Te Hoa Maori 1885-1910: Number 2. 01 April 1885 :: Niupepa: Māori Newspapers ::

TE HOA MAORI "HOANI 3.16." (JOHN HI. 16.) "Koia ano hoki te aroha o te Atua ki te ao ana e Ia Tana Tamaiti kotahi kia kahore ai e mate te tangata e whakapono ana ki a ia otira kia whiwhi ki te Oratonu." TETAHI po makariri i te hotoke e tu ana tetahi tamaiti rawakore o te Airihi i nga o Tapurini, he tamaiti hamero noa no te taone kahore he whanaunga aroha. Kua rere ia ki te tata, kaa whakahoa ki nga tahae e wahi ana i a ia ra te huarahi whanui e tika ana ki te mate. I taua po pa ano kaa whakarite ratou kia tomokia (etahi whare, kua whakarite i taua tamaiti kia hawe ata kia ratou ki tetahi tiriti i te mea o nga hawa. I a ue tu ana i reira, me te wiri ano i te ma- :; toke, to pa ohorere tetahi ringa ki runga ki tona pokohiwi. Ka nui te hinaki poari, heoi ano tana i kite ai ko tetahi ahua roa e tu ana i tona taha a ka wiri ia i te mataku; otira ka ki atu ki : a i he reo aroha: "E tama, e aha ana koe i konoi i tenei takiwa o te po? kahore he tikanga o te pena me koe i nga tiriti i tenei hawa tena, Ea oma hari atu te tamaiti me te whakahua- hua haere ano i te mea i akona ki a ia, kihai roa kaa tae ia ki te tiriti, a i te nama e tu ana etahi keeti nui, he pu-rua. Katahi tona ngakau ka hemo i te whakamiharo ki aua keeti. Me pehea he tomokanga moni ki reira ? whakapato wehi- wehi ana ia i te pere. Katahi ka whakapuaretia e te kai-tiaki po, me te ki maro mai te reo, " Kowai tena ?" " Ekara ko ahau ! Eia pai mai e Kara; Ko Hoani Toru me te Tekau ma ono ahau," wiri rawa te reo. " Pai tonu, tomo mai koe, ko te pahi tena," a ka tomo te tamaiti. Kihai i roa kua takoto ia ki roto ki te moenga pai, mahana, kahore ia i kite i mua atu i nga koheka hei rite ki aua hipoki. I ft ia ka huri ki te moe, ka whakaaro ia, "Katahi te ingoa tupono, e kore e mahue i ahau tenei ingoa!" Ao ake te ata, i te mea ki ano ia kia tonoa ki te tiriti (mo te po anake hoki tera kainga mona) ka hoatu he peihana ki tona i te waiu whaka- wera, he mea penu ki ta taro. 'Ka haere ia whana-atu he wahi, wehi ai ano kei tutaki ki a ia ona hoa tawhito, me te whakaaroaro ino ki tona ingoa hou, whakawhiti mahara kore ai i tetahi huanui e whakakikiria ana ka hinga ia, takahiaiho Katahi ka hui te tangata, ka whakatakotoria ia kua kahore ke, ki runga ki te kauhoa, a ka kawea ki te hohipera tata mai. Ka tomo ratou ka hoki mai te manawa Ko te tikanga i nga hohipere o Tapurini

                TE HOA MAORI.
tona, "Hoani 3, 16,! Hei mahi tena i te pai
moku, a kaa tika!"
  Na enei hamama ka hono, ka oho te nuinga
ata o nga turoro. Ka maunu ta ia Kawenata ki
te rapu ki te korero i te wahi i karangatia e ia.
He  aha rawa ra te tikanga o ana kupu ? a, ka-
tahi tenei o konei, me tera o ko atu, ka korero i
aua kopu  whakaahuareka "Koia ano hoki te
aroha o te Atua ki te ao homai ana e Ia Tana
Tamaiti  kotahi kia kahore ai e mate te tangata
 e whakapono ana  ki a ia otira kia whiwhi ki te
 ora-tonu." (Hei mahi tena i te pai moku, a,
 kua tika!" e ai ta taua tamaiti hamama i ona
 mamae). Eia Ruta, ko tenei wharangi" Te Pai-
 pera Iti." Ea oti te korero aua kupu whakaaroha
 e aua turoro, a ka rongo i te hononga ake o ta te
 tamaiti mate " Hei mahi tena i te pai moku, a,
 kua tika!" Hoani 3.16. ka oho te Wairua i roto i
 a ratou, aka whakamahia e te Atua te Wairua Tapu
 ena kupu, i reira pu ano, hei whakatahurihanga
 mo  nga wairua ki te ora, Tera ano " he hari i
 te aroaro o nga Anahera o te Atua " mo nga
 tangata hara i ripeneta. Ea whakamahia tenei
 wharangi kotahi i whakapuakina nei e nga ngutu
 o  tenei tamaiti rawa-kore kuare, e te Kaha
 whakahara  o te Atua te wairua Tapu, ki roto ki
 taua hohipera a whakaorangie ana etahi wairua.
