Te Pukapuka o Nga Inoi: The Book of Common Prayer in Maori The Book of Common Prayer United States England Scotland Ireland Wales Canada World       Te Pukapuka o Nga Inoi The Book of Common Prayer in Maori   TE TIKANGA MO NGA INOI O TE AHIAHI, I NGA RA KATOA O TE TAU. ¶ Me korero e te Minita etahi o enei kupu o te Karaipiture i te timatanga o te Karakia o te Ahiahi, kia nui hoki te reo. Ko reira korerotia ai e ia nga mea hua otinei te tuhituhi i te mutunga o aua kupu . KI te tahuri mai ano hoki te tangata kino i tana kino i mahia e ia, a ka mahia e ia te mea e rite ana, e tika ana, ka ora ano i a ia tona wairua.   Ehekiere xviii. 27. E whaki ana hoki ahau i aku mahi tutu, kei toku aroaro tonu toku hara.   Waiata li. 3. Huna tou mata ki oku hara, a rnurua katoatia aku kino.   Waiata li. 9. Nga patunga tapu ma te Atua he wairua maru: e kore koe e whakahawea, e te Atua, i ki te ngakau maru, ki te ngakau iro.   Waiata li. 17. Haea ano hoki o koutou ngakau, haunga o koutou kakahu, a tahuri mai ki a Ihowa, ki to koutou Atua: he aroha hoki tana, he mahi tohu, e puhoi ana ki te riri, he nui tona atawhai, e ripeneta ana hoki ki te kino.   Hoere ii. 13. Na te Ariki na to matou Atua nga mahi tohu me nga murunga hara, ko matou ia kua whakakeke ki a ia: kihai ano i whakarongo ki te reo o Ihowa o to matou Atua, kihai i haere i anature i whakatakotoria e ia ki o matou aroaro.   Raniera ix. 9,10. Pakia ahau, E Ihowa, me te whakariterite ano ia; kauaka ina riri koe, kei kahore ahau i a koe.   Heremaia x. 24, Waiata vi. 1. Ripeneta, kua tata hoki te rangatiratanga o te iangi.   Matiu iii. 2. Ka whakatika atu ahau, ka haere ki toku matua, ka mea atu ki a ia, E Pa, kua hara ahau ki te iangi, ki tou aroaro ano hoki, a heoi ano tikanga kia karangatia ahau he tamaiti nau.   Ruka xv. 18, 19. Kaua e anga e whakawa ki to pononga, E Ihowa; ki tau titiro hoki, e kore totahi mea ora e whakatikaia.   Waiata cxliii. 2. Ki te mea tatou kohore o tatou hara, e whakapohehe ana tatou i a tatou ano, a kahore te pono i roto i a tatou: M te whaki tatou i o tatou hara, e pono ana ia, e tika ana, a ka murua e ia o tatou hara, ka horoia hoki o tatou he katoa.   1 Hoani i. 8, 9. EAKU hoa aroha, he tini nga meatanga mai a te Karaipiture kia whakina o tatou tini hara; kia kaua hoki e huna i aua hara i te aroaro o te Atua Kaharawa o to tatou Matua i te rangi; engari me whaki atu, i runga i te ngakau iti, i te ngakau ripeneta, i te ngakau rongo; kia nmrua ai aua hara e ia, he hira nei hoki toua pai, tana mahi tohu. He mahi tika ano tenei, te whakaiti i a tatou i nga wa katoa, te whaki atu i o tatou hara ki te Atua; he tika rawa ia, ina whakamine mai tatou ki te whakawhetai atu mo nga mea pai kua horoai nei e ia, ki te whakapai atu ki a ia, ki te whakarongo ki tana Kupu tapu, ki te inoi hoki ki nga mea e matea ana e tinana, e te wairua. Heoi, e koutou katoa e tu nei, kia tika tahi tatou ki te torona o tona atawhai, kia tapatahi te ngakau, kia marie hoki te reo, me whai mai ta koutou i muri i taku; ¶ He Whakinga nui hei whakahuatanga ma te Whakaminmga katoa i muri iho i ta te Minita, me koropiko katoa .   