Te Pukapuka o Nga Inoi: The Book of Common Prayer in Maori The Book of Common Prayer United States England Scotland Ireland Wales Canada World       Te Pukapuka o Nga Inoi The Book of Common Prayer in Maori   TE TIKANGA MO NGA INOI O TE ATA, I NGA RA KATOA O TE TAU. ¶ Me korero e te Minita etaki o enei kupu o te Karaipiture i te timatanga o te Karakia o te Ata, kia nui hoki te reo. Ko reira korerotia ai e ia nga mea kua oti nei te tuhituhi i te mutunga o aua kupu . KI te tahuri mai ano hoki te tangata kino i tana kino i mahia e ia, a ka mahia e ia te mea e rite ana, e tika ana, ka ora ano i a ia tona wairua.   Ehekiere xviii, 27. E whaki ana hoki ahau i aku mahi tutu, kei toku aroaro tonu toku hara.   Waiata li. 3, Huna tou mata ki oku hara, a murua katoatia aku kino.   Waiata li. 9. Nga patunga tapu ma te Atua he wairua maru: e kore koe e whakahawea, e te Atua, ki te ngakau maru, ki te ngakau iro.   Waiata li. 17. Haea ano hoki o koutou ngakau, haunga o koutou kakahu, a tahuri mai ki a ihowa, ki to koutou Atua: he aroha hoki tana, he mahi tohu, e puhoi ana ki te riri, he nui tona atawhai, e ripeneta ana hoki ki te kino.   Hoere ii. 13. Na te Ariki na to matou Atua nga mahi tohu me nga murunga hara, ko matou ia kua whakakeke ki a ia: kihai ano i whakarongoki te reo o Ihowa o to matou Atua, kihai i haere i ana ture i whakatakotoria e ia ki o tatou aroaro.   Raniera ix. 9,10. Pakia ahau, e Ihowa, me te whakariterite ano ia; kauakaina riri koe, kei kahore ahau i a koe.   Heremaia x. 24. Waiata vi. 1. Ripeneta, kua tata hoki te rangatiratanga o te rangi.   Matiu iii. 2. Ka whakatika atu ahau, ka haere ki toku matua, ka mea atu ki a ia, E Pa, kua hara ahau ki te rangi, ki tou aroaro ano hoki, a heoi ano tikanga kia karangatia ahau he tamaiti nau.   Ruka xv. 18, 19. Kaua e anga e whakawa ki to pononga, E Ihowa; M tau titiro hoki, e kore tetahi mea ora e whakatikaia.   Waiata cxliii. 2. Ki te mea tatou kahore o tatou hara, e whakapohehe ana tatou i a tatou ano, a kahore te pono i roto i a tatou: ki te whaki tatou i o tatou hara, e pono ana ia, e tika ana, a ka murua e ia o tatou hara, ka horoia hoki o tatou he katoa.   1 Hoani i. 8, 9. E AKU hoa aroha, he tini nga meatanga mai a te Karaipiture kia whakina o tatou tini hara; kia kaua hoki e huna i aua hara i te aroaro o te Atua Kaha rawa o to tatou Matua i te rangi; engari me whaki atu, i runga i te ngakau iti, i te ngakau ripeneta, i te ngakau rongo; kia murua ai aua hara e ia, he Mra nei hoki tona pai, tana mahi tohu. He mahi tika ano tenei, te whakaiti i a tatou, i nga wa katoa, te whaki atu i o tatou hara ki te Atua; he tika rawa ia, ina whakamine mai tatou ki te whakawhetai atu mo nga mea pai kua homai nei e ia, ki te whakapai atu ki a ia, ki te whakarongo ki tana Kupu tapu, ki te inoi hoki ki nga mea e matea ana e te tinana, e te wairua. Heoi, e koutou katoa e tu nei, kia tika tahi tatou ki te torona o tona atawhai, kia tapatahi te ngakau, kia marie hoki te reo, me whai mai ta koutou i muri i taku; ¶ He Whakinga nui hei whakahuatanga ma te Whakaminenga katoa i muri iko i ta te Minita, me koropiko katoa .   