   Haere tonu ta tatou taki korero. Ea mutu te
 potete, ka hoki mai te mahara ka tahurihuri
 tana tamaiti nohinohi u a-na ki nga mea i tetahi
 taha i tetahi taha ona. Ano ra te nui ki tana
 titiro, me te kore turituri! Ki a ia, Kei hea
 ahau?   Kihai i aha, ka puta he reo no te
 moenga i tai atu o tona, i mea—E " Hoani Toru
  me te tekau ma ono, e pewhea ana koe i tenei
  ra?" ••'« Ha, na te aha koe i mohio ai ki toku
  ingoa hoa?"  " I mohio ai ne! Kihai koe i
 tamutumutu ki to Hoani Toru me te tekau ma
  ono, a ko ahau tetahi o matou te mea aha,
  Whakapaingia a Hoani Toru me te tekau ma
  ono," Miharo ana ki nga taringa o te tamaiti
  nei, te tangi o enei kupa. Eia huaina ia ko
  Whakapaingia! a ia kahore nei he tangata hei
atawhai.  " A, kahore koe i mohio nohea ranei
ena kapu—no  te Paipera." " Te Paipera ! he
aha tena?" .Kahore ano taua tamaiti marara
noa kia rongo noa ki te Paipera—taua pukapuka
Whakapainga,  ta te Atua kapa ki te tangata.
Ea mea  ia," Korerotia mai ki a au," s i te mea
ano  e tau ana nga kapu  ki ona taringa, ka
hameme  ia, ka mea, " Pai rawa atu tena, mo te
aroha katoa tena, e hara mo te po kotahi anake
tena kainga, otira he kainga pumau tonu!"
 Kihai i roa kua whakaako ia kua mohio ki era
 kupu, a ka mea, " Haunga anake ko taku ingoa
 hou, otira me tona apiti ano I" Katahi te mea
 whakahari. Ka pahure nga ra a rere ke. ana te
 ahua o te ruma':otira kahore to tatou hoa iti; i
 mokemoke; tana kai ko tona wharangi me ona
 kupu whakaahuareka, hore rawa ia i matau mea
 ake ia ko te whakamahi i aua kapu. Tenei ake
 ano tetahi atu wairua i roto i taua ruma e riro
 mai ki a te Karaiti i runga i tona mahinga, a i
 runga i tona ake whakapono u ko ia Hei waka e
 riro mai ai tera whakapainga.   Tera  tetahi
 koroheke, he nui rawa tona mate, e takoto ana i
 runga i te moenga  whakawerewere, kahore i
 matara ata i tona. I tetahi ata-tu ka haeremai
 tetahi wahine o te Hahi o Roma ki. te taha o
 tona moenga, ka mea atu, " E. Pateriki, e pewhea
 ana koe i tenei ra ?" Ka ki hemo atu te kau-
 matua,  " Ka nui te mate." " Ka patai atu te
 wahine ra, "Kua tae mai te Piriiti kia kite i a
 koe ?"  " Ahaha! ae, otira be whakanui tena i
 toku raro; kua whakawahia hoki ahau e ia ki te
 hinu tapu, a, ko te maka e mau i au hei mo te
 mate.  Kahore ahau e ngoto te tu ki te aroaro o
 te Atua, me pehea ahau ?" Ka ki waha iti atu
  ia, "Ka nui taku pouri ki a koe; titiro! tenei
  he tau pire, kua oti te whakapai e Tona Tapu e
  te Popa, ma enei koe e ahei ai te mate koakoa."
