ¶ Katahi ka whakatika te Pihopa Tumuaki ka mea; KUA homai nei ki a koe e te Atua Kaha, rawa, e to tatou Matua i te Rangi, he hiahia pai ki enei mahi katoa; mana ano he homai he kaha e rite ai aua mahi i a koe; mana e whakaoti te mahi pai kua timataia nei e ia i roto i a koe, kia tu he-kore ai koe a te ra whakamutunga i roto i to tatou Ariki, i a Ihu Karaiti. Amine. ¶ Hei konei ka kakahuria era atu o nga kakahu Pihopa e te tangata e motuhia ana heiPihopa, a, ka tuturi ia, me waiata, me korero ranei i runga i a ia te himene nei, E te Wairua, Kai-hanga; ma te Pihopa Tumuaki etimata , ma era atu Pihopa ratou ko te nuinga o te tangata a ratou rurangi, kia rite ki tenei a takoto atu nei.   Questions of the candidate E te Wairua Kai-hanga O te ngakau taogata, Heke iho, tou kaha Homai hi o pononga. Oha a te Rungarawa, Hei kai whakamarire, Ahi, Aroha, Wai ora, Hinu whakawahinga. Takiwhitu au mea homai, Ringa o te Atua: Ta te Matua i ki mai Hei whakaako korero. Mau te marama e homai, Matapuna aroha; Mana tonu tou kaha Ki o matou tinana. Mau e arai te hoariri; Mau e ata noho ai. Matou ata arahina Kia atea ai i te he. Homai au mea whakahari, Me au tohu atawhai; Whakangaromia te whainga Runga i te Rongo mau. Meinga matou kia whakaae Ki te Matua aroha, Ki te Tama atawhai, Ki to raua Wairua. A, kia puaki he moemiti Ki te Tokotoru pai: Ko te Wairua whakahari, Hei a matou noho ai. ¶ Ka mutu tena memea te Pihopa Tumuaki , E IHOWA, whakarongo mai ki ta matou inoi.     Te Nuinga . Kia tae atu hoki ki a koe ta matou karanga. Kia inoi tatou. E TE Atua Kaha rawa, e te Matua tohu, na te nui o tou aroha ki a matou i homai ai e koe tau Tama kotahi, a Ihu Karaiti, hei Kai-hoko i a matou, e whiwhi ai matou ki te oranga tonutanga; a, i te mea kua oti matou te hoko ki tona matenga, kua kakeatu hoki ia ki te Rangi, i ringihia nuitia mai e ia ana mea homai noa ki runga ki te tangata, i riro ai etahi hei Apotoro, etahi hei Poropiti, hei Kai-kauwhau i te Rongo Pai, hei Hepara, hei Kaiwhakaako, hemea kia ata tutuki ai te hanganga ake o tana Hahi; Homai tou Wairua Tapu ki tenei pononga au, kia takatu tonu ai ia ki te korerp nui i te Rongo Pai, ara i te houhanga rongo ki a koe. Kaua te mana e tukua nei ki a ia e waiho hei whakamate, engari, hei whakaora; Meinga ia hei pononga mahara, hei pononga pono; hei whangai i au tamariki ki te kai i te wa e tika ai; kia tomo ai ia a mua ki te hari kahore nei he mutunga: Ko Ihu Karaiti hoki to matou Ariki, e ora na, e kingi tahi na, me koe, me te Wairua Tapu, a, ake ake ake. Amine.   