Evening Prayer E TE Matua atawhai, Kaha rawa; Kua he matou, kua marara ke atu i o ara me te hipi ngaro. Kua aru matou i nga hiahia, i nga mea pokanoa a o matou ngakau. Kua tutu matou ki au ture tapu. Ko nga mea tika kua kapea e matou; Mahia iho ko nga mea kihai i tika kia mahia; Kahore he wahi ora i a matou. E Ihowa, tohungia matou, te hunga pouri rawa i te hara. E te Atua, tohungia matou, e whaki nei i o matou hara. Whakaarahia matou e ripeneta nei; Kia rite hoki ki au kupu i korerotia ki te tangata e Ihu Karaiti, e to matou Ariki. Tukua mai hoki, E te Matua tohu, mona i mate; Kia tapu, kia tika, kia marie tonu, ta matou noho a muri ake nei, a mate noa, Kia whakakororiatia ai tou Ingoa tapu. Amine. ¶ Ko te Wetekanga, ara ko te Murunga kara, ma te Piriti e korero; me tu ia, ko te Nuinga me koropiko tonu. KAHORE he hiahia o te Atua Kaha rawa, o te Matua o to tatou Ariki o Ihu Karaiti, kia mate te tangata hara, engari kia tahuri mai ia i ana mahi tutu, kia ora; kua tukua mai e ia te tikanga ki ana Minita, kia whakapuakina ki ana tangata, ki te ripeneta, te Wetekanga o o ratou hara: Ka murua e ia nga hara o te hunga katoa e pono ana te ripeneta, e whakapono pu ana ki tana Rongo tapu. Na, kia inoi tatou, kia tukua mai te tino ripeneta pono, me tona Wairua Tapu, kia rite ai ki tana e pai ai a tatou mahi o tenei wa; kia tapu ai ta tatou noho a muri ake nei; kia i tae ai hoki tatou a raua ki tona I haringa mutunga kore; ko Ihu Karaiti hoki to tatou Ariki. Amine. ¶ Kokonei te Minita koropiko ai, whakahua ai i te Inoi a te Ariki; me koropiko tonu te nuinga, me whakahua tahi.   Confession & Absolution ETO matou Matua i te rangi, Kia tapu tou Ingoa. Kia tae mai tou Rangatiratanga. Kia meatia tau e pai ai ki mnga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino: Nou hoki te rangatiratanga, Te kaha, me te kororia, Ake ake ake. Amine. ¶ Ko konei ano hoki ia mea ai ,     Whakatuwheratia o matou ngutu, e te Ariki.     Te Nuinga . A ma o matou mangai e whakapai atu ki a koe.     Piriti . E te Atua, hohoro te whakaora i a matou.     Te Nuinga . E Ihowa, hohoro te awhina i a matou. ¶ Ko konei whahatika katoa ai, a ka mea te Piriti ,     Kia whakakororiatia te Matua, te Tama: me te Wairua Tapu;     Te Nuinga . Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine.     Piriti . Whakapaiogia a Ihowa.     Te Nuinga . Ko te Ingoa o Ihowa kia whakapaingia. ¶ Ko konei korerotia ai, waiatatia ai ranei nga Waiata i whakaritea. Me i reira ko te Upoko o te Kawenata Tawhito i whakaritea. A, muri iho, ko tenei Himene, ara, ko te Waiata a te Wahina, a Meri.   Lord's Prayer Ruka i. 46. KA whakauui toku wairua i te Ariki: a e hari ana toku wairua ki te Atua, ki toku Kai whakaora;     Mona i titiro ki te iti o tana pononga: ta te mea hoki katahi ahau ka kiia e nga whaka-tupuranga katoa e haere ake nei, he wahine hari,     He nui hoki nga mahi a te Mea Kaha ki ahau: a e tapu ana tona ingoa.     He mahi tohu tana ki te hunga e wehi ana ki a ia: ki tenei whakatupuranga, ki tenei whakatupuranga.     Kua whakaputaina he kaha e ia, ara, e tona ringaringa: nana te hunga whakakake i marara ai i te whakaaro o o ratou ngakau.     Kua whakataka e ia te hunga kaha i nga nohoanga: a whakateiteitia ake ana te hunga iti.     Kua whakakiia e ia te hunga mate hiakai ki nga mea pai: a tonoa kautia atu ana te hunga taonga.     Kua tautokona e ia a Iharaira tana pononga: he whakamaharatanga hoki ki tana mahi tohu;     Ki a Aperahama, ratou ko tona whanau ake tonu atu: pera hoki me tana i korero ai ki o tatou matua.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko tenei Waiata ranei; kaua raia i te Tekau ma Iwa o nga ita o te Marama, ko reira hokikorerotia ai i roto i nga Waiata .   