  Katahi ka heia e ia ki te kaki o te kaumatua ra,
  a, poroporoaki iho haere ana ki waho. Otira me
  pewhea e tenei tau pire ka rangimarie ai V
  tangata e haere atu  ana ki tera ao tuturu a
 kahore ano ana hara kia murua?  Katahi ka

TE HOA MAORI. kaha te hemo a Pateriki. " E te Atua kia aroha mai," ko tona karanga tenei, " He tangata tino hara nui ahau, ki ano ahau i horoia. Me pehea ahau ? Aue 1 he aha toku mutunga iho ?" Bongo mai ana ta tatou tamaiti ki ana kupu whakahiatangi, ka mea ana whakaaro. He mate ta te kaumatua nei u a-na ki tetahi pahi! Ka karanga atu ia, " E Pateriki, e matau ana ahau ki tetahi mea pai mou—tino mohio ahau—kua mahia e taua mea he pai moku." Katahi ka karanga aue ata a Pateriki, "E! kia tere te korero mai ki an, kia kite kau hoki ahau i tetahi mea hei mahi i te pai moku." Ano ra ko te te tamaiti, " Tenei ra ! whakarongo mai, Hoani 3.16. Kei te whakarongo koe ?" " Ae, ae tena ano." Hoani 8.16—Koia ano hoki te aroha o te Atua ki te ao, homai ana e Ia Tana Tamaiti kotahi, kia kahore ai e mate te tangata e whaka- pono ana ki a ia otira kia whiwhi ki te ora-tonu." Na enei kupu, ka kite a Pateriki i te rangimarie i tona whakahemokanga, a, tomo atu ana ki te ora-tonu, ka tae atu ano he wairua ki a te Karaiti no te ruma o tera hohipere—he kotahi ano te wharangi Karaipiture i runga i te whakapainga a te Wairua Tapa i tae ai. Hoki mai ana ki te ora ta tatou hoa iti. He roa tona puritanga i tenei wharangi kotahi mona, Hoani Toru me te Tekau ma ono. Whakapain- gia ana e ite Atua tana whakaponohanga ki enei kupu; Na te aroha o etahi hoa ka kawea ia ki te kura, a, i tenei wa, ka nui tona kaha ki te mahi o te Ariki. KO TE KUINI ME TE WHAEA TANGI ATU KI A IA. (THE QUEEN AND THE SORROWING MOTHER). TERA tetahi korero whakahiatangi e mau ana ki roto i nga nupepa o Kotarana mo te aroha o tetahi whaea. Ko tenei whaea, e rua ona tama tane kua whakataua e te whakawa kia mate a haere ra raro ata ana ia i Banana tae noa atu ki te whare o te Kuini i Kotarana ki te tono ora i te Kuini mo ana tama tokorua. E ai ki taua korero, haere ana taua whaea whaka- teraki tae noa ki Aperini a muri iho ki Paratera, kei konei ka mate ona waewae ka ngenge ia, a, tekau ma rua maero e toe atu ana ki Paramora te kainga o te Kuini. Me pehea ia? Eo tona kehi he porangi. Ko re takiwa e mau ana te ora ki ana tama e tata ana ki te pau. Ko te po makariri, pouri, mehameha e haere mai ana, a, i taua takiwa he kino te po mo te haere i te hotoke. Otira kahore te ngakau o te whaea i mahara- hara ki tona ngakau i tona ake mamae. I mohio ia ko ana tama i atawhaitia e ia i to raua itinga ki runga ki tona uma kei te whare herehere a kua whakataua kia taronatia. Kotahi rawa te mea i taua taone iti hei kawe tangata ki Para- mora-ko te kiki kawe mera, kotahi tonu nohoa- nga, mo te kai-whiu. I oho te aroha o te katoa ki a ia. Ka kawea te peeke mera ki te kiki a tukua ana te wahine koingo kia noho ki runga i te peeke. Heoi ka rere ia i taua po makariri, mehameha, rere te mataku, i tana tekau maero ma rua ki Paramora. Hore rawa ia maharahara tera tetahi pukapuka kei roto i taua peeke e nohoia ra e ia no te Hekeretere o te Kuini, i tukua atu kia hainatia e ia, a kua noa aua tangata i te here o te mate, na runga i te aroha o te Kuini. Eo taua pukapuka wewete i te ki whakamate mo ana tama e whaia atu nei e ia, kei raro tata iho ano i a ia, hore rawa ia kia. mohio. E kore e aha kua mutu te mamae o te ngakau o tena whaea a tona mohiotanga kei taua peeke taua pukapuka. Kati, hei aha hoki i korerotia atu ai nga mea katoa—tona whai korerotanga atu ki te Kuini—te ohiatanga atu o ta te Kuini ngakau whaea ki a ia i roto i tona pouri nui Heoi nei he kupu whakaotinga—ka tae nga pukapuka ka kitea i roto te mea kotahi hei hainatanga ma te