Veni creator spiritus ¶ Hi konei te Pihopa Tumuaki, me era atu Pihopa ka whakapa i o ratou ringaringa ki runga ki teupokootetangataemotuhia ana hei Pihopa; me tuturi tonu tenei, me te kiano te Pihopa Tumuaki ; KIA riro i a koe te Wairua Tapu mo te mahi a te Pihopa i roto i te Hahi a te Atua, e tukua atu nei ki a koe i o matou ringaringa e whakapakia atu nei; I runga i te Ingoa o te Matua, o te Tama, o te Wairua Tapu. Kia mahara ano koe ki te whakau i te ahi, ara, i ta te Atua mea homai noa, ka riro na i a koe, he mea na te whakapanga atu o o matou ri ngaringa: Ehara hoki i te wai rua o te wehi ta te Atua i ho mai ai ki a tatou; engari to te kaha, to te aroha, to te ngakau mahara. ¶ Me hoatu hoki te Paipera ki a ia e te Pihopa Tumuaki, me tana ki ano , KIA pumau koe ki te korero pukapuka, ki te whakahau, ki te whakaako. Whakaaroaroa nga mea o roto o tenei pukapuka; ata mahia hoki, kia kitea ai tou nekehanga ake e nga tangata katoa. Kia mahara ki a koe ano, ki te whakaakoranga hoki. Kia te ki enei mea; ki te mea hoki koe i tenei, ka whakaora koe i a koe ano, i te hunga ano hoki e whakarongo ana ki a koe. Hei hepara koe ki te kahui a te Karaiti; kauaka hei murohi. Whangaia: kauaka hoki ratou e pau i a koe. Tautokona ake nga mea ngoikore; whakaorangia nga mea e mate ana; takaia te mea kua whati te iwi; whakahokia mai nga mea kua peia atu; rapua nga mea kua ngaro. Ka mahi tohu koe, kaua e tukua te he kia tupu: ka riri ki te he, kei wareware koe ki te mai tohu; a, ka puta mai te tino Hepara, ka whiwhi koe ki te karauna kororia, e kore nei e pirau; i roto i to tatou Ariki, i a Ihu Karaiti Amine. ¶ Me korero i konei e te Pihopa Tumuaki te roanga atu o te Karakia o te Hapa a te Ariki; mt tango hoki i te Hapa te Pihopa whakapa hou, ratou ko era atu . ¶ Ko enei Inoi hoki hei whakakapi mo te Inoi whakamutunga, i mua tonu ake o te Manaakitanga. E TE Matua atawhai, he inoi tenei na matou ki a koe kia tukua mai tau manaakitanga ki runga ki tenei pononga au; whakakakahuria ia ki tou Wairua Tapu, kia kauwhau ai ia i to Kupu, me te tohe tonu ki te riri i te he, ki te whakahau; me te whakapau ano i te manawanui, i te whakaako. Meinga ia hei tauira pai ki nga tangata whakapono, ara, ana kupu, tana whakahaere, tona aroha, tona whakapono, tona hekore, tona ngakau ma: a, kia tutuki tona omanga, whakawhiwhia ia a te ra whakamutunga ki te karauna o te tika, kua takoto nei i te Ariki, i te kaiwhakarite tika o te whakawa; e ora na, e kingi tahi na, me te Matua, me te Wairua Tapu, kotahi ano Atua, a, ake ake ake. Amine. HEI mua koe i a matou, e Ihowa, hei tohutohu i a matou; ko koe ano hoki hei whakakaha i a matou, kia whai kororia ai koe i a matou mahi katoa, he mea timata, he mea mahi, he mea whakaoti i roto i a koe; kia whiwhi ai matpu ki te ora tonu i te mea e atawhaitia nei e koe; ko Ihu Karaiti hoki to matou Ariki. Amine. MA te marie a te Atua, e kore nei e taea e te whakaaro, e mea o koutou ngakau, o koutou hinengaro kia te i runga i te mataiiranga, i te aroha ki te Atua, ki tana Tama ano hoki, ki to tatou Ariki, ki a Ihu Karaiti; kia mau, kia te tonu hoki ki a koutou, te manaakitanga a te Atua Kaha rawa, a te Matua, a te Tama, a te Wairua Tapu. Amine. Laying-on of Hands Return home Web author: Charles Wohlers U. S. • England • Scotland • Ireland • Wales • Canada • World