Magnificat Waiata xcviii. WAIATATIA ki a Ihowa he waiata hou: he mahi whakamiharo hoki ana.     Na tona ringa matau, na tona ringa tapu: i taea ai e ia te whakaora.     Kua whakakitea mai e Ihowa tana whakaoranga: kua whakapuakina e ia tona tika ki te aroaro o nga tauiwi.     Kua mahara ia ki tana mahi tohu me tana pono ki te whare o Iharaira: a kua ki te nga pito katoa o te whenua i te whakaoranga a to tatou Atua.     Kia hari te hamama, e te whenua katoa, ki a Ihowa, hamama, kia hari, himeiie atu.     Himene atu ki a Ihowa i runga i te haapa: i runga i te haapa, me te himene ano te reo.     I runga i nga tetere, i te tangi ano o te korenete: kia hari te hamama ki te aroaro o Ihowa, o te Kingi.     Kia haruru te moana, me nga mea e hua ana i roto: te ao, me ona tangata e noho ana i runga.     Kia papaki nga ringaringa o nga roma, kia hari tahi nga pukepuke ki te aroaro o ihowa: e haere mai ana hoki ia ki te whakarite whakawa mo te whenua.     Ka whakariterite ia mo te ao i runga i te tika: mo nga iwi hoki i runga i te pono.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko konei te Upoko o te Kawenata Hou i whakaritea. A, mur iho, ko te Himene a Himiona.   Cantato Domino Ruka ii. 29. KATAHI, e te Ariki, ka tukua to pononga kia haere i runga i te rangimarie: ka pera me tau i korero ai:     Ka ki te nei hoki oku kanohi: i tau whakaoranga.     Ka whakatakotoria nei e koe: ki te aroaro o nga iwi katoa;     Hei whakamarama e ki te ai nga tauiwi: hei kororia hoki mo tou iwi, mo Iharaira.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko tenei Waiata ranei; kaua raiateTekau ma Rua o nga Ra o te Marama.   Nunc Dimittis Waiata lxvii. MA te Atua tatou e atawhai, mana tatou e manaaki: mana e mea kia tiaho mai tôna mata ki a tatou:     Kia matauria ai to ara ki ronga ki te whenua: tau whakaoranga i roto i nga tauiwi katoa.     Kia whakamoemiti nga iwi ki a koe, e te Atua: kia whakamoemiti nga iwi katoa ki a koe.     Kia koa nga tauiwi kia waiata i te hari: no te mea hoki ka tika tau whakaritenga whakawa mo nga iwi, a ka kawana koe i nga tauiwi o te whenua.     Kia whakamoemiti nga iwi ki a koe, e te Atua: kia whakamoemiti nga iwi katoa ki a koe.     Ka tuku mai te whenua i ona hua: a ka manaaki te Atua, to tatou Atua, i a tatou.     Ka manaaki te Atua i a tatou: a ka wehi nga pito katoa o te whenua i a ia.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko konei korerotia ai, waiatatia ai ranei e te Minita ratou ko te nuinga, te Whakapono a nga Apotoro, me tu katoa ratou .   Deus Misereatur E WHAKAPONO ana ahau ki te Atua ki te Matua Kaharawa, Koia te Kai hanga o te rangi, o te whenua;     Ki tana Tama Kotahi ano hoki, ki to tatou Ariki, ki a Ihu Karaiti; I whakatangatatia nei e te Wairua Tapu, I whanau i te Wahina i a Meri, I whakamamaetia i te wa i a Ponotio Pirato, I ripekatia, i mate, i tanumia, I heke atu ki te reinga; No te toru o nga ra i ara ake ai ia i te mate, A kake atu ana ki te rangi; E noho mai nei i te ringaringa matau o te Atua, o te Matua Kaha rawa; Ka hoki mai ano ia i reira ki te whakarite whakawa mo nga tangata ora, mo nga tangata mate.     E whakapono ana ahau ki te Wairua Tapu; Ki te Hahi tapu puta noa i te ao; Ki te Kotahitanga o te Hunga tapu; Ki te Murunga hara; Ki te Aranga mai o te tinana, Me te ora tonu. Amine. ¶ A ka mutu tena, ko enei Inoi, me koropiko katoa; kia matua whakahuatia enei kupu e te minita, kia nui ano hoki te reo,     Kia noho a Ihowa ki a koutou.     