Morning Prayer E TE Matua atawhai, Kaha rawa; Kua he matou, kua marara ke atu i o ara me te hipi ngaro. Kua aru matou i nga hiahia, i nga mea pokanoa a o matou ngakau. Kua tutu matou ki au ture tapu. Ko nga mea tika kua kapea e matou; Mahia iho ko nga mea kihai i tika kia mahia; Kahore he wahi ora i a matou. E Ihowa, tohungia matou, te hunga pouri rawa i te hara. E te Atua, tohungia matou, e whaki nei i o matou hara. Whakaarahia matou e ripeneta nei; Kia rite hoki ki au kupu i korerotia ki te tangata e ihu Karaiti, e to matou Ariki. Tukua mai hoki, E te Matua tohu, mona i mate; Kia tapu, kia tika, kia marie tonu ta matou noho a muri ake nei, a mate noa, Kia whakakororiatia ai tou Ingoa tapu. Amine. ¶ Ko te Wetekanga, ara, ko te Murunga hara, ma te Piriti e korero; me tu ia, ko te Nuinga me koropiko tonu . KAHORE he hiahia o te Atua Kaha rawa, o te Matua o to tatou Ariki o Ihu Karaiti, kia mate te tangata hara, engari kia tahuri mai ia i ana mahi tutu, kia ora; kua tukua mai e ia te tikanga ki ana Minita, kia whakapuakina ki ana tangata, ki te ripeneta, te Wetekanga o o ratou. hara: Ka murua e ia nga hara o te httnga katoa e pono ana te ripeneta, e whakapono pu ana ki tana Rongo tapu. Na, kia inoi tatou, kia tukua mai te tine ripeneta pono, me tona Wairua Tapu, kia rite ai ki tana e pai ai a tatou mahi o tenei wa; kia tapu ai ta tatou noho a muri ake nei; kia tae ai hoki tatou a mua ki tona haringa mutunga kore; ko Ihu Karaiti hoki to tatou Ariki. ¶ Ko konei mea ai nga tangata katea , Amine, ho nga mutunga, ano hoki o ara Inoi katoa . ¶ Ko honei te Minita koropiko ai, whakahua aiiteInoia te Ariki, kiarahi hokitereo; me koropiko tonu te nuinga, me te whakahua tahi i tenei Inoi i konei, i ara atu wahi hoki o te Karakia e korerotia ai .   Confession & Absolution E TO matou Matua i te rangi, Kia tapu tou Ingoa. Kia tae mai tou Rangatiratanga. Kia meatia tauepaiaikirunga ki te whenua, kia rite ano ki to te raugi, Homai ki a matou aianei he taro ma matou mo tenei ra, Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino: Nou hoki te rangatiratanga, Te kaha, me te kororia, Ake ake ake. Amine. ¶ Ko konei ano hoki ia mea ai ,     Whakatuwheratia o matou ngutu, e te Ariki.     Te Nuinga . A ma o matou mangai e whakapai atu ki a koe.     Piriti . E te Atua, hohoro te whakaora i a matou,     Te Nuinga . E Ihowa, hohoro te awhina i a matou. ¶ Ko konei whakatika katoa ai, aka mea, te Piriti ,     Kia whakakororiatia te Matua, te Tama: me te Wairua Tapu;     Te Nuinga . Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine.     Piriti . Whakapaingia a Ihowa.     Te Nuinga . Ko te ingoa o Ihowa kia whakapaingia. ¶ Na, ko konei ka koreratia, ka waiatatia ranei, tenei Waiata i raro iho: kaua raia i te Ra Aranga, tena ano tetahi Waiata mo taua ra; kaua ano hoki e korerotia ki konei i te Tekau ma irea o nga ra o te Marama, engari i te Korerotanga o nga Waiata .   Lord's Prayer Waiata xcv. TENA, kia waiata tatou ki a Ihowa: kia hari te hamama ki te kamaka o to tatou whakaoranga.     Kia haere tatou me te whakawhetai atu ki tona aroaro: kia ngahau hoki a tatou Himene ki a ia.     No te mea he Atua nui a Ihowa: he Kingi nui hoki i nga atua katoa.     