TE HOA MAORI Kuini, a ka oti te haina, heoi ano kua noa aua tangata kua tamaua kia raua te ki mo te mate. Kua ngaro te pouri i te koakoa. Kua riro te pikaunga taimaha. Whaihoki e te kai-korero i tenei, ko tou ahua ano tenei mehemea ki ano koe i whakaorangia— kua tamaua te whakataunga whakawa mo te tangata hara, heoi te mea e taria nei ko te whakamate- nga. Kua hara te katoa, a kahore e taea e ratou te kororia o te Atua. Kahore he roimata hei horoi i oa hara. Kahore e taea e koe te whakaka- hore ou mahi hara. Me pehea ra ka kahore ai te ki mate mou ? Whakarongo mai e kai- korero ki te kupu o te ora tonu. Ei te mea ka turia e te Atua he whakawa mou, he mate tonu ano tena mou. Otira, whakarongo! Kua whakaritea e te Atua he utu mou, a, i tenei wa e hoa kai-korero e hoatu ana e Ia tenei korero tuku mai Ana, ki o ringa, he mea ta. " Whakaorangia ia kei heke ki te rua: kua kitea hoki e ahau he utu."—HOPA 33.24. Tonoa mai ana e Atua Tona Tama; I mate a te Karaiti te tika mo te he, kia arahina ai tatou e ia ki te Atua. Na te Kuini i rapu mai te wetekanga o te ki whakamate. E hara na te hunga kua kiia kia mate Kahore noa iho e taea e raua tera. Wha- kaae mai kei te mate ngaro koe. Whakatikaia ta te Atua mou—e tu ki ta te tangata hara tunga, a Mana koe e whakatika. Mau tonu tenei murunga hara—Ae, he murunga rawa-tanga atu, mo ake tonu atu, kua mea hoki Ia, "E kore ano hoki e maharatia e ahau a ratou hara, a ratou kino a mua ake nei." Ko tenei katoa a tera atu he pono, mou tonu a te wa tonu e whaka. pono ai koe ki a Ihu, ko ona toto anake hoki, ae ra, ko Tona mahi oti, to te tan- gata hara okiokinga, kahore o ko atu. Kaua e whakaroa, e ai ta to matou tono atu, ko te whakapua- kanga whaka- mutunga pea hoki tenei, ki a koe, kei tenei puka- puka, o te korero kua tawhitotia, o te Aroha a te Atua ki te ao kua herea e te mate me Tona atawhai ki te hunga hara. Whakapiritia tou tohu ki te pono o ta te Atua, a, ko te maranga o oa hara hei naianei. Nana, Tenei te wa manakohanga mai; nana Tenei te ra o te whakaoranga. I mate a te Karaiti mo te hunga hara. Whakaae mai he tangata hara

TE HOA MAORL koe, a ka murua e te Atua te ki mate mou i tenei wa ano. Kua ea ia te Karaiti tau nama, kua pai te Atua ki tona whakautanga. E hoa kai-korero, kua pai ranei koe ? WHAKAORANGIA I TE MATE. (SAVED FROM DEATH). I TE raumati o te tan 18—, e ahau ana taku rere ki Monatiriara, i runga i tetahio nga tima nui o Amerika e rere tonu ana i te takiwa o Toronto o taua taone nui hoki. Ka tu matou ki tetahi tau- ranga whakau i te awa o Rarenehi, kei waho atu i te "Mano Motu" taiho e heke atu i "Nga rere"—e wha- karerea ana e ahau te tima, a, kua u ki te wapu, e haere atu ana hoki ahau ki te taone iti ki te whakarite whare moku mo te po, i kiki rawa koki te tima i te tangata. Kahore ahau i mohio ki te ahua o te hanga o te wapu, a, ko te korekoreko mai hoki o nga raiti e ka mai ana i ko atu kahore i roa taku haere ka mohio ahau, e, kei roto a hau i nga wai hohonu o te awa. Mahara rawa ake kua totohu ahau. I taku pueatanga ake ki runga kahore ahau i kite mea hei whakamanu i au. I taku korenga e mohio ki te kauhoehoe ka karanga ahau ki tetahi kai-whakaora, hohoro tonu te whakamaro a tetahi hoa i tona ringa hei hopu i au—kua kite pea hoki ia i ranga i te wapu i taku, taka- nga, kua rongo ranei i taku aue. Heahakoa ra, i roto i te pouritanga o taua po, me te raruraru, ka kawea mai e te Atua i runga i tono manaakitanga he kai-whakaora moku. Takoto wharoro ana te tangata ra ki runga ki te wapa whaka- maro mai ai te ringa me te karanga mai ki au kia hopu ahau na tenei ka ora ahau i te paremo. Ei ta te tangata wha- kaaro, na te ringa kaha anake o tetahi hoa aroha, kahore ahau i mohia ki ia kowai ranei • ia nana ahau i whakaora. He pono te hopukanga atu o toku ringa ki tona; otira ko ia taku kai-whakaora, a, ki a ia nga whakawhetai- tanga.