Te Nuinga . Ki tou wairua ano hoki. Minita . Kia inoi tatou. E Ihowa, tohungia matou. E te Karaiti, tohungia matou. E Ihowa, tohungia matou. ¶ Ko konei te Minita, me te Whakaminenga, whakakua aii te Ioai a te Ariki, kia nui hoki te reo .   Apostles' Creed ETO matou Matua i te rangi, Kia tapu tou Ingoa. Kia tae mai tou Kangatiratanga, Kia meatia tau e pai ai ki runga ki te whenua, kia rite ano ki to te rangi. Homai ki a matou aianei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine. ¶ Ko konei te Minita whahatika ai, mea ai,     E Ihowa, whakakitea mai tau mahi tohu ki a matou.     Te Nuinga . Tukua mai tau whakaoranga ki a matou.     Piriti . E Ihowa, whakao rangia te Kuini.     Te Nuinga . A whakarongo marire mai ki a matou, ua karanga atu ki a koe.     Piriti . Whakanoiioia te tika ki roto ki au Minita.     Te Nuinga . Meinga to hunga i whiriwhiria e koe kia hari.     Piriti . E Ihowa, whakaorangia to hunga.     Te Nuinga . Whakapaingia to Hahi puta noa i te ao.     Piriti . E Ihowa, kia noho matou i runga i te rangimarie.     Te Nuinga . No te mea kahore ke atu he tuara mo matou, ko koe anake, e te Atua.     Piriti . E te Atua, meinga o matou ngakau kia kino kore i roto i a matou.     Te Nuinga . Kaua ano hoki tou Wairua Tapu e tangohia i a matou, ¶ Ko konei nga Inoi e toru; ko tetahi mo taua ra ake ano; ko te rua mo te Rangimarie; kote toru mo nga Mate kia araia atu: ko te rua me te toru, e kore e poka ke, engari e korerotia i nga ra katoa i roto i nga Inoi o te Ahiahi .   Lord's Prayer Ko te rua, o nga inoi i te Karakia Ahiahi, E TE Atua, nau nga hiahia tapu, nga whakaaro pai, me nga mahi tika katoa; Homai ki o pononga te rangimarie e kore nei e ahei te homai e te ao, kia pumau ai o matou ngakau ki te whakarongo ki o ture; mau ano hoki matou e tiaki, kei wehi i o matou hoa riri, kia ata noho ai matou i runga i te pai i nga rangi e takoto ake nei; he pai nei hoki te mahi a to matou Kai whakaora, a Ihu Karaiti. Amine .   2nd Collect Ko te toru o nga Inoi, mo nga Mate kia araia atu. WHAKAMARAMATIA to matou pouritanga, e Ihowa; ma tau mahi tohu ano matou e tiaki, kei pangia e nga kino, e nga mate katoa o tenei po; kia mahara koe ki te aroha o to Tama, o to matou Kai whakaora, o Ihu Karaiti. Amine. ¶ Hei konei te Waiata inga Whare e waiataai a   3rd Collect, for Aid against all Perils HE INOI MO TE KUINI. E IHOWA, e to matou Matua i te rangi, kei runga noa atu, he nui noa atu koe, ko koe te Kingi o nga kingi, te Ariki o nga ariki, me te tino Kawana o nga rangatira, e titiro iho ana ko i runga i to torona kl nga tangata katoa o te whenua; Tenei matou te tohe atu nei, kia tirphia atawhaitia mai to tnatou Rangatirapai,a Kuini WIKITORIA ; whakakiia ia ki te kaha o tou Wairua Tapu, kia anga tonu ai ia ki tau e pai ai, kia haere ai i to huarahi: Whakanohoia nga mea papai o te rangi ki roto ki a ia; homai ki a ia he pai, he oranga roa i tenei ao; whakakahangia ia, kia kore ai ona hoa riri katoa i a ia; a, a te mutunga o te noho i konei, kia whiwhi ia ki te haringa mutunga kore; ko Ihu Karaiti nei hoki to matou Ariki. Amine .   Prayer for the Queen's Majesty HE INOI MO NGA WHANAUNGA O TE KUINI. E TE Atua Kaha rawa, ko koe te matapuna o te pai katoa, tenei matou te inoi nei kia whakapaingia a Arapeti Eruera Piriniha o Weiri , me tana hoa wahine me nga Whanaunga katoa o te Kuini: Whakanohoia tou Wairua Tapu ki roto ki a ratou; whakanuia tau atawhai ki a ratou; kia hua te pai ki a ratou; a arahina ratou ki to rangatiratanga mutunga kore; ko Ihu Karaiti nei hoki to matou Ariki. Amine .   