Kei tona ringa nga wahi hohonu o te whenua: a nona nga maunga teitei.     Nana te moana, nana ano i hanga: a na ona ringa i whai ahua ai te whenua maroke.     Haere mai tatou, kia koropiko, kia tuohu: kia tukua nga turi ki te aroaro o Ihowa, o to tatou Kai hanga.     Ko ia hoki to tatou Atua: a ko tatou tana iwi e hepara ai, me nga hipi a tona ringa.     Ki te rongo koutou ki tona reo aianei, kaua e whakapakeketia o koutou ngakau: kei pera me o te whakatoinga, me ote ra o te whakamatautauranga i te koraha;     I a au i whakamatautauria e o koutou matua: i ata mohiotia, i to ratou kitenga ano hoki i aku mahi.     E wha tekau nga tau i hoha ai ahau ki tenei whakatupuranga, na, ka mea ahau: He iwi ngakau kotiti ke raua, kahore hoki ratou e mohio ki aku ara.     No reira i riri ai ahau, i oati ai tioki: e kore ratou e tae ki taku okiokinga.     Kia whakakororiatia te Matua, te Tama: me te Wairua Tapu.     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Na, ko koneingaWaiata i whakaritea. A, ka mutu ia waiata ia waiata, i nga ra katoa o te Tau, na, ko tenei,     Kia whakakororiatia te,Matua, te Tama: me te Wairua Tapu;     Te Nuinga . Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko konei korerotia ai te Upoko o te Kamenata Tawhito, i whakaritea e te Tepara Tuarua, hei Upoko Tuatahi, ki te kahore tetahi atu Upoko i whakaritea e te Tepara Tuatahi mo taua rangi ake: Kia nui hoki, kia marama te reo o te Kai korero , kia tika, kia aronui hoki te tu, kia rangona ai e te Whakaminenga katoa. A, ka mutu to Upoko, me korero,me waiata ranei,i nga ra katoa o te Tau, te Himene , E whakapai atu ana matou ki a koe. ¶ Katimata te Upeko,memeateMinita , Tenei ka timata te —— o nga Upoko, te —— ranei o nga Rarangi o te —— o nga Upoko o ——: A ka mutu te Upoko, na , Ko te mutunga tenei o te Tuatahi, o te Tuarua ranei , o nga Upoko.   Venite E WHAKAPAI atu ana matou ki a koe, e te Atua: e whakaae ana matou ko koe ano a Ihowa.     E koropiko ana te whenua katoa ki a koe: e te Matua ora tonu.     E kaha ana te karanga a nga Anahera katoa ki a koe: a nga Rangi, me o reira Kaha katoa.     Hono tonu te karanga a nga Kerupima: a nga Herapima, ki a koe,     Tapu, Tapu, Tapu rawa: e ihowa, e te Atua o nga Mano tuauriuri, whaieio;     Ki tonu te Rangi me te Whenua: i te Nui o tou Kororia.     E whakapai ana ki a koe nga Apotoro: te hunga ingoa nui.     E whakapai ana ki a koe: te huihuinga pai o nga Poropiti.     E whakapai ana ki a koe te ope ingoa nui: nga tangata i patua mo te whakapono.     E whakaae ana ki a koe: te Hahi tapu puta noa i te ao;     Ki te Matua: e hira rawa nei te kororia;     Ki to Tama Kotahi: he pono ia, he ingoa nui;     Ki te Wairua Tapu ano hoki: ki te Kai whakamarie.     Ko koe te Kingi ingoa nui: e te Karaiti.     Ko koe te Tama ora torra: a te Matua.     I a koe i anga ki te whakaora i te tangata: kihai koe i kino kia whanau i te wahina.     Ano ka taea e koe te wero o te mate: ka tuwhera i a koe te Rangatiratanga o te Kangi ki te hunga whakapono katoa.     Kei te ringa matau o te Atua koe e noho ana: kei te Kororia o te Matua.     E whakapono ana matou, tera koe ehaeremai: hei Kai whakarite whakawa mo matou.     