TE HOA MAORI. Ei muri iho, ka whakaaro ahau ki taku whakaoranga, e, te rite hoki o tenei ki ta te Atua whakaora "atawhai." Tenei he tangata ko te mate, otira, tu mai ana he kai-whakaora. E mea ana te Atua, " Whakaorangia ia kei heke ki te rua; kua kitea hoki e ahau he utu." Kahore atu he kai-whakaora e rapu atu ai. Ko tona ringa e kaha ana ki te whakaora. E hopukia ana e te whakapono, te ora whakamaro mai e te Atua. Ki taku mahara ake, ko te tangata i hopu ki au taku kaiwhakaora; kahore hoki aku kaha ki te whakaora i au ano. Heoi he mea maku, he inoi mona, kia whakawhiwhia ia ki te whakao- ranga nui. Te tino whakamarama mai a tenei whakao- ranga oku ki ta te Atua atawhai whakaora! He aha he mahi mana ? heoi mana he pupuri u tonu ki a ia e " Kaha rawa ana "—he whaka- rongo ki Tona reo i a ia e mea nei, " Tahuri mai ki au, kia ora ai koutou .. ko ahau hoki te Atua, kahore atu. Ma te ngakau hoki kia whakapono ka tika ai; ma te mangai kia whakaae ka ora ai." HE AHA TE RONGO PAI (WHAT IS THE GOSPEL ?) • HONO ana to tatou rongo i te kupu nei "Kauhautia te Rongo Pai," '• E haere ana kia rongo i te Bongo Pai," " E paopao ana i te Bongo Pai" he aha te tikanga kia tatou o ena kupu? Ko tena kupu "Rongo Pai" he kupu na mua ko tona tikanga tenei, Ko te kupu mai a te Atua, he rongo whakahari, he mea whakakoakoa i tatou. E hara i te pukapuka, e hara i te mea, otira he kupu i tonoa mai. He pera me te Tere- karamu waea e hara i te pepa i tuhia ai a ranga, e hara i te tamaiti i kawea mai ai, e hara i te waea i rere mai ai, otira ko nga kupu i tukua mai. Whaihoki, e hara te Rongo Pai i te Pai- pera e hara ano hoki i te Kai-kauhau i te Apotoro ranei, otira ko nga kupu tonu he tono- nga mai na te Atua ki nga tane ki nga wahine me nga tamariki katoa e hiahia ana ki te hopu. E haere mai ana he tino kupu ki a koe pa ano, e te kai-korero i tenei, pena tona ano i tomo mai he tamaiti me tetahi kopaki pukapuka nou te ingoa e mau ana a hoatu ai ki a koe, ko enei nga kupu. Haere mai ki ahau, e koutou katoa e mauiui ana e taimaha ana a maku koutou e whakaokioki. Ki te pai koutou, a koutou nei akiri noa atu i te Terekaramu ki te ahi panga noa atu kaua rawa he maharahara, me whaka- rongo ranei ki ona tono. Pena tonu hoki nga kupu o te Bongo Pai. E! kaua e waihotia noa- tia iho. Kua tukua atu i naianei, e te Atua, nga kupu o tona aroha me tona atawhai ki a koe. E tono nei Ia ki a koe kia Haeremai ki a te Karaiti a kia haeremai i tenei wa ano. Tera e kite koe i tana kupu tono mai kua tuhituhia i te Rongo Poi o."—MATIU 11. 28. " Me pehea ka ora ai tatou ki te paopao tatou ki tenei oranga nui?"—HIPERU 2. 3. " Me whakapono ki te Ariki ki a Ihu Karaiti ka ora ai koe."—NGA MAHI 16. 31.

Ia totou hoki e ngoikore ana, i te wa i rite ai, ka mate a te Karaiti mo te hunga hara. E mate whakauaua hoki tetahi mo te tangata tika; tera pea ia tetahi e maia ki te mate mo te tangata pai. Heoi e whakakitea nuitia ana e te Atua tona aroha ki a tatou, ia tatou hoki e hara ana, ka mate a te Karaiti mo tatou. ROMA 5. 6—8. He mea ta e George Coutts,kite whare o te Paipera pukapuka hoki, Karangahape, Akarana. Te utu kotahi pene, ka rere ma te mera he pene me te hawhe pene,—6 herini mo te rau, Published by George Coutts at the Bible and Book Depot, Karangahape Road, Auckland. Price one penny, by Post 1½ — 6/- per hundred.