Prayer for the Royal Family HE INOI MO NGA MINITA, ME NGA TANGATA. ETE Atua Kaha rawa ora tonu, ko koe anake hei mahi i nga mahi whakamiharo; Tonoaiho tou Wairua whakaora ki o matou Pihopa, ki o matou Minita, ki nga Whakaminenga katoa ano hoki i tukua ki a ratou; kia maturuturu tonu iho te tomairangi o tau atawhai ki runga ki a ratou, kia paingia ai ratou e koe. Tukua mai tenei, e Ihowa, hei whakahonore mo Ihu Karaiti, ko ia nei tp matou Kai inoi, Kai wawao. Amine .   Prayer for Clergy & People HE INOI NA KARIHOTOMA. ETE Atua Kaha rawa, he atawhainga nau ki a matou i tenei taima i ngakau tahi ai matou ki te inoi atu ki a hoe; kua mea nei hoki koe, ki te huihui te hunga tokorua, tokotoru ranei, i runga i to Ingoa, ka tukua mai e koe nga mea e inoi ai ratou: Whakamana aianei, e Ihowa, nga hiahia, me nga inoi a o pononga, ki nga mea e tau ana ki a ratou; tukua mai ki matou kia mohio ki to pono i tenei ao, a, i tera ao, kia tae atu ki te oranga tonutanga. Amine . 2 Koriniti xiii. KIA tau ki a tatou katoa te atawhai a to tatou Ariki, a Ihu Karaiti, me te aroha o te Atua, me te whiwhinga tahitanga ki te Wairua Tapu, ake, ake. Amine . Ko te mutunga tenei o nga Inoi o te Ahiahi i nga ra katoa o te Tau .   Prayer of St. Chrysostom MO TE KARAKIA O TE ATA. Ka taka ki enei Ra Hakari; ki te Ra Whanautanga, ki te Ra o te Whakaaturanga, ki te Ra o Matiaha, o te Aranga, o te Kakenga, o te Petekoha, o Hoani Kai iriiri, o Hemi, o Patoromu, o Matiu, o Haimona o Hura, o Anaru, ki te Ra tapu ano hoki o te Tokotoru, me kape te Whakapono a nga Apotoro, a ka waiatatia , ka korerotia ranei , i te Karakia o te Ata , tenei Whakapuahunga , o te Whakapono Karaitiana, e karangatia nei Ko te Whakapono a Atanatiu; kia tu katoa hoki te Minita, me te nuinga . E MEA te tangata kia whakaorangia: kia tino u pu ia ki te Whakapono o te Hahi puta noa i te ao.     Ki te kahore tenei Whakapono e puritia katoatia, e puritia oratia e te tangata: ina ka tino mate rawa ia a mua.     Ko te Whakapono tenei a te Hahi puta noa i te ao: Kia karakiatia e tatou te Atua Kotahi, me te whakaaro ano ki te Tokotorutanga; te Tokotoru hoki, me te whakaaro ano ki te Kotahitanga;     Me whakaae ki te Tokotorutanga: otiia kaua e wehea te Kotahitanga.     Ta te mea hoki ko te Matua ano te Matua, ko te Tama ano te Tama: ko te Wairua Tapu ano te Wairua Tapu.     Kotahi ano ia te Atuatanga o te Matua, o te Tama, o te Wairua Tapu: rite pu te Kororia, rite pu te Nui o tua whakarere, a, amua tonu atu.     Ko te Matua, ko te Tama: ko te Wairua Tapu, rite tonu.     Ehara te Matua i te mea hanga, ehara te Tama i te mea hanga: ehara te Wairua Tapu i te mea hanga.     He tino nui te Matua, he tino nui te Tama: he tino nui te Wairua Tapu.     Ko te Matua, ko te Tama, ko te Wairua Tapu: no tua whakarere, a, amua tonu atu.     Otira he teka te ki, e toru nga mea o tua whakarere, a, amua tonu atu: engari kotahi ano te mea o tua whakarere, a, amua tonu atu.     He teka ano hoki te ki, e toru nga tino nui, e toru ranei uga mea kihai i hanga: engari kotahi ano te mea kihai i hanga, ko tahi ano hoki te tino nui.     Waihoki he tino Kaha te Matua, he tino Kaha te Tama; he tino Kaha te Wairua Tapu.     Otira he teka te ki, e toru nga tino Kaha: engari kotahi ano te tino Kaha.     Waihoki, ko te Matua te Atua, ko te Tama te Atua: ko te Wairua Tapu te Atua.     Ehara auo ia i te mea e toru nga Atua: engari kotahi ano Atua.     Waihoki, ko te Matua te Ariki, ko te Tama te Ariki: ho te Wairua Tapu te Ariki.     Otira ehara i te mea e toru nga Ariki: engari kotahi ano te Ariki.     Na, kua whakatakotoria nei he tikanga ma tatou i roto i te whakapono Karaitiana: kia whakaaetia atu he Atua tetahi, he Ariki, he Atua tetahi, he Ariki, he Atua tetahi, he Ariki;     Waihoki, e whakaakona ana tatou e te Tikanga o te Hahi: kia kaua e mea, E toru nga Atua, e toru nga Ariki.     Ehara te Matua i te mea whakawhaiahua e tetahi: ehara; i te mea hanga, ehara i te mea; whakatupu.     No te Matua auake te Tama: ehara i te mea whakawhaiahua, ehara i te mea hanga, engari he mea whakatupu.     No te Matua raua ko te Tama; te Wairua Tapu: ehara i te mea hanga, ehara i te mea whakatupu, engari e puta mai ana.     Heoi, kotahi ano te Matua, ehara i te mea tokotoru nga Matua; kotahi ano te Tama, ehara i te mea tokotoru nga Tama: kotahi ano te Wairua Tapu, ehara i te mea tokotoru nga Wairua Tapu.     Kahore tetahi o tenei Tokotoru e hiko ki mua, kahore hoki tetahi e hoki ki muri: kahore e nui ake, kahore e nohinohi iho, tetahi i tetahi;     Engari e rite katoa ana te ora: te nui.     Koia i kiia ai kia karakiatia te Kotahi me te whakaaro ano ki te Tokotorutanga: te Tokotoru hoki, me te whakaaro ano ki te Kotahitanga.     E mea te tangata kia whakaorangia: kia penei tana whakaaro ki te Tokotoru.     Tenei ake ano tetahi kupu o te oranga tonutanga: kia tika tana whakaponp ki te Whakatangatatanga o to tatou Ariki, o Ihu Karaiti.     Ko te Whakapono tika hoki tenei, kia whakapono tatou, kia whakaae: ko to tatou Ariki ko Ihu Karaiti, ko te Tama a te Atua, he Atua, he Tangata;     He Atua, na te Matua hoki, hemea whakatupu no mua atu i nga ao: he Tangata, na tona Whaea hoki, he mea whanau ki te ao;     Tino Atua, tino Tangata: he ngakau maiiara tona, he tinana tangata;     Na tona Atuatanga i rite ai ia ki te Matua: na tona Tangatatanga i iti iho ai ia te Matua.     Ahakoa he Atua ia he Tangata: ehara ia i te tokorua, engari kotahi ano Karaiti;     Kotahi ano; ehara i te mea i whakaputaia ketia te Atuatanga hei kikokiko: engari i tangohia te Tangatatanga ki roto ki te Atua.     Kotahi tonu ia; ehara i te mea i whakariroia ketia te wahi Atua hei tangata, te wahi tangata ranei hei Atua: engari i huia kia kotahi.     Kotahi nei ano tangata te ngakau mahara me tona kikokiko: waihoki ko te Atua, ko te tangata, kotahi ano Karaiti;     A, i mate ano ia kia ora ai tatou: i heke atu ki te reinga, i ara ake i te mate i te toru o nga ra.     I kake atu ki te rangi; kei te ringaringa matau o te Matua, o te Atua Kaha rawa, ia e noho ana: ka hoki mai ia i reira ki te whakarite whakawa mo nga tangata ora, mo nga tangata mate.     Ka puta mai ia amua, ka ara ake nga tangata katoa, me o ratou tinana: a ka korerotia te ritenga o a ratou mahi.     A ka haere te hunga i mahi i te pai ki te ora tonu: ko te hunga hoki i mahi i te kino, ki te ahi ka tonu.     Ko te Whakapono tenei a te Hahi puta noa i te ao: ki te kore hoki tenei e tino whakaponohia e te tangata, e kore ia e ora.     Kia whakakororiatia te Matua, te Tama: me te Wairua Tapu;     Ko te ritenga ia i te, timatanga, a tenei ano inaianei: a ka mau tonu iho, a, ake ake ake. Amine. Athanasian Creed Return home Web author: Charles Wohlers U. S. • England • Scotland • Ireland • Wales • Canada • World