Koia matou ka inoi nei ki a koe kia whakakahangia au pononga: i hokoa e koe ki ou toto utu nui.     Whakaurua ratou ki roto ki ou Tangata tapu: ki te kororia mutunga kore.     E Ihowa, whakaorangia tau hunga: whakapaingia tau hahi.     Kawanatia ratou: whakaarahia, a, ake ake ake.     I tenei ra i tenei ra: e whakanui ana matou i a koe;     E karakia ana maton ki tou ingoa: aianei, a, ake ake ake.     Whakaae mai, e Ihowa: kia tiakina matou aianei kei hara.     E Ihowa, tohungia matou: tohungia matou.     E Ihowa, kia tau to atawhai ki runga ki a matou: e whakawhirinaki atu nei hoki matou ki akoe.     E Ihowa, e whakawhirinaki atu ana ahau ki a koe: aua ahau e tukua kia whakama. ¶ Ko tenei Waiata ranei,   Te Deum Laudamus WHAKAPAINGIA a Iho wa, e nga Mahi katoa a Ihowa; whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Anahera a Ihowa: whakamoemiti atu ki a ia, whakanuia hoki ia, a, ake ake.     Whakapaingia a Ehowa, e nga Rangi: whakamoemiti atu ki a ia, whakanuia hoki ia, a, ake ake.     Whakapaingia a Ihowa,e nga Wai i runga atu o te Kikorangi: whakamoemiti atu ki a ia, wha kanuia hoki ia, a, ake ake.     Whakapaingia a Ihowa, e nga Kaha katoa o Ihowa: whakamoemiti atu ki a ia,whakanuia hoki ia, a, ake ake.     Whakapaingia a Ihowa, e te Ra, e te Marama: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Whetu o te Rangi: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Ua, e nga Tomairangi: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Hau a te Atua: whakamoemiti atu ki a ia, whakanuia tki ia, a, ake ake.     Whakapaingia a Ihowa, e te Kapura, e te Mahana: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e te Hotoke, e te Raumati: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Tomairangi, e te Haupapa: wiiakamoemiti atu ki a ia, whakanui hoki ia, a, ake ake.     Whakapaingia a Ihowa, e te Haupapa, e te Makariri: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e te Hauhunga, e te Hukarere: whakamoemiti atu ki aia, whakanuia hoki ia, a, ake ake.     Whakapaingia a Ihowa, e nga Po, e nga Ra: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e te Maramatanga, e te Pouritanga: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Uira, e nga Kapua: whakamoemiti atu ki a ia, whakanuia hoki ia, a, ake ake.     Kia whakapaingia a Ihowa e te Whenua: ae, kia whakamoemiti atu ki a ia, kia whakanui hoki i a ia, a, ake ake.     Whakapaingia a ihowa, e nga Mannga, e nga Pukepuke: whakamoemiti atuki aia, whakanuia hoki ia, a, ake ake.     Whakapaingia a Ihowa, e nga Mea Matomato katoa i runga i te Whenua: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Poka wai: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Moana, e nga Waipuke: whakamoemiti atu ki a ia, whakanuia hoki ia, ake ake.     Whakapaingia a Ihowa, e nga Tohora, me nga Mea katoa e tere ana i roto i ngaWai: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Manu katoa o te Rangi: whakamoemiti atu ki a ia, whakanuia hoki ia, a, ake ake.     Whakapaingia a Ihowa, enga Kirehe katoa, e nga kararehe: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Tamariki a te Tangata: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e Iharaira: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Tohunga a Ihowa: whakamoemiti atu ki a ia, whakanuia hoki ia, a, ake ake.     Whakapaingia a ihowa, e nga Pononga a Ihowa: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e nga Wairua, e nga Hinengaro o te Hunga tika: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e te Hungatapu, e te Hunga ngakau whakaiti: whakamoemiti atu ki a ia, whakanuia hoki ia, a, ake ake.     Whakapaingia a Ihowa, e Anania, e Ataria, e Mihaera: whakamoemiti atu ki a ia, whakanuia hoki ia, a, ake ake.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko konei ano te Rua o nga Upoko, hei tetahiiroto ite Kawenata Hou. A, muri iho, ko tenei Himene; ki te kahore i korerotia i te Upoko mo te Ra, i te Rongo Pai ranei mo te Rao Hoani Kai iriiri .   Benedicite, Omnia Opera Ruka i. 68. KIA whakapaingia te Ariki te Atua o Iharaira: kua titiro mai hoki ia, kua hoko i tona iwi,     A kua whakaarahia ake e ia he haona whakaora mo tatou: i roto i te whare o Rawiri, o tana pononga;     Ko tana hoki ia, i korerotia e te raangai o ana poropiti tapu: no te timatanga iho ano o te ao:     Hei whakaora i a tatou i o tatou hoa whawhai: i te ringariûga ano hoki o te hunga katoa e kino ana ki a tatou;     Hei whakaputanga rao te mahi tohu ki o tatou tupuna: hei whakamaharatanga ki tana kawenata tapu;     Ki te oati i oati ai ia ki a Aperahama: ki to tatou tupuna,     Kia tukua mai e ia ki a taton he oranga i te ringaringa o o tatou hoa whawhai: a kia mahi wehi kore atu ki a ia,     I runga i te tapu, i te tika, ki tona aroaro: i nga ra katoa e ora ai tatou.     A ko koe, e tama, ka karangatia ko te poropiti a te Runga rawa: e haere hoki koe i te aroaro o te Ariki, hei whakapai iona ara;     Hei whakamatau i tona iwi ki te whakaoranga: i o ratou haia e murua ana;     He mea hoki na te aroha, na te mahi tohu a to tatou. Atua: na reira hoki i puta mai ai te puao: tanga o runga ki a tatou,     Hei whakamarama i te hunga e noho ana i te pouri, i te ata rangi hoki o te mate: hei whakatika i o tatou waewae ki te huarahi o te rangimarie.     Kia whakakororiatia te Matua, te Tama: me te Wairua Tapu;     Ko te ritenga ia i te timatanga, a tenei ano inaianei: a ka mau tonu iho, a, ake ake ake. Amine. ¶ Ko tenei Waaita ranei,   Benedictus Waiata 100. KIA hari te hamama ki a Ihowa, e nga whenua katoa: mahi atu ki a ihowa i runga i te koa, waiata haere ki tona aroaro,     Kia matau ki a Ihowa, ko ia te Atua: nana tatou i hanga, ehara hoki i a tatou; ko tatou tana iwi,me ana hipi e hepara ai.     Tomokia ona tatau i runga i te whakawhetai, ona marae i runga i te whakamoemiti: whakawhetai atu ki a ia, whakapaingia tona Ingoa.     E pai ana hoki a Ihowa, pumau tonu tana mahi tohu: a kei tena whakatupuranga, kei tena whakatupuranga tana pono.     Kia whakakororiatia, te Matua,teTama: meteWairuaTapu;     Ko te ritenga ia i te timatanga, a tenei ano inaianei: a ka mau tonu iho, a ake ake ake. Amine. ¶ Ke honei korerotia ai, waiatatia ai ranei e te Minita ratau ko te nuinga te Whakapono a nga Apotoro, me tu katoa ratou: otira me wkakarere i nga ra katoa e korerotia ai te Whakapono a Atanatia.   Jubilate Deo E WAKAPONO ana ahau ki te Atua ki te Matua Kaha rawa, Ko ia te Kai hanga o te rangi, o te whenua;     Ki tana Tama Kotahi ano hoki, ki to tatou Ariki, ki a Ihu Karaiti; I whakatangatatia nei e te Wairua Tapu, I whanau i te Wahina i a Meri, I whakamamaetia i te wa i a Ponotio Pirato, I ripekatia, i mate, i tanumia, I heke atu ki te reinga; No te toru o nga ra i ara ake ai ia i te mate, A kake atu ana ki te rangi; E noho mai nei i te ringaringa matau o te Atua, o te Matua Kaha rawa; Ka hoki mai auo ia i reira ki te whakarite whakawa mo nga tangata ora, mo nga tangata mate.     E whakapono ana ahau ki te Wairua Tapu; Ki te Hahi tapu puta noa i te ao; Ki te Kotahitangaote Hungatapu; KiteMurungahara; KiteAiangamaiote tinana, Me te ora tonu. Amine. ¶ A ka mutu tena, ko anei Inoi, me koropiko katoa; kia matua whakahuatia enei kupu e te Minita,kia nui ano hoki te reo ,     Kia noho a Ihowa kiakoutou.     Te Nuinga . Ki tou wairua ano hoki. Minita . Kia inoi tatou. E Ihowa, tohungia matou. E te Karaiti, tohungia matou. E Ihowa, tohungia matou. ¶ Ko konei te Minita, me te Whakaminenga, whakakua ai i te Inoi a te Ariki, kia nui hoki te reo .   Apostles' Creed E TO matou Matua i te rangi, Kia tapu tou Ingoa. Kia tae mai tou Rangatiratanga. Kia meatia tau e pai ai ki runga ki te whenua, kia rite ano ki to te rangi. Homai ki a matou aiauei he taro ma matou mo tenei ra. Murua o matou hara, Me matou hoki e muru nei i o te hunga e hara ana ki a matou. Aua hoki matou e kawea kia whakawaia; Engari whakaorangia matou i te kino. Amine. ¶ Ko konei te Minita whahatika ai, mea ai ,     E Ihowa, whakakitea mai tau mahi tohu ki a matou.     Te Nuinga . Tukua Mai tau whakaoranga ki a matou.     Piriti . E Ihowa, whakaorangia te Kuini.     Te Nuinga . A whakarongo marire mai ki a matou, ua karanga atu ki a koe.     Piriti . Whakanohoia te tika ki roto ki au Minita.     Te Nuinga . Meinga to hunga i whiriwhiria e koe kia hari.     Piriti . E Ihowa, whakaorangia to hunga.     Te Nuinga . Whakapaingia to Hahi puta noa i te ao.     Piriti . E Ihowa, kia noho matou i runga i te rangimarie.     Te Nuinga . No te mea kahore ke atu he tuara mo matou, ko koe anake, e te Atua.     Piriti . E te Atua, meinga o matou ngakau kia kino kore i roto i a matou.     Te N uinga . Kaua ano hoki tou Wairua Tapu e tangohia i a matou. ¶ K o konei nga inoi e toru; ko tetahi mo taua Ra ake ano, tera ho k i e kor erotia ana i te T e para tapu; ko te rua mo te R angimar e ; ko te toru mo te Kaha, ki a pai ai te n o ho. Ko te rua m e te toru, e kore e poka ke, e ngari e korerotia i nga ra katoa i roto i nga Inoi o te Ata, a taka no a te Tau; me kor o piko katoa ho ki .     Lord's Prayer KO TE RUA O NGA INOI, MO TE RANGIMARIE. ETE Atua, ko koe te take o te rangimarie, e paingia ana e koe te ata noho, ma te mohio ki a koe ka ora tonu ai matou, he tino mahi rangatira te mahi ki a koe; Tiakina o pononga i nga wa e whakaekea mai ai matou e o matou hoa whawhai; kia kore ai raatou, te hunga e okioki atu nei ki a koe, e wehi ki te kaha o o matou hoa riri, e kaha ana hoki to matou Ariki a Ihu Karaiti. Amine .   2nd Collect, for Peace KO TE TORU O NGA INOI, MO TE KAHA. E IHOWA, e to matou Matua i te rangi, ko koe te Atua kaha rawa ora tonu, nau matou i whakaora ,a taea noatia te timatanga o tenei ra; Mau, ma te Mea kaha, matou e tiaki aianei; kaua hoki matou e tukua kia taka i tenei ra ki te hara, kia rere ranei ki roto ki te mate; engari tohutohungia, whakatikaia e koe a matou mahi katoa, kia raea tonu ai matou i nga mea e tika ana ki tau titiro; ko Ihu Karaiti nei hoki to matou Ariki. Amine . ¶ Hei konei te waiata i nga whare e waiataai . ¶ Ko konei enei Inoi e rima, ki te kahore teRitani; ki te korerotia te Ritani, na, ko nga mea e rua anake i te whakamutunga .   3rd Collect, for Grace HE INOI MO TE KUINI E IHOWA, e to matou Matua i te rangi, kei runga noa atu, he nui noa atu koe, ko koe te Kingi o nga kingi, te Ariki o nga ariki, me te tino Kawana o nga rangatira, e titiro iho ana koe i runga i to torona ki nga tangata katoa o te whenua; Tenei matou te tohe atu nei, kia tirohia atawhaitia mai to matou Eangatira pai, a Kuini WIKITORIA ; whakakiia ia ki te kaha o tou Wairua Tapu, kia anga tonu ai ia ki tau e pai ai, kia haere ai i to huarahi: Whakanohoia nga mea papai o te rangi ki roto ki a ia; homai ki a ia he pai, he oranga roa i tenei ao; whakakahangia ia, kia kore ai ona hoa riri katoa i a ia; a, a te mutunga o te noho i konei, kia whiwhi ia ki te haringa nrntunga kore; ko Ihu Karaiti nei hoki to matou Ariki. Amine.   Prayer for the Queen's Majesty HE INO IMO NGA WHANAUNGA O TE KUINI. E TE Atua Kaha rawa, ko koe te matapuna o te pai katoa, tenei matou te inoi nei kia whakapaingia a Arapeti Eruera Piriniha o Weiri , me tana hoa wahine, me nga Whanaunga katoa o te Kuini: Whakanohoia tou Wairua Tapu ki roto ki a ratou; whakantria tau atawhai ki a ratou; kia hua te pai ki a ratou; a arahina ratou ki to rangatiratanga mutunga kore; ko Ihu Karaiti nei hoki to matou Ariki. Amine .   Prayer for the Royal Family HE INOI MO NGA MINITA, ME NGA TANGATA. E TE Atua Kaha rawa ora tonu, ko koe anake hei mahi i nga mahi whakamiharo; Tonoa iho tou Wairua whakaora ki o matou Pihopa, ki o matou Minita, ki nga Whakaminenga katoa ano hoki i tukua ki a ratou; kia maturuturu tonu iho te tomairangi o tau atawhai ki runga ki a ratou, kia paingia ai ratou e koe. Tukua mai tenei, e Ihowa, hei whakahonore mo Ihu Karaiti, ko ia nei to matou Kai inoi, Kai wawao. Amine .   Prayer for Clergy & People HE INOI NA KARIHOTOMA. E TE Atua Kaha rawa, he atawhainga nau ki a raatou i tenei taima i ngakau tahi ai matou ki te inoi atu ki a koe; kua mea nei hoki koe, ki te huihui te hunga tokorua, tokotoru ranei, i runga i tou Ingoa, ka tukua mai e koe nga mea e inoi ai ratou: Whakamana aianei, e Ihowa, nga hiahia, me nga inoi a o pononga, ki nga mea e tau ana ki a ratou; tukua mai ki a raatou kia mohio ki to pono i tenei ao, a, i tera ao, kia tae atu ki te oranga tonutanga. Amine. 2 Koriniti xiii. KIA tau ki a tatou katoa te atawhai a to tatou Ariki, a Ihu Karaiti, me te aroha o te Atua, me te whiwhinga tahitanga ki te Wairua Tapu, ake ake. Amine . Ko te mutunga tenei o nga Inoi o te Ata i nga ra hatoa o te Tau . Prayer of St. Chrysostom Return home Web author: Charles Wohlers U. S. • England • Scotland • Ireland